Day: October 3, 2023

အဘူဒါဘီ၊ အောက်တိုဘာ-၃-၂၀၂၃ မျိုးဆက်(VOM) ထိုင်း ရေနံနဲ့သဘောဝဓါတ်ငွေ့ကုမ္ပဏီဖြစ်တဲ့ PTTEP ဟာ ၂၀၂၈ ခုနှစ်နဲ့ နောက်နှစ် ၂၀ လောက်မှာ သက်တမ်းကုန်ဆုံးမယ့် မြန်မာနိုင်ငံရှိ သဘာဝဓါတ်ငွေ့စီမံကိန်းနှစ်ခုကို သက်တမ်းတိုးဖွယ်ရှိကြောင်း ကုမ္ပဏီအမှုဆောင်အရာရှိချုပ်ဖြစ်သူ မွန်ထရီရာဝမ်ချာကူက ရိုက်တာသတင်းဌာနကို ပြောပါတယ်။ ကျွန်တော်တို့ တိုးချဲ့ဖို့မဟုတ်ပါဘူး။ ထိုင်းနဲ့မြန်မာအတွက် လိုအပ်နေတဲ့သဘာဝဓါတ်ငွေ့အတွက် စိတ်ချရဖို့ဖြစ်ကြောင်း မွန်ထရီရာဝမ်ချာကူက အဘူဒါဘီမှာလုပ်တဲ့ စွမ်းအင်ဆိုင်ရာ ဆွေးနွေးပွဲတခုမှာ ပြောပါတယ်။ PTTEP က မြန်မာနိုင်ငံလုပ်ကိုင်နေတဲ့ သဘာဝဓါတ်ငွေ့စီမံကိန်းတွေကနေ မြန်မာ့နိုင်ငံ လျှပ်စစ်ဓါတ်အားလိုအပ်ချက် ၅၀ ရာခိုင်နှုန်းနဲ့ ထိုင်းနိုင်ငံလျှပ်စစ်ဓါတ်အားလိုအပ်ချက် ၂၀ ရာခိုင်နှုန်းအတွက် လိုအပ်တဲ့ သဘာဝဓါတ်ငွေ့တွေ ထုတ်လုပ်ပေးနေပါတယ်။ ကုမ္ပဏီအနေနဲ့ ထိုင်းနိုင်ငံမှာ ကမ်းလှမ်းထားတဲ့ လုပ်ကွက်သုံးခုထဲက နှစ်ခုကို လေလံအောင်မြင်ခဲ့ပြီး အဲဒီလုပ်ကွက်တွေကနေ နှစ်နှစ်အတွင်း သဘာဝဓါတ်ငွေ့တွေ ထုတ်လုပ်နိုင်ဖို့ PTTEP က မျှော်လင့်ထားပါတယ်။ ထိုင်းနိုင်ငံဟာ လက်ရှိမှာတော့ သဘာဝဓါတ်ငွေ့ရည်…

အစ္စလာမ္မာဘတ်၊ အောက်တိုဘာ-၃-၂၀၂၃ မျိုးဆက်(VOM) ပါကစ္စတန်နိုင်ငံ အရှေ့မြောက်ပိုင်းမှာ ကိုယ်အင်္ဂါရောင်းဝယ်ဖောက်ကားသည့်ဂိုဏ်းတခုမှ လူရှစ်ဦးကို ဖမ်းဆီးထိန်းသိမ်းနိုင်ခဲ့ကြောင်း ပါကစ္စတန်ရဲတပ်ဖွဲ့က ပြောပါတယ်။ အဲဒီဂိုဏ်းခေါင်းဆောင်ဖြစ်သူ ဖာဝက်ဒ်မူခ်တားဟာ လူပေါင်း ၃၀၀ ကျော်ရဲ့ ကျောက်ကပ်တွေကို ထုတ်ယူပြီး ကျောက်ကပ်အစားထိုးလိုတဲ့ လူချမ်းသာတွေကို အစားထိုးလှဲလှယ်မှုအတွက် ရောင်းချခဲ့ကြောင်း စွပ်စွဲခံထားရပါတယ်။ အခုလို ကိုယ်တွင်းအင်္ဂါတွေထုတ်ယူမှုကြောင့် လူသုံးဦးထက်မနည်း သေဆုံးခဲ့ကြောင်း ပါကစ္စတန်အာဏာပိုင်တွေကပြောပါတယ်။ ကျောက်ကပ်ထုတ်ယူမှုတွေကို သီးသန့်နေအိမ်တွေမှာ ပြုလုပ်လေ့ရှိပြီး ရံဖန်ရံခါ ထုတ်ယူခံရတဲ့သူတွေကိုယ်တိုင် မသိရှိခဲ့ကြောင်း ပန်ဂျပ်ပြည်နယ်ဝန်ကြီးချုပ် မော့ဆင်နက်ဗီက ပြောပါတယ်။ အဲဒီဂိုဏ်းဟာ ပန်ဂျပ်ပြည်နယ်အရှေ့ပိုင်းတလျှောက်နဲ့ ပါကစ္စတန်ထိန်းချုပ်ထားတဲ့ ကက်ရှ်မီးယားဒေသတို့မှာ လှုပ်ရှားနေတယ်လို့ ယုံကြည်ကြောင်း ရဲတပ်ဖွဲ့ကပြောပါတယ်။ ဂိုဏ်းဝင်တွေဟာ ကျောက်ကပ်များကို ရူပီး ၁၀ သန်း သို့မဟုတ် ဒေါ်လာ တစ်သိန်းနှစ်သောင်း ဈေးနဲ့ ရောင်းချခဲ့ကြောင်း ပြည်နယ်ဝန်ကြီးချုပ်ကဆိုပါတယ်။ ပါကစ္စတန်နို်င်ငံမှာ လူ့အင်္ဂါအစိတ်အပိုင်းတွေ ရောင်းဝယ်ဖောက်ကားခြင်းကို ၂၀၁၀ ခုနှစ်မှာ တရားမဝင်ကြောင်း…

မနီလာ၊ အောက်တိုဘာ-၃-၂၀၂၃ မျိုးဆက်(VOM) အမေရိကန်နဲ့ ဖိလစ်ပိုင်ရေတပ်တို့ရဲ့ နှစ်စဉ်ပူးတွဲစစ်ရေးလေ့ကျင့်မှုကိုစတင်နေပြီး ယခုနှစ်စစ်ရေးလေ့ကျင့်မှုမှာတော့ အခြားမဟာမိတ် ခုနှစ်နိုင်ငံကိုပါ ဖိတ်ခေါ်ခဲ့ပါတယ်။ တောင်တရုတ်ပင်လယ်ပြင်မှာ နယ်မြေပိုင်ဆိုင်မှုနဲ့ပတ်သက်ပြီး ဖိလစ်ပိုင်နဲ့တရုတ်နိုင်ငံတို့အကြား တင်းမာမှုတွေမြင့်တက်နေစဉ်မှာ အခုလိုပူးတွဲစစ်ရေးလေ့ကျင့်မှု ပြုလုပ်နေတာဖြစ်ပါတယ်။ မကြာသေးမီက အငြင်းပွားဖွယ်တောင်တရုတ်ပင်လယ်မှာ ရေပေါ်အတားအဆီးတွေကို တရုတ်နိုင်ငံကချထားခဲ့တာကြောင့် ဖိလစ်ပိုင်က ကန့်ကွက်ခဲ့ပြီး ဖယ်ရှားမှုတွေ လုပ်ခဲ့ပါတယ်။ ဆမ်မာဆာမာစစ်ရေးလေ့ကျင့်မှုမှာ ဖိတ်ကြားခဲ့တဲ့ မဟာမိတ်ခုနှစ်နိုင်ငံမှာ ဂျပန်၊ ကနေဒါ၊ ဗြိတိန်နဲ့ ပြင်သစ်ရေတပ်တို့ကိုပါဝင်ပြီး လူဇွန်ကျွန်းတောင်ဘက်မှာ ၁၂ ရက်ကြာပြုလုပ်မှာဖြစ်ပြီး တပ်ဖွဲ့ဝင်ပေါင်း နှစ်ထောင်ကျော်ပါဝင်မှာဖြစ်ပါတယ်။ ပူးတွဲစစ်ရေးလေ့ကျင့်မှုဟာ မိတ်ဖက်နိုင်ငံတွေအကြား ရေရှည်တည်ခိုင်မြဲတဲ့ မိတ်ဖက်ဆက်ဆံရေးရဲ့ သင်္ကေတတခုဖြစ်ပြီး အာရှ-ပစိဖိတ်ဒေသ လုံခြုံရေးနဲ့ တည်ငြိမ်ရေး ကတိကဝတ်တွေအတွက်ဖြစ်ကြောင်း ဖိလစ်ပိုင်ရေတပ်တာဝန်ရှိသူတဦးကပြောပါတယ်။ စစ်ရေးလေ့ကျင့်မှုမှာ ဖိလစ်ပိုင်နဲ့ အမေရိကန်သာမက မိတ်ဖက်နိုင်ငံတွေရဲ့ ရေတပ်အချင်းချင်း ပူးပေါင်းဆောင်ရွက်မှုနဲ့ ခိုင်မာသောဆက်ဆံရေးကိုတိုးမြှင့်ဖို့ ရည်ရွယ်ကြောင်း သူကဆိုပါတယ်။ Ref: NHK Photo:Getty Images #voiceofmyanmar…