Day: March 28, 2024

ရခိုင်နဲ့ ကယားရှိ စစ်ရှောင်စခန်းတွေမှာ သောက်သုံးရေ ရှားပါးမှုပြဿနာ ပိုမိုဆိုးဝါးလာ မတ် ၂၈ – ၂၀၂၄ SN (VOM) ပူပြင်းခြောက်သွေ့တဲ့ နွေရာသီကို ရောက်ရှိလာပြီ ဖြစ်တဲ့အတွက် စစ်ရှောင်စခန်းတွေမှာ စားနပ်ရိက္ခာလိုအပ်ချက်အပြင် သောက်သုံးရေ ရှားပါးပြတ်လပ်မှုဒဏ်ကို ပိုမို ဆိုးရွားစွာ ကြုံတွေ့လာနေရတယ်လို့ စစ်ရှောင်အရေး ဆောင်ရွက်နေသူတွေဆီက သိရပါတယ်။ ပဋိပက္ခတွေ ကြာမြင့်လာတာနဲ့အမျှ ရခိုင်ပြည်နယ်က စစ်ရှောင်စခန်းတွေမှာ သောက်သုံးရေ ရှားပါးမှုပြဿနာ ပိုမိုဆိုးဝါးလာပြီး ထောက်ပံ့ကူညီမှုတွေ လျော့နည်းကျဆင်းလာနေတယ်လို့ ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (United Nations OCHA Myanmar) ရဲ့ မနေ့ မတ်လ ၂၇ ရက် ထုတ်ပြန်ချက်မှာ ဖော်ပြထားပါတယ်။ “ယာယီရွှေ့ပြောင်းစခန်းတွေမှာ နေထိုင်နေရသူတွေအတွက် အစစအရာရာ ရှားပါးနေတဲ့ကာလမှာ သောက်သုံးရေ ရှားပါးလာမှုက အဓိက စိုးရိမ်စရာဖြစ်လာတယ်” လို့ UNOCHA Myanmar…

မတ် ၊ ၂၈ ၊ ၂၀၂၄ SP (VOM) ဒီကနေ့မနက်ပိုင်းက စစ်ကိုင်းတိုင်း ၊ ကောလင်းခရိုင် ၊ ပင်လည်ဘူးမြို့နယ် ၊ ညောင်ပင်သာကျေးရွာနားမှာ နစကတပ်ဖွဲ့တွေက ပစ်ခတ်ဖမ်းဆီးတာကြောင့် လူ လေးယောက် သေဆုံးတယ်လို့ နယ်ခံ လူမှုကူညီရေးအဖွဲ့တွေဆီက သိရပါတယ်။ ” ပစ်သတ်ခံရတဲ့ လူလေးယောက်က ညောင်ပင်သာရွာခံတွေမဟုတ်ဘူး ၊ ရွာနားကိုရောက်နေတာ ရက်တပတ်လောက်ရှိပြီး ၊ ဘယ်ရွာကဆိုတာမသိရဘူး ၊ သူတို့က သေနတ်တွေကိုယ်စီပါတယ် “လို့ ပရဟိတသမားတယောက်က ပြောပါတယ်။ ဒါ့အပြင် ကောလင်းခရိုင် လုံခြုံရေးအဖွဲ့နဲ့ နီးစပ်သူတယောက်က ” ပင်လည်ဘူး ညောင်ပင်သာရွာနား ဒီမနက်ပိုင်းက နယ်မြေရှင်းလင်းရေး အဖွဲ့နဲ့ ထိတွေ့မှုဖြစ်တယ် ၊ အမျိုးသား အလောင်း လေးလောင်းနဲ့ လက်လုပ် လက်နက်ခဲယမ်းတွေ သိမ်းဆည်းရမိတယ် ” လို့ ပြောပါတယ်။ အလားတူ…

မတ် ၂၈ – ၂၀၂၄ GG (VOM) မွန်ပြည်နယ်၊ ဘီးလင်းမြို့နယ်၊ ကမာဆိုင်ကျေးရွာ၊ ရန်ကုန်- မော်လမြိုင်ကားလမ်းမပေါ်မှာ လူနာတင်ယာဥ်တစီးပစ်ခတ်ခံရပြီး ကားပေါ်လိုက်ပါလာသူတွေထဲက နှစ်​ယောက်သေနတ်ထိမှန်ဒဏ်ရာရရှိခဲ့တယ်လို့သိရပါတယ်။ ဖြစ်စဥ်မှာ မတ်လ ၂၇ ရက်နေ့ ၊ ည ၈ နာရီခွဲလောက်မှာ ကျိုက်ကော်က အရေးပေါ်လူနာတဦးကို ရန်ကုန်ဆေးရုံကြီးကိုပို့ဆောင်စဥ် ကမာဆိုင်ရွာနားအရောက်မှာ မိုင်းပေါက်ကွဲမှုဖြစ်ပြီးနောက် သေနတ်နဲ့ ပစ်ခတ်ခံခဲ့ရတာဖြစ်ကြောင်း ၊ ပစ်ခတ်မှုကြောင့် လူနာတင်ယာဥ် ယာဥ်မောင်းနဲ့ အရေးပေါ်လူနာမှာ ဒဏ်ရာရရှိခဲ့တာဖြစ်တယ်လို့သိရပါတယ်။ ပစ်ခတ်ခံခဲ့ရတဲ့ လူနာတင်ယာဥ်ကတော့ သထုံမြို့နယ် အခြေစိုက် အကြင်နာတွဲလက် လူမှုကူညီရေးအသင်ကားဖြစ်တယ်လို့သိရပါတယ်။ ဒါကြောင့် အသင်းကိုဆက်သွယ်မေးမြန်းရာ အသင်းတာဝန်ရှိသူတဦးက ” ရန်ကုန်လွှဲတဲ့လူနာကို လိုက်ပို့တာ ဘီးလင် ကမာဆိုင်ကွက်သစ်ရောက်တော့ မိုင်းကွဲတယ်၊ နောက်တော့ သေနတ်နဲ့ ပစ်တယ်၊ ပစ်ခံရပြီးကားကို ပစ်ထားရတယ်။ လူနာကို ပြီးမှအသင်းကားနဲ့ ထပ်သွားခေါ်ရတယ်။ ပစ်ခတ်မှုရှိတော့ချက်ခြင်းခေါ်မရဘူး အချိန်စောင့်ပြီးမှပဲခေါ်ရတယ်။…

မတ် ၊ ၂၈ ၊ ၂၀၂၄ SP (VOM) စစ်ကိုင်းတိုင်း ၊ ရွှေဘိုခရိုင် ၊ ရွှေဘိုမြို့နယ် ၊ ကျွဲခြံကျေးရွာအနီး ရွှေဘို – ရေဦး လမ်းမှာ ဒီကနေ့ မနက်ပိုင်း ၁၀ နာရီဝန်းကျင်က ကားတစီးပစ်ခတ်ခံရပြီး ကားပေါ်မှာလိုက်ပါလာတဲ့ ကျေးရွာအုပ်ချုပ်ရေးမှူး လင်မယား ထိခိုက်သေဆုံးတယ်လို့ နယ်ခံ လူမှုကူညီရေးအဖွဲ့တွေဆီက သိရပါတယ်။ ” ပစ်ခတ်ခံရတဲ့ကားက ရွှေဘိုမြို့နယ် ၊ မြင်းချင်းရွာက ကားဖြစ်တယ် ၊ ကားပေါ်မှာ လိုက်ပါလာတာက မြင်းချင်းကျေးရွာအုပ်ချုပ်ရေးမှူး ဦးထွန်းထွန်းနိုင် နဲ့ သူ့မိန်းမ ဒေါ်ပေါက် တို့ဖြစ်တယ် ၊ သူတို့လင်မယား နှစ်ယောက်စလုံး နေရာမှာတင် သေဆုံးတယ် ၊ အဲ့ဒီကားကိုမောင်းပေးတဲ့ လူက ထွက်ပြေးလို့ လွတ်လာတယ်” လို့ ပရဟိတသမားတယောက်က ပြောပါတယ်။ အဲ့ဒီ ပစ်ခတ်မှုဟာ…

ရန်ကုန် – မတ် – ၂၈ – ၂၀၂၄ GG (VOM) မွန်ပြည်နယ် ၊ကျိုက်မရောမြို့နယ်ထဲက ဓမ္မသရွာမှာ မီးငြိမ်းသွားပေမယ့် ရွာထဲမှာ PDF နဲ့ စစ်တပ်အကြား တိုက်ပွဲတွေဖြစ်ပြီး ပစ်ခတ်မှုဖြစ်နေလို့ ဒေသခံရွာသားတွေ ပိတ်မိနေတယ်လို့ ဓမ္မသ ရွာဒေသခံတွေဆီကသိရပါတယ်။ တိုက်ပွဲတွေကြောင့် ကြောင့် မီးဘေးသင့်ပြည်သူတွေရော၊ ရွာထဲမီးမလောင်ဘဲ ကျန်နေတဲ့နေအိမ် တွေကို စောင့်ရှောက်ဖို့ကျန်ခဲ့တဲ့ ဒေသခံတွေပါ ရွာအပြင်ကိုထွက်မရဘဲ ရွာထဲမှာပိတ်မိနေကြတာဖြစ်ပြီး အစားအသောက်၊ သောက်ရေတွေ လိုအပ်နေတယ်လို့ဆိုပါတယ်။ ” မီးက ညတုန်းကလောင်နေချိန် ဘာမှမတတ်နိုင်လို့ထားခဲ့လိုက်ရတယ်၊မနက်ကျတော့ငြိမ်းသွားပြီ။ ရွာရဲ့ သုံးပုံ တပုံလောက်တော့ပါသွားတယ်။မီးငြိမ်းမှ သေချာသိရတာကိုး၊ ရွာထဲပိတ်မိနေသူတွေရှိနေပါတယ်။ စားစရာတွေလိုနေတယ်။အခုအပြင်ကိုထွက်မရပါဘူး။မီးဘေးသင့်သူတွေရော ၊ရွာခံတွေရောအကုန် ဒုက္ခရောက်နေပါတယ်။” လို့ ဓမ္မသရွာဒေသခံကပြောပါတယ်။ လက်ရှိအချိန်ထိလည်း တိုက်ပွဲတွေဖြစ်ပွားနေဆဲဖြစ်လို့ နေအိမ်တွေပေါ်လက်နက်ကြီးကျည်ကျပြီး ထပ်မံမီးလောင်မှုဖြစ်ပွားမှာကို ဒေသခံတွေစိုးရိမ်နေကြပါတယ်။ ကော့ကရိတ်၊ ကော့ဘိန်းမြို့မှာ ဖြစ်နေတဲ့ စစ်တပ်နဲ့ PDF…