စက်တင်ဘာ ၂၁ – ၂၀၂၅ SS (VOM) ကရင်နီပြည်နယ်၊ ဖားဆောင်းမြို့နယ်၊ မော်ချီးဒေသ ခဲတွင်းပြိုကျမှု ဖြစ်စဉ်အတွင်း လူသေဆုံးမှု ၊ ဒဏ်ရာရမှုတွေ ရှိခဲ့ပြီး ကျင်းထဲ ပိတ်မိနေသူ တယောက်ကိုလည်း ဆက်လက် ရှာဖွေနေဆဲဖြစ်တယ်လို့ ဒေသခံတွေက ပြောပါတယ်။ ပြီးခဲ့တဲ့ စက်တင်ဘာ ၁၉ ရက်နေ့၊ ည ၁၁ နာရီဝန်းကျင်က ဖြစ်ပွားခဲ့တဲ့ ခဲကျင်းလုပ်ကွက်ဟောင်း ပြိုကျမှုဖြစ်စဥ်မှာ လူသုံးယောက် မြေစာတွေနဲ့အတူ ပါသွားခဲ့တာ ဖြစ်တယ်လို့ သိရပါတယ်။ “သုံးယောက်မှာ နှစ်ယောက် ပြန်တွေ့တယ်။ တယောက်ကတော့ ဖြစ်တဲ့နေ့ကပဲ သေဆုံးလျက် ပြန်တွေ့တာ။ နောက်တယောက်ကတော့ မနေ့ (စက်တင်ဘာ ၂၀ ရက်) က အသက်ရှင်လျက် ပြန်တွေ့တယ်။ ဆေးရုံတက်နေရပါပြီ။ တယောက်ပဲ ကျန်ပါတော့တယ်။ ကျန်တဲ့တယောက်ကတော့ ရှာနေဆဲပါ။ ရတနာအောင်မြေ ရပ်ကွက်က ခဲကျင်း…

စက်တင်ဘာ ၂၁၊ ၂၀၂၅ Shy V (VOM) တရုတ် – မြန်မာ နယ်စပ်၊ မူဆယ် ဆင်ဖြူ နယ်စပ်ဂိတ် တရုတ်ဘက်ခြမ်းမှာ ဒီရက်ပိုင်းအတွင်း ကန့်သတ်ပစ္စည်းတွေ စစ်ဆေးတွေ့ရှိလို့ ပစ္စည်း သယ်ထုတ်ဖို့ တင်းကြပ်ထားလို့ အခက်ကြုံနေ ကြရကြောင်း နယ်စပ် အဝင်အထွက်လုပ်ပြီး အသက်မွေးဝမ်းကျောင်းပြုနေသူတွေဆီက သိရပါတယ်။ “စက်တင်ဘာ ၁၉ ရက်နေ့က တရုတ်ဘက်ကနေ မြန်မာဘက် အဝင် တရုတ်ဂိတ်မှာ ကျည်ကာတွေလည်း မိတယ်။ ကားမှာလည်း စက်ပစ္စည်း ဘာတွေ မိလဲ မသိဘူး အကုန်ချပြီး စစ်ဆေးနေတာ တွေ့တယ်” လို့ နယ်စပ် အဝင်အထွက်လုပ်ပြီး အသက်မွေးဝမ်းကျောင်း ပြုနေတဲ့ နယ်စပ်ဒေသခံ အမျိုးသမီး တယောက်က ပြောပါတယ်။ ကျည်ကာ သယ်ဆောင်လာတဲ့ အမျိုးသမီးကိုတော့ တရုတ်ဘက်ဂိတ်က တရုတ်နိုင်ငံ ဝင်ခွင့် နှစ်နှစ် ပိတ်ခံရတယ်လို့…

စက်တင်ဘာ ၂၁၊၂၀၂၅ GG (VOM) စစ်ကိုင်းတိုင်း ၊ဗန်းမောက်မြို့နယ်ထဲက စခန်းအချို့ကို SNA ရှမ်းနီအမျိုးသားတပ်မတော်ဘက်က လက်လွှတ်ရပြီးနောက် လက်ရှိမှာ KIA ပူးပေါင်းတွေနဲ့ တိုက်ပွဲတွေ ဆက်လက်ပြင်းထန်ဖြစ်ပွားနေတယ်လို့သိရပါတယ်။ SNA ဟာ ဗန်း​မောက်မြို့နယ်ထဲက သီလရှင်ကုန်း ၊ တာဝါတိုင် ၊ ဟိုတယ်ဇုန်ပွိုင့်တွေကနေ ဆုတ်ခွာပေးလိုက်ရတာဖြစ်ပြီး ကျန်တဲ့ နေရာတွေမှာ SNA တပ်တွေ ရှိနေပြီး မြို့ကို လက်မလွှတ်ရရေး အပြင်းအထန် တိုက်ခိုက်နေကြတာဖြစ် တယ်လို့သိရပါတယ်။ ” ဗန်းမောက်မြို့ကို ရှမ်းနီတွေလက်လွှတ်လိုက်ရတယ်ဆိုတာမဟုတ်ပါဘူး။တပ်စခန်းတချို့လက်လွှတ်လိုက်ရတာပါ။တိုက်ပွဲတွေဖြစ်နေတုန်း ပစ်ခတ်နေကြတုန်းပဲ။ တပ်ဘက်ကလည်း လေကြောင်းပစ်ကူတိုက်ပေးနေတယ်။ ရှမ်းနီတပ်တွေက မြို့ကိုလက်လွှတ်ခံမှာမဟုတ်ပါဘူး။” လို့ ဗန်းမောက်မြို့ ဒေသခံကပြောပါတယ်။ လက်ရှိဗန်းမောက်မြို့နယ်ထဲက မြစ်သေးချင်းရွာဘက်မှာတိုက်ပွဲတွေ ဆက်ဖြစ်နေပြီး နလအဘက်ကလည်း ညတုန်းက လေကြောင်းပစ်ကူတိုက်ခိုက်မှုပြုလုပ်ခဲ့ကြောင်း ၊ တိုက်ပွဲအတွင်း နှစ်ဖက်အဖွဲ့အစည်းတွေမှာ အကျအဆုံးတွေရှိနေကြောင်း တိုက်ပွဲသတင်းတွေအရသိရပါတယ်။ တိုက်ပွဲတွေ ဆက်ဖြစ်နေတဲ့ မြစ်သေးချင်းရွာဘက်တွေမှာတော့ ကျေးရွာနေဒေသခံတွေ…

စက်တင်ဘာ ၂၂ – ၂၀၂၅ SN (VOM) ကချင်ပြည်နယ်၊ ဖားကန့်မြို့မှာ သုံးလနီးပါး ကာလအတွင်း လူအယောက် ၂၀ ကျော် ပစ်သတ်ခံခဲ့ရတယ်လို့ ဒေသခံတွေဆီက သိရပါတယ်။ ပြီးခဲ့တဲ့ ဇူလိုင်လအတွင်းက လမ်းပေါ်မှာ ပစ်သတ်ခံရသူ ၁၅ ယောက်ဝန်းကျင် ရှိခဲ့ပြီး ဩဂုတ်လ အတွင်းမှာတော့ ပစ်သတ်ခံခဲ့ရသူ လေးယောက်ဝန်းကျင် ရှိခဲ့တယ်လို့ သိရပါတယ်။ အခု စက်တင်ဘာလ အတွင်းမှာလည်း ပြီးခဲ့တဲ့ ၁ ရက်နေ့က အမျိုးသား တယောက်၊ ၁၇ ရက်နေ့မှာ အမျိုးသား နှစ်ယောက် ပစ်သတ်ခံခဲ့ရသလို၊ စက်တင်ဘာ၂၀ ရက်နေ့ကလည်း ဖားကန့်၊ လုံးခင်းကျေးရွာအုပ်စုမှာ အမျိုးသား နှစ်ယောက် ထပ်မံ ပစ်သတ်ခံခဲ့ရတာကြောင့် သုံးလနီးပါး ကာလအတွင်း ၂၄ ယောက်ဝန်းကျင် အသတ်ခံခဲ့ရတာ ဖြစ်တယ်လို့ သိရပါတယ်။ “မနေ့က ပစ်သတ်ခံရတာက ဖားကန့်၊…

စက်တင်ဘာ ၂၂၊ ၂၀၂၅ CC (VOM မန္တလေးတိုင်းက pdf ထိန်းချုပ်​နေရာတွေဖြစ်တဲ့ သပိတ်ကျင်းမြို့နယ်နဲ့ စဥ့်ကူးမြို့နယ်ထဲကကျေးရွာအချို့မှာ လေကြောင်းတိုက်ခိုက်ခံခဲ့ရပြီး လေးယောက်သေဆုံးကာ သေဆုံးသူ ၁၀ ယောက်ကျော်ရှိခဲ့တယ်လို့ သိရပါတယ်။ စက်တင်ဘာလ ၂၁ ရက်နေ့ ၊နေ့လယ် ၂ နာရီလောက်မှာ သပိတ်ကျင်းမြို့နယ်ရှိ ကျောက်ဖြာရွာကို လေကြောင်းကြဲခဲ့တာဖြစ်ကြောင်း တိုက်ခိုက်ခံရမှုကြောင့် လေးယောက်သေဆုံးကာ ၁၀ ယောက်ထိခိုက်ဒဏ်ရာရရှိခဲ့တာဖြစ်တယ်လို့သိရပါတယ်။ အလားတူ နေ့လယ် ၁ နာရီလောက်မှာ စဥ့်ကူးမြို့နယ်ရှိ နဂါးမောက်တောင်ပေါ်ကို လေကြောင်းကြဲခံရပြီး နှစ်ယောက်ထိခိုက်ဒဏ်ရာရရှိခဲ့တယ်လို့သိရပါတယ်။ ” သပိတ်ကျင်းကရွာ သေဆုံးတဲ့အထဲ အမျိုးသမီးတွေ လည်းပါတယ်။ ရွာထဲကျတာဆိုတော့ သေဆုံးထိခိုက်များသွားတာ။ စဥ့်ကူးဘက်ကတော့ အမျိုးသား တယောက်နဲ့အမျိုးသမီးတယောက်ပဲ ထိခိုက်ဒဏ်ရာရတယ်ပြောတယ်။ကျောက်ဖြာရွာကpdf တွေသိမ်းထားတာကြာပြီလေ။ “လို့ သပိတ်ကျင်းဒေသခံကပြောပါတယ်။ လက်ရှိမှာ ထိခိုက်ဒဏ်ရာရရှိသူတွေကို ဆေးကုသမှုပေးထားကြောင့် မန္တလေး pdf အဖွဲ့က ထုတ်ပြန်ထားတာတွေ့ ရပါတယ်။ နလအ…