Day: April 23, 2023

ခါတွမ်၊ ဧပြီ-၂၂-၂၀၂၃ မျိုးဆက်(VOM) ဆူဒန်မှာ သုံးရက်ကြာအပစ်အခတ်ရပ်စဲရေးကို သဘောတူခဲ့ကြောင်း ဆူဒန်စစ်တပ်နဲ့ အာအက်စ်အက်ဖ်ပြည်သူ့စစ်အဖွဲ့က ဧပြီ ၂၁ ရက်မှာ ထုတ်ပြန်ပါတယ်။ ဒါပေမယ့် ယခင်အပစ်အခတ်ရပ်စဲရေးကြိုးပမ်းမှုတွေ မအောင်မြင်ဖြစ်ပွားပြီးနောက် အခြေအနေကတော့ မတည်မငြိမ်ဖြစ်နေပါတယ်။ လူသားချင်းစာမှုဆိုင်ရာ အကြောင်းပြုချက်နဲ့ အပစ်အခတ်ရပ်စဲရေးကို သဘောတူခဲ့ခြင်းဖြစ်ကြောင်း ဆူဒန်စစ်တပ်ကပြောပါတယ်။ အာအက်စ်အက်ဖ် ပြည်သူ့စစ်အဖွဲ့ဟာ မွတ်စလင်တို့ရဲ့အိဒ်ကာလအတွက် အပစ်အခတ်ရပ်စဲကြောင်း ကြေညာပြီးနောက် ၁၄ နာရီအကြာမှာ ဆူဒန်စစ်တပ်က အခုလိုက်ထုတ်ပြန်လိုက်တာဖြစ်ပါတယ်။ လက်ရှိအချိန်ထိ မြို့တော်ခါတွမ်မှာ တိုက်ပွဲကြီးကြီးမားမားမဖြစ်ပွားသေးကြောင်း ဒေသတွင်းသတင်းဌာနတွေက ပြောပါတယ်။ စစ်တပ်နဲ့ပြည်သူ့စစ်တို့အကြားဖြစ်ပွားနေတဲ့ တိုက်ပွဲတွေကြောင့် ဧပြီ ၂၁ ရက်ထိ အရပ်သား ၄၁၃ ဦးသေဆုံးပြီး ၃၅၀၀ ကျော်ဒဏ်ရာရရှိခဲ့ကြောင်း ကမ္ဘာ့ကျန်းမာရေးအဖွဲ့က ပြောပါတယ်။ ဆူဒန်မှာ ၂၀၂၁ ခုနှစ်က အာဏာသိမ်းခဲ့တဲ့ စစ်တပ်နဲ့ ပြည်သူ့စစ်အဖွဲ့တို့ကြား လွန်ခဲ့တဲ့ ဧပြီ ၁၅ ရက်ကစပြီး တိုက်ပွဲတွေဖြစ်ပွားခဲ့ကာ အပစ်အခတ်ရပ်စဲရေးနဲ့…

တိုကျို ၊ ဧပြီ-၂၂-၂၀၂၃ မျိုးဆက်(VOM) မြောက်ကိုရီးယားက လွှတ်တင်မယ့် စစ်ဘက်ထောက်လှမ်းရေးဂြိုဟ်တု ဂျပန်ပိုင်နက်ထဲကျလာရင် ပစ်ချဖို့အတွက် ပြင်ဆင်ထားဖို့ ဂျပန်ကာကွယ်ရေး၀န်ကြီး ယာဆူကာဇူဟာမာဒါက ဧပြီ ၂၂ ရက်မှာ အမိန့်ပေးလိုက်ပါတယ်။ အဲဒီထောက်လှမ်းရေးဂြိုဟ်တုအပြင် မြောက်ကိုရီးယားရဲ့ ပဲ့ထိန်းဒုံးကျည်တွေကိုလည်း ဖျက်ဆီးပစ်ဖို့ အမိန့်ပေးနိုင်တယ်လို့ ဂျပန်ကာကွယ်ရေး၀န်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။ ဂျပန်တပ်တွေရဲ့ ကြိုတင်ပြင်ဆင်မှုတွေထဲမှာ ပဲ့ထိန်းဒုံးကျည်ပြုတ်ကျလာခဲ့ရင် ထိခိုက်မှုအနည်းဆုံးဖြစ်အောင် နိုင်ငံတောင်ပိုင်း အိုကီနာဝါစီရင်စုမှာ တပ်ဖွဲ့၀င်တွေ ဖြန့်ကြပ်ချထားဖို့တွေလည်း ပါ၀င်ပါတယ်။ မြောက်ကိုရီးယားဟာ နိုင်ငံရဲ့ပထမဆုံး စစ်ဘက်ထောက်လှမ်းရေးဂြိုဟ်တုကို လွှတ်တင်ဖို့ ပြင်ဆင်နေပြီး ဒီလိုလွှတ်တင်မှုဟာ အမေရိကန်နဲ့ တောင်ကိုရီးယားတို့ရဲ့ ခြိမ်းခြောက်မှုတွေကို တန်ပြန်ဖို့ဖြစ်တယ်လို့ မြောက်ကိုရီးယားနိုင်ငံပိုင်သတင်းဌာနက ဖော်ပြထားပါတယ်။ ယခုနှစ်အတွင်းမှာ မြောက်ကိုရီးယားရဲ့ မကြုံစဖူးဒုံးကျည်စမ်းသပ်မှုတွေကြောင့် ဒေသတွင်းမှာတင်းမာမှုတွေ မြင့်တက်နေပြီး အမေရိကန်နဲ့ တောင်ကိုရီးယားတို့ရဲ့ ပူးတွဲစစ်ရေးလေ့ကျင့်မှုအပေါ်လည်း မြောက်ကိုရီးယားက ဝေဖန်ပြောဆိုထားပါတယ်။ Ref: Reuters Photo:AP #voiceofmyanmar #VOM…

ဗြိတိန်ဝန်ကြီးချုပ် ရီရှီ ဆူနက်ခ်ကို ဗြိတိန်ပါလီမန်ရဲ့ စံနှုန်းများဆိုင်ရာ ကော်မရှင်နာမှ ယခုလအစောပိုင်းတွင် စုံစမ်းစစ်ဆေးမှုများ စတင်ခဲ့ကြောင်း ၎င်းရဲ့ ဝဘ်ဆိုဒ်တွင် ‌ဖော်ပြထားပါတယ်။ တနင်္လာနေ့က ဝဘ်ဆိုဒ်တွင် တင်ထားသော ပွင့်လင်းသော စုံစမ်းမေးမြန်းမှုစာရင်းအရ ဝန်ကြီးချုပ် စုံစမ်းစစ်ဆေးခံရသောကိစ္စမှာ အကျိုးစီးပွား ကြေငြာစာတမ်းနှင့် သက်ဆိုင်ကြောင်း ဖော်ပြထားပါတယ်။ စုံစမ်းစစ်ဆေးခံရသော ကိစ္စရပ်နဲ့ပတ်သက်ပြီး ဗြိတိန်ဝန်ကြီးချုပ် ရီရှီ ဆူနက်ခ်ရဲ့ ရုံးကတော့ ချက်ခြင်းမှတ်ချက်ပေးခဲ့ခြင်းမရှိပါဘူး။ ဗြိတိန်ဝန်ကြီးချုပ်ရဲ့ ဇနီးဖြစ်သူဟာ အကျိုးအမြတ်ရရှိနိုင်တဲ့ ကလေးထိန်းကုမ္ပဏီတစ်ခုတွင် အစုရှယ်ယာပိုင်ဆိုင်ထားမှုနဲ့ပတ်သက်ပြီး အတိုက်အခံပါတီများက မေးခွန်းထုတ်ခဲ့ပြီးနောက် ကော်မရှင်နာမှ စတင်စုံစမ်းစစ်ဆေးခဲ့တာဖြစ်ပါတယ်။ ကျင့်ထုံးဥပဒေအောက်တွင် ပါလီမန် အဖွဲ့ဝင်အားလုံးဟာ တစ်ဦးချင်းစီရဲ့ လုပ်ဆောင်ချက်များ၊ မိန့်ခွန်းများ (သို့မဟုတ်) ပါလီမန်အတွင်း မဲများ (သို့မဟုတ်) လွှတ်တော်အမတ်အဖြစ် ဆောင်ရွက်မှုတွေနဲ့ပတ်သက်တဲ့ ငွေကြေးဆိုင်ရာ အကျိုးစီးပွား အချက်အလက်တွေကို ပံ့ပိုးပေးဖို့ လိုအပ်မှာဖြစ်ပါတယ်။ ဒါ့အပြင် ကော်မရှင်နာဟာလည်း အောက်လွှတ်တော်ရဲ့ ကျင့်ထုံးဥပဒေနဲ့အညီ…