Year: 2022

ဝါရှင်တန်၊ မေ-၃၁-၂၀၂၂ မျိုးဆက်(VOM) ရုရှားနိုင်ငံထိ ပစ်ခတ်နိုင်တဲ့ ဒုံးကျည်စနစ်တွေကို ယူကရိန်းကို ထောက်ပံ့မှာမဟုတ်ဘူးလို့ အမေရိကန်သမ္မတ ဂျိုးဘိုင်ဒင်က ထုတ်ဖော်ပြောဆိုလိုက်ပါတယ်။ တာဝေးပစ်ဒုံးပျံစနစ်တွေကို ယူကရိန်းကို ပေးပို့ထောက်ပံ့မှာလားလို့ သမ္မတဂျိုးဘိုင်ဒင်ကို သတင်းထောက်တယောက်က မေ ၃၀ ရက်မှာ မေးမြန်းမှုကို အခုလိုတုံ့ပြန်ဖြေကြားခဲ့တာဖြစ်ပါတယ်။ ယူကရိန်းအရှေ့ပိုင်းမှာ ရုရှားရဲ့ ပြင်းထန်တဲ့ ပစ်ခတ်တိုက်ခိုက်မှုတွေကို တုံ့ပြန်ဖို့အတွက် တာဝေးပစ်လက်နက်တွေ ထောက်ပံ့ပေးဖို့ ယူကရိန်းတာ၀န်ရှိသူတွေက တောင်းဆိုမှုပြုနေပါတယ်။ တောင်းဆိုနေတဲ့ လက်နက်တွေထဲမှာ ကီလိုမီတာ ၃၀၀ ထိပစ်ခတ်နိုင်တဲ့ ဒုံးကျည်စနစ်တွေလည်း ပါ၀င်ပါတယ်။ ဂျိုးဘိုင်ဒင်ရဲ့ အမေရိကန်အစိုးရဟာ ယူကရိန်းအတွက် စစ်ရေးအကူအညီတွေ အကြီးအကျယ်ပေးနေပါတယ်။ ဒါပေမယ့် ရုရှားကို အလွန်အကျွံရန်စလိုမျိုးကနေ ရှောင်ကြဉ်ဖို့ အမေရိကန်တာ၀န်ရှိသူတွေက သတိထား လုပ်ဆောင်နေတယ်လို့ ယူဆရပါတယ်။ လက်ရှိမှာတော့ ရုရှားတပ်တွေဟာ ယူကရိန်းအရှေ့ပိုင်းကို အကြီးအကျယ်ထိုးစစ်ဆင်နေပြီး ဖေဖော်ဝါရီလအတွင်းက ယူကရိန်းကိုမကျူးကျော်ခင် လွတ်လပ်ရေးကြေညာထားတဲ့ လူဟန့်စ်ဒေသတခုလုံးနီးပါးက သိမ်းပိုက်ထားနိုင်ပြီဖြစ်ပါတယ်။ Ref:…

တိုင်ပေ၊ မေ-၃၁-၂၀၂၂ မျိုးဆက်(VOM) ထိုင်၀မ် လေကြောင်းကာကွယ်ရေးဇုန်အတွင်းကို တရုတ်စစ်လေယာဉ်အစင်း ၃၀ ၀င်ရောက်လာတာကြောင့် တိုက်လေယာဉ်တွေ ဖြန့်ကြက်ခဲ့ရကြောင်း ထိုင်၀မ်စစ်ဘက်က ထုတ်ပြန်ပါတယ်။ ထိုင်၀မ် လေကြောင်းရန်ကာကွယ်ရေးဇုန်အတွင်းသို့ တရုတ်စစ်လေယာဉ်တွေ မေ ၃၀ ရက်မှာ ၀င်ရောက်တဲ့ဖြစ်စဉ်ဟာ ဇန်နဝါရီလနောက်ပိုင်း လေယာဉ်အများအပြား ၀င်ရောက်မှုလည်းဖြစ်ပါတယ်။ လေယာဉ်တွေဟာ ထိုင်၀မ်လေကြောင်းရန် ကာကွယ်ရေးဇုန်ရဲ့ တစ်စိတ်တစ်ပိုင်ဖြစ်တဲ့ ပရာတက်စ်ကျွန်းစုရဲ့ အရှေ့မြောက်ဧရိယာအတွင်း ပျံသန်းသွားကြောင်း ထိုင်၀မ် ကာကွယ်ရေး၀န်ကြီးဌာနက ထုတ်ပြန်ထားပါတယ်။ တိုင်ပေကို ကျူးကျော်ခြင်းမပြုဖို့ အမေရိကန်သမ္မတဂျိုးဘိုင်ဒင်က သူ့ရဲ့ အာရှခရီးစဉ်အတွင်း တရုတ်ကိုသတိပေးခဲ့ပြီး အမေရိကန်ထိပ်တန်းတာ၀န်ရှိသူတစ်ဦးကလည်း တိုင်ပေသို့သွားကာ တာ၀န်ရှိသူတွေနဲ့ လုံခြုံရေးဆိုင်ရာတွေဆွေးနွေးခဲ့ပါတယ်။ ထိုင်၀မ်ကို ခွဲထွက်ပြည်နယ်တခုအဖြစ် တရုတ်နိုင်ငံက ရှုမြင်ထားပြီး ပြန်လည်ပေါင်းစည်းနိုင်ဖို့အတွက် လိုအပ်ရင် အင်အားသုံးမယ်လို့ ထုတ်ဖော်ပြောဆိုထားပါတယ်။ တရုတ်နိုင်ငံဟာ မကြာသေးမီလတွေအတွင်း လေကြောင်းဆိုင်ရာ လှုပ်ရှားမှုတွေကို တိုးမြှင့်ခဲ့ပြီး ဒါဟာ လေ့ကျင့်ရေးပြုလုပ်ခြင်းသာဖြစ်တယ်လို့ အခိုင်အမာပြောဆိုထားပေမယ့် ဒီလုပ်ရပ်တွေကြောင့် ဒေသတွင်းမှာ…

ဘရာဆီးလီးယား၊ မေ-၃၀-၂၀၂၂ မျိုးဆက်(VOM) ဘရာဇီးနိုင်ငံအရှေ့မြောက်ပိုင်းမှာ မိုးသည်းထန်စွာရွာသွန်းပြီး ရေကြီးရေလျှံမှုနဲ့ မြေပြိုမှုတွေကြောင့် လူ ၇၉ ဦးထက်မနည်းသေဆုံးကာ အများအပြားပျောက်ဆုံးနေပါတယ်။ ပါနမ်ဘူကိုပြည်နယ်နဲ့ သူ့ရဲ့မြို့တော် ရစီဖာတို့မှာ လွန်ခဲ့တဲ့ မေ ၂၅ ရက်ကတည်းက မိုးအကြီးအကျယ်ရွာသွန်းမှုနဲ့ ရင်ဆိုင်နေရပါတယ်။ မြေပြိုမှုတွေကြောင့် လူအများအပြား သေဆုံးမှုနဲ့ ပျောက်ဆုံးမှုတွေ ဖြစ်ပေါ်နေကြောင်း ပြည်နယ်အာဏာပိုင်တွေကပြောပါတယ်။ လက်ရှိမှာ စစ်သားတွေနဲ့ ကယ်ဆယ်ရေးသမားတွေက အသက်ရှင်ကျန်ရစ်သူတွေကို ရှာဖွေမှုတွေ ဆက်လက်လုပ်ဆောင်နေပါတယ်။ မြေပြိုမှုတွေကြောင့် လူ ၄၀၀၀ ခန့်နေအိမ်တွေ ဆုံးရှုံးခဲ့ပြီး သူတို့ကို ဘေးလွတ်ရာသို့ ရွှေ့ပြောင်းထားပါတယ်။ ရှာဖွေရေးနဲ့ ပြန်လည်ထူထောင်ရေးလုပ်ငန်းတွေအတွက် ကူညီဖို့ စစ်တပ်ကို စေလွှတ်ထားကြောင်း ဘရာဇီးသမ္မတ ဘော်ဆိုနာရိုက ပြောဆိုထားပြီး သူဟာ ဘေးသင့်ရာဒေသသို့ မေ ၃၀ ရက်မှာ သွားမယ်လို့ ပြောပါတယ်။ ဘရာဇီးနိုင်ငံဟာ ယမန်နှစ်ကလည်း မိုးရွာသွန်းမှုနဲ့ ဆက်နွယ်တဲ့ ဘေးအန္တရာယ်တွေ…