Month: February 2023

ဖေဖော်ဝါရီ ၂ -၂၀၂၃ SP (VOM) မွန်ပြည်နယ် ၊ ပေါင်မြို့ ၊ ပေါင်ရပ်ကွက် ၊ ဘူတာရပ် နယ်မြေမှာနေထိုင်တဲ့ ပြည်ခိုင်ဖြိုးပါတီ လွှတ်တော်ကိုယ်စားလှယ်ဟောင်းဖြစ်သူ ဦးကိုကိုလေး ဆိုသူဟာ မနေ့ ဖေဖော်ဝါရီ ၁ ရက် ညနေပိုင်းက ပစ်သတ်ခံရတယ်လို့ ပေါင်မြို့နယ် ထွေ/ အုပ် အသိုင်းအဝိုင်းဆီက သိရပါတယ်။ ” မနေ့က ညနေပိုင်း ၆ နာရီခွဲ ၇ နာရီဝန်းကျင်မှာ နေအိမ်စတိုးဆိုင်မှာ ပစ်သတ်ခံရတယ် ၊ ​စျေးဝယ်လာတဲ့ လူငယ် ၂ ယောက်က ၊ ပစ္စတိုသေနတ်နဲ့ ၈ ချက်ပစ်ခံတာကြောင့် နေရာမှာတင် သေဆုံးသွားတာဖြစ်တယ်”လို့ ထွေ/အုပ် ဝန်ထမ်းတယောက်က ပြောပါတယ်။ သေဆုံးသူ ဦးကိုကိုလေး ဆိုသူဟာ မွန်ပြည်နယ် ပြည်ခိုင်ဖြိုးပါတီဝင် တဦးဖြစ်ပြီး ၊ ၂၀၂၀ ရွေးကောက်ပွဲမှာ…

ဖေဖော်ဝါရီ ၂-၂၀၂၃ KT(VOM) နေပြည်တော်၊ပုဗ္ဗသီရိမြို့နယ်၊မင်္ဂလာဒီပရပ်ကွက်ရှိ ‘ခေတ်ရှေ့ဆောင်’ကိုယ်ပိုင်အထက်တန်းကျောင်းမှာ မနေ့ ဖေဖော်ဝါရီ ၁ရက် ညနေပိုင်းက ကိုယ်ပိုင်ကျောင်း ခေါင်မိုးပေါ်ကနေ ကျောင်းသူတဦး ခုန်ချသေဆုံးမှုဖြစ်ပွါးခဲ့တယ်လို့ ရဲတပ်ဖွဲ့အသိုင်းအဝိုင်းကနေ သိရပါတယ်။ ကျောင်းသူ ခုန်ချသေဆုံးချိန် နောက်ကနေ လိုက်လံဆွဲခေါ်တဲ့ ဆရာတဦးပါ ပြုတ်ကျသေဆုံးခဲ့တာဖြစ်တယ်လို့ သိရပါတယ်။ ခုန်ချသေဆုံးသူဟာ အဲ့ဒီကိုယ်ပိုင်ကျောင်းမှာ Grade-10တက်နေတဲ့ အသက်(၁၆)နှစ်အရွယ် ကျောင်းသူဖြစ်ပြီး လိုက်လံဆွဲခေါ်သူကတော့ ကွန်ပျူတာသင်ကြားတဲ့ အသက်(၂၃)နှစ်အရွယ် ဆရာတဦးဖြစ်တယ်လို့ သိရပါတယ်။ ကျောင်းသူဟာ ဝဲမျက်လုံးဖူးယောင်ပေါက်ပြဲ၊ပါးစပ်သွေးထွက်၊ဝဲတံတောင်ဖူးယောင်၊ယာလက်ကောက်ဝတ်ဖူးယောင်၊ဝမ်းဗိုက်ပေါက်ပြဲဒဏ်ရာတွေနဲ့ ကုတင်(၁၀၀၀)မှာ ဆေးကုသနေစဥ် သေဆုံးခဲ့ပြီး ကျောင်းဆရာဖြစ်သူကလည်း နှာခေါင်းသွေးထွက်၊ပါးစပ်သွေးထွက်၊လည်ပင်းရိုးကျိုး၊ဝဲ/ယာဒူးပေါက်ပြဲ၊နားသွေးထွက်ဒဏ်ရာတွေနဲ့ ဆေးကုသမှုခံယူနေစဥ် သေဆုံးသွားတာဖြစ်ပါတယ်။ အဲ့ဒီက်ိစ္စနဲ့ပတ်သက်ပြီး ခေတ်ရှေ့ဆောင် ကိုယ်ပိုင်ကျောင်းကို ဆက်သွယ်ရာမှာတော့ လက်ရှိအချိန်ထိ ဆက်သွယ်လို့ မရသေးပါဘူး။ နေပြည်တော်၊ပုဗ္ဗသီရိမြို့နယ်၊ ထုံးဖိုမြို့နယ်ရဲစခန်းကတော့ သေမှုသေခင်းအမှတ်စဥ် ၁/၂၀၂၃ နဲ့ စုံစမ်းစစ်ဆေးမှုပြုလုပ်လျက်ရှိတယ်လို့ သိရပါတယ်။ #voiceofmyanmar #VOM #နေပြည်တော် #ကိုယ်ပိုင်ကျောင်း #ကျောင်းသူခုန်ချသေဆုံး

ဖေဖော်ဝါရီ ၂ – ၂၀၂၃ GG(VOM) ဖားကန့်မြို့၊မော်ဝမ်းရပ်ကွက်က ‘ရွှေရောင်လင်း’ စား​သောက်ဆိုင်ပိုင်ရှင်အမျိုးသမီးကို သူရဲ့ယောကျ်ားဖြစ်သူက ဓားနဲ့အပိုင်းပိုင်းခုတ်ပြီးသတ်ဖြတ်မှု မနေ့ ဖေဖော်ဝါရီ(၂)ရက်က ဖြစ်ပွားခဲ့တယ်လို့ သိရပါတယ်။ ” ည ၁၀ နာရီလောက်မှာအခင်းဖြစ်ပွားတယ်၊ ပိုက်ဆံတောင်းတာမပေးလို့ လင်မယား စကားများရာကနေ မိန်းမကို မသေမချင်းဓားနဲ့ခုတ်သတ်တာလို့သိရတယ်၊အခင်းဖြစ်ချိန် လပေးနဲ့ငှားထားတဲ့အမျိုးသမိးဝန်ထမ်းတွေရှိတယ်၊ရပ်မိရပ်ဖတွေလည်းရှိတယ်သိရတယ်”လို့ ကူညိကယ်ဆယ်ရေးလုပ်ခဲ့တဲ့ မြန်မာနိုင်ငံလူမှုကယ်ဆယ်ရေးအသင်း ဖားကန်မြို့ရဲ့အတွင်းရေးမှူးဖြစ်သူကပြောပြပါတယ်။ ပိုင်ရှင်အမျိုးသမီးမှာ လည်ပင်းပြတ်လုနီးပါး ဒဏ်ရာ၊ ညာဘက်ပါးပြင် လှီးဖြတ်ဒဏ်ရာ၊လက်မောင်း လှီးဖြတ်ဒဏ်ရာ စတဲ့ဓားဒဏ်ရာတွေနဲ့ မသေမချင်းခုတ်သတ်ခံရပြီး သေဆုံးသွားတာဖြစ်တယ်လို့ဆိုပါတယ်။ အသတ်ခံရတဲ့ အမျိုးသမီးရဲ့ ရုပ်အလောင်းကိုတော့ မနေ့ ညပိုင်းကတည်းက ဖားကန့်ပြည်သူ့ဆေးရုံကို ပို့ဆောင်ခဲ့တယ်လို့ သိရပါတယ်။ လက်ရှိမှာ ပြစ်မှုကျူးလွန်သူ ခင်ပွန်းဖြစ်တဲ့ ကိုမျိုးမင်းဇော် အသက် ၃၃ နှစ်ကို ဖားကန့်မြို့မရဲစခန်းကနေ ဖမ်းဆီးထားပြီး အရေးယူဖို့လုပ်ဆောင်နေတယ်လို့ သိရပါတယ်။ #voiceofmyanmar #VOM #ဖားကန့် #လူသတ်မှု