Year: 2022

မေ ၁၉-၂၀၂၂ KK(VOM) ရန်ကုန်မြို့၊ သာကေတမြို့နယ်က NLD ပါတီကိုထောက်ခံသူတွေရဲ့ အထည်ဆိုင်ကို ဒီကနေ့ နေ့လယ်ပိုင်းက အမည်မသိ သေနတ်ကိုင်ဆောင်ထားသူတွေက ကားနဲ့လာရောက်ပစ်ခတ်ခဲ့လို့ (၁)ဦးသေပြီး (၂)ဦး ဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။ သာကေတမြို့နယ် ၊ ၇/ အရှေ့ရပ်ကွက်၊ အောင်သပြေလမ်းနဲ့ စပယ်လမ်းထောင့်မှာရှိတဲ့ အထည်ဆိုင်မှာ ဒီကနေ့ နေ့လယ်သုံးနာရီက ပစ်ခတ်မှုဖြစ်ခဲ့တာဖြစ်ပြီး အမျိုးသမီးတဦးသေဆုံးကာ အမျိုးသားတဦးနဲ့အမျိုးသမီးတဦးထိခိုက်ဒဏ်ရာရရှိခဲ့တယ်လို့ ရပ်ကွက်နေသူတဦးက ပြောပါတယ်။ “နာမည်ကိုမေးပြီးမှ ကားပေါ်က ဆင်းပစ်တာပါ၊ အမျိုးသမီးတဦးက ပွဲချင်းပြီးသေတယ်၊ ဒဏ်ရာ ရတဲ့အမျိုးသမီးနဲ့အမျိုးသားလည်း စိုးရိမ်ရတယ်”လို့ သူကပြောပါတယ်။ သေဆုံးသူမှာ အသက် ၁၉ နှစ်အရွယ်ရှိ မဆိုဖီယာဖြစ်ပြီး DadeBody ကို သင်္ဃန်းကျွန်းစံပြဆေးရုံကို ပို့ဆောင်ထားပြီး ဒဏ်ရာရရှိသူ(၂)ဦးမှာ ဦးရဲဇော်မောင်နှင့် ဒေါ်သင်းသင်းလှိုင်တို့ဖြစ်ပြီး စိုးရိမ်ရတယ်လို့ အုပ်ချုပ်ရေးနှင့်နီးစပ်သူတဦးက ပြောပါတယ်။ ဒီလိုပစ်ခတ်မှုနဲ့ပတ်သက်ပြီး ဝေဖန်မှုတချို့ရှိနေပေမယ့် VOM သတင်းဌာနအနေနဲ့အတည်ပြုနိူင်ခြင်းမရှိသေးပါဘူး။…

Read More

မေ ၁၉-၂၀၂၂ GG(VOM) မြင်းခြံခရိုင်၊ နွားထိုးကြီးမြို့နယ်၊ အမှတ် ၃ ရပ်ကွက်မှာရှိတဲ့ နွားထိုးကြီးမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးနိုင်ထူးအောင်ရဲ့နေအိမ် မီးရှို့ခံခဲ့ရတယ်လို့ ဒေသခံတွေဆီက သိရပါတယ်။ ” မီးလောင်တဲ့အချိန် မီးသတ်ကားလာပြီးငြှိမ်းတာလည်းမရှိဘူး။ မီးကသူ့ဘာသာပဲ ငြိမ်းသွားတာ။ မီးက ရှို့ခံရတာလို့ကြားတယ်။ ကားနဲ့လာပြီး ရှို့တာလို့လည်းသတင်းက ကြားတယ်။ ဘယ်သူတွေလုပ်တာလဲတော့ သေချာ မသိဘူး၊ မနက်မိုးလင်းမှ သတင်းကကြားရတာ။” လို့ နွားထိုးကြီးဒေသခံတဦးကပြောပါတယ်။ မီးလောင်မှုကြောင့် နေအိမ်မှာ အကြီးအမားထိခိုက်တာမျိုးမရှိခဲ့ပေမယ့် နေအိမ်ဘေးက ပန်းတိမ်ဖိုသာ မီးလောင်ကျွမ်းခဲ့တယ်လို့ သိရပါတယ်။ နွားထိုးကြီးမြို့ခံတဦးကလည်း “၁၇ ရက်နေ့ ည ၁၂ နာရီကျော်ကျော်လောက်မှာမီးလောင်တာလို့ သိရတယ်။အိမ်ကတော့ ဘာမှမဖြစ်ပေမယ့် နောက်ဖေးက ပန်းတိမ်ဖိုမီးလောင်တယ်။ဘေးအိမ်က မီးဖိုဆောင်ကိုမီးနည်းနည်းဟပ်တယ်လို့သိရတယ်။ဘယ်ကဘယ်လိုစလောင်လဲဆိုတာတော့သေချာမသိပါဘူး ” လို့ ပြောပါတယ်။ ဦးနိုင်ထူးအောင် ရဲ့နေအိမ်မှာ အရင်ရက်တွေကတော့ စျေးရောင်းချနေသူတချို့ကိုတွေ့ရှိရပြီး မိသားစုဝင်တွေ နေထိုင်ခြင်း ဟုတ်၊မဟုတ်ကိုတော့ အတိအကျ…

Read More

မေ ၊ ၂၀-၂၀၂၂ SP (VOM) စစ်ကိုင်းတိုင်း ၊ ကလေးမြို့နယ် တောင်ပိုင်းမှာရှိတဲ့ ပဲစိုက်တောင်သူတွေဟာ သီးနှံတွေ ရိတ်သိမ်းပြီးတာ ၂ လကျော်ရှိနေပြီး တိုက်ပွဲတွေဖြစ်တာနဲ့ လမ်းတွေပိတ်ထားတဲ့အတွက် ရိတ်သိမ်းသီးနှံတွေ စျေးကွက်ထဲအရောက်သွားဖို့ အခက်တွေ့နေရတယ်လို့ ကလေးဒေသခံ ပဲစိုက်တောင်သူတွေဆီက သိရပါတယ်။ ” ကလေးမြို့နယ်တောင်ပိုင်း ထောက်ကြံ့ရွာကနေ ဂန့်ဂေါ-ဟားခါး-ကလေး လမ်းခွဲအထိ လမ်းတွေပိတ်ထားတယ် သွားလာလို့ မရဘူး ၊ လမ်းပိတ်တာက တိုက်ပွဲတွေကြောင့်ဖြစ်တယ် ၊ မတ်လထဲက ပဲတွေရိတ်သိမ်းထားပြီးပြီ ၊ မီးရေးထင်းရေး စိုးရိမ်ရတဲ့အတွက် စျေးကွက်ကို အရောက်ပို့ချင်ပေမယ့် လမ်းတွေပိတ်ထားတဲ့အတွက် အခက်အခဲဖြစ်နေရတာ၊ နှစ်တိုင်းကတော့ ပွဲစားတွေ ရွာအရောက် ဆင်းလာပြီး ရာသီပေါ်သီးနှံတွေ ဝယ်တယ် ၊ ဒီနှစ်မှာက တိုက်ပွဲတွေကြောင့် အဲ့ဒီလို ရွာတွေကို ဆင်းပြီးဝယ်တာ မရှိတော့ဘူး ၊ မကြာခင် ကျောင်းတွေပြန်ဖွင့်တော့မှာမို့ ၊…

Read More

မေ ၊၂၀-၂၀၂၂ SP(VOM) မကွေးတိုင်း ၊ ပခုက္ကူခရိုင် ၊ ပေါက်မြို့၊ အောင်တံခွန်ရပ်ကွက်မှာရှိတဲ့ ပေါက်မြို့နယ် မီးသတ်ဦးစီးဌာနမှာ တာဝန်ထမ်းဆောင်နေတဲ့ သန္ဓေမီးသတ်တပ်ဖွဲ့ဝင် ၄ ဦးကို ဒီကနေ့ မနက် ၆ နာရီဝန်းကျင်က စစ်သားနဲ့ ရဲတွေက လာရောက်ဖမ်းဆီးသွားတယ်လို့ မီးသတ်အသိုင်းအဝိုင်းဆီက သိရပါတယ်။ ” ဒီမနက်ပိုင်းက ရုံးကိုလာဖမ်းသွားတာပါ ၊ ဘာကြောင့် ဖမ်းရတယ်ဆိုတာ မေးလို့မရဘူး ၊ ဘယ်မှာ ချုပ်နှောင်ထားတယ်ဆိုတာ အခု နေ့ခင်းပိုင်းအထိ မသိရသေးဘူး ၊ မိသားစုတွေက လိုက်လံ ဆက်သွယ်နေပေမယ့် အခုထိတော့ ဆက်သွယ်မရလို့ စိတ်ပူနေကြတယ် ” လို့ မီးသတ်အသိုင်းအဝိုင်းက ပြောပါတယ်။ ဖမ်းဆီးခံရတဲ့ မီးသတ်တပ်ဖွဲ့ဝင် ၄ ဦးကတော့ ဒုတက ဟိန်းချစ်အောင် ၊ တသ စည်သူကျော် ၊ တက ရဲဝင့်ကိုကို၊…

Read More

မေ ၂၀-၂၀၂၂ SW(VOM) ရခိုင်ပြည်နယ်၊ စစ်တွေမြို့၊ ဦးဥတ္တမခန်းမမှာ ပြည်နယ်​ကောင်စီနဲ့ ရှေးဟောင်းသုတေသနနဲ့ အမျိုးသားပြတိုက်ဦးစီးဌာနတို့က အနဂ္ဃရတနာမြေ “မြောက်ဦး”ဓာတ်ပုံပြပွဲကို ဒီကနေ့ မနက်ပိုင်းက ပြုလုပ်ခဲ့ပါတယ်။ ပွဲကျင်းပရတာဟာ ရှေးဟောင်း မြောက်ဦးမြို့ကို ကမ္ဘာ့အမွေအနစ် (UNESCO)ဝင်နိုင်ရေး ပြုလုပ်တာဖြစ်ပြီး ၂ ရက်ကြာပြုလုပ်သွားမှာဖြစ်တယ်လို့ သိရပါတယ်။ ဓာတ်ပုံပြပွဲမှာ မြောက်ဦးရှေးဟောင်းယဥ်ကျေးမှု အမွေအနစ်နဲ့ပတ်သက်တဲ့ ဓာတ်ပုံပေါင်း ၁၃၀ နီးပါးပါဝင်ပြီး လာရောက်ကြည့်ရှုသူတွေအနေနဲ့ ကြိုက်နှစ်သက်ရင် ဝယ်ယူနိုင်တယ်လို့ သိရပါတယ်။ အဲဒီ ဓာတ်ပုံပြပွဲမှာ မြောက်ဦးမြို့အကြောင်းကို မိနစ် ၂၀ကြာ ရိုက်ကူးထားတဲ့ အင်္ဂလိပ်ဘာသာနောက်ခံအသံဖတ်ထားတဲ့ မှတ်တမ်းဖိုင်ကို ဖွင့်ပွဲအခမ်းအနားအပြီး ပရိတ်သတ်တွေကို ပြသခဲ့ပါတယ်။ မြောက်ဦးမြို့ကို ယူနက်စကို ကမ္ဘာ့ရှေးဟောင်းအမွေအနှစ်ဝင်ရောက်နိုင်ရေး ၂၀၂၁ ခုနှစ်က အဆိုပြုလွှာမူချောတင်သွင်းခဲ့ပြီး လာမယ့်နှစ်မှာ UNESCO က ကွင်းဆင်းစစ်ဆေးမှာဖြစ်တယ်လို့ သိရပါတယ်။ ပြီးခဲ့သည့် ဧပြီလကလည်း အနဂ္ဃ ရတနာ မြေ…

Read More