Day: March 26, 2022

ပေကျင်း၊ မတ်-၂၆-၂၀၂၂ မျိုးဆက်(VOM) မြန်မာနိုင်ငံမှ တရုတ်နိုင်ငံသို့ မြေရှားသတ္တတင်သွင်းမှုသည် ပြီးခဲ့တဲ့နှစ်ကထက် ၂၅ ရာခိုင်နှုန်းကျဆင်းသွားကြောင်း တရုတ်မြေရှားသတ္တုကုမ္ပဏီတွေက ပြောပါတယ်။ ဒီလိုကျဆင်းတာဟာ တရုတ်-မြန်မာနယ်စပ်ဂိတ်တွေပိတ်ထားတာကြောင့်ဖြစ်ပြီး မြေရှားသတ္တုကုန်ကြမ်း ထောက်ပံ့မှုအပေါ် အကြီးအကျယ်ထိခိုက်ခဲ့တယ်လို့ တရုတ်အစိုးရအာဘော် ဂလိုဘယ်တိုင်းမ်သတင်းဌာနက ဆိုပါတယ်။ မြန်မာနိုင်ငံဟာ တရုတ်နိုင်ငံအတွက် မြေရှားသတ္တုတင်ပို့မှုရဲ့ ထက်၀က်ရှိပြီး တရုတ်နိုင်ငံဟာ မြေရှားသတ္တုထုတ်ကုန်တွေ တင်ပို့ရောင်းချရာမှာတော့ ကမ္ဘာ့ထိပ်တန်းနိုင်ငံဖြစ်ပါတယ်။ မကြာသေးမီရက်တွေအတွင်းက မြေရှားသတ္တုစျေးနှုန်း အနည်းငယ်ကျဆင်းသွားပေမယ့် အီလက်ထရောနစ်ပစ္စည်းတွေ၊ မော်တော်ယာဉ်တွေနဲ့ လက်နက်တွေ ထုတ်လုပ်မှုအပါအ၀င် အခြားသောကမ္ဘာလုံးဆိုင်ရာ ထုတ်ကုန်တွေမှာ အသုံးပြုနေတာကြောင့် မြေရှားသတ္တုဟာ ရေရှည်မှာတော့ စျေးမြင့်လာဖွယ်ရှိနေပါတယ်။ တရုတ်မြေရှားသတ္တုစျေးနှုန်းအညွှန်းကိန်းဟာ ဖေဖော်ဝါရီနှောင်းပိုင်းမှာ အမြင့်ဆုံး ၄၃၀ ဒသမ ၉၆ ရှိခဲ့ရာမှ မတ် ၂၅ ရက်မှာတော့ ၃၈၆ ဒသမ ၆၃ ထိကျဆင်းခဲ့ပါတယ်။ မြေရှားသတ္တုတင်ပို့မှု အဓိကလမ်းကြောင်းဖြစ်တဲ့ ယူနန်ပြည်နယ် Diantan မြို့နယ်က ဂိတ်အပါအ၀င်…

ဆောင်ခလာ၊ မတ်-၂၆-၂၀၂၂ မျိုးဆက်(VOM) မလေးရှားကိုသွားမယ့် မြန်မာနိုင်ငံက တရားမ၀င်မြန်မာလုပ်သား ၆၁ ဦးကို ထိုင်းနိုင်ငံတောင်ပိုင်း နယ်စပ်မှာ မတ် ၂၅ ရက်နေ့ညပိုင်းက ဖမ်းဆီးခဲ့ကြောင်း ထိုင်းရဲတပ်ဖွဲ့က ပြောပါတယ်။ ဟက်ယိုင်ခရိုင်မှာရှိတဲ့ တုံလန်းအပန်းဖြေစခန်းရှိ အခန်းသုံးခန်းမှာ ပုန်းအောင်းနေတဲ့ အမျိုးသမီး ၃၂ ဦးနဲ့ အမျိုးသား ၂၉ ဦးအဖွဲ့ကို ရှာဖွေတွေ့ရှိခဲ့ပြီး အများစုဟာ အသက် ကိုးနှစ်မှ ၁၇ နှစ်အရွယ်တွေဖြစ်တယ်လို့ ထိုင်းရဲတွေက ဆိုပါတယ်။ မြန်မာလုပ်သားတွေဟာ ထိုင်းနိုင်ငံ ကချနာပူရီကို တောလမ်းခရီးအတိုင်းလာရောက်ခဲ့ကြပြီး အဲဒီကတဆင့် ပစ်ကပ်ကားသုံးစီးနဲ့ ဟက်ယိုကို ရောက်ခဲ့ကြတာလို့ မြန်မာလုပ်သားတွေက ပြောပါတယ်။ သူတို့ဟာ အလုပ်ရဖို့အတွက် မြန်မာပွဲစားကို ဘတ်တစ်သိန်းခွဲစီ ပေးခဲ့ရပြီး ထိုင်းကနေ နယ်စပ်ဖြတ်ကျော်ဖို့ စောင့်ဆိုင်းနေတာဖြစ်ကာ သူတို့ရဲ့မိဘအများစုဟာ မလေးရှားမှာ အလုပ်လုပ်ကိုင်နေကြသူတွေလို့ ဆိုပါတယ်။ လက်ရှိမှာတော့ မြန်မာလုပ်သားတွေကို ကျန်းမာရေးစစ်ဆေးရာ ကိုဗစ်-၁၉…

တိုကျို၊ မတ်-၂၅-၂၀၂၂ မျိုးဆက်(VOM) ဂျပန်စွမ်းအင်ကုမ္ပဏီဖြစ်တဲ့ Eneos Holdings ဟာ မြန်မာနိုင်ငံမှာ ဆောင်ရွက်နေတဲ့ ရေနံနဲ့သဘာ၀ဓါတ်ငွေ့ စီမံကိန်းကနေ ထွက်ခွာဖို့ စီစဉ်နေတယ်လို့ ကုမ္ပဏီပြောရေးဆိုခွင့်ရှိသူက မတ် ၂၅ ရက်မှာ ပြောပါတယ်။ မြန်မာနိုင်ငံရေးဖြစ်စဉ်အပြောင်းအလဲပြီးနောက် အနောက်နိုင်ငံတွေက စွမ်းအင်ကုမ္ပဏီကြီးတွေ မြန်မာနိုင်ငံက ထွက်ခွာသွားသလို ပြီးခဲ့တဲ့လကလည်း မလေးရှားနိုင်ငံပိုင် Petronas နဲ့ ဂျပန်က Mitsubishi Corp တို့ဟာ စီမံကိန်းတွေကနေ ထွက်ခွာပြီးနောက် Eneos Holdings ကလည်း အလားတူ စီစဉ်နေတာဖြစ်ပါတယ်။ မြန်မာနိုင်ငံက လူမှုဆိုင်ရာအခြေအနေတွေ၊ လုပ်ငန်းအလားအလာတွေကိုဖြေရှင်းဖို့အခြေအတွေပေါ်မူတည်ပြီး လုပ်ငန်းပိတ်သိမ်းဖို့ ဖြစ်နိုင်ခြေရှိတဲ့ အစီအမံတွေအားလုံးကို မိမိတို့ရဲ့ လုပ်ဖော်ကိုင်ဖက်တွေနဲ့ ဆွေးနွေးသုံးသပ်နေတယ်လို့ ကုမ္ပဏီပြောရေးဆိုခွင့်ရှိသူက ပြောပါတယ်။ မြန်မာနိုင်ငံမှာ နိုင်ငံရေးဖြစ်စဉ် အပြောင်းအလဲဖြစ်ပွားပြီးနောက် လူသားချင်းစာနာ ထောက်ထားမှုအခြေအနေ တွေ ပိုမိုဆိုးရွားလာမှုကြောင့် မြန်မာနိုင်ငံမှာ လုပ်ကိုင်နေတဲ့ စွမ်းအင်စီမံကိန်းတွေကနေ နှုတ်ထွက်တော့မယ်လို့…