Month: September 2022

ဝါရှင်တန်၊ စက်တင်ဘာ-၇-၂၀၂၂ မျိုးဆက်(VOM) အမေရိကန်အစိုးရထံကနေ ရန်ပုံငွေရရှိထားတဲ့ အမေရိကန်နည်းပညာကုမ္ပဏီတွေအနေနဲ့ တရုတ်နိုင်ငံမှာ အဆင့်မြင့်နည်းပညာစက်ရုံ အလုပ်ရုံတွေလုပ်ကိုင်ခြင်းကို ၁၀နှစ်ကြာ ပိတ်ပင်သွားမယ်လို့ ဂျိုးဘိုင်ဒင်ရဲ့ အမေရိကန်အစိုးရက စက်တင်ဘာ ၆ ရက်မှာ ထုတ်ပြန်လိုက်ပါတယ်။ အမေရိကန်မှာ တပိုင်းလျှပ်ကူးပစ္စည်းထုတ်ကုန် လုပ်ငန်းတွေ တည်ဆောက်ဖို့ အစိုးရက နည်းပညာကုမ္ပဏီတွေကို ထောက်ပံ့ဖို့ ဒေါ်လာ ၅၀ ဘီလီယံ အသုံးပြုဖို့စီစဉ်ပြီးနောက် အခုလို ကန့်သတ်မှု ပြုလိုက်တာဖြစ်ပါတယ်။ အမေရိကန်နည်းပညာကုမ္ပဏီတွေဟာ တရုတ်နိုင်ငံအပေါ် မှီခိုအားထားနေရတာတွေကို လျှော့ချဖို့ကြိုးပမ်းမှုမှာ အစိုးရရဲ့ ပံ့ပိုးကူညီမှုရရှိဖို့ တွန်းအားပေးမှုတွေပြုလုပ်ပြီးနောက် အစိုးရက ရန်ပုံငွေထောက်ပံ့ဖို့ စီစဉ်ခဲ့တာဖြစ်ပါတယ်။ နည်းပညာကုမ္ပဏီတွေအနေနဲ့ ထောက်ပံ့ရေးကွင်းဆက် ပြတ်တောက်မတွေနဲ့ ထုတ်လုပ်မှုနှေးကွေးမှုတွေကြောင့် ကမ္ဘာလုံးဆိုင်ရာ ချစ်ပ်ပြတ်လပ်မှုနဲ့ ရင်ဆိုင်နေရပါတယ်။ ရန်ပုံငွေရရှိထားတဲ့ ကုမ္ပဏီတွေအနေနဲ့ နိုင်ငံတော်လုံခြုံရေးအတွက် အကာအကွယ်နည်းလမ်းတွေကို အကောင်အထည်ဖော်ဆောင်ရွက်သွားရမှာဖြစ်ပြီး ရန်ပုံငွေတွေကို အသုံးပြုပြီး တရုတ်နိုင်ငံမှာ ၁၀ နှစ်ကြာ ရင်းနှီးမြုပ်နှံမှု မပြုရကြောင်း…

ဟနွိုင်း၊ စက်တင်ဘာ-၇-၂၀၂၂ မျိုးဆက်(VOM) ဗီယက်နမ်နိုင်ငံတောင်ပိုင်း ဟိုချီမင်းမြို့တော်အနီးရှိ ကာရာအိုကေဆိုင်တခုမှာ မီးလောင်ကျွမ်းမှုကြောင့် လူ ၁၄ ဦးထက်မနည်းသေဆုံးပြီး အများပြားဒဏ်ရာရရှိခဲ့ပါတယ်။ ကာရာအိုကေဆိုင်ရဲ့ အပေါ်ထပ်မှာ စက်တင်ဘာ ၆ ရက်ညပိုင်းက မီးလောင်ကျွမ်းမှုစတင်ဖြစ်ပွားခဲ့တာဖြစ်ပြီး လာရောက်သီဆိုသူ အများအပြား ပိတ်မိခဲ့ပါတယ်။ မီးလောင်ချိန်မှာ ဒုတိယထပ်နဲ့ တတိယထပ်ကနေ လူလေးဦးခုန်ချခဲ့ပြီး ဒဏ်ရာတွေရခဲ့ပေမယ့် အသက်ရှင်လွတ်မြောက်ခဲ့တယ်လို့ ဒေသတွင်း သတင်းဌာနတွေက ပြောပါတယ်။ မီးလောင်မှုကို ထိန်းချုပ်ဖို့ တနာရီကျော်ကြာ အချိန်ယူခဲ့ရပြီး မီးလောင်ရတဲ့ အကြောင်းရင်းကို တာ၀န်ရှိသူတွေက စုံစမ်းစစ်ဆေးမှုတွေ လုပ်ဆောင်နေကြပါတယ်။ ဗီယက်နမ်နိုင်ငံမှာ ကာရာအိုကေဆိုင်မီးလောင်မှုဟာ ဒါပထမဆုံးအကြိမ်မဟုတ်ပါဘူး။ ပြီးခဲ့တဲ့လအတွင်းကလည်း ဟနွိုင်းမြို့မှာရှိတဲ့ ကာရာအိုကေဆိုင်တခုမီးလောင်ခဲ့ပြီး မီးငြှိမ်းဖို့ကြိုးစားတဲ့ မီးသတ်သမားသုံးဦး သေဆုံးခဲ့ပါတယ်။ Ref: BBC Photo: AN PHONG #voiceofmyanmar #VOM #ဟနွိုင်း

လန်ဒန်၊ စက်တင်ဘာ-၇-၂၀၂၂ မျိုးဆက်(VOM) ဗြိတိန်အာဏာရ ကွန်ဆာဗေးတစ်ပါတီရဲ့ ခေါင်းဆောင်သစ် လစ်ဇ်ထရပ်စ်ကို ဗြိတိန်၀န်ကြီးချုပ်အဖြစ် စက်တင်ဘာ ၆ ရက်မှာ ခန့်အပ်လိုက်ပါတယ်။ လစ်ဇ်ထရပ်စ်ဟာ အဲဒီနေ့မှာ စကော့တလန်ကိုသွားရောက်ပြီး ဘုရင်မကြီး အဲလိဇဘက်ကို သွားရောက်တွေ့ဆုံခဲ့ပါတယ်။ ၀န်ကြီးချုပ်သစ် မစ္စထရပ်စ်ဟာ ယခင်၀န်ကြီးချုပ် ဘောရစ်ဂျွန်ဆင်လက်ထက်က ဖြစ်ပွားခဲ့တဲ့ အကျပ်အတည်းတွေကို ဖြေရှင်းရဖို့ရှိနေပါတယ်။ နိုင်ငံစီးပွားရေးဖွံ့ဖြိုးတိုးတက်ဖို့အတွက် ရဲရင့်တဲ့ အစီအစဉ်တွေနဲ့ ဗြိတိန်ပြည်သူတွေကို အကာအကွယ်ပေးမယ်လို့ ဒေါင်းနင်းလမ်းမှာရှိတဲ့ ၀န်ကြီးချုပ်ရုံးမှာ ပထမဆုံးပြောတဲ့ မိန့်ခွန်းမှာ သူက ကတိပြုခဲ့ပါတယ်။ ဗြိတိန်ပြည်သူတွေအနေနဲ့ ရင်ဆိုင်နေရတဲ့ စိန်ခေါ်မှုတွေကို တုန်လှုပ်မနေသင့်ဘဲ ကြံ့ကြံ့ခံရင်ဆိုင်ရမယ်လို့ သူကပြောပါတယ်။ ဗြိတိန်မှာ ငွေကြေးဖောင်းပွမှု ၁၀ ရာခိုင်နှုန်းကျော်ထိ မြင့်တက်လာပြီး စီးပွားရေးတိုးတက်မှု နှေးကွေးကာ အတိုးနှုန်းတွေမြင့်တက်လာချိန်မှာ လစ်ဇ်ထရပ်စ်က ၀န်ကြီးချုပ်တာ၀န် ထမ်းဆောင်ရမှာဖြစ်ပါတယ်။ ဗြိတိန်မှာ စွမ်းအင်ကုန်ကျစရိတ်တွေမြင့်တက်လာမှုကို လျှော့ချမယ်လို့ သူမက ကတိပြုခဲ့သလို ပြည်သူတွေအတွက် ကျန်းမာရေး၀န်ဆောင်မှုတွေကိုလည်း…