Day: November 18, 2023

Voice of Myanmar အမေရိကန်တွင် နံပါတ်များကို ခလုတ်ဖြင့်နှိပ်ရသည့် တယ်လီဖုန်းများကို ၁၉၆၃ ခုနှစ် နို၀င်ဘာ ၁၈ ရက်တွင် ပထမဆုံး တပ်ဆင်အသုံးပြုခဲ့ပြီး နောက်ဆုံးတွင် ဂဏန်းလှည့်ရသည့် တယ်လီဖုန်းများနေရာ၌ အစားထိုးခဲ့သည်။

  ပြုံးယမ်း၊ နိုဝင်ဘာ-၁၈-၂၀၂၃ မျိုးဆက်(VOM) မြောက်ကိုရီးယားဟာ ယခုလအစောပိုင်းမှာ နိုင်ငံအဆင့်အားလပ်ရက်အဖြစ် သတ်မှတ်လိုက်တဲ့ ဒုံးကျည်နေ့ကို ဒီနေ့ နိုဝင်ဘာ ၁၈ ရက်ကျရောက်ခဲ့ပြီဖြစ်ပါတယ်။ ဒီလိုနေ့မှာ မြောက်ကိုရီးယားရဲ့ လှုပ်ရှားဆောင်ရွက်မှုတွေနဲ့ပတ်သက်ပြီး အိမ်နီးချင်းနိုင်ငံတွေက အနီးကပ်စောင့်ကြည့်နေပါတယ်။ နိုဝင်ဘာ ၁၈ ရက်ဟာ ပြီးခဲ့တဲ့နှစ်က တိုက်ချင်းပစ်ဒုံးကျည်သစ် အောင်မြင်စွာ ပစ်လွှတ်နိုင်ခဲ့တဲ့နေ့ဖြစ်ပြီး ဒုံးကျည်နေ့အဖြစ် အာဏာပိုင်တွေက သတ်မှတ်ခဲ့တာဖြစ်ပါတယ်။ အသစ်ထုတ်လုပ်အောင်မြင်ခဲ့တဲ့ ဟွာဆောင်-၁၇ တိုက်ချင်းပစ်ဒုံးကျည်ဟာ အမေရိကန်ပြည်မကြီးထိ ပစ်ခတ်နိုင်ပါတယ်။ မြောက်ကိုရီးယားဟာ လက်ရှိမှာတော့ အရည်လောင်စာဆုံးဒုံးကျည်တွေထက် ပိုမိုမြန်ဆန်စွာ ပစ်ခတ်နိုင်တဲ့ လောစာခဲသုံး ဒုံးကျည်တွေကို တီထွင်ထုတ်လုပ်နေပါတယ်။ ပြီးခဲ့တဲ့ ဗုဒ္ဓဟူးနေ့ကလည်း လောင်စာခဲအသုံးပြုထားတဲ့ တာလတ်ပစ်ပဲ့ထိန်းဒုံးကျည်သစ်အတွက် ဒုံးပျံအင်ဂျင် မြေပြင်စမ်းသပ်မှုကို အောင်မြင်ခဲ့ကြောင်း မြောက်ကိုရီးယားက ထုတ်ပြန်ထားပါတယ်။ မြောက်ကိုရီးယားဟာ ဒီနှစ်အတွင်း ဒုံးကျည်စမ်းသပ်မှုတွေကိုစံချိန်တင်ပြုလုပ်ခဲ့ပြီး ဒါဟာ ကုလသဂ္ဂလုံခြုံရေးကောင်စီရဲ့ ဆုံးဖြတ်ချက်ကို ပြောင်ပြောင်တင်းတင်းချိုးဖောက်တာဖြစ်ပြီး ဒေသတွင်းနဲ့ နိုင်ငံတကာလုံခြုံရေးကို ခြိမ်းခြောက်မှုဖြစ်တယ်လို့…

  ဝါရှင်တန်၊ နိုဝင်ဘာ-၁၈-၂၀၂၃ မျိုးဆက်(VOM) အမေရိကန်နိုင်ငံခြားရေးဝန်ကြီးဌာနဟာ ဂျပန်နိုင်ငံကို တွမ်မဟော့ခ်ခရုဇ်ဒုံးကျည်တွေ ရောင်းချဖို့ ရက်တွင် ခွင့်ပြုလိုက်ပါတယ်။ တွမ်ဟော့ခ်ခရုဇ်ဒုံးကျည် ၄၀၀ ထိဂျပန်ကိုရောင်းချဖို့ ဆုံးဖြတ်ချက်နဲ့ပတ်သက်ပြီး နိုင်ငံခြားရေးဝန်ကြီးဌာနဟာ ကွန်ဂရက်ကို အကြောင်းကြားထားပြီး ဒုံးကျည်စနစ်ဆက်စပ်ပစ္စည်တွေအပါအဝင် ဒေါ်လာ ၂ ဒသမ ၃၅ ဘီလီယံ တန်ဖိုးရှိပါတယ်။ ဂျပန်ကာကွယ်ရေးဝန်ကြီး ကီဟာရာမီနိုရူနဲ့ အမေရိကန်ကာကွယ်ရေးဝန်ကြီး လွိုက်အော်စတင်တို့ ပြီးခဲ့သတဲ့လက တွေ့ဆုံဆွေးနွေးပြီးနောက် ဒုံးကျည်တွေရောင်းချရေးကို အမေရိကန်ဘက်က အတည်ပြုလိုက်တာဖြစ်ပါတယ်။ သဘောတူညီချက်အရ ၂၀၂၅ ခုနှစ် ဧပြီလတင်မယ့် ဘဏ္ဍာရေးနှစ်အတွင်း ဂျပန်နိုင်ငံက ဒုံးကျည်တွေကို ဝယ်ယူသွားမှာဖြစ်ပါတယ်။ တွမ်မဟော့ခ်ဒုံးကျည်တွေဟာ အမေရိကန်က တီထွင်ထုတ်လုပ်ထားတဲ့ ပဲ့ထိန်းဒုံးကျည်အမျိုးအစားဖြစ်ပြီး ပစ်မှတ်တွေကို တိကျစွာ ပစ်ခတ်နိုင်စွမ်းရှိပါတယ်။ ဂျပန်အစိုးရဟာ ရန်သူ့ဒုံးကျည်ပစ်လွှတ်တဲ့ နေရာတွေကို တိုက်ခိုက်ခြင်းလိုမျိုး တန်ပြန်တိုက်ခိုက်ရေးစွမ်းရည်ကို မြှင့်တင်ဖို့အတွက် အဲဒီဒုံးကျည်တွေကို အသုံးပြုဖို့ စီစဉ်နေပါတယ်။ Ref:NHK Photo:US Navy

  ဆိုးလ်၊ နိုဝင်ဘာ-၁၈-၂၀၂၃ မျိုးဆက်(VOM) တောင်ကိုရီးယားမှာ ခွေးသားစားတာကို ပိတ်ပင်တားမြစ်ဖို့နဲ့ တိရိစ္ဆာန်အခွင့်အရေးဆိုင်ရာ အသိပညာတွေတိုးပွားလာချိန်မှာ ရှေးရိုးစွဲဓလေ့အပေါ် အငြင်းပွားမှုကို အဆုံးသတ်ရန် ရည်ရွယ်ထားကြောင်း တောင်ကိုရီးယား အာဏာရပါတီ မူဝါဒရေးရာ အကြီးအကဲတယောက်က ထုတ်ဖော်ပြောဆိုလိုက်သည်။ ခွေးသားစားတဲ့ ကိုရီးယားဓလေ့ဟာ ရက်စက်တဲ့ဓလေ့တခုအဖြစ် ပြည်ပနိုင်ငံတွေက ဝေဖန်မှုတွေ ထွက်ပေါ်ခဲ့ပြီး ပြည်တွင်းမှာလည်း အထူးသဖြင့် လူငယ်တွေကြားမှာ ဒီကိစ္စအပေါ် ဆန့်ကျင်မှုတွေ တိုးပွားလာပါတယ်။ ခွေးသားစားတာနဲ့ပတ်သက်တဲ့ အငြင်းပွားမှုတွေကို အဆုံးသတ်ဖို့ အချိန်ရောက်ပြီလို့ အာဏာရပါတီ မူဝါဒရေးရာအကြီးအကဲ Yu Eui-dong က အစိုးရတာဝန်ရှိသူတွေ တိရိစ္ဆာန်အခွင့်အရေးလှုပ်ရှားသေူတွနဲ့ တွေ့ဆုံရာမှာ ပြောပါတယ်။ ခွေးသားစားတာ တားမြစ်ချက်ကို ကျင့်သုံးဖို့အတွက် ယခုနှစ်အတွင်းမှာ ဥပဒေကြမ်းတရပ် တင်သွင်းဖို့ သူက မျှော်လင့်ထားပြီး နှစ်ဘက်စလုံးရဲ့ထောက်ခံချက်နဲ့ ဥပဒေကို လွှတ်တော်က အတည်ပြုသင့်တယ်လို့ ဆိုပါတယ်။ စိုက်ပျိုးရေးဝန်ကြီး Chung Hwang-keun ကလည်း…