ကုလသမဂ္ဂ၊ ဒီဇင်ဘာ-၁၂-၂၀၂၃
မျိုးဆက်(VOM)
လက်နက်ကိုင် ပဋိပက္ခတွေဖြစ်ပွားနေတဲ့ မြန်မာနိုင်ငံဟာ ကမ္ဘာပေါ်မှာ ဘိန်းထုတ်လုပ်မှု အမြင့်ဆုံးနိုင်ငံအဖြစ် အာဖဂန်နစ္စတန်ကိုကျော်ပြီး ရပ်တည်နေတယ်လို့ ကုလသမဂ္ဂ မူးယစ်ဆေးဝါးနဲ့ ပြစ်မှုဆိုင်ရာရုံ (UNODS) က ဒီနေ့ ဒီဇင်ဘာ ၁၂ ရက်မှာ ထုတ်ပြန်ပါတယ်။
အရှေ့တောင်အာရှနိုင်ငံတွေရဲ့ ဘိန်းထုတ်လုပ်မှုမှာ အာဖဂန်နစ္စတန်က ထိပ်ဆုံးမှာရပ်တည်နေပြီး တာလီဘန်တွေ နိုင်ငံကိုထိန်းချုပ်ပြီးနောက်မှာ ဘိန်းထုတ်လုပ်မှု ကျဆင်းလာကြောင်း UNODS ရဲ့ ၂၀၂၃ ခုနှစ် အရှေ့တောင်အာရှ ဘိန်းစစ်တမ်းမှာ ဖော်ပြထားပါတယ်။
တာလီဘန်တွေရဲ့ တားမြစ်ချက်ကြောင့် ဘိန်းစိုက်ပျိုးမှု ၉၅ ရာခိုင်နှုန်းကျဆင်းသွားတယ်လို့ ဆိုပါတယ်။ မြန်မာနိုင်ငံမှာတော့ ၂၀၂၂ ခုနှစ်ကနေ ၂၀၂၃ ခုနှစ်အတွင်း တရားမဝင်ဘိန်းစိုက်ပျိုးမြေ ၁၈ ရာခိုင်နှုန်း ဧက ၁၁၆၄၀၀ ထိတိုးလာတယ်လို့ UNODS ကဆိုပါတယ်။
မြန်မာနိုင်ငံ ၂၀၂၁ ခုနှစ်က နိုင်ငံရေးအပြောင်းအလဲဖြစ်ပွားပြီးနောက်မှာ စီးပွားရေး လုံခြုံရေးနဲ့ အုပ်ချုပ်ရေး ယိုယွင်းမှုတွေကြောင့် ဝေးလံခေါင်သီတဲ့ ဒေသက တောင်သူတွေဟာ အသက်မွေးဝမ်းကျောင်းအတွက် ဘိန်းစိုက်ပျိုးမှုတွေကို ဆက်လက်လုပ်ကိုင်နေကြတယ်လို့ UNODS ရဲ့ ဒေသဆိုင်ရာ ကိုယ်စားလှယ် ဂျယ်ရမီဒေါက်ကလပ်စ်က ပြောပါတယ်။
မြန်မာနိုင်ငံ အရှေ့မြောက်ပိုင်းဟာ မြန်မာ လာအိုနဲ့ ထိုင်းတို့ နယ်နိမိတ်ဆုံးရာ ရွှေတြိဂံဒေသမှာ ပါဝင်နေပြီး ဘိန်းနဲ့ ဘိန်းဖြူထုတ်လုပ်ရောင်းချမှုတွေအပေါ် အစိုးရရဲ့ ထိန်းချုပ်နိုင်မှု အားနည်းတာတွေနဲ့ နယ်စပ်ဒေသမှာ တရားမဲ့လုပ်ရပ်တွေနဲ့အတူ မူးယစ်ဆေးဝါး ရောင်းဝယ်ဖောက်ကားမှုတွေ တိုးပွားလာနေပါတယ်။
Ref: Asahi Shimbun
Photo:AP
