အောက်တိုဘာ ၂ – ၂ဝ၂၅ KKO(VOM) “အခုတလောစွန့်ပစ်ခံရတဲ့ ဘိုးဘွားလေးငါးယောက်လောက်ကိုဆက်တိုက်ကူခဲ့ရတယ်။ ဒီရက်ပိုင်းထဲမှာ သက်ရှိစွန့်ပစ်မှုတွေပိုများလာတယ်။ တကယ့်ကိုကြုံနေရတယ်။ ဒါတွေပဲဆက်တိုက်ကူနေရတယ်”လို့ ဆိုလာသူက ရွှေမေတ္တာလူမှုကူညီရေးအသင်းက မရွှေလဲ့ ပဲဖြစ်ပါတယ်။ ယခုကာလအပိုင်းအခြားအတွင်းမှာ လမ်း ဘေးမှာဖြစ်သလို နေကြရရှာတဲ့အိမ်ရာမဲ့သက်ကြီးရွယ်အိုတွေ ဆေးကုသဖို့ငွေကြေးမတတ်နိုင်တဲ့ နာမကျန်းဖြစ်နေကြတဲ့သက် ကြီးပိုင်းတွေနဲ့ မိသားစုကစွန့်ပယ်လိုက်တဲ့စွန့်ပစ်ခံဘိုးဘွားတွေကို ဆေးရုံ၊ဆေးခန်းသို့ပို့ဆောင်ရမှုတွေနဲ့ ရိပ်သာဂေဟာသို့ပို့ဆောင်ရမှုတွေကိုပရဟိတလူမှုရေးအသင်းတွေကကြုံတွေ့နေရတာပဲဖြစ်ပါတယ်။ ဒါတွေဟာ စားဝတ်နေရေးအကြပ်အတည်း၊လူသားတွေရဲ့မိသားစုဝင်ငွေကျဆင်းလာမှု၊စီးပွားရေးမချောင်လည်မှုတွေအပါအဝင်ကျောထောက်နောက်ခံမရှိမှု၊အခြားသောမိသားစုရေးရာကိစ္စရပ်တွေကြောင့်စွန့်ပစ်ခံဘိုးဘွားတွေဟာတနေ့ထက်တနေ့ပိုမိုများ ပြားလာတာဖြစ်ပါတယ်။ ဒီကနေ့ကာလမှာ ဘိုးဘွားရိပ်သာတွေနဲ့သက်ကြီးရွယ်အို စောင့်ရှောက်ရေးဂေဟာတွေမှာခိုလှုံနေထိုင်ကြရတဲ့စွန့်ပစ်ခံဘိုး၊ဘွားတွေဟာလည်းဒုနဲ့ဒေးဆိုသလိုအလွန်ပင်များပြားလှပါတယ်။ “တလောတုန်းကဆိုသားသမီး ၃ ယောက်ရှိတယ်။သားတယောက်ကအနီးကပ်အတူနေပေမယ့် အခုသူကဆက်ပြီး မစောင့်ရှောက်နိုင်တော့လို့ အသက် ၆၀ အရွယ်အဘိုးတယောက်ကိုကူပေးခဲ့ရပါတယ်၊ရိပ်သာပို့ပေးခဲ့ရတယ်” လို့ မရွှေလဲ့ က သူကူညီပေးခဲ့ရတဲ့သက်ရှိဘိုးဘွားစွန့်ပစ်မှုနဲ့ ပတ်သက်ပြီး ပြောပြခဲ့ပါတယ်။ ပြောရရင်နေပူပူ မိုးရွာရွာလမ်းဘေးမှာအသက်ရှင်သန်ဖို့အတွက် မသက်မသာနဲ့ လေကိုတောင်မှန်အောင်ရှူနေရတဲ့ စွန့်ပစ်ခံသက်ကြီးရွယ်အိုတွေရဲ့အိုမင်းဘဝဟာ တကယ့်ကိုစာနာသနားဖွယ်ကောင်းသလို မြင်ရသူအဖို့ အနိစ္စအဖြစ်အပျက်သဘောကိုလည်း တိုက်ရိုက်မြင်နေရသလိုဖြစ်စေပါတယ်။ စွန့်ပစ်ခံသက်ကြီးရွယ်အိုဘိုးဘွားတွေဟာစောင့်ရှောက်ရေးရိပ်သာဂေဟာတွေမှာသာအထီးကျန်စွာခိုလှုံနေထိုင်နေရပြီး သူတို့ရဲ့နောက်ဆုံးလက်ကျန်ဘဝရဲ့နေဝင်ချိန်နေ့ရက်တွေကိုအားတင်းကာဖြတ်သန်းနေရရှာပါတယ်။ ဘိုးဘွားတွေဟာ”အနိစ္စ ဒုက္ခ အနတ္တ”ဆိုသောဘယ်အရာမှအဆိုးမရ၊မမြဲဘူးဆိုတဲ့တရားတွေကိုနှလုံးသွင်းရင်းသာရှင်သန်နေကြရပါတယ်။ ဒါတွေကဘယ်တော့မှအဆုံးမသတ်နိုင်တဲ့…
Read More
