Month: October 2023

  မော်စကို၊ အောက်တိုဘာ-၂၆-၂၀၂၃ မျိုးဆက်(VOM) ရုရှားစစ်တပ်ဟာ အကြီးစားနျူကလီးယားတိုက်ခိုက်မှုကို အစမ်းလေ့ကျင့်ခဲ့ကြောင်း ရုရှားသမ္မတနန်းတော်က ထုတ်ပြန်လိုက်ပါတယ်။ အဲဒီလေ့ကျင့်မှုမှာ ရန်သူရဲ့ နျူကလီးယားတိုက်ခိုက်မှုတွေကို တုံ့ပြန်တာတွေလည်း ပါဝင်ကြောင်း ရုရှားကာကွယ်ရေးဝန်ကြီး ဆာဂေးရှိုဂူကပြောပါတယ်။ နျူကလီးယားတိုက်ခိုက်မှု အစမ်းလေ့ကျင့်တာနဲ့ ပတ်သက်ပြီး သမ္မတပူတင်ကို ရှင်းလင်းတင်ပြခဲ့ကြောင်း ရုရှားနိုင်ငံပိုင် ရုပ်မြင်သံကြားက ထုတ်လွှင့်ခဲ့ပါတယ်။ နျူကလီးယားထိပ်ဖူးစမ်းသပ်မှုတွေအားလုံးကို တားမြစ်ထားတဲ့ ကမ္ဘာလုံးဆိုင်ရာ သဘောတူစာချုပ်ကနေ ရုရှားနှုတ်ထွက်ဖို့ကို ရုရှားပါလီမန်က ထောက်ခံခဲ့ပြီးနောက် အခုလို နျူကလီးယားတိုက်ခိုက်မှု အစမ်းလေ့ကျင့်မှု ထွက်ပေါ်လာတာဖြစ်ပါတယ်။ ရုရှားနဲ့ အမေရိကန်တို့ဟာ နျူကလီးယားဆိုင်အရာ အသင့်အနေအထားရှိနေရေးကို ပုံမှန်အတိုင်းလုပ်ဆောင်နေကြပြီး ရုရှားဟာ အောက်တိုဘာလကုန်ပိုင်းမှာ လေ့ကျင့်မှုတွေ ပြုလုပ်လေ့ရှိပါတယ်။ ယခုနှစ်လေ့ကျင့်မှုမှာတော့ ရန်သူတွေရဲ့ နျူကလီးယားတိုက်ခိုက်မှုကို တုံ့ပြန်ဖို့အတွက် မဟာဗျူဟာထိုးစစ်အဖွဲ့က အကြီးစားနျူကလီးယားတိုက်ခိုက်မှုမှာ ပါဝင်ခဲ့ကြောင်း ရုရှားကာကွယ်ရေးဝန်ကြီးကပြောပါတယ်။ ကရင်မလင်နန်းတော်ရဲ့ ထုတ်ပြန်ချက်မှာတော့ ပဲ့ထိန်းဒုံးကျည်တွေ၊ ခရုဇ်ဒုံးကျည်တွေနဲ့ အခြားသောလက်နက်တွေကို လက်တွေ့စမ်းသပ်ပစ်ခတ်ခဲ့ကြောင်း ဖော်ပြထားပါတယ်။ Ref:BBC…

  ဝါရှင်တန်၊ အောက်တိုဘာ-၂၆ မျိုးဆက်(VOM) အမေရိကန်နိုင်ငံ မိန်းပြည်နယ် အောက်တိုဘာ ၂၅ ရက်ညပိုင်းကဖြစ်ပွားခဲ့သည့် သေနတ်ပစ်ခတ်မှုကြောင့် လူ ၂၂ ယောက်ထက်မနည်းသေဆုံးပြီး ဒါဇင်နဲ့ချီဒဏ်ရာရရှိခဲ့ကြောင်း တာဝန်ရှိသူတွေက ပြောပါတယ်။ သေနတ်ပစ်ခတ်မှုဟာ မိန်းပြည်နယ်ရှိ လူဝစ်စတန်မြိုမှာ ည ၇ နာရီဝန်းကျင်က ဖြစ်ပွားခဲ့တာဖြစ်ပြီး ပြစ်မှုကျူးလွန်သူဟာ လမ်းကြားတခုအတွင်းရှိ လူတွေကို ပစ်ခတ်ပြီးနောက် အနီးအနားရှိ ဘားနဲ့ အခြားနေရာတွေကိုလည်း ပစ်ခတ်ခဲ့ပါတယ်။ လက်ရှိမှာ သေနတ်သမားလွတ်မြောက်နေပြီး ရဲတပ်ဖွဲ့ဝင်ရာနဲ့ချီပြီး အပူတပြင်းရှာဖွေနေကြပါတယ်။ မောင်းပြန်ရိုင်ဖယ်ကိုင်ဆောင်ထားတဲ့ သံသယရှိသူရဲ့ ဓါတ်ပုံကို ရဲတပ်ဖွဲ့က ထုတ်ပြန်ထားပြီး ဒေသခံတွေအနေနဲ့ နေအိမ်အတွင်းမှာ တံခါးတွေပိတ်ပြီး နေထိုင်ကြဖို့ သတိပေးထားပါတယ်။ သေနတ်သမားဟာ အသက် ၄၀ နှစ်အရွယ် ရောဘတ်ကတ်ဆိုသူဖြစ်ပြီး အန္တရာယ်ရှိသူအဖြစ် ရဲတပ်ဖွဲ့က ထုတ်ပြန်ထားပါတယ်။ ပစ်ခတ်မှုကြောင့် လူ ၅၀ ထက်မနည်း ဒဏ်ရာရရှိခဲ့ကြောင်း သတင်းတွေက ဖော်ပြထားပါတယ်။…

  တဲလ်အဗစ်၊ အောက်တိုဘာ-၂၆-၂၀၂၃ မျိုးဆက်(VOM) အစ္စရေးတပ်တွေဟာ ဂါဇာမြောက်ပိုင်းကို တင့်ကားတွေနဲ့ဝင်ရောက်ပြီး ဟားမတ်စ်တွေရဲ့ ပစ်မှတ်တွေကို တိုက်ခိုက်ခဲ့ကြောင်း အစ္စရေးစစ်တပ်က ထုတ်ပြန်ပါတယ်။ နောက်ထပ်တိုက်ပွဲအဆင့်တွေအတွက် ကြိုတင်ပြင်ဆင်မှုအဖြစ် အခုလိုတိုက်ခိုက်ခဲ့တာဖြစ်ကြောင်း အစ္စရေးစစ်တပ်က ဆိုပါတယ်။ အစ္စရေးဝန်ကြီးချုပ် နေတန်ယာဟုကလည်း ဂါဇာကို များမကြာခင် ထိုးစစ်ဆင်ဖို့ ပြင်ဆင်နေတယ်လို့ ပြောပါတယ်။ ဒီအတောအတွင်း ဂါဇာမှာ လောင်စာဆီ ပြတ်လပ်မှုကြောင့် ဆေးရုံအချို့ကလွဲပြီး ကျန်တဲ့ အရေးပေါ်ဝန်ဆောင်မှုတွေ ရပ်တန့်လို့နေပါတယ်။ အစ္စရေးဟာ ဂါဇာကိုပို့မယ့် လောင်စာဆီလမ်းကြောင်းတွေကို ပိတ်ဆို့ထားပြီး ဟားမတ်စ်တွေဟာ လောင်စာဆီတွေကို သိုလှောင်နေကြတယ်လို့ စွပ်စွဲထားပါတယ်။ ဂါဇာရှိ လူသားချင်းစာနာမှုဆိုင်ရာ အဖွဲ့တွေမှာလည်း အလားတူလောင်စာဆီပြတ်လပ်မှုတွေကြုံနေရပြီး လာမယ့်နာရီပိုင်းအတွင်း လုပ်ငန်းတွေရပ်ဆိုင်းရနိုင်ကြောင်း ကုလသမဂ္ဂက သတိပေးထားပါတယ်။ ဂါဇာဒေသမှာ အောက်တိုဘာ ၇ ရက်နောက်ပိုင်း အစ္စရေးရဲ့တိုက်ခိုက်မှုကြောင့် လူ ၆၅၀၀ နီးပါးသေဆုံးခဲ့ကြောင်း ဂါဇာကျန်းမာရေးတာဝန်ရှိသူတွေက ပြောပါတယ်။ ဟားမတ်စ်တို့ရဲ့ ကနဦးတိုက်ခိုက်မှုအတွင်း…