Day: September 29, 2022

၀ါရှင်တန်၊ စက်တင်ဘာ-၂၉-၂၀၂၂ မျိုးဆက်(VOM) ဂျပန်၀န်ကြီးချုပ်ဟောင်း ရှင်ဇိုအာဘေးရဲ့ စျာပနမှာ ဂျပန်နိုင်ငံဆိုင်ရာ မြန်မာသံအမတ်ကြီးကို ဖိတ်ကြားပြီး တက်ရောက်ခွင့်ပြုခဲ့တဲ့အပေါ် ဂျပန်အစိုးရကို နိုင်ငံတကာလူ့အခွင့်အရေးအဖွဲ့တွေက ရှုတ်ချဝေဖန်လိုက်ပါတယ်။ ရှင်ဇိုအာဘေးရဲ့နိုင်ငံတော်စျာပနကို တက်ရောက်ခဲ့တဲ့ မြန်မာသံအမတ်ဦးစိုးဟန်ရဲ့ ဓါတ်ပုံတွေကို မြန်မာနိုင်ငံခြားရေး၀န်ကြီးဌာနက လူမှုကွန်ရက်မှာ ဖော်ပြထားခဲ့ပါတယ်။ စစ်တပ်က အုပ်ချုပ်နေတဲ့နိုင်ငံက ကိုယ်စာလှယ်ကို ဒီလိုတက်ရောက်ခွင့်ပြုတာဟာ သူတို့ရဲ့လုပ်ရပ်ကို အတည်ပြု အသိအမှတ်ပြုတဲ့သဘောဖြစ်နေကြောင်း လူ့အခွင့်အရေးအဖွဲ့တခုဖြစ်တဲ့ Human Rights Watch တာ၀န်ရှိသူတဦးကပြောပါတယ်။ မြန်မာနိုင်ငံမှာ ပြီးခဲ့တဲ့နှစ်က နိုင်ငံရေးအပြောင်းအလဲဖြစ်ပွားပြီးနောက်မှာ အာဏာပိုင်တွေရဲ့ ဖြိုခွဲမှုကြောင့် ဆန္ဒပြသူတွေနဲ့ တက်ကြွလှုပ်ရှားသူအများအပြားသေဆုံးခဲ့ပါတယ်။ဒီကိစ္စတွေနဲ့ပတ်သက်ပြီး စိုးရိမ်ပူပန်ကြောင်း၊ ဖမ်းဆီးထံထားရတဲ့ အရပ်သားတွေကို ပြန်လွှတ်ပေးဖို့၊ အကြမ်းဖက်မှုတွေ ရပ်တန့်ဖို့နဲ့ ဒီမိုကရေစီလမ်းကြောင်းပေါ် ပြန်လည်လျှောက်လှမ်းဖို့ ဂျပန်နိုင်ငံက အနောက်နိုင်ငံတွေနဲ့အတူ တိုက်တွန်းခဲ့ပါတယ်။ ဂျပန်အစိုးရအနေနဲ့ ၀န်ကြီးချုပ်ဟောင်းရဲ့စျာပနမှာ သံတမန်ဆက်ဆံရေးရှိတဲ့ နိုင်ငံအားလုံးကို ဖိတ်ကြားခဲ့တာဖြစ်ပြီး စျာပနပွဲရဲ့သဘောသဘာ၀အရ ဆုံးဖြတ်ခဲ့တာဖြစ်ပြီး မြန်မာနိုင်ငံလိုမျိုး အခြားနိုင်ငံတွေကိုလည်း ဖယ်ထုတ်ထားခြင်းမရှိဘူးလို့…

နေပြည်တာ်၊ စက်တင်ဘာ ၂၉-၂၀၂၂ KT(VOM) ဒေါ်အောင်ဆန်းစုကြည်နဲ့ စီးပွားရေးအကြံပေး မစ္စတာရှောင်တာနယ်လ်တို့ကို နေပြည်တော်ထောင်တွင်း အထူးတရားရုံးကနေ နိုင်ငံတော်လျှို့ဝှက်ချက်အက်ဥပဒေ ပုဒ်မ ၃ (၁) ဂ နဲ့ ထောင်သုံးနှစ်စီချမှတ်လိုက်တယ်လို့ တရားရေးနဲ့ နီးစပ်တဲ့ အသိုင်းက သိရပါတယ်။ သူတို့နဲ့အတူ တရားစွဲဆိုခံထားရတဲ့ စီမံဘဏ္ဍာဝန်ကြီးဟောင်း ဦးစိုးဝင်း၊ ဦးကျော်ဝင်းနဲ့ ဒုဝန်ကြီးဟောင်း ဦးဆက်အောင်တို့သုံးဦးလည်း ဒီပုဒ်မနဲ့ ထောင်ဒဏ်သုံးနှစ်စီချမှတ်ခံရတယ်လို့ တရားရုံးနဲ့နီးစပ်တဲ့အသိုင်းအဝိုင်းက သိရပါတယ်။ ဒေါ်အောင်ဆန်းစုကြည်ကတော့ ဒီအမိန့်အပေါ်မှာတစ်စုံတစ်ရာမှတ်ချက်ပြုပြောကြားတာမရှိကြောင်းနဲ့ ရုံးချိန်းပြီးပြီးချင်းမှာပဲ နေပြည်တော်အချုပ်ထောင်တွင်းပြန်လည်ထွက်ခွာသွားတယ်လို့သိရပါတယ်။ မစ္စတာရှောင်တာနယ်ကတော့ လူဝင်မှုကြီးကြပ်ရေးဥပဒေဖောက်ဖျက်မှုနဲ့ နောက်ထပ်အမှုတစ်ခုကို အဲဒီ နေပြည်တော်အထူးတရားရုံးမှာဆက်လက်ရင်ဆိုင်နေရပြီး မကြာခင်မှာ အပြီးသတ် အမိန့်ချမှတ်ခံရဖို့ရှိနေတယ်လို့ သိရပါတယ်။ ဒီအမှုကို စတင်စွဲဆိုစဥ်က ဖမ်းဆီးခံခဲ့ရပြီးကျန်းမာရေးအခြေအနေအရ အာမခံလျှောက်ထားခဲ့တာကြောင့် အမှုကိုပြင်ပကနေရင်ဆိုင်ခဲ့ရတဲ့ စီမံဘဏ္ဍာဝန်ကြီး ဦးစိုးဝင်းဟာလည်း ထောင်သုံးနှစ်ချမှတ်ခံရတဲ့အတွက် အကျဥ်းထောင်ပြောင်းရွှေ့ခံရဖို့ရှိတယ်လို့ သိရပါတယ်။ ဒေါ်အောင်ဆန်းစုကြည်ဟာ အမှုပေါင်း ၁၉ မှုဖြင့် တရားစွဲခံထားရပြီး အမှု…