တစ်သောင်းတန်ငွေစက္ကူအတုတွေနဲ့ နွားဝယ်သွားတဲ့သူတွေကို မြန်မာနိုင်ငံတော်ဗဟိုဘဏ်ဥပဒေနဲ့ အမှုဖွင့်ထား မိုးညို၊ မတ် ၂၈-၂၀၂၀ ဝေဇင်ကြည်(VOM) ပဲခူးတိုင်း မိုးညိုမြိုနယ် ရေကင်းအုပ်စုအပိုင် ပဒေသာကျွန်းကျေးရွာမှာ မနေ့ မတ်လ ၂၇ရက်နေ့လည်ပိုင်းကတစ်သောင်းတန် ငွေတုသိန်းသုံးဆယ်ကျော်(၃၁၅၀၀၀၀)ကျပ်နဲ့နွားအရောင်းအဝယ်ပြုလုပ်သွားတဲ့အမည်မသိအမျိုးသားကို အမှုဖွင့်ကာဖမ်းဆီးရမိရေး ဆောင်ရွက်နေတယ်လို့ ရေကင်းနယ်မြေရဲစခန်းကသိရပါတယ်။ ‟ငွေတုတွေမိတယ်ဆိုတာ ဟုတ်ပါတယ်။ နွားအရောင်းအဝယ်လုပ်ကြတာပါ တရားခံဖမ်းဖို့သွားနေတာမလို့ လတ်တလော ဒီလောက်ဘဲပြောနိုင်ပါတယ်”လို့ ရေကင်းရဲစခန်းမှ စခန်းမှူး ရဲအုပ်တင်လင်းကVOMကိုအတည်ပြုပြောပါတယ်။ ကျွန်းညိုအုပ်စု၊ ဘိုးဘိုးကြီးကုန်းကျေးရွာက နွားနှစ်ကောင်ကို ငွေကျပ် သိန်း (၂၀)ကျော်နဲ့ အမည်မသိ အမျိုးသားတစ်ဦးက ဝယ်ယူသွားပြီး၊ ငါးကယ်အုပ်စု၊ ပေကုန်းကျေးရွာက နွားတစ်ကောင်ကိုလည်း ငွေ ဆယ်သိန်းကျော် နဲ့ဝယ်ယူခဲ့ရာ တစ်သောင်းတန် ငွေစက္ကူအတုတွေဖြစ်နေတဲ့အတွက် ရေကင်းရဲစခန်းက သက်သေတွေရှေ့မှာ သိမ်းဆည်းခဲ့တယ်လို့ သိရပါတယ်။ တစ်သောင်းတန်ငွေစက္ကူအတုတွေနဲ့ နွားဝယ်သွားတဲ့ အမည်မသိအမျိုးသားကို (ပ)၁၉/၂၀၂၀ မြန်မာနိုင်ငံတော်ဗဟိုဘဏ်ဥပဒေ ၁၀၅/၁၀၆နဲ့အမှုဖွင့်ထားပြီး တရားခံဖမ်းဆီးရမိရေး ဆောင်ရွက်နေတယ်လို့ ရေကင်းနယ်မြေရဲစခန်းကပြောပါတယ်။ #VOM #voiceofmyanmar…
Read Moreတစ်သောင်းတန်ငွေစက္ကူအတုတွေနဲ့ နွားဝယ်သွားတဲ့သူတွေကို မြန်မာနိုင်ငံတော်ဗဟိုဘဏ်ဥပဒေနဲ့ အမှုဖွင့်ထား
