Month: August 2022

အစ္စလာမ္မာဘတ်၊ သြဂုတ်-၂၈-၂၀၂၂ မျိုးဆက်(VOM) ပါကစ္စတန်နိုင်ငံမှာ လူ ၁၀၀၀ ကျော်သေဆုံးခဲ့တဲ့ ရေဘေးကြောင့် နိုင်ငံတကာက အကူအညီတွေပေးဖို့ တာ၀န်ရှိသူတွေက တောင်းခံထားရပါတယ်။ အမေရိကန်၊ ဗြိတိန်၊ ယူအေအီးနဲ့ အခြားနိုင်ငံတွေက ရေဘေးအတွက် ကူညီမှုတွေ ပေးခဲ့ပေမယ့်လည်း ရန်ပုံငွေများစွာ လိုအပ်နေသေးတယ်လို့ ပါကစ္စတန်ပြည်ထဲရေး၀န်ကြီးဌာနက တာ၀န်ရှိသူ ဆယ်လ်မန်ဆူဖီက ပြောပါတယ်။ နိုင်ငံတွင်းမှာ ဇွန်လကတည်းက ဖြစ်ပွားခဲ့တဲ့ ရေကြီးရေလျှံမှုတွေကြောင့် လူ ၁၀၀၀ ကျော်သေဆုံးခဲ့ပြီး လူသန်းပေါင်းများစွာ အိုးမဲ့အိမ်မဲ့ ဖြစ်ခဲ့ရကာ ရေဘေးသင့်ပြည်သူတွေကို အစွမ်းကုန်ကူညီဖို့ ကြိုးစားနေကြောင်း သူကပြောပါတယ်။ နိုင်ငံအနောက်မြောက်ပိုင်း Khyber Pakhtunkhwa ပြည်နယ်မှာ မြစ်တွေရေလျှံမှုကြောင့် လူထောင်ပေါင်းများစွာ ဘေးလွတ်ရာကို ထွက်ပြေးခဲ့ရပြီး အရှေ့တောင်ပိုင်းမှာရှိတဲ့ Sindh ပြည်နယ်ကတော့ ရေဘေးဒဏ် အခံရဆုံးဖြစ်ပါတယ်။ ရေးကြီးရေလျှံမှုကြောင့် နိုင်ငံလူဦးရေ ၁၅ ရာခိုင်နှုန်းဖြစ်တဲ့ ပြည်သူ ၃၃ သန်းရေဘေးသင့်ခဲ့ရတယ်လို့ ပါကစ္စတန်၀န်ကြီးချုပ်…

ဝါရှင်တန်၊ သြဂုတ်-၂၈-၂၀၂၂ မျိုးဆက်(VOM) အမေရိကန် စစ်သေင်္ဘာနှစ်စင်းဟာ ထိုင်၀မ်ရေလက်ကြားကို သြဂုတ် ၂၇ ရက်မှာ ဖြတ်သန်းခုတ်မောင်းခဲ့ကြောင်း အမေရိကန်ရေတပ်က ထုတ်ပြန်ကြေညာပါတယ်။ အမေရိကန်အောက်လွှတ်တော်အမတ် နန်စီပလိုစီ ထိုင်၀မ်ကို သြဂုတ်လမှာ သွားရောက်တဲ့ ကိစ္စနဲ့ပတ်သက်ပြီး အမေရိကန်နဲ့ တရုတ်တို့အကြား တင်းမာမှုတွေ မြင့်တက်နေပြီးနောက် ထိုင်၀မ်ရေလက်ကြားကို အမေရိကန်စစ်သင်္ဘောတွေ ပထမဆုံး ဖြတ်သန်းခုတ်မောင်းတာဖြစ်ပါတယ်။ နန်စီပလိုစီရဲ့ ထိုင်၀မ်ခရီးစဉ်အပေါ် တရုတ်နိုင်ငံကလည်း ကျွန်းအနီးမှာ အကြီးစားစစ်ရေးလေ့ကျင့်မှုတွေ ပြုလုပ်ပြီး တုံ့ပြန်ခဲ့ပါတယ်။ ပဲ့ထိန်းဒုံးကျည်တွေ တပ်ဆင်ထားတဲ့ အမေရိကန်စစ်သင်္ဘော USS Antietam နဲ့ USS Chancellorsville တို့ဟာ ထိုင်၀မ်ရေလက်ကြားကို ခုတ်မောင်းခဲ့ပြီး ဒါဟာ နိုင်ငံတကာရေပိုင်နက်မှာ လွတ်လပ်စွာ ခုတ်မောင်းသွားလာခွင့်ကို ပြသတာဖြစ်တယ်လို့ အမေရိကန် ရေတပ်က ထုတ်ပြန်ပါတယ်။ တရုတ်နိုင်ငံဟာ ထိုင်၀မ်ကို သူ့ရဲ့ပိုင်နက်အဖြစ် ရှုမြင်ထားပြီး ပြည်မကြီးနဲ့ ပြန်လည်ပေါင်းစည်းရေးအတွက် လိုအပ်ရင် စစ်အင်အားအသုံးပြုမယ်လို့…

မော်စကို၊ သြဂုတ်၂၈-၂၀၂၂ မျိုးဆက်(VOM) ရုရှားသမ္မတပူတင်ဟာ လာမယ့်လတွေအတွင်း ရုရှားစစ်တပ်မှာ တပ်ဖွဲ့၀င် ၁၃၇၀၀၀ ကို ထပ်မံခန့်အပ်နိုင်ဖွယ်ရှိတဲ့ အမိန့်တရပ်ကို လက်မှတ်ရေးထိုးထုတ်ပြန်လိုက်ပါတယ်။ လက်ရှိမှာတော့ ရုရှားစစ်တပ်မှာ စစ်ဘက်၀န်ထမ်း တသန်းကျော်နဲ့ အရပ်ဘက်၀န်ထမ်း ကိုးသိန်းသာ ခန့်အပ်ဖို့ ကန့်သတ်ထားပါတယ်။ ရုရှားနိုင်ငံအနှံ့မှာ ငွေကြေးမက်လုံးများစွာနဲ့ တပ်သားသစ်စုဆောင်းရေး တွန်းအားပေးလုပ်ဆောင်မှုတွေရှိနေချိန်မှာ သမ္မတပူတင်က အမိန့်ကို လက်မှတ်ထိုးလိုက်တာဖြစ်ပါတယ်။ ပြီးခဲ့တဲ့ခြောက်လအတွင်း ယူကရိန်းကို ရုရှားကကျူးကျော်တိုက်ခိုက်ချိန်မှစပြီး စစ်ပွဲအတွင်း ရုရှားတပ်ဖွဲ့၀င် ခုနှစ်သောင်းမှ ရှစ်သောင်းအကြား သေဆုံးခဲ့တယ်လို့ အနောက်နိုင်ငံတာ၀န်ရှိသူတွေက ပြောပါတယ်။ တပ်သားသစ်စုဆောင်းသူတွေဟာ အကျဉ်းထောင်တွေကိုပါ သွားရောက်ပြီး ထောင်ကလွတ်မြောက်ခွင့်နဲ့ ငွေကြေးပါပေးပြီး အကျဉ်းသားတွေကို တပ်သားသစ်အဖြစ် စုဆောင်းနေတယ်လို့ သတင်းတွေထွက်ပေါ်နေပါတယ်။ ရုရှားဒေသအများအပြားမှာ စေတနာ့၀န်ထမ်းတပ်ရင်းတွေ တည်ထောင်ထားကြောင်း ဗြိတိန်ကာကွယ်ရေး၀န်ကြီးဌာနက ထုတ်ဖော်ပြောဆိုထားပါတယ်။ ဒါပေမယ့်လည်း ယူကရိန်းစစ်မြေပြင်ကို သွားရောက်ဖို့အတွက် စိတ်အားထက်သန်မှုနည်းပါးတာကြောင့် တပ်သားသစ်တွေစုဆောင်းရေးဟာ ထင်သလောက် မလွယ်လှဘူးလို့ ဆိုပါတယ်။ Ref:…

တိုင်ပေ၊ သြဂုတ်-၂၆-၂၀၂၂ မျိုးဆက်(VOM) တရုတ်နိုင်ငံရဲ့ ဖိအားတွေမြင့်တက်နေချိန်မှာ လာမယ့်နှစ်အတွက် ကာကွယ်ရေးအသုံးစရိတ်ကို စံချိန်တင်ပမာဏထိ ထိုင်၀မ်သမ္မတဆိုင်အင်း၀မ်က အဆိုပြုထားပါတယ်။ လာမယ့်နှစ်အတွက် အထွေထွေဘက်ဂျက်ကို သြဂုတ် ၂၅ ရက်ကပြုလုပ်တဲ့ ၀န်ကြီးအဖွဲ့အစည်းအဝေးမှာ အတည်ပြုခဲ့ပြီး ဒီထဲကမှ ဒေါ်လာ ၁၉ ဒသမ ၄ ဘီလီယံရှိတဲ့ ကာကွယ်ရေးအသုံးစရိတ်ကို သမ္မတက အဆိုပြုထားတာဖြစ်ပါတယ်။ အဲဒီကာကွယ်ရေးအသုံးစရိတ်ဟာ ယခုနှစ်အသုံးစရိတ်ထက် ၁၃ ဒသမ ၉ ရာခိုင်နှုန်း ပိုမိုများပြားပြီး လာမယ့်နှစ်အတွက် ထိုင်၀မ်ဂျီဒီပီရဲ့ ၂ ဒသမ ၄ ရာခိုင်နှုန်းနဲ့ ညီမျှနေပါတယ်။ အဆိုပြုထားတဲ့ ကာကွယ်ရေးအသုံးစရိတ်ထဲမှာ အဆင့်မြင့် F-16V တိုက်လေယာဉ်တွေ၀ယ်ယူဖို့ ၊ ဒုံးကျည်တွေနဲ့ အခြားစစ်သုံးပစ္စည်းတွေ အမြောက်အများထုတ်လုပ်ဖို့တွေ ပါ၀င်နေပါတယ်။ ကျွန်းအနီးမှာ တရုတ်ရဲ့ စစ်ရေးလှုပ်ရှားမှုတွေ တိုးမြှင့်လာတာချိန်မှာ စစ်လေယာဉ်နဲ့ သင်္ဘောတွေ တိုးမြှင့်ချထားဖို့ လိုအပ်တာကြောင့် ကာကွယ်ရေးအသုံးစရိတ်တောင်းခံမှု ပိုမိုများပြားလာတာဖြစ်တယ်လို့…