Month: February 2023

ဝါရှင်တန်၊ ဖေဖော်ဝါရီ-၃-၂၀၂၃ မျိုးဆက်(VOM) အမေရိကန်နိုင်ငံပေါ်ကနေ မကြာသေးမီရက်တွေအတွင်း ဖြတ်ပျံနေတဲ့ တရုတ်သူလျှိုမိုးပျံပူပေါင်းလို့ သံသယရှိတဲ့အရာကို အမေရိကန် ပင်တဂွန်စစ်ဌာနချုပ်က ခြေရာခံစောင့်ကြည့်နေပါတယ်။ အဲဒီမိုးပျံပူပေါင်းဟာ တရုတ်နိုင်ငံကပိုင်ဆိုင်တယ်လို့ ယုံကြည်ရပြီး မကြာသေးမီက နိုင်ငံအနောက်ပိုင်း မွန်တားနားပြည်နယ်မှာ တွေ့မြင်ခဲ့ရတယ်လို့ အမေရိကန်ကာကွယ်ရေး၀န်ကြီးဌာန တာ၀န်ရှိသူတွေက ပြောပါတယ်။ အပျက်အစီးတွေ ပြုတ်ကျမယ်ဆိုရင် မြေပြင်ကလူတွေအန္တရာယ်ရှိနိုင်တာကြောင့် ပစ်ချခြင်းမပြုဖို့ အမေရိကန်စစ်တပ်က ဆုံးဖြတ်ခဲ့တယ်လို့ တာ၀န်ရှိသူတွေကပြောပါတယ်။ တရုတ်နိုင်ငံကတော့ ဒါနဲ့ပတ်သက်ပြီး အချက်အလက်တွေကို သေချာစစ်ဆေးခြင်းမပြုဘဲ ထင်ကြေးပေးပြောဆိုမှုတွေ မလုပ်ဖို့ သတိပေးထားပါတယ်။ ကနေဒါကတော့ သူလျှိုမိုးပျံပူပေါင်း နောက်ထပ်ဘယ်ကိုသွားမလဲဆိုတာကို စောင့်ကြည့်နေတယ်လို့ ထုတ်ဖော်ပြောဆိုထားပြီး အမေရိကန်နဲ့အနီးကပ်ပူးပေါင်းဆောင်ရွက်နေပြီး ဘယ်နိုင်ငံကဟာလဲဆိုတာ ထုတ်ပြန်ခြင်းမရှိပါဘူး။ အဲဒီသူလျှိုမိုးပျံပူပေါင်းကို ပစ်ချဖို့အိမ်ဖြူတော်က အမိန့်ပေးခဲ့မယ်ဆိုရင် ပစ်ချနိုင်ဖို့ အက်ဖ်-၂၂ တိုက်လေယာဉ်တွေအပါအ၀င် ဂျက်တိုက်လေယာဉ်တွေကို အသင့်ပြင်ထားတယ်လို့ အမေရိကန်ကာကွယ်ရေး၀န်ကြီးဌာန တာ၀န်ရှိသူတွေက ထုတ်ဖော်ပြောဆိုပါတယ်။ Ref: BBC Photo:Reuters #voiceofmyanmar #VOM #ဝါရှင်တန်

ဝါဆော၊ ဖေဖော်ဝါရီ-၃-၂၀၂၃ မျိုးဆက်(VOM) လာမယ့်နှစ်မှာကျင်းပမယ့် အိုလံပစ်အားကစားပြိုင်ပွဲကို နိုင်ငံပေါင်း ၄၀ ကျော်က သပိတ်မှောက်ဖို့ စီစဉ်ထားတာကြောင့် ပြိုင်ပွဲဟာလုံး၀အဓိပ္ပါယ်မဲ့လိမ့်မယ်လို့ ပိုလန်အားကစား၀န်ကြီးက ပြောပါတယ်။ ရုရှားနဲ့ဘီလာရုစ်တို့ကို ၂၀၂၄ ခုနှစ် အိုလံပစ်ပြိုင်ပွဲမှာ ယှဉ်ပြိုင်ခွင့်ပြုလိုက်တဲ့ အိုလံပစ်ကော်မတီရဲ့ အစီအစဉ်ကို ပိုလန်၊ လစ်သူယေးနီးယား၊ အက်စ်တိုးနီးယားနဲ့ လတ်ဗီးယားတို့က ပယ်ချလိုက်ပြီးနောက် ပိုလန်အားကစား၀န်ကြီးက အခုလိုထုတ်ဖော်ပြောဆိုလိုက်တာဖြစ်ပါတယ်။ ယူကရိန်းကလည်း ပြင်သစ်မှာကျင်းပမယ့် ပါရီအိုလံပစ်ပြိုင်ပွဲကို သပိတ်မှောက်မယ်လို့ ထုတ်ဖော်ပြောဆိုထားပါတယ်။ ဒီလိုလုပ်တာဟာ အားကစားသမားတွေကိုသာ အပြစ်ပေးရာ ရောက်တယ်လို့ အိုလံပစ်ကော်မတီက ပြောဆိုထားပါတယ်။ ရုရှားနဲ့ ဘီလာရုစ်တို့ကို ယှဉ်ပြိုင်ခွင့်ပြုမယ့် အစီအစဉ်ကို တားဆီးဖို့ ဖေဖော်ဝါရီ ၁၀ ရက်မှာကျင်းပမယ့် အိုလံပစ်ကော်မတီရဲ့အစည်းအဝေးမတိုင်မီ အမေရိကန်၊ ဗြိတိန်နဲ့ ကနေဒါအပါအ၀င် နိုင်ငံ ၄၀ ညွှန့်ပေါင်းအဖွဲ့ကို တည်ဆောက်နိုင်မယ်လို့ ယုံကြည်ကြောင်း ပိုလန်အားကစား၀န်ကြီးက ပြောပါတယ်။ တကယ်လို့ ညွှန့်ပေါင်းအဖွဲ့နိုင်ငံတွေက သပိတ်မှောက်မယ်ဆိုရင်…