Day: January 17, 2021

ဇန်နဝါရီ ၁၇ -၂၀၂၁ သိင်္ဂီထွန်း၊ ယဉ်ပပထွန်း (VOM) ရန်ကုန်တိုင်းထဲမှာ တရားဝင်ဆိုင်ကယ်စီးနင်းခွင့်ပြုပေးဖို့ ဆိုင်ကယ်စီးဦးထုတ်တွေဆောင်းပြီး မက်စ်ဝေတဲ့လှုပ်ရှားမှုတစ်ရပ်ကို ဒီကနေ့ညနေပိုင်းက ရန်ကုန်မြို့၊ မဟာဗန္ဓုလပန်းခြံရှေ့က ကားမှတ်တိုင်တွေမှာ လူအင်အား ၁၀၀ နီးပါးနဲ့ မက်စ်ကမ်းပိန်းပြုလုပ်ခဲ့ပါတယ်။ ” အခုအချိန်က ဆန္ဒပြလို့မရတဲ့အခြေအနေဆိုတော့ မက်စ်ဝေတာပါ။မက်စ်ဝေတာမှာ ကျနော်တို့က ဆိုင်ကယ်ဦးထုပ်ဆောင်းပြီးလုပ်မယ်။အဓိကက ရန်ကုန်မြို့ထဲကို ဆိုင်ကယ်စီးခွင့်မရတဲ့အတွက် ဆိုင်ကယ်ဦးထုပ်တွေပဲဆောင်းပြီး မက်စ်ဝေတာပါ ပြည်သူသိအောင် ချပြတာပါ။ ကားဝယ်မစီးနိုင်တဲ့လူတန်းစားတွေအတွက် ဆိုင်ကယ်ဟာလိုအပ်တယ်။ ဆိုင်ကယ်ဟာ လိုအပ်မှုတစ်ခုအရ စီးနင်းနေရတာကြောင့် တရားဝင်စီးနင်းခွင့်ရမှသာ အဆင်ပြေမှာ။ မဟုတ်လို့ရှိရင် ဖမ်းချင်တဲ့အချိန်ကောက်ဖမ်းမယ်၊ တောင်းချင်သလောက်တောင်းမယ် ဆိုတာတွေက ကျနော်တို့လက်မခံရဘူး”လို့ Vikers Revolution က ကိုဝင်းကျော်မောင်က ပြောပါတယ်။ မက်စ်အခုရေ ၁၀၀၀ ဝေပေးခဲ့တာဖြစ်ပြီး ဇန်နဝါရီ ၁၈ ရက်နေ့ ညနေ ၄ နာရီမှာလည်း ဆက်ဝေသွားမှာဖြစ်တယ်လို့ ကိုဝင်းကျော်မောင်ကပြောပါတယ်။ လက်ရှိမှာ ဆိုင်ကယ်စီးနေကြတာတွေရှိနေပေမယ့်…

စစ်ကိုင်း၊ ဇန်နဝါရီ – ၁၇ – ၂၀၂၁ ရှိုင်းအောင်(VOM) ၂၀၁၉- ၂၀၂၀ ပညာသင်နှစ် တက္ကသိုလ်ဝင်တန်းစာမေးပွဲဖြေဆိုသူတွေရဲ့ အမှတ်စာရင်းတွေဒီနေ့ထုတ်ပြန်တာမှာ စစ်ကိုင်းမြို့က မျက်မမြင်ကျောင်းက ဖြေဆိုတဲ့ကျောင်းသားတွေ ဂုဏ်ထူးတွေပါပေမယ့် သင်္ချာတဘာသာတည်းကျတဲ့ အဖြစ်တွေ တွေ့ရှိရပါတယ်။ ဒီလိုဖြစ်ရတာနဲ့ ဆက်စပ်လို့ ပညာရေးစနစ်အခက်အခဲနဲ့ သင်ယူမှုပိုင်းဆိုင်ရာ၊ ဖြေဆိုမှုပိုင်းဆိုင်ရာ အခက်အခဲဘာတွေရှိနေသလဲဆိုတာကို မျက်မမြင်ကျောင်းက ကျောင်းအုပ်ဆရာမကြီး ဒေါ်သန္တာညွန့်ကိုမေးကြည့်တော့ “ဒီနှစ်ကျောင်းမှာ ၆ ယောက်ဖြေတယ် ၂ ယောက်အောင်တာပေါ့နော်၊ တစ်ယောက်က ဂုဏ်ထူး ၂ ဘာသာနဲ့ အောင်တယ် တစ်ယောက်ကတော့ ရိုးရိုးပဲအောင်တယ်ရှင့်၊ ဝိဇ္ဇာတွဲတွေကတော့ အမှတ်တော်တော်များတယ် အဓိကသူတို့ထိတာက သင်္ချာပေါ့၊ မျက်မမြင်ကလေးတွေရဲ့ အခက်အခဲကတော့ သင်္ချာနဲ့ အင်္ဂလိပ်စာပေါ့ စာမေးပွဲဖြေတဲ့ အခါမှာလည်း သူတို့ကိုယ်တိုင်ဖြေလို့မရဘူးလေ၊ သူတို့က ၁၀ တန်းကလေးဆိုတော့ ၉ တန်းကလေးတွေက ဖြေပေးရတာပေါ့ အဲ့လိုဖြေပေးတဲ့နေရာမှာလည်း သူတို့က ရပေမယ့်လည်း…

ဇန်နဝါရီ ၁၇ -၂၀၂၁ ကောင်းလက်ျာ(VOM) ကယားပြည်နယ်၊ ဒီးမော့ဆိုမြို့နယ်ထဲမှာ ဒီဇင်ဘာ ၁၅ ရက်နေ့က လမ်းဖြတ်ကူးသူကို ကားနဲ့ဝင်တိုက်ရာက လူသေဆုံးသွားလို့ ဖမ်းဆီးခံထားရတဲ့ အမျိုးသား တစ်ဦးမှာ Covid-19 ပို‌းတွေ့ရှိခဲ့ပါတယ်။ အဲ့ဒီအမျိုးသားနဲ့ ထိတွေ့ခဲ့တဲ့ ရဲတပ်ဖွဲ့ဝင် ၁၄ ဦးနဲ့ ပြင်ပလူပုဂ္ဂိုလ် ၆ ဦး၊ စုစုပေါင်း၂၀ ဦးကို ကွာရန်တင်း ပြုလုပ်ထားရတယ်လို့ ဒီးမော့ဆိုမြို့နယ်ရဲတပ်ဖွဲ့မ‌ှူးရုံးကနေ သိရပါတယ်။ ” ယာဉ်တိုက်မှုနဲ့ အဖမ်းခံထားရတာကို မနေ့က Test Kitနဲ့စစ်ဆေးချိန်ပိုးတွေ့ရတာ။ ဖယ်ခုံဘက် ခရီးသွားရာဇဝင်ရှိထားတယ်လို့ သိရတယ်။ လက်ရှိရဲတပ်ဖွဲ့ဝင်နဲ့ ထိတွေ့သူ၂၀ ကို စောင့်ကြည့်ထားတယ်လို့ ဒေသခံ ပရဟိတအဖွဲ့တစ်ခုမှ တာဝန်ရှိသူတစ်ဦးက ပြောပါတယ်။ ရောဂါပိုးတွေ့ရှိသူ အမျိုးသားဟာ ပြီးခဲ့တဲ့ နှစ်ရက်ခန့်က ဖယ်ခုံမြို့နယ်၊ ဆီဘူးဒေသကို သွားလာထားသူတစ်ဦးဖြစ်ပြီး လက်တစ်လော ဒီးမော့ဆိုမြို့မရဲစခန်းမှာ ရာဇသတ်ကြီးပုဒ်မ – ၃၀၄(က)နဲ့…

ဇန်နဝါရီ ၁၇ -၂၀၂၁ အေးချမ်းသူ(VOM) တောင်သူလယ်သမားအခွင့်အရေးကာကွယ်ရေးနဲ့ အကျိုးစီးပွားဖွံဖြိုးရေးအတွက် နည်းပညာတွေကိုလေ့လာနိူင်ဖို့ ပုဂ္ဂလိကစိုက်ပျိုးရေးသင်တန်းကျောင်းကို လှည်းကူးမြို့၊ နှုတ်ခမ်းမွှေးသိုက်ကျေးရွာမှာဖွင့်မယ်လို့ သိရပါတယ်။ အဲ့ဒီသင်တန်းကျောင်းတည်ဆောက်ဖို့အတွက် ဒီကနေ့မနက်ပိုင်းက နှုတ်ခမ်းမွှေးသိုက်ကျေးရွာရှိ တောင်သူတွေကနေ မြေနေရာလှူဒါန်းမှုပြုလုပ်ခဲ့ကြပါတယ်။ အစိုးရနဲ့ မြန်မာနိူင်ငံတောင်သူလယ်သမားနှင့်စိုက်ပျိုးရေးအလုပ်သမားသမဂ္ဂအဖွဲ့ချုပ်(AFFM)တို့ ပူးပေါင်းကာ တောင်သူလယ်သမားတွေ စိုက်ပျိုးရေးလုပ်ငန်းနည်းပညာကို လေ့လာနိူင်ဖို့ ပုဂ္ဂလိကသင်တန်းကျောင်းကို မကြာခင်တည်ဆောက်သွားမှာဖြစ်တယ်လို့ AFFM ဥက္ကဋ္ဌ ဦးသန်းဆွေက ပြောပါတယ်။ သင်တန်းကျောင်းဆောက်လုပ်ဖို့ လယ်ယာမြေလှူဒါန်းခဲတဲ့ ဒေါ်ကျင်စန်းက “တစ်နိူင်ငံလုံးအတိုင်းအတာအတွက်လှူတာပါ၊ စိုက်ပျိုးရေးဆိုတာ အရင်ကပြောသံကြားရုံပဲလုပ်ခဲ့ရတာ နည်းပညာကို မသိဘူး။ နည်းပညာကိုမသိတော့ ရှုံးတာပေါ့။ စီးပွားရေးကျဆင်းတယ်။ အတက်ပညာမရှိတဲ့ လယ်သမားတွေကို အသိပညာရစေချင်တဲ့အတွက် လှူဒါန်းရခြင်းဖြစ်တယ်”လို့ ပြောပါတယ်။ AFFM ပုဂ္ဂလိကသင်တန်ကျောင်းမှာ စိုက်ပျိုးရေးလုပ်ဆောင်နေတဲ့ လယ်သမားလူငယ်တွေကို အော်ဂန်းနစ်နည်းပညာ၊နွေစပါးစိုက်ပျိုးခြင်း၊ သစ်သီးဝလံစိုက်ပျိုးခြင်း၊ သိပ္ပံနည်းကျစိုက်ပျိုးခြင်း၊ ထိန်သိမ်းကာကွယ်ခြင်း အစရှိတဲံဘာသာရပ်တွေကို နည်းပြဖြစ်သည်အထိ အခမဲ့သင်ကြားပေးသွားမှာဖြစ်တယ်လို့ AFFMဥက္ကဋ္ဌ ဦးသန်းဆွေက ပြောပါတယ်။ AFFM ပုဂ္ဂလိကစိုက်ပျိုးရေးသင်တန်းကျောင်းမှာ…