Day: February 4, 2023

ဖေဖော်ဝါရီ ၄ – ၂၀၂၃ GG(VOM) ရန်ကုန်တိုင်း၊မင်္ဂလာဒုံမြို့နယ်မှာ ယာဥ်တိုက်မှု (၂)ခုဖြစ်ပွားပြီး ကလေးငယ် ၁ ဦးနဲ့အမျိုးသမီး ၁ ဦးသေဆုံးကာ နောက်ထပ် ၅ ယောက်လည်း ထိခိုက်ဒဏ်ရာရရှိခဲ့တယ်လို့ သိရပါတယ်။ ” ညက ကားသုံးစီးဆင့်တိုက်မှုမှာ ၉နှစ်အရွယ်ကလေး ၁ယောက်သေတယ်၊ဒိုင်နာက လိုက်ထရပ်ကိုအရင်တိုက်တယ်၊လိုက်ထရပ်ကမှ ဟိုက်ဂျက်ကိုထပ်တိုက်တာ၊အဲ့ဒီမှာလိုက်ထရပ်ပေါ် ၉နှစ်အရွယ်ကောင်မလေးရယ်၊သူ့အဖေရယ်ဝန်ထမ်းထဲက သမီးလေးကတိုက်တဲ့အရှိန်ကြောင့်နေရာမှာပဲသေတယ်။သူ့အဖေအပါ ၄ယောက်ဒဏ်ရာရတယ်၊အခုမနက် ယာဥ်တိုက်မှုမှာက ဆိုင်ကယ် ကယ်ရီငှားစီးတဲ့အမျိုးသမီးသေတယ်၊မောင်းတဲ့ဦးလေး ဒဏ်ရာရတယ်။ ” လို့ မင်္ဂလာဒုံပုလဲအရန်မီးသတ်တပ်ဖွဲ့မှ ကိုထင်လင်းအောင်ကပြောပါတယ်။ ဒီနေ့ ဖေဖော်ဝါရီ၄ ရက် မနက် ၇ နာရီလောက်က မင်္ဂလာဒုံမြို့နယ်၊ အမှတ်(၃)လမ်းမ၊ ကုန်းတလပေါင် မှတ်တိုင်အနီးမှာ ဆိုင်ကယ်နဲ့ဆီ​ဘောက်ဆာကား တိုက်မိပြီး ဆိုင်ကယ်ပေါ် စီးလာတဲ့အမျိုးသမီး နေရာမှာတင်သေဆုံးခဲ့ပြီး မောင်းနှင်သူအသက်ကြီးပိုင်းအမျိုးသားလည်း ထိခိုက်ဒဏ်ရာရရှိခဲ့တာဖြစ်ပါတယ်။ နောက်ထပ်ယာဥ်တိုက်မှုက မနေ့ ဖေဖော်ဝါရီလ ၃ ရက်နေ့ည ၉ နာရီလောက်မှာ…

ဖေဖော်ဝါရီ ၄ -၂၀၂၃ GG(VOM) ရွေးကောက်ပွဲအတွက် အိမ်ထောင်စု လူဦးရေစာရင်း ကောက်ယူမှု ၁၃.၅ သန်းကျော်ပြီးစီးသွားပြီလို့ သိရပြီး နောက်ထပ် ကောက်ယူဖို့အတွက် အိမ်ထောင်စုလူဦးရေစာရင်းက အိမ်ထောင်စု တစ်သန်း ခုနှစ်သိန်းကျော်ကျန်သေးတယ်လို့ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနကနေ သိရပါတယ်။ အဲ့ဒီလို ကျန်ရှိနေတဲ့စာရင်းတွေကို ကောက်ယူဖို့အတွက် လုံခြုံရေးအင်အားတိုးမြှင်ပြီး ကောက်သွားမှာဖြစ်တယ်လို့လည်း သိရပါတယ်။ “စာရင်း ကောက်ယူဖို့ ကျန်တဲ့နေရာတွေကို လိုအပ်တဲ့လုံခြုံရေးနဲ အုပ်ချုပ်ရေးဆိုင်ရာအပိုင်းတွေဖြည့်ပြီး ကွင်းဆင်းကောက်ယူဖို့ပြောပါတယ်၊ တနိုင်ငံလုံးအတိုင်းအတာ လူဦးရေစာရင်းထုတ်ပြန်နိုင်ဖို့အတွက် စာရင်းကောက်ရမယ့် နည်းလမ်းမျိုးစုံသုံးပြီး ကောက်ယူဖို့ ညွှန်ကြားထားပါတယ်”လို့ လ.ဝ.က မှတာဝန်ရှိသူတဦးက ပြောပါတယ်။ မဲပေးဖို့ အသက်ပြည့်ပြီး မဲပေးပိုင်ခွင့်ရှိသူလူဦးရေစာရင်းကို လာမယ့် မတ်လအတွင်း ပြည်ထောင်စုရွေးကောက်ပွဲကော်မရှင်ထံကို ပေးပို့သွားမှာဖြစ်တယ်လို့သိရပါတယ်။ ” ကျနော်တို့ရွာဘက်ကတော့ ကောက်ပြီးပြီ၊တအိမ်တဆင်းကောက်တာတော့မှန်တယ် ဒါပေမယ့် လူအသစ်ထပ်တိုးတာပဲကောက်တာ၊ကျန်တဲ့စာရင်းက မကောက်ဘူး ၊ အရင်ရွေးကောက်ပွဲတုန်းက စာရင်းရှိတယ်၊ ရွာဆိုတော့ အကုန်သိနေတယ်လေ၊ ဒါကြောင့်ပါ”လို့…

ဖေဖော်ဝါရီ ၄ -၂၀၂၃ SP( VOM) စစ်ကိုင်းတိုင်း ၊ ကသာမြို့နယ်ကနေ ဧရာဝတီမြစ်ကြောင်းအတိုင်း မန္တလေးဘက်ကို စုန်ဆင်းလာတဲ့ ရေယာဥ် (မော်တော်)၂ စီးဟာ မနေ့ ဖေဖော်ဝါရီ ၃ ရက် ညနေပိုင်းက ဝက်လက်မြို့နယ် ၊ ရှိမ္မကားကျေးရွာနားမှာ အမည်မသိလက်နက်ကိုင်တွေက ယူဆောင်သွားတယ်လို့ စစ်ကိုင်းတိုင်း ရေယာဥ်များ စနစ်တကျပြေးဆွဲရေး ကော်မတီ (ရစက)ရုံးအဖွဲ့ဆီက သိရပါတယ်။ “ဓားပြတိုက် လုယူခံရတဲ့ ရေယာဥ် ၂ စီးက ၊ ကသာမြို့နယ် ၊ ပုလွေကျေးရွာ ဆိပ်ကမ်းကနေ ထွက်လာတဲ့ ရေယာဥ် ၂ စီးဖြစ်တယ် ၊ ရေယာဥ်ပေါ်မှာ ရာသီပေါ် ကောက်ပဲသီးနှံတွေပါတယ် ၊ မနေ့ကည ၇ နာရီ ဝန်းကျင်မှာ ဝက်လက်မြို့နယ် ၊ ရှိမ္မကားကျေးရွာနားက ဆိပ်ကမ်းမှာ ညအိပ်ရပ်နားဖို့ ဆိုက်ကပ်တဲ့အခါ အမည်မသိ…