Day: October 22, 2020

အလုပ်ရှင်ဘက်က ကျန်းမာရေးပိုင်းဆိုင်ရာစီစဉ်မှု အားနည်းတယ်ဆိုပြီး အလုပ်သမားထောင်နဲ့ချီဆန္ဒပြ အောက်တိုဘာ ၂၂ သိင်္ဂီထွန်း (VOM ) ရန်ကုန်တိုင်း၊ လှည်းကူးမြို့နယ်က MILA GARDEN CO.LTDဖိနပ်စက်ရုံဟာ အလုပ်သမားတွေအတွက် ကျန်းမာရေးပိုင်းဆိုင်ရာ စီစဉ်ပေးမှုအားနည်းတယ်ဆိုပြီး အလုပ်သမား ထောင်နဲ့ချီ စက်ရုံအတွင်းမှာ ဆန္ဒပြမှုပြုလုပ်ခဲ့တယ်လို့ စက်ရုံအလုပ်သမားဆီကနေ သိရပါတယ်။ အလုပ်သမားတွေတောင်းဆိုနေတာကတော့ အဓိက ကျန်းမာရေးပိုင်းဆိုင်ရာကို သေသေချာချာလုပ်ဆောင်ပေးဖို့နဲ့ လူမှုဖူလုံရေးကြေး၊ လူမှုဖူလုံရေးကဒ်တွေရရှိဖို့ အပါအဝင်စတဲ့ တောင်းဆိုချက်တချို့ကို ဒီကနေ့ အောက်တိုဘာလ ၂၂ ရက် နေ့လယ်ကတည်းက တောင်းဆိုနေတာပဲ ဖြစ်ပါတယ်။ “အခု ဆန္ဒပြနေပါတယ်။ တောင်းဆိုချက်တွေ ၅ချက်၊ ၆ ချက်ရှိတယ်။ စက်ရုံပြန်ဆင်းတယ် ရွာတွေကနေ ပေးမထွက်လို့ အလုပ်လာမဆင်းရတဲ့သူတွေရှိတယ်။ ရပ်ရွာလူကြီးတွေက ကိုဗစ်ကြောက်လို့ပေးမလွှတ်ဘူး။ အဲ့ဒီလူတွေကို အလုပ်ဖြုတ်မယ် လစာလျှော့မယ်ပြောလို့ ဒီနေ့အလုပ်ပြန်ဆင်းကြတယ်။ တောင်းဆိုတာက ကျန်းမာရေးနဲ့ပတ်သက်ပြီးလုပ်ပေးတာအရမ်းအားနည်းတယ်။ အိမ်သာကအစ အကုန်ပြုတ်ကျပြီးစုတ်ပြတ်နေတယ်။ အဲ့ဒါကို ဘယ်သူကိုပြောရမှန်းလဲမသိဘူး။…

ပလက်ဝမြို့နယ်ပြင်ပကိုရောက်နေသူတွေ အောက်တိုဘာ ၂၅ရက်နောက်ဆုံးထားပြီး ကြိုတင်မဲလျှောက်ထားရမယ် အောက်တိုဘာ ၂၂-၂၀၂၀ အေးချမ်းသူ(VOM) ချင်းပြည်နယ်၊ ပလက်ဝမြို့နယ်ပြင်ပကို ရောက်ရှိနေတဲ့ မဲဆန္ဒရှင်ပြည်သူတွေအနေနဲ့ ၂၀၂၀ပြည့်နှစ်၊ ပါတီစုံဒီမိုကရေစီအထွေထွေရွေးကောက်ပွဲမှာ မဲပေးခွင့် အခွင့်အရေးများ မဆုံးရှုံးစေရေးအတွက် ကြိုတင်မဲထည့်နိုင်ဖို့ ချင်းပြည်နယ်အစိုးရက စီစဉ်ထားတယ်လို့ ချင်းပြည်နယ်စည်ပင်သာယာရေးလျှပ်စစ်နှင့်စက်မှုလက်မှုဝန်ကြီး ဦးစိုးထက်က VOMကို ပြောပါတယ်။ “ပလက်ဝမြို့နယ်အတွင်းမှာ မဲစာရင်းနာမည်ပါပြီး၊ ပလက်ဝမြို့နယ်ပြင်ပကို ရောက်ရှိနေတဲ့သူတွေအတွက် ကြိုတင်မဲထည့်နိုင်ရန်အတွက်စီစဉ်ထားတယ်။ ကိုယ်ရောက်ရှိနေတဲ့ မြို့နယ်ရွေးကောက်ပွဲကော်မရှင်ရုံးကိုသွားပြီး ပုံစံ ၁၅ ဖြင့်လျှောက်ထားတောင်းခံပြီး ပလက်ဝမြို့နယ်ကော်မရှင်ရုံးကို ပေးပို့ရမှာ၊ ကြိုတင်မဲလက်မှတ်များကို ပလက်ဝမှာ မဲစာရင်းပါဝင်သူများသာမဲထည့်နိုင်မှာဖြစ်တယ်၊ အခြားမြို့တွေမှာ ပုံစံ ၃(က)ဝင်ပြီးသူတွေက ပုံစံ ၁၅ လျှောက်ထားခွင့်မရှိဘူး ၊ကြိုတင်မဲလက်မှတ်ပုံစံ -၁၅ လျှောက်ထားရမယ့် နောက်ဆုံးရက်ဟာ အောက်တိုဘာလ ၂၅ ရက် ဖြစ်ပြီး ပလက်ဝမြို့နယ်ကော်မရှင်မှ မဲလက်မှတ်နောက်ဆုံးပို့ရမှာသည် နိုဝင်ဘာလ ၁ရက်နေ့ဖြစ်တယ်”လို့ ချင်းပြည်နယ်စည်ပင်သာယာရေးလျှပ်စစ်နှင့်စက်မှုလက်မှုဝန်ကြီးဦးစိုးထက်ကပြောပါတယ်။ ပလက်ဝမြို့နယ်ပြင်ပကိုရောက်ရှိနေတဲ့ မဲဆန္ဒရှင်ပြည်သူတွေရဲ့ ကြိုတင်မဲတွေကို…

စစ်ကိုင်းမြို့မှာ ပြည်ခိုင်ဖြိုးပါတီ ဝန်းရံသူအင်အား ၅ထောင်ကျော်နဲ့ အင်းအားပြ လှည့်လည် အောက်တိုဘာ ၂၂ -၂၀၂၀ မောင်တာရာ (VOM) စစ်ကိုင်းတိုင်း၊ စစ်ကိုင်းမြို့မှာ ဒီကနေ့မနက်ပိုင်းက ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီ(USDP)ကို ဝန်းရံသူတွေက စစ်ကိုင်းမြို့အတွင်း စီတန်းလှည့်လည် အင်အားပြမှုတွေပြုလုပ်ခဲ့ပါတယ်။ အဲလို စီတန်းလှည့်လည် အင်အားပြရာမှာ ကားအစီးရေ ၂၀၀ ကျော် ၊ဆိုင်ကယ်အစီးရေ ၅၀၀ ခန့် လူဦးရေ ၅၀၀၀ ကျော် နဲ့ စစ်ကိုင်းမြို့၊ဆွမ်းချက်ရပ်မှာ စုရပ်ပြုလုပ်ပြီး မြို့အတွင်း လှည့်လည်အင်းအားပြခဲ့တာဖြစ်တယ်လို့ စစ်ကိုင်းတိုင်း ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီက ပြောရေးဆိုခွင့်ရှိသူ ကိုရဲမင်းခေါင်က ပြောပါတယ်။ ”အခြားပါတီတွေက လှည့်တာကို နေ့တိုင်းမြင်တော့ ပါတီဝန်းရံသူတွေက လှည့်ချင်ကြတယ်။ ကျွန်တော်တို့က အလှည့်မခံပါဘူး၊ ကိုယ်စားလှယ်လောင်းတွေကရော လှည့်တာကို လက်သင့်မခံဘူး၊ သူတို့ဟာ သူတို့လှည့်မယ်။ မလှည့်ခိုင်းရင် မဲမထည့်တော့ဘူးဆိုပြီး စကားတွေ ပြောလာကြတော့ အခုက ကျွန်တော်တို့ပါတီက…