Year: 2022

ဘရာဆီးလီးယား၊ အောက်တိုဘာ-၃၁-၂၀၂၂ မျိးဆက်(VOM) ဘရာဇီးသမ္မတဟောင်း လူလာဒါဆေးလ်ဗားဟာ အောက်တိုဘာ ၃၀ ရက်ကကျင်းပတဲ့ ရွေးကောက်ပွဲမှာ လက်ရှိ လက်ယာယိမ်းသမ္မတ ဘော်ဆိုနာရိုကို အနိုင်ရရှိခဲ့ပါတယ်။ နိုင်ငံရေးနယ်ပယ်ရဲ့ ဆန့်ကျင်ဘက်ရပ်တည်ချက်သဘောထားရှိသူနှစ်ဦး ထိပ်တိုက်တွေ့ဆုံခဲ့တဲ့ အဲဒီရွေးကောက်ပွဲမှာ သမ္မတဟောင်းလူလာက ထောက်ခံမဲအရေအတွက် ၅၀ ဒသမ ၉ ရာခိုင်နှုန်းရရှိခဲ့ကြောင်း ရွေးကောက်ပွဲကော်မရှင်က ထုတ်ပြန်ပါတယ်။ အဲဒီမဲအရေအတွက်ဟာ ထောက်ခံသူတွေက အနိုင်ရရှိလိ်ိမ့်မယ်လို့ ယုံကြည်ခဲ့ကြတဲ့ လက်ရှိသမ္မတ ဘော်ဆိုနာရိုကို အနိုင်ရရှိဖို့ လုံလောက်တဲ့ အရေအတွက်ဖြစ်ပါတယ်။ လူလာရဲ့ အနိုင်ရလဒ်ဟာ ၂၀၁၈ ခုနှစ်မှာ ကျင်းပတဲ့ သမ္မတရွေးကောက်ပွဲမှာ ရှုံးနိမ့်ခဲ့တဲ့ နိုင်ငံရေးသမားတဦးအတွက် ရင်သပ်ရှု အံ့အားသင့်ဖွယ် တကျော့ပြန်အနိုင်ရရှိခဲ့ခြင်းလည်းဖြစ်ပါတယ်။ သမ္မတဟောင်းလူလာဟာ လာဘ်ပေးလာဘ်ယူမှု စွဲချက်တွေနဲ့ သူ့ရဲ့ပြစ်ဒဏ်ကို မပယ်ဖျက်မီ ရက်ပေါင်း ၅၈၀ တိုင် ထောင်ထဲမှာဖြတ်သန်းခဲ့ရပါတယ်။ မိမိကို နိုင်ငံရေးအရ အရှင်လတ်လတ်မြေမြုပ်ဖို့ ကြိုးစားခဲ့ကြပေမယ့်လည်း လက်ရှိမှာတော့ ဒီနေရာထိရောက်ရှိနေပြီလို့…

ပေကျင်း၊ နို၀င်ဘာ-၁-၂၀၂၂ မျိုးဆက်(VOM) တရုတ်နိုင်ငံရဲ့ ကိုဗစ်လုံး၀ကူးစက်မှုမရှိရေး မူဝါဒအရ ရှန်ဟိုင်းဒစ္စနေးလန်းကို အောက်တိုဘာ ၃၁ ရက်မှာ အာဏာပိုင်တွေက ရုတ်တရက်ပိတ်ပစ်လိုက်တာကြောင့် အပန်းဖြေလာရောက်သူတွေ ပိတ်မိနေပါတယ်။ လာရောက်လည်ပတ်သူတွေအနေနဲ့ ကိုဗစ်-၁၉ ကူးစက်မှုမရှိကြောင်း စစ်ဆေးမှုရလဒ်ထွက်ပေါ်မှသာ ပန်းခြံပြင်ပကို အာဏာပိုင်တွေက ထွက်ခွင့်ပြုမှာဖြစ်ပါတယ်။ ရှန်ဟိုင်းမှာ ကိုဗစ်-၁၉ ဒေသတွင်းကူးစက်မှု ၁၀ ဦးတွေ့ရှိပြီးနောက် ယခုကဲ့သို့ ပိတ်ပင်လိုက်တာဖြစ်ပါတယ်။ ပန်းခြံအတွင်းရောက်ရှိနေသူတွေက ပန်းခြံတံခါးတွေဆီကို အပြေးအလွှားသွားနေကြပေမယ့် တံခါးသော့တွေ ခတ်ထားတာကို မြင်တွေ့ရတဲ့ ရုပ်သံမှတ်တမ်းတွေလည်း လူမှုကွန်ရက်မှာ ပျံ့နှံ့နေပါတယ်။ ပန်းခြံအတွင်းရောက်ရှိနေသူမအနေနဲ့ သုံးရက်ဆက်တိုက် ကိုဗစ်ကင်းရှင်းကြောင်း ရလဒ်ထွက်ပေါ်မှသာ ပြင်ပကို ထွက်ခွာနိုင်မယ်လို့ ရှန်ဟိုင်းအာဏာပိုင်တွေက ထုတ်ပြန်ထားပါတယ်။ ဒစ္စနေးလန်းပန်းခြံအပြင် အနီး၀န်းကျင်ရှိနေရာတွေကိုလည်း အောက်တိုဘာ ၃၁ ရက် ဒေသစံတော်ချိန် ၁၁ နာရီ ၃၀ မိနစ်မှာ အာဏာပိုင်တွေက ရုတ်တရက်ပိတ်ပစ်လိုက်ကြပါတယ်။ တရုတ်နိုင်ငံရဲ့ အငြင်းပွားဖွယ် ကိုဗစ်-၁၉…

ကိဗ်ယက်၊ နို၀င်ဘာ-၁-၂၀၂၂ မျိုးဆက်(VOM) ရုရှားဟာ ယူကရိန်းကို အောက်တိုဘာ ၃၁ ရက်က ဒုံးကျည်ဒါဇင်ပေါင်းများစွာနဲ့ တိုက်ခိုက်ခဲ့တာကြောင့် ယူကရိန်းနိုင်ငံတ၀န်းမှာ လျှပ်စစ်ဓါတ်အားနဲ့ ရေပေးဝေရေးစနစ်တွေ ဆိုးဆိုးရွားရွား ထိခိုက်ပျက်စီးခဲ့ပါတယ်။ မြို့တော်ကိဗ်ယက်ရဲ့ ၄၀ ရာခိုင်နှုန်းဟာ ရေပြတ်တောက်နေပြီး သိန်းပေါင်းများစွာသော လူနေအိမ်တွေမှာ လျှပ်စစ်ဓါတ်အားတွေ ပြတ်တောက်နေတယ်လို့ မြို့တော်၀န် Vitaliy Klitschko ကပြောပါတယ်။ မြို့ထဲမှာတော့ ပန့်ကရေကို သယ်ယူဖို့အတွက် မြို့ခံများစွာဟာ တန်းစီစောင့်ဆိုင်းနေရပါတယ်။ နိုင်ငံအရှေ့တောင်ပိုင်းရှိ ဒီနီပရိုမြို့၊ ဇာပိုရစ်ဇီယားမှာရှိတဲ့ ခါကိဗ်၊ အလယ်ပိုင်းက ဗင်နီဆီးယားနဲ့ လာဗစ်ဒေသတို့မှာ ရုရှားရဲ့တိုက်ခိုက်မှုနဲ့ ရင်ဆိုခဲ့ရပြီး အဆောက်အအုံ စုစုပေါင်း ၁၈ ခုပျက်စီးခဲ့တယ်လို့ ယူကရိန်းတာ၀န်ရှိသူတွေက ပြောပါတယ်။ ရုရှားက ပစ်ခတ်လိုက်တဲ့ ခရုဇ်ဒုံးကျည် ၄၄ စင်းကို ယူကရိန်းက ပစ်ချနိုင်ခဲ့တယ်လို့ ဆိုပါတယ်။ ဒီတိုက်ခိုက်မှုဟာ သိမ်းပိုက်ထားတဲ့ ကရိုင်းမီးယားရှိ ရုရှားရဲ့ ပင်လယ်နက်ရေယာဉ်အုပ်စုကို…