Day: June 12, 2023

ရောမ၊ ဇွန်-၁၂-၂၀၂၃ မျိုးဆက်(VOM) လိင်ကိစ္စအရှုပ်တော်ပုံ၊ အကျင့်ပျက်ချစားမှုစွဲချက်တွေက လွတ်မြောက်ခဲ့တဲ့ အီတလီ၀န်ကြီးချုပ်ဟောင်း ဘာလူစကိုနီ အသက် ၈၆ နှစ်ဟာ ကွယ်လွန်သွားပြီဖြစ်ပါတယ်။ သူဟာ အီတလီနိုင်ငံ မီလန်ြ့မို့က ဆေးရုံမှာကွယ်လွန်သွားတာဖြစ်ကြောင်း အီတလီသတင်းဌာနတွေက ဖော်ပြထားပါတယ်။ ဘာလူစကိုနီဟာ ဧပြီလမှာ နာတာရှည်သွေးကင်ဆာနဲ့ ဆက်စပ်နေတဲ့ အဆုတ်ပိုး၀င်မှုကြောင့် ကုသမှုတွေ ခံယူခဲ့ရပါတယ်။ လက်ရှိအချိန်ထိ သေဆုံးရတဲ့အကြောင်းရင်းကို တရား၀င်အတည်ပြုရခြင်းမရှိသေးပေမယ့် သူဟာ ၂၀၂၀ ခုနှစ်အတွင်း ကိုဗစ်-၁၉ကူးစက်ခံရပြီးနောက် နောက်ဆက်တွဲကျန်းမာရေးပြဿနာတွေရှိခဲ့ပါတယ်။ နာမည်ကျော် မီဒီယာသူဌေးကြီး ဘာလူစကိုနီဟာ ၁၉၉၄ ခုနှစ်မှာ ၀န်ကြီးချုပ်တာ၀န်ကို စတင်ထမ်းဆောင်ခဲ့ပြီး ၂၀၁၁ ခုနှစ်ထိ အစိုးရလေးဆက်ထိ နိုင်ငံကို ဦးဆောင်ခဲ့သူုဖြစ်ပါတယ်။ သူဟာ နိုင်ငံရေးလောကထဲမ၀င်ခင် ၁၉၈၆ ခုနှစ်မှာ ဒေဝါလီခံရတော့မယ့် အီတလီစီးရီးအေကလပ် အေစီမီလန်အသင်းကို ၀ယ်ယူကယ်တင်ခဲ့သူအဖြစ် နိုင်ငံတကာအသိုင်းအဝိုင်းက အသိအမှတ်ပြုခဲ့့ပါတယ်။ Ref: BBC Photo:AFP #VOM #voiceofmyanmar…

ကိယက်ဗ်၊ ဇွန်-၁၂-၂၀၂၃ မျိုးဆက်(VOM) ယူကရိန်းဟာ ရုရှားတပ်တွေကို တန်ပြန်ထိုးစစ်စတင်နေပြီဖြစ်ပြီး ထိုးစစ်စတင်ပြီးနောက်ပိုင်း ပထမဆုံးအကြိမ်အဖြစ် နိုင်ငံအရှေ့တောင်ပိုင်းက ရွာလေးရွာကို ရုရှားလက်က ပြန်လည်သိမ်းပိုက်နိုင်ခဲ့ကြောင်း အခိုင်အမာပြောဆိုပါတယ်။ တနင်္လာနေ့မနက်ပိုင်းက ဒွန်တက်စ်ဒေသရှိ စထရိုဇော့ဗ်မှာ ယူကရိန်းနိုင်ငံတော်အလံကို ဝှေ့ယမ်းအောင်ပွဲခံနိုင်ခဲ့ကြောင်း ယူကရိန်းတာ၀န်ရှိသူတွေက ပြောပါတယ်။ ယူကရိန်းသမ္မတ ဇီလန်စကီးကတော့ စောင့်မျှော်နေရတဲ့ တန်ပြန်ထိုးစစ်ကို စတင်နိုင်ခဲ့ပြီလို့ ဆိုပါတယ်။ ယူကရိန်းရဲ့ ပြန်လည်သိမ်းပိုက်နိုင်မှုတွေဟာ အတန်လေးနည်းပါးနေသေးပေမယ့် ရုရှားဘက်ကတော့ ဘယ်လိုဆုတ်ခွာမှုမျိုးကိုမှ အတည်မပြုသေးပါဘူး။ စစ်ပွဲလေ့လာရေးအင်စတီကျုကတော့ ယူကရိန်းရဲ့ သိမ်းပိုက်နိုင်မှုကို အတည်ပြုထားပါတယ်။ ဒါဟာ တန်ပြန်ထိုးစစ်စတင်ပြီးနောက် ပထမဆုံးအောင်ပွဲဖြစ်ပြီး ရှေ့တန်းမှာ စစ်ဆင်ရေးတွေလုပ်ဆောင်နေပြီး နှစ်ဘက်စလုံး ထိခိုက်ကျဆုံးမှုတွေရှိခဲ့ပြီး ပြီးခဲ့တဲ့နေ့တနေ့တည်းမှာ တိုက်ပွဲ ၂၅ ခါဖြစ်ပွားခဲ့တယ်လို့ ယူကရိန်းတာ၀န်ရှိသူတွေကပြောပါတယ်။ ယူကရိန်းဟာ ရှေ့တန်းစစ်မြေပြင်မှာ အနောက်အုပ်စုနိုင်ငံတွေက ထောက်ပံ့တဲ့တင့်ကားတွေကိုပါ အသုံးပြုနေပြီး အဲဒီထဲကတင့်ကားတွေကို ဖျက်ဆီးနိုင်ခဲ့ကြောင်း ရုရှားဘက်က အခိုင်အမာပြောဆိုထားပါတယ်။ Ref: BBC #VOM…