Month: October 2023

  တဲလ်အဗစ်၊ အောက်တိုဘာ-၂၅-၂၀၂၃ မျိုးဆက်(VOM) အစ္စရေးနှဲ့ ဟားမတ်စ်အဖွဲ့တို့ရဲ့ပဋိပက္ခနဲ့ပတ်သက်ပြီး ကုလသမဂ္ဂအတွင်းရေးမှူးချုပ် ဂူတာရက်စ် မှတ်ချက်ပြုပြောဆိုခဲ့တဲ့အပေါ် အစ္စရေးက ပြင်းပြင်းထန်ထန်တုံ့ပြန်လိုက်ပြီး ဂူတာရက်စ်ကို ရာထူးကနေ နှုတ်ထွက်ပေးဖို့ အစ္စရေးက တောင်းဆိုလိုက်ပါတယ်။ ဟားမတ်စ်အဖွဲ့က အရပ်သားတွေကို တိုက်ခိုက်တာနဲ့ ပြန်ပေးဆွဲတာတွေ ပြုလုပ်ခဲ့တဲ့အပေါ် ကုလသမဂ္ဂအတွင်းရေးမှူးချုပ် ဂူတာရက်စ်က လုံခြုံရေးကောင်စီအစည်းအဝေးတွင် ရှုတ်ချပြောဆိုခဲ့ပါတယ်။ ဒါပေမယ့်လည်း ဟားမတ်စ်တို့ရဲ့ တိုက်ခိုက်မှုဟာ အကြောင်းမဲ့ဖြစ်လာမဟုတ်ဘူးဆိုတာကိုလည်း အသိအမှတ်ပြုဖို့ အရေးကြီးကြောင်းနဲ့ ပါလက်စတိုင်းတို့ဟာ ၅၆ နှစ်ကြာ နယ်မြေသိမ်းပိုက်ခြင်းကို ခံခဲ့ရကြောင်း သူကပြောဆိုခဲ့တာဖြစ်ပါတယ်။ ဒီလိုပြောဆိုခဲ့တဲ့အပါ် အစ္စရေးနိုင်ငံခြားရေးဝန်ကြီး အီလီကိုဟန်က ကုလသမဂ္ဂအကြီးအကဲကို ဝေဖန်ပြောဆိုခဲ့ပြီး ဂူတာရက်စ်နဲ့ တွေ့ဆုံဖို့ စီစဉ်ထားတာကို ဖျက်သိမ်းလိုက်တယ်လို့ ဆိုပါတယ်။ ကုလသမဂ္ဂအတွင်းရေးမှူးချုပ် ဂူတာရက်စ်အနေနဲ့ ရာထူးကနေနှုတ်ထွက်ပြီး တောင်းပန်ဖို့နဲ့ အစ္စရေးနိုင်ငံခြားရေးဝန်ကြီးအပြင် ကုလသမဂ္ဂဆိုင်ရာ အစ္စရေးသံအမတ်ကြီး ဂီလက်အာဒန်တို့က တောင်းဆိုခဲ့ပါတယ်။ Ref:NHK Photo:AP  

  ဝါရှင်တန်၊ အောက်တိုဘာ-၂၅-၂၀၂၃ မျိုးဆက်(VOM) အီရတ်နဲ့ ဆီးရီးယားရှိ အမေရိကန်အခြေစိုက်စခန်းတွေကို အီရန်နဲ့ဆက်နွယ်နေတဲ့ အဖွဲ့တွေက အောက်တိုဘ ၁၇ ရက်ကနေ ၂၄ ရက်အတွင်း ၁၃ ကြိမ်ထက်မနည်း တိုက်ခိုက်ခဲ့ကြောင်း အမေရိကန်ကာကွယ်ရေး ဝန်ကြီးဌာနက ပြောပါတယ်။ အီရန်မှာ အမေရိကန်အခြေစိုက်စခန်းတွေ တိုက်ခိုက်ခံရမှု ၁၀ ကြိမ်၊ ဆီးရီးယားမှာ သုံးကြိမ်ထက်မနည်း တိုက်ခိုက်ခံခဲ့ရပြီး ဒရုန်းတွေ၊ ဒုံးကျည်တွေနဲ့ တိုက်ခိုက်ခံခဲ့ရတာဖြစ်ကြောင်း ပင်တဂွန်ပြောရေးဆိုခွင့်ရှိသူ ပက်ရိုင်ဒါက ပြောပါတယ်။ အမေရိကန်အခြေစိုက် အင်န်ဘီစီ သတင်းဌာနရဲ့ အဆိုအရ ပြီးခဲ့တဲ့သီတင်းပတ်အတွင်း ဆီးရီးယားတောင်ပိုင်းရှိ အမေရိကန်အခြေစိုက်စခန်းကို မောင်းသူမဲ့လေယာဉ်နဲ့တိုက်ခိုက်မှုအတွင်း အမေရိကန်တပ်ဖွဲ့ဝင် ၂၀ ကျော်ဒဏ်ရာရခဲ့တယ်လို့ ဆိုပါတယ်။ ဒီလိုတိုက်ခိုက်ခံရပြီးနောက် ဒါတွေကို တုံ့ပြန်ဖို့အတွက် လေကြောင်းရန်ကာကွယ်ရေးစနစ်တွေ ဖြည့်တင်းတာအပါအဝင် အရှေ့အလယ်ပိုင်းဒေသမှာ အမေရိကန်ရဲ့ ကာကွယ်ရေးအနေအထားကို မြှင့်တင်ဖို့ ကာကွယ်ရေးဝန်ကြီး လွိုက်အော်စတင်က ညွှန်ကြားလိုက်ပါတယ်။ အစ္စရေးနဲ့ ဟားမတ်စ်အဖွဲ့တို့အကြား…

  ဆိုးလ် ၊အောက်တိုဘာ-၂၅-၂၀၂၃ မျိုးဆက်(VOM) တောင်ကိုရီးယား ကေပေါ့ကြယ်ပွင့် Black Pink အဖွဲ့က အဆိုတော် ဂျီဆိုးဟာ ချစ်သူဖြစ်သူ သရုပ်ဆောင်မင်းသား အန်ဘိုဟွန်းနဲ့လမ်းခွဲလိုက်ပြီၤလို့ ထုတ်ဖော်ကြေညာလိုက်ပါတယ်။ ဂျီဆိုးနဲ့ အန်ဘိုဟွန်းတို့ ချစ်သူတွေအဖြစ် ချိန်းတွေ့နေကြကြောင်း ဂျီဆိုးရဲ့ မန်နေဂျာက ထုတ်ဖော်ပြောဆိုပြီးနောက် နှစ်လအကြာမှာ အခုလိုက် လမ်းခွဲလိုက်တာဖြစ်ပါတယ်။ နာမည်ကျော်ကေပေါ့အဖွဲ့ Black Pink အဖွဲ့က ကြယ်ပွင့်အဆိုတော်တွေဟာ သူတို့ရဲ့ဘဝနေထိုင်ဖြတ်သန်းမှုတွေကို ထုတ်ဖော်ပြောဆိုလေ့သိပ်မရှိတာကြောင့် ဂျီဆိုးရဲ့ ကြေညာချက်ဟာ ပရိတ်သတ်တွေအတွက် ဂယက်ရိုက်ခဲ့ပါတယ်။ သူတို့နှစ်ယောက်ဟာ ကိုယ်စီအလုပ်တွေများနေတာကြောင့် ဆက်ဆံရေးကို အဆုံးသတ်လိုက်တာဖြစ်ကြောင်း ဂျေဘီတီစီ ရုပ်သံလိုင်းက ဖော်ပြထားပါတယ်။ နာမည်ကြီး ဒရာမာဇာတ်လမ်းတွဲဖြစ်တဲ့ Itaewon Class မှာပါဝင်သရုပ်ဆောင်ခဲ့တဲ့ ကိုရီးယားမော်ဒယ်နဲ့သရုပ်ဆောင်ဖြစ်သူ အန်ဘိုဟွန်းဟာ သူနဲ့ ဂျီဆိုးရဲ့ ပတ်သက်မှုကို သြဂုတ်လအတွင်းက ဝန်ခံခဲ့ပါတယ်။ အသက် ၂၈ နှစ်အရွယ် ဂျီဆိုးဟာ ကမ္ဘာကျော်…

  ပေကျင်း၊ အောက်တိုဘာ-၂၅-၂၀၂၃ မျိုးဆက်(VOM) လူြုမင်ကွင်းကနေ နှစ်လကြာပျောက်ကွယ်နေတဲ့ တရုတ်ကာကွယ်ရေးဝန်ကြီး လီရှန်ဖူဟာ ရာထူးကနေ တရားဝင်ထုတ်ပယ်ခံလိုက်ရပြီဖြစ်ပါတယ်။ သူ့ကို ရာထူးကနေ ထုတ်ပယ်လိုက်တာနဲ့ပတ်သက်ပြီး တရုတ်အာဏာပိုင်တွေက တစုံတရာ ရှင်းလင်းချက်မပေးခဲ့သလို သူ့နေရာမှာ ဘယ်သူ့ကို အစားထိုးခန့်အပ်တယ်ဆိုတာကိုလည်း ထုတ်ပြန်ကြေညာခြင်းမရှိပါဘူး။ တရုတ်နိုင်ငံခြားရေးဝန်ကြီး ချင်ဂန်းအပါအဝင် တရုတ်စစ်ဘက်ထိပ်တန်းတာဝန်ရှိသူအများအပြား ရာထူးကနေ ဖယ်ရှားခံလိုက်ရပြီး များမကြာခင်မှာ တရုတ်ကာကွယ်ရေးဝန်ကြီးလည်း ရာထူးကနေ ထုတ်ပယ်ခံလိုက်ရတာဖြစ်ပါတယ်။ တရုတ်ကာကွယ်ရေးဝန်ကြီး လီရှန်ဖူနဲ့ နိုင်ငံခြားရေးဝန်ကြီး ချင်ဂန်တို့ကို တရုတ်အမျိုးသားပြည်သူ့ကွန်ဂရက် အမြဲတမ်းကော်မတီက ရာထူးကနေ တရားဝင် ထုတ်ပယ်လိုက်ကြောင်း နိုင်ငံပိုင် စီစီတီဗီသတင်းဌာနက ဖော်ပြထားပါတယ်။ သူဟာ စစ်လက်နက်ပစ္စည်းတွေဝယ်ယူရေးနဲ့ ပတ်သက်ပြီး အကျင့်ပျက်ချစားမှုကြောင့် စုံးစမ်းစစ်ဆေးခံနေရကြောင်း ရိုက်တာသတင်းဌာနက လွန်ခဲ့တဲ့လက ဖော်ပြထားပါတယ်။   Ref:BBC Photo:Reuters  

Voice of Myanmar တရုတ်နိုင်ငံသည် မြောက်ကိုရီးယားဘက်မှ ကူညီတိုက်ခိုက်ရန် ၁၉၅၀ ခုနှစ် အောက်တိုဘာ ၂၅ ရက်တွင် ကိုရီးယားစစ်ပွဲအတွင်း ပါ၀င်လာခဲ့သည်။