Day: January 19, 2021

ဇန်နဝါရီ ၂၀ -၂၀၂၀ အေးချမ်းသူ(VOM) အခြေခံလူတန်းစားဘဝမြင့်မားတိုးတက်ရေးပါတီ(YDP)မှ အတွင်းရေးမှူး ဦးကျော်မြင့်(ခ)မိုက်ကယ်ကျော်မြင့်ကို တောင်ဒဂုံမြို့နယ်အုပ်ချုပ်ရေးမှူးက နိူင်ငံတော်အကြည်ညိုပျက်စေမှုပုဒ်မ – ၁၂၄(က)နဲ့ မနေ့ ဇန်နဝါရီ ၁၉ရက်နေ့ အမှုဖွင့်ထားတယ်လို့ YDPပါတီကနေ သိရပါတယ်။ “ဟုတ်ပါတယ် အရှေ့ပိုင်းခရိုင်တရားရုံးမှာ တရားစွဲဆိုခဲ့တာပါ၊ အစ်မတို့ဘက်ကလည်း လုပ်သင့်လုပ်ထိုက်တာတွေ လုပ်ပြီးရင် အမှုကို ရင် ဆိုင်သွားမှာပါ”လို့ YDPပါတီမှ တွဲဘက်အတွင်းရေးမှူးတစ်ဦးဖြစ်သူ ဒေါ်မိုးမိုးခိုင်က အတည်ပြုပြောပါတယ်။ မိုက်ကယ်ကျော်မြင့်ဟာ ဇန်နဝါရီ ၁၈ ရက် ညပိုင်းက သူ့ရဲ့ဖေ့စ်ဘွတ် လူမှုကွန်ရက်စာမျက်နှာမှာ တိုင်းပြုပြည်ပြု မော်ကွန်းကျောက်စာတိုင်စိုက်ထူမယ့် ကိစ္စနဲ့ပတ်သက်ပြီး ဖြန့်ချီရေးသားခဲ့ပါတယ်။ အဲ့ဒီလိုရေးသားတာဟာ လက်ရှိအစိုးရအနေနဲ့ မဲမသမာမှုပြုလုပ်ပြီး ရွေးကောက်ပွဲမှာ အနိုင်ယူတယ်လို့ စွပ်စွဲရာရောက်တဲ့အပြင် တပ်မတော်ကို နိုင်ငံတော်အာဏာ ထိန်းသိမ်းဖို့ တိုက်တွန်းတဲ့သဘော သက်ရောက်နေတာကြောင့် တောင်ဒဂုံမြို့နယ်အုပ်ချုပ်ရေးမှူးက တရားစွဲဆိုခဲ့တာဖြစ်ပါတယ်။ တောင်ဒဂုံမြို့နယ်အုပ်ချုပ်ရေးမှူး ဦးရဲအောင်က မနေ့ ဇန်နဝါရီ ၁၉ရက် နေ့လယ်ပိုင်းက…

Read More

ဇန်နဝါရီ ၁၉-၂၀၂၁ ယဉ်ပပထွန်း(VOM) ရန်ကုန်မြို့၊ ပန်းဘဲတန်းမြို့နယ်၊ ဗိုလ်ချုပ်ဈေးအနီးရှိ မီးရထားဝန်းအတွင်း ဆောက်လုပ်ရေးလုပ်ငန်းခွင်က BYMA ကုမ္ပဏီလုပ်သားတွေဟာ လုပ်ခလစာ ဖြတ်တောက်ခြင်းနဲ့ နိုင်ငံတော်ကထောက်ပံ့ပေးတဲ့ လူမှုဖူလုံရေးထောက်ပံ့ငွေတွေ မရရှိလို့ ဒီကနေ့ နေ့လယ်ပိုင်းမှာ ဆန္ဒတောင်းဆိုခဲ့ကြပါတယ်။ အဲ့ဒီဆန္ဒပြမှုကြောင့် ကုမ္ပဏီဘက်ကနေ အလုပ်သမားတွေတောင်းဆိုတာကို လိုက်လျောမယ်လို့ ပြောဆိုခဲ့တဲ့အတွက် ဒီကနေ့ညနေပိုင်းမှာ ညှိနိူင်းမှုအဆင်ပြေသွားပြီဖြစ်တယ်လို့ သိရပါတယ်။ ” တိုင်းဒေသကြီး လူမူဖူလုံရေးက တာဝန်ရှိသူတွေနဲ့ အထဲမှာ ညှိနိုင်းတဲ့အခါမှာ ကိုဗစ်ဒုတိယလှိုင်းမှာ ရရှိမယ့် လူမူဖူလုံရေးကြေးထောက်ပံ့မူကို ဒီလ ၂၆ ရက်နေ့မှာ အားလုံးအတွက် ကုမ္ပဏီကို ချက်လက်မှတ်ပို့ပေးပါမယ်လို့ ညှိနိုင်းမှုရလာပါတယ်။ အစိုးရရဲ့လုပ်ထုံးလုပ်နည်းတွေနဲ့ လုပ်နေရတဲ့အတွက်ကြောင့် အမြန်ဆုံးလုပ်ပေးရတာဖြစ်ပါတယ်။ မှန်မှန်ကန်ကန် တိတိကျကျလုပ်ပေးဖို့ ကုမ္ပဏီက ပံ့ပိုးကူညီပေးသွားမှာပါ၊ အလုပ်သမားတွေရဲ့ရပိုင်ခွင့်တွေဖြစ်တဲ့ တစ်ပတ်စာလုပ်ခလစာရယ် ကားခတွေရယ် OT ကြေးတွေရယ် ဘောနက်စ်တွေရယ် အားလုံးကို ၂၆ ရက်နေ့မှာ အားလုံးရှင်းပေးသွားမှာဖြစ်ပါတယ်”လို့ BYMAကုမ္ပဏီမှ…

Read More

ဇန်နဝါရီ ၁၉ -၂၀၂၁ အေးချမ်းသူ(VOM) ရန်ကုန်မြို့၊ လှိုင်သာယာအနောက်ပိုင်းမြို့နယ်၊ရွှေလင်ပန်းစက်မှုဇုန်ရှိ Unique HTTအထည်ချုပ်စက်ရုံမှ အလုပ်သမား ၅ ရာကျော်ဟာ ရက်မှန်ကြေး(၂၀၀၀၀)ကျပ်၊ ကျွမ်ကျင်ကြေး(A)အဆင့်(၃၀၀၀၀)ကျပ်ပေးဖို့အပါအဝင် အချက်(၁၈)ချက်ရရှိစေဖို့ ဒီကနေ့မနက်ပိုင်းက စက်ရုံရှေ့မှာဆန္ဒပြခဲ့ကြပါတယ်။ ဆန္ဒပြရာတွင် ပါဝင်တဲ့ အလုပ်သမားတစ်ဦးက “ညီမတို့က အလုပ်သမားခြင်း တန်းတူညီတူရချင်လို့ ဆန္ဒပြတာပါ၊ ရက်မှန်ကြေး သူများနှစ်သောင်းဆို ကိုယ်လည်း နှစ်သောင်းရချင်တယ်။ ကျွမ်းကျင်ကြေး သူများ သုံးသောင်းဆို ကိုယ်လည်း သုံးသောင်းရချင်တယ်”လို့ ပြောပါတယ်။ အလုပ်သမားတွေ အခုလိုဆန္ဒပြတာနဲ့ပတ်သက်ပြီး အလုပ်ရှင်၊ အလုပ်သမားတွေ၊ အလုပ်သမားအရေးဆောင်ရွက်သူတွေ ညိုနှိုင်းခဲ့ကြခဲ့ရာ အဆင်ပြေမှုရရှိခဲ့တယ်လို့ မြန်မာနိုင်ငံအထွေထွေအလုပ်သမားသမဂ္ဂများအဖွဲ့ချုပ်ဥက္ကဋ္ဌ ဒေါ်မိုးစန္ဒာမြင့်ကပြောပါတယ်။ “အလုပ်သမားတွေက နှစ်သောင်းတောင်းတာ အလုပ်ရှင်က တစ်သောင်းပေးတယ်၊ နှစ်ဘက်ပြေလည်မှုရရှိသွားတယ်”လို့ ဒေါ်မိုးစန္ဒာမြင့်က ပြောပါတယ်။ လက်ရှိအခြေအနေမှာတော့ အလုပ်သမားတွေဟာ ဖြေရှင်းမှုအဆင်ပြေပြီးနောက်ပိုင်း ဆန္ဒပြပွဲကို ရုတ်သိမ်းခဲ့ပါတယ်။ Unique HTT အထည်ချုပ်စက်ရုံဟာ လှိုင်သာယာ(အနောက်ပိုင်း)မြိုနယ်၊ အလယ်ကျေးရွာ၊ ရွှေလင်ပန်းစက်မူဇုန်၊…

Read More

ဇန်နဝါရီ ၁၉ -၂၀၂၁ ယဉ်ပပထွန်း(VOM) ရန်ကုန်မြို့မှာ ဆိုင်ကယ်ကို မှတ်ပုံတင်နဲ့ တရားဝင်စီးခွင့်ရဖို့အတွက် ဒုတိယအကြိမ် ရန်ကုန်တိုင်းလွှတ်တော်မှာ အဆိုအောင်မြင်ထားတာကြောင့် အဲ့ဒီကိစ္စနဲ့ပတ်သက်ပြီး တိုင်းလွှတ်တော်ကိုယ်စားလှယ်တွေကို ဆက်သွယ်မေးမြန်းထားပါတယ်။ ဒဂုံမြို့နယ်၊ အမှတ်(၂) တို်င်းလွှတ်တော်ကိုယ်စားလှယ် ဦးကျော်ဇေယျက ” ဆိုင်ကယ်ကို ရန်ကုန်တိုင်းဒေသကြီးမြို့နယ်အချို့မှာ မဖြစ်မနေ စီးနေရတဲ့အတွက် နယ်မြေသတ်မှတ်ပေးပြီးတော့ ပိုင်းခြားပြီးတော့ စီးခွင့်ပြုဖို့ အဆိုပြုတင်ပြတယ်။ စီးခွင့်ပြုရင်လည်း စီးခွင့်ရတဲ့ မြို့နယ်တွေမှာ မှတ်ပုံတင်ထားပြီးတော့ ကျန်တဲ့ စီးခွင့်မပြုတဲ့ နေရာတွေမှာတော့ စီးမယ်ဆိုရင် ဥပဒေအရ အရေးယူဖို့ ကျွန်တော်ဒုတိယအကြိမ် ရန်ကုန်တိုင်းဒေသကြီးမှာ အစိုးရကို တိုက်တွန်းကြောင်းအဆိုကို တင်ပြခဲ့ပါတယ်။ မဲခွဲဆုံးဖြတ်တဲ့အခါမှာ အဆိုက နိုင်ခဲ့တယ် ။ ဒါကို လက်ရှိအချိန်မှာ အကောင်အထည် မဖော်ဘူး ။ ဆိုင်ကယ်စီးခွင့်မပြုတာကို ရန်ကုန်စည်ပင်ဥပဒေက ဟိုအရင်ကဟာကို ကျင့်သုံးနေတာ ပြင်လိုက်ရင် ရတယ် ။ စီးခွင့်ပြုရင်လည်း လှိုင်သာယာ…

Read More

ဇန်နဝါရီ ၁၉ -၂၀၂၁ အေးချမ်းသူ(VOM) ရန်ကုန်မြို့၊ အင်းစိန်မြို့နယ်၊ ရွာမအရှေ့ရပ်ကွက်၊ အောက်မင်္ဂလာဒုံလမ်း၊ အစိုးရစက်မှုလက်မှုသိပ္ပံကျောင်း(GTI)ရှေ့၊ ပလက်ဖေါင်း မြက်ခင်းပြင်မှာ ဒီကနေ့မနက်ပိုင်းက ငြိမ်းစုစီမတင်ဘဲ ရွေးကောက်ပွဲနဲ့ပတ်သက်ပြီး တပ်မတော်က သတင်းထုတ်ပြန်မှုကို ထောက်ခံကြောင်းပြုလုပ်ခဲ့ရာ ဦးဆောင်သူကို ရဲတပ်ဖွဲ့က ဖမ်းဆီးခဲ့ပါတယ်။ “တပ်မတော်က ပြည်သူနဲ့တစ်သားတည်းရှိနေတယ်။ တပ်မတော်ရဲ့ထုတ်ပြန်ချက်တွေဟာ ဒီမိုကရေစီတည်တံ့ရေးကိုဦးတည်နေတယ်၊ တပ်မတော်ရဲ့ သဘောထားထုတ်ပြန်ချက်တွေကို ကြိုဆိုတဲ့အနေနဲ့ အခုလိုပြုလုပ်ရခြင်းဖြစ်တယ်”လို့ ဆန္ဒထုတ်ဖော်ပွဲကိုဦးဆောင်သူ ဦးသိန်းဦးက ပြောပါတယ်။ ဆန္ဒထုတ်ဖော်ရာမှာ ငြိမ်းစုစီမတင်တဲ့အတွက် အင်းစိန်မြို့မရဲစခန်းက ရဲမှူးတစ်ဦးနဲ့ ဆန္ဒထုတ်ဖော်သူတို့ စကားအချေအတင်ဖြစ်ခဲ့ကြပါတယ်။ အဲ့ဒီပွဲကို ဦးဆောင်ပြုလုပ်တဲ့ ဦးသိန်းဦး နဲ့ ဝန်းရံသူ ၁၆ ဦးဟာ ” ဒီမိုကရေစီ တည်တံ့ရေး၊ ပြည်သူ့ဆန္ဒကို ဦးစားပေးပါ၊ ငြိမ်းချမ်းစွာ ဆန္ဒထုတ်ဖော်နေပါသည်”စတဲ့ စာသားပါ ဆိုင်းဘုတ်တွေကိုင်ဆောင်ကာ ဆန္ဒပြခဲ့ကြပါတယ်။ ခွင့်ပြုချက်မတင်ဘဲ ဆန္ဒထုတ်ဖော်ခဲ့တဲ့ ဦးသိန်းဦးကို ငြိမ်းစုစီဥပေ အရ အရေးယူဆောင်ရွက်ဖို့…

Read More