Day: February 18, 2020

ပလက်ဝမှာ စားနပ်ရိက္ခာပြတ်လပ်တော့မည် ဖေဖေါ်ဝါရီ ၁၈-၂၀၂၀ နေလင်း (VOM) အေအေနဲ့ တပ်မတော်တိုက်ပွဲတွေကြောင့် ရေလမ်းကုန်းလမ်းအသွားအလာပြတ်တောက်နေတဲ့ ရခိုင်နဲ့ချင်းပြည်နယ်အစပ် ချင်းပြည်နယ်ပလက်ဝမြို့မှာ ဆန်နဲ့ဆီတွေပြတ်လပ်နေလို့ နောက်တပတ်ကျော်ရင် အခက်အခဲရှိနိုင်တယ်လို့ ဒေသခံတွေက ပြောပါတယ်။ ပလက်ဝဒေသခံတယောက်ပြောပြတာကတော့ “ ကျနော်တို့ ဈေးတွေထဲမှာလည်း ဆန်၊ဆီ ဝယ်ရရှားနေပြီ အရင်ထက်လည်း ၂ဆက်ကျော်တက်တာပါ။ ဒီဇယ်တဂါလံ တသောင်းနဲ့ ဓါတ်ဆီတဂါလံက ၁၂၀၀၀ ပေးဝယ်နေရတယ်။ အိမ်မှာတော့ စားစရာ နောက် ၄ရက်စာလောက်ပဲရှိလို့ ရှာနေရတယ်” လို့ ဆိုပါတယ်။ ဒီကနေ့မှာတော့ ပလက်ဝ အုပ်ချုပ်ရေးအဖွဲ့က ပြည်နယ်အစိုးရကို အကူညီတောင်းနေတယ်လို့လည်း သိရပါတယ်။ ပလက်ဝဒေသခံ မြို့မိမြို့ဖ တဦးက “ ပြတ်တာတော့ ဟုတ်တယ်ဗျ။ ဒီတိုင်းရေရှည်သွားရင် မလွယ်ဘူး၊ ဗိုက်မဝရင် လူတွေဒေါသဖြစ်လာနိုင်တယ်၊ လုမှာယက်မှာကိုစိုးရိမ်နေရပြီ ၊ ဒါ့ကြောင့် သက်ဆိုင်ရာအနေနဲ့ အမြန်ကူညီပေးရင် ဒီပြဿနာ ဖြေရှင်းနိုင်မှာပါ” လို့…

ကိုရိုနာဗိုင်းရပ်စဖြစ်ကတည်းက နယ်စပ်ဂိတ် ပိတ်ထားတဲ့အတွက် မွေးမြူရေးသမားတွေ အရှုံးပေါ် ရေစကြို၊ ဖေဖော်ဝါရီ ၁၈-၂၀၂၀ မိုးယံ(VOM) မကွေးတိုင်း၊ ပခုက္ကူခရိုင်၊ ရေစကြိုနယ်အတွင်းက ကျေးရွာတွေမှာ မူဆယ်နယ်စပ်ကုန်သွယ်ရေးဂိတ်ကို ကိုရိုနာဗိုင်းရပ်မဖြစ်ခင်တည်းက ပိတ်ထားတဲ့အတွက် ဆိတ်ကုန်သည်နဲ့ မွေးမြူရေးသမားတွေ အရှုံးပေါ်နေတယ်လို့ ရေစကြိုမြို့နယ် ဆိတ်မွေးမြူသူတွေရဲ့ ပြောပြချက်အရ သိရပါတယ်။ ‟ ဈေးကျတာတော့ ဒီနှစ်မှမဟုတ်ဘူး၊ ၂နှစ်လောက်ရှိနေပြီ။ မြန်မာဆိတ်ကို တရုတ်ကမဝယ်တော့ဘူးဖြစ်နေတယ်၊ ဒီကဆိတ်တွေကို ကုမ္မဏီတွေကဆင်းဝယ်တယ်၊ ဝယ်ပြီးတော့ မူဆယ်ဂိတ်ကပိတ်ထားတော့ လာအိုဂိတ်ဘက်သွားပြီး အဲဒီကနေတစ်ဆင့် လာအိုဆိတ်ဆိုပြီး တရုတ်ဘက်ကို သွင်းရတယ်၊ ဒါကြောင့် ဆိတ်ဈေးကျနေတာ ၂နှစ်လောက်ရှိပြီ”လို့ ရေစကြိုမြို့နယ်၊ ကိုင်းမကြီးကျေးရွာအုပ်စု မြေခဲတောင်ကျေးရွာသား ကိုကျော်မြင့်ကပြောပါတယ်။ လတ်တလောရေစကြိုမြို့နယ်မှာ ဆိတ်တစ်ပေါင်ဝယ်ဈေး (၁၇၀၀)ကျပ်လောက်သာရှိနေပြီး အရင်က တစ်ပါင်ကို (၂၇၀၀)ကျပ်နဲ့ ဆိတ်တစ်ကောင် ပေါင်၈၀ခန့် အချိန်ရမှသာ ပိုင်ရှင်တွေက ရောင်းလေ့ရှိတယ်လို့ သိရပါတယ်။ ‟ဒီနှစ်ရှုံးကြပါတယ် တရုတ်နိုင်ငံကလမ်းပိတ်လို့ပါ ဒီရောဂါတွေဖြစ်မှပိတ်တာမဟုတ်ပါဘူး၊…

ဘူးသီးတောင်မြို့နယ်မှာ ပေါက်ကွဲမှုတစ်ခုကြောင့် ဆင်သေပြင်ရွာက ဒေသခံတစ်ဦးသေဆုံး ဘူးသီးတောင်၊ ဖေဖော်ဝါရီ ၁၈- ၂၀၂၀ ခိုင်လင်းစံ (VOM) ရခိုင်ပြည်နယ်မြောက်ပိုင်းဒေသ၊ ဘူးသီးတောင်မြို့နယ်မှာ ဒီကနေ့မနက် ၈ နာရီခွဲလောက်က မိုင်းပေါက်ကွဲမှုတစ်ခုဖြစ်ပြီး ဆင်သေပြင်ကျေးရွာက ဒေသခံတစ်ဦး သေဆုံးသွားတယ်လို့ သိရပါတယ်။ သေဆုံးသွားသူဟာ ဆင်သေပြင်ကျေးရွာသား အသက် ၆၅ နှစ်အရွယ် မာမတ်အီနူစ် ဖြစ်ပြီး နွားတွေနဲ့အတူ သွားချိန် လယ်ကွင်းမှာ မိုင်းထိသေဆုံးသွားတာဖြစ်တယ်လို့ သိရပါတယ်။ ” ဘယ်လိုမျိုး ဖြစ်တာလည်းဆိုတော့ မိုင်းဗုံးပေါက်ပြီးတော့ မိုင်းထိသွားတာ။ နွားကျောင်းဖို့သွားတာမှာ မိုင်းထိပြီး သေသွားတာ။ မနက် ၈ နာရီခွဲလောက်မှာ ဖြစ်တာ။ မိုင်းဗုံးပေါက်တော့အသံကြားတယ်။ ဒါကြောင့် ရွာသားတွေက သူ့ကိုသွားယူကြတယ်။ မိုင်းပေါက်တာက လယ်ကွင်းမှာ ပေါက်တာပါ။ ” လို့ အဲ့ဒီဆင်သေပြင်ကျေးရွာမှ ရွာသားတစ်ဦးကပြောပါတယ်။ အဲ့ဒီ ဆင်သေပြင်ကျေးရွာသား မာမတ်အီနူစ်ကို ဘူးသီးတောင်မြို့ကို ကျေးရွာသားတွေက…

လေထုနဲ့ဆိုင်တဲ့ကိစ္စရပ်တွေမှာ အစိုးရဘက်က ထုတ်ပြန်မှုအားနည်းလို့ အရပ်ဖက်အဖွဲ့အစည်းတွေက ပါဝင်နေရခြင်းဖြစ် ရန်ကုန် ၊ဖေဖော်ဝါရီ ၁၈-၂၀၂၀ သိင်္ဂီ (VOM) လေထုနဲ့ဆိုင်တဲ့ကိစ္စရပ်တွေမှာ အစိုးရဖက်က အချိန်နှင့်တပြေးညီထုတ်ပြန်ဖို့ အားနည်းနေတဲ့အတွက် သဘာဝပတ်ဝန်းကျင်အရေးလုပ်ဆောင်နေတဲ့ အရပ်ဖက်အဖွဲ့အစည်းတွေဟာ လေထုညစ်ညမ်းမှုကို ပြည်သူတွေသိအောင် ထုတ်ပြန်ပြောဆိုနေရတာဖြစ်တယ်လို့ လေထုတိုင်းတာရေးအဖွဲ့အချို့ရဲ့ပြောပြချက်အရ သိရပါတယ်။ “ အစိုးရကဦးဆောင်ပြီး ထုတ်ပြန်ပေးရတာမှန်တယ်။ နိုင်ငံတကာမှာဆိုလည်း ဒိအတိုင်းပဲ၊ အစိုးရ ကပဲထုတ်ပြန်တယ်။ ကျွန်တော်တို့အိမ်နီးနားခြင်း တရုတ် ၊ ထိုင်းဆိုလည်း မြို့နယ်တိုင်းက ထုတ်ပြန်တယ်။ အစိုးရကဦးဆောင်တာဖြစ်လို့ အစိုးရဒေတာအမှန်ဆိုတာလည်း လက်ခံတယ်။ ၂၄ နာရီလုံး အများပြည်သူသိနိုင်မယ့် ထုတ်ပြန်တာမျိုးဖြစ်ရမယ်။ သူက စက္ကန့်တိုင်းမှာ ပြောင်းလဲနေတယ်။ ပတ်ဝန်းကျင် ဆိုးကျိုးကောင်းကျိုးကို အချိန်နဲ့တပြေးညီ ထုတ်ပြန်ပေးရမယ်။ အစိုးရအနေနဲ့ ဒီထက်ပိုကြပ်ကြပ်မတ်မတ်နဲ့ စနစ်တကျ ထုတ်ပြန်ပေးစေချင်တယ်။ အစိုးရကဖက်က ထုတ်ပြန်မှုအားနည်းလို့ အရပ်ဖက်အဖွဲ့အစည်းတွေက ပြည်သူတွေ လေထုကောင်းကျိုးဆိုးကျိုးကို သတိပြုမိလာအောင် ထုတ်ပြန်ပြောဆိုနေတာဖြစ်တယ်။”လို့ ရန်ကုန်လေထုနဲ့ပတ်သက်ပြီး…

ငွေပျော်စံပြကျေးရွာအနီး လိပ်ကျောက်တူးလို့ အဖမ်းခံရသူတွေကို ခံဝန်ထိုးခိုင်းပြီးပြန်လွှတ် မြစ်ကြီးနား၊ ဖေဖော်ဝါရီ ၁၈-၂၀၂၀ ရန်အောင်ထွန်း(VOM) မြစ်ကြီးနားမြို့နယ်၊ ငွေပျော်စံပြကျေးရွာအနီး၊ အင်ခိုင်ဘွမ်တောင်ကနေ လိပ်ကျောက်တူးလို့ အဖမ်းခံရသူ ၃၅၀ ကျော်ကို ခံဝန်ကတိအထိုးခိုင်းပြီး ပြန်လွှတ်ပေးလိုက်တယ်လို့ ကချင်ပြည်နယ် သစ်တောဦးစီးဌာနကနေ သိရပါတယ်။ ပြည်နယ်အစိုးရရဲ့ညွှန်ကြားမှုနဲ့ စောင့်ဖမ်းခဲ့တာဖြစ်တဲ့အတွက် တူးယူထားတဲ့ ကျောက်တွေကိုလည်း သိမ်းဆည်းရမိတာမျိုး မရှိဘူးလို့ သိရပါတယ်။ ” ကျွန်တော်တို့က ပြည်နယ်အစိုးရရဲ့ သဘောထားမှတ်ချက်ကို တောင်းခံပါတယ်။ ဝန်ကြီးချုပ်ကြီးက ပညာပေးဆွေးနွေး၊ ဝန်ခံကတိအထိုးခိုင်းပြီး ပြန်လွှတ်လိုက်ပါဆိုလို့ လွှတ်လိုက်ပါပြီဗျ။ နောက်ထပ် ဆက်တူးမယ်ဆိုရင်တော့ ဥပဒေအတိုင်း တင်းတင်းကြပ်ကြပ်လုပ်ရမှာဘဲ ။ ဒီကြားထဲမှာ ပညာပေး ဟောပြောတာတွေ လုပ်အုန်းမှာပါ ။ ဒီနေရာက မြစ်ကြီးနားဘက်ကိုဆင်းတဲ့ ရေထွက်နေရာလည်းဖြစ်တယ် မြေသားလည်းဖြစ်တယ်ဆိုတော့ အခုလို တူးမယ်ဆွမယ်ဆို မိုးရွာရင်မြေသားတွေဟာ အနီးကရွာထဲကို ရေနဲ့အတူ စီးဝင်တာတွေဖြစ်နိုင်တယ်လေ ကျ‌နော်တို့ကတော့ မတူးစေချင်ပါဘူး။ ”…