Day: November 10, 2020

နိုဝင်ဘာ ၁၀-၂၀၂၀ အေးချမ်းသူ(VOM) ကော့မှူးမြို့နယ်မှာ ၂၀၂၀ ရွေးကောက်ပွဲ NLDပါတီအနိူင်ရရှိတဲ့အတွက် အောင်ပွဲခံလှည့်လည်ရာမှာ ကလေးငယ်တစ်ဦးကားကြိတ်မိပြီး ပွဲချင်းပြီးသေဆုံးခဲ့တဲ့ဖြစ်စဉ် မနေ့ နိုဝင်ဘာ ၉ရက်နေ့ မနက်ပိုင်းကဖြစ်ပွားခဲ့တယ်လို့ ဒေသခံတွေပြောပြချက်အရ သိရပါတယ်။ “နတ်စင်ကုန်း မရောက်ခင် ဇလုပ်ကြီးရွာရှိတယ်၊ အဲ့ဒီမှာ ဆိုင်ကယ်နဲ့လှည့်ကြတာ၊ ဆိုင်ကယ်ပေါ်ကပြုတ်ကျပြီး နောက်က ကားတက်ကြိတ်တာ၊ ဖြစ်တာက ကျိုက်ထော်လမ်းနားမှာဖြစ်တာ”လို့ နတ်စင်ကုန်းကျေးရွာမှာနေတဲ့ ကိုမျိုးသီဟထွန်းက VOMကိုပြောပါတယ်။ သေဆုံးသူ ကလေးငယ်ဟာ အသက် ၃နှစ်အရွယ်ရှိပြီး ဇလုပ်ကြီးကျေးရွာမှာနေထိုင်တာဖြစ်တယ်လို့ ညီနောင်ခြောက်ဦးပရဟိတအဖွဲ့မှ ကိုအောင်ဆန်းဦးက VOM ကို ပြောပါတယ်။ ကလေးငယ်သေဆုံးမှုနဲ့ပတ်သက်ပြီး ကော့မှူးမြို့မရဲစခန်းကို VOMသတင်းဌာနက ဖုန်းဖြင့်ဆက်သွယ်ခဲ့ပေမယ့် ဆက်သွယ်လို့မရခဲ့ပါဘူး။ #voiceofmyanmar #VOM #ကော့မှူး #အောင်နိုင်ရေးလှည့်လည် #ကလေးတစ်ဦးသေဆုံး

နိုဝင်ဘာ ၁၀-၂၀၂၀ ကိုတိုးကြီး(VOM) စစ်ကိုင်းတိုင်း၊ တန့်ဆည်မြို့နယ်၊ ကာပေါင်းကျကျေးရွာအုပ်စု၊ အ.ထ.က ကျောင်းက မဲရုံအမှတ်-၂ ကို ကွာရန်တင်းဝင်နေသူကိုယ်စား ဆန္ဒမဲလာပေးတဲ့ ကျေးရွာအုပ်ချုပ်ရေးမှူး တစ်ယောက်ကို ပြည်ခိုင်ဖြိုးပါတီ မဲရုံကိုယ်စားလှယ်က နိုဝင်ဘာ ၉ ရက်နေ့က ရဲစခန်းမှာ အမှုဖွင့်တိုင်တန်းခဲ့တယ်လို့ သိရပါတယ်။ ” ရဲစခန်း (ပ)၂၅၀/၂၀၂၀၊ ပြည်သူ့လွှတ်တော် ရွေးကောက်ပွဲဆိုင်ရာ ဥပဒေပုဒ်မ-၅၉(စ)အရ ပြည်ခိုင်ဖြိုး မဲရုံကိုယ်စားလှယ် ဦးမောင်ဝင်းက ကွာရန်တင်းဝင်နေတဲ့သူရဲ့ကိုယ်စား ဆန္ဒမဲ လာရောက်ပေးသူ ကိုစိုးမင်းကို အမှုဖွင့်ထားတာဖြစ်တယ်”လို့ တန့်ဆည်မြို့မရဲစခန်းက ရဲအရာရှိတစ်ယောက်က ပြောပါတယ်။ နိုဝင်ဘာ ၈ ရက်နေ့က ကာပေါင်းကျကျေးရွာ အုပ်ချုပ်ရေးမှူးဟာ အမှတ်-၂ မဲရုံကို လာရောက်ပြီး တစ်ရွာတည်းနေ Home Quarantine ဝင်ရောက်တဲ့ မဲဆန္ဒရှင် အမျိုးသမီးတစ်ဦးရဲ့ကိုယ်စား ဆန္ဒမဲ လက်မှတ်ထုတ်ယူကာ ဆန္ဒပြုတံဆိပ်တုံး ရိုက်နေတာကို ပြည်ခိုင်ဖြိုးပါတီ မဲရုံကိုယ်စားလှယ် ဦးမောင်ဝင်းက…

နိုဝင်ဘာ ၁၀-၂၀၂၀ ရန်အောင်ထွန်း(VOM) ကချင်ပြည်နယ်အတွက် လီဆူတိုင်းရင်းသားမဲဆန္ဒနယ်မှာ ၂၀၁၅က အနိုင်ရရှိခဲ့တဲ့ NLD ပါတီဟာ အခု ၂၀၂၀ရွေးကောက်ပွဲမှာတော့ အနိုင်မရခဲ့ဘူးလို့ သိရပါတယ်။ လီဆူတိုင်းရင်းသားမဲဆန္ဒနယ်မှာ လက်ရှိလီဆူဝန်ကြီး NLDပါတီ ကိုယ်စားလှယ် ဦးအာတီယောဟန်နဲ့ လီဆူအမျိုးသား ဖွံ့ဖြိုးတိုးတက်ရေးပါတီဥက္ကဋ္ဌ ဦးရွှေမင်းတို့ ယှဉ်ပြိုင်ခဲ့ကြတာဖြစ်ပါတယ်။ အခုလက်ရှိ အနိုင်ရထားတဲ့ ဒူးလေးပါတီဥက္ကဋ္ဌ ဦးရွှေမင်းကတော့ ” နောက်ထပ် လက်ကျန် မဲဆန္ဒနယ်တွေက မဲဆန္ဒရှင် အရေအတွက်ထက် လက်ရှိ အသာစီးရထားတဲ့ အရေအတွက်ကပိုများနေလို့ အနိုင်သေချာသွားပြီ”လို့ ပြောပါတယ်။ လီဆူအမျိုးသားဖွံ့ဖြိုးတိုးတက်ရေးပါတီ ဥက္ကဋ္ဌ ဦးရွှေမင်းဟာ ကချင်ပြည်နယ် တစ်ခုလုံးမှာပြိုင်ထားတဲ့ မဲဆန္ဒအရေအတွက် ၂၀၀၀၀ ကျော်ရရှိထားတာဖြစ်ပါတယ်။ ဒုတိယလိုက်တဲ့ အမျိုးသားဒီမိုကရေစီအဖွဲ့ချုပ်ပါတီ (NLD)ကိုယ်စားလှယ်လောင်း ဦးအားတီယောဟန်ကတော့ ပူတာအို မဲဆန္ဒအရေအတွက် ၁၈၀၀ ကျော် ရရှိထားတာဖြစ်တယ်လို့ သိရပါတယ်။ #voiceofmyanmar #VOM #ကချင် #လီဆူတိုင်းရင်းသားမဲဆန္ဒနယ် #NLDအနိုင်မရ

နိုဝင်ဘာ ၁၀-၂၀၂၀ နေနန်းနွယ်(VOM) တောင်ကြီးမြို့နယ်ရှိ ဆန္ဒမဲများ ရေတွက်‌‌နေတာဟာ အခုချိန်ထိ အဖြေမသိရသေးလို့ မြို့တော်ခန်းမရှေ့မှာ ပအိုဝ်းတိုင်းရင်းသားတွေ စုရုံးနေလို့ သက်ဆိုင်ရာက သွားရောက်တားမြစ်ခဲ့ရပါတယ်။ နယ်တွေက ပအိုဝ်းတွေပါ တောင်ကြီးမြို့ပေါ်ကို တက်ရောက်လာတာကြောင့် မြို့အဝင်ကနေ တားဆီးပြီး ပြန်လွှတ်ရတဲ့အကြောင်းကို PNO အလုပ်အမှုဆောင်အဖွဲ့ဝင် ဦးစောခွန်ကျော်ဝင်းက အခုလိုပြောပါတယ်။ ဆန္ဒဖော်ထုတ်ကြဖို့ လာရောက်စုရုံးကြတာမဟုတ်ဘဲ ကြန့်ကြာနေတဲ့ မဲရလဒ်တွေကို လာစောင့်နေကြတာပါ လို့ PNO အလုပ်အမှုဆောင်အဖွဲ့ဝင် ဦးစောခွန်ကျော်ဝင်းက ပြောပါတယ်။ တောင်ကြီးမြို့ရဲ့ မဲတွေဟာ လက်ရှိမှာ ရေတွက်ပြီးစီးပြီး စာရင်းသွင်းနေတာဖြစ်ပြီး ညနေ ၄ နာရီ (ခန့်မှန်း) လောက်မှာမှ ကြေညာနိုင်မယ်လို့ မြို့နယ်ရွေးကော်ကော်မရှင်ကနေ သိရပါတယ်။ #VOM #VoiceofMyanmar #PNO #တောင်ကြီး #Election

နိုဝင်ဘာ ၁၀-၂၀၂၀ ကောင်းလက်ျာ(VOM) ပဲခူးတိုင်း၊ သာယာဝတီမြို့နယ်ထဲကို ၂၀၂၀ အထွေထွေ‌ရွေးကောက်ပွဲအတွက် လာရေ ာက်စောင့်ကြည့်ခဲ့တဲ့ ဖိလစ်ပိုင်နိုင်ငံသူ အမျိုးသမီးနဲ့ စကားပြန်အမျိုးသားတို့မှာ Covid-19 ပိုး စစ်ဆေး‌တွေ့ရှိခဲ့တယ်လို့ သာယာဝတီခရိုင်ရွေးကောက်ပွဲကော်မရှင် ဥက္ကဋ္ဌ ဦးရဲမြင့်ကပြောပါတယ်။ ” ဒီကနေ့မနက် ၈ နာရီလောက်က ဦးနဲ့လာရောက်တွေ့ဆုံပြီး အပြန်မှာ ရောဂါပိုးစစ်ဆေးတွေ့ရှိခဲ့တာပါ။ လက်တလော သူတို့သဘောဆန္ဒအရ ရန်ကုန်ပြန်ပို့ဖို့ လုပ်လိုက်ရတယ်။ ရုံးက ကျွန်တော်အပါအဝင် ၆ ဦး နှာခေါင်းတို့ပတ်ယူ စစ်ဆေးရပါမယ်”လို့ ဦးရဲမြင့်ကပြောပါတယ်။ လက်ရှိ‌ရွေးကောက်ပွဲမှာ နိုင်ငံတကာရွေးကောက်ပွဲလေ့လာစောင့်ကြည့်ရေးအဖွဲ့တွေကို လာရောက်လေ့လာခွင့်ပြုထားပြီး အဲ့ဒီစောင့်ကြည့်ရေးအဖွဲ့ထဲက Anferal Asian Network For Free election က သာယာဝတီမှာ လာရောက်စောင့်ကြည့်သူ ဖိလစ်ပိုင်နိုင်ငံသူနဲ့ စကားပြန်တို့ ၂ဦးမှာ ကိုဗစ်ပိုးစစ်‌ဆေးတွေ့ရှိခဲ့တာဖြစ်ပြီး အတူလိုက်ပါလာတဲ့ ယာဉ်မောင်းမှာ ပိုးမတွေ့ခဲ့ရဘူးလို့ သိရပါတယ်။ ဖိလစ်ပိုင်သူ အမျိုးသမီးနဲ့ စကားပြန်အမျိုးသားတို့ဟာ…