Month: March 2022

မတ် ၁၃-၂၀၂၂ GG (VOM)   နိုင်ငံကူးလက်မှတ်လျှောက်ထားခြင်းကို လူကိုယ်တိုင်လာရာက်တန်းစီစောင့်ဆိုင်းခြင်းအစား အွန်လိုင်းကနေ ရက်ချိန်ပြီး လျှောက်ထားရမယ့်စနစ်ကို အခုလထဲမှာပဲ စတင်လုပ်ဆောင်မယ်လို့ ရန်ကုန်ပတ်စပို့စ်ရုံးက အသိပေးထားပါတယ် ။   အခုလို ပြောင်းလဲမယ့် အွန်လိုင်းစနစ်က ပတ်စပို့ကို ကိုယ်တိုင်လျှောက်ထားမယ့်သူတွေအတွက် အဆင်မပြေကြောင်း၊ ဝက်ဘ်ဆိုက်ကိုဝင်ရောက်ဖို့အဆင်မပြေခြင်း၊အသုံးမပြုတတ်ခြင်း စတဲ့အခက်အခဲတွေရှိတယ်လို့ ပတ်စ်ပို့လျှောက်ထားသူတွေဆီက သိရပါတယ်။   ” အခုဝင်ကြည့်နေတာ သူတို့ဝက်ဘ်ဆိုက်က ဝင်မရဘူး။ ဝင်ရရင်လည်း ဖောင်ဖြည့်တာတွေက မရင်းနှီးဘူး၊လုပ်တတ်မှာမဟုတ်ဘူး။ဒီကြားထဲ အင်တာနက်က အဆင်မပြေတာ ရှိအုံးမယ်။ကျနော်တို့လို နယ်ကလူတွေအတွက် အဆင်မပြေပါဘူး။လူကိုယ်တိုင်ဆိုရင်မှ ကိုယ့်ဘာသာ ရုံးကိုသွားစောင့်လုပ်ရင် လုပ်တတ်သေးတယ် ၊ အခုကတော့ ပွဲစားတွေနဲ့ ကုမ္ပဏီတွေက ပိုအလုပ်ဖြစ်မယ်၊သူတို့တောင်းသလောက်ပေးနေရတော့မှာပေါ့ “လို့ မလေးရှားကိုသွားဖို့စောင့်ဆိုင်းနေသူ တဦးကပြောပါတယ်။   မတ်လ ၂၁ ရက်နေ့ကစပြီး ပတ်စ်ပို့စ်ရုံးကို လူကိုယ်တိုင်လာရောက်တန်းစီစောင့်ဆိုင်းစရာမလိုတော့ဘဲ အွန်လိုင်းကနေသာ ရက်ချိန်းရယူပြီး သတ်မှတ်ရက်မှာ ရုံးကိုသွားကာ…

မတ် ၁၃-၂၀၂၂ KK(VOM)   ဒါရိုက်တာမိုက်တီးကို ရန်ကင်းမြို့နယ်၊ ၁၆ရပ်ကွက်၊ ဘောက်ထောက်က နေအိမ်မှာ မနေ့ မတ်လ ၁၂ရက် ညပိုင်းက လာရောက်ဖမ်းဆီးသွားတယ်လို့ အနုပညာအသိုင်းအဝိုင်းက သိရပါတယ်။   ဒါရိုက်တာမိုက်တီးကို ရန်ကင်းမြို့နယ်၊ ဘောက်ထော်က နေအိမ်မှာ တာမွေမြို့နယ်ရဲစခန်းမှ လာရောက်ဖမ်းဆီးသွားတာဖြစ်တယ်လို့ ညီမဖြစ်သူ သရုပ်ဆောင်လင်းဇာနည်ဇော်က VOMကိုပြောပါတယ်။   “သတင်းက မှန်ပါတယ် ညကလာဖမ်းတာ၊ တာမွေ ရဲစခန်းက လာဖမ်းတာ၊ အခုတာမွေရဲစခန်းမှာပါ”လို့ သူကပြောပါတယ်။   လက်တလောမှာ တာမွေမြို့နယ်ရဲစခန်းက ဒါရိုက်တာမိုက်တီး(ခ)ဦးသန်းထွန်းဇော်ကို ပုဒ်မ ၅၀၅(က)နဲ့ အမှုဖွင့်အရေးယူထားတယ်လို့ အမည်မဖော်လိုတဲ့ ရဲအရာရှိတဦးက ပြောပါတယ်။   တာမွေမြို့နယ်ရဲစခန်းက ၂၀၁၈ ခုနှစ် သြဂုတ်လ ၁၆ရက်နေ့ညကလည်း ဒါရိုက်တာမိုက်တီးကို မူးယစ်ဆေးဝါးအမှုနဲ့ ဖမ်းဆီးခဲ့ပြီး တရားရင်ဆိုင်ရကာ အမှုပိတ်သိမ်းပြီး ပြန်လွှတ်မြောက်လာသူတဦးလည်းဖြစ်ပါတယ်။   ဒါရိုက်တာမိုက်တီးဟာ ယခင်…

မတ် ၁၃-၂၀၂၂ GG (VOM)   ယာယီပိတ်ထားတဲ့ မူဆယ်ကျင်စန်းကျော့နယ်စပ်ဂိတ်ကို တရုတ်ဘက်ကပြန်ဖွင့်ပေးလိုက်တာကြောင့်နှစ်နိုင်ငံ ကုန်သွယ်မှုတွေ ပြန်လုပ်နေပြီလို့ သိရပါတယ်။   နယ်စပ်ဂိတ်ကနေ ကုန်သွယ်ခွင့်ပြန်လည်ခွင့်ပြုလိုက်ပေမယ့် ကိုဗစ်ဆိုင်ရာ စည်းကမ်းချက်နဲ့ ဆေးစစ်မှုတွေကတော့ အဆင့်ဆင့်လုပ်ဆောင်ရတာကြောင့် တရုတ်ဘက်ခြမ်းမှာတင် အချိန် ရက်သတ္တပတ်လောက်ကြာမြင့်နိုင်တယ်လို့ သိရပါတယ်။   ” သူတို့သိမှတ်ထားတဲ့နေရာမှာ သက်မှတ်နာရီအတိုင်းပိုးသတ်ဖို့ရပ်နားရမယ်၊နောက်ပြီး ဆေးစစ်ပြီး ဆေးအောင်တဲ့ ကားတွေက အကောက်ခွန်လုပ်ငန်းဆောင်ရွက်ရမယ်၊F ဇုန်မှာ ဆေးထပ်စစ်မယ်၊ပြီးရင်ရောင်း။ရောင်းပြီးကားချိန်း။ပိုးထပ်စစ်။ဆေးအောင်မှပြည်မကြီးထဲ တင်ပို့ခွင့်ရမှာဖြစ်တယ် “လို့ မြန်မာကုန်သည်လုပ်ငန်းရှင်တဦးကပြောပါတယ်။   ဒါ့အပြင် မြန်မာဘက်ကနေတင်ပို့မယ့် အသီးအနှံတွေကိုလည်း ကိုဗစ်ပိုး ရှိ၊မရှိ စစ်ဆေးမှုတွေရှိတယ်လို့ သိရပါတယ်။   ” စစ်ဆေးမှုတွေကတော့ ရှိတယ်၊ဒီဘက်က မြန်မာယာဉ်မောင်းတွေဝင်လို့မရဘူး။သူတို့တရုတ်ယာဉ်မောင်းပဲရတယ်။တရုတ်ဘက်ရောက်ရင် အသီးတွေကိုလည်း ပိုးစစ်တယ်လို့ကြားတယ်၊ ရှန်တိန်တွေနဲ့ပဲ ကုန်သွယ်မှုလုပ်နေရတုန်းပဲ။ ဂိတ်ကတော့ မနေ့ကညနေ ၃ နာရီမှာ ပြန်ဖွင့်တာ “လို့ မူဆယ် ဆန်စပါးကုန်စည်ဒိုင်…

မတ် ၁၂-၂၀၂၂ KK(VOM)   စက်သုံးဆီစျေးမြင့်တက်လာတာကြောင့် ရန်ကုန်-ကလေး ကားလက်မှတ်တွေ သိန်းချီ ပေးနေရတယ်လို့ ဒေသခံတွေဆီက သိရပါတယ်။   ကလေး ကနေ ရန်ကုန်အသွားနဲ့ ရန်ကုန်ကနေ ကလေး သို့ အပြန်လက်မှတ်စျေးတွေလည်း ဈေးနူန်းမတူသလို နေ့စဥ်ထွက်တဲ့ကားတွေရှိနေပြီး အလှည့်ကျရက်နဲ့ထွ က်တဲ့ကားတွေလည်းရှိတယ်လို့ အောင်မေတ္တာရပ်ကွက်နေသူတဦးက ပြောပါတယ်။   “ဟိုအရင်က ငါးသောင်း အခုနောက်ပိုင်း ရှစ်သောင်း တစ်သိန်းကနေ တစ်သိန်းနှစ်သောင်းအထိ ပေါက်တယ်”လို့ သူကပြောပါတယ်။   ရန်ကုန်မှကလေးမြို့သို့ သွားရောက်သူတစ်ဦးက”ရန်ကုန်ကနေ သွားရင် အောင်မင်္ဂလာအဝေးပြေးမှာ လက်မှတ်ဝယ်ရင် ရှစ်သောင်းပဲပေးရတယ်၊ ဒါပေမယ့် တိုက်ရိုက်မရောက်ဘူး မုံရွာကနေတဆင့် ချိန်းပေးတာ”လို့ ပြောပါတယ်။   ရန်ကုန်-ကလေး ကားလက်မှတ်တွေ ဝယ်ယူရာမှာ ကားလေး၊ကားကြီးအပေါ်မူတည်၍ ကားလက်မှတ်ခတွေ ပြောင်းလဲသွားတာဖြစ်တယ်လို့ ရန်ကုန်-ကလေး ကားဂိတ်မှ တာဝန်ရှိသူတဦးကပြောပါတယ်။   “ကလေးဆို အနောက်က တစ်သိန်း…

မတ် ၊ ၁၂ -၂၀၂၂ SP(VOM)   စစ်ကိုင်းတိုင်း ၊ ယင်းမာပင်မြို့နယ် ၊ ဂွေချောင်းကျေးရွာအနီး မုံရွာ – ယာကြီး – ကလေးဝ ကားလမ်းမှာ မနေ့ မတ် ၁၁ ရက် ညနေပိုင်းမှာ သစ်ခွဲသားဆိုက်စုံကို တရားမဝင် သယ်ဆောင်လာတဲ့ ကား ၁၁ စီးကို နယ်မြေခံ သစ်တောဘိနယ်အဖွဲနဲ့ လမ်းလုံခြုံရေးအဖွဲ့က ဖမ်းဆီးလိုက်တယ်လို့ သစ်တောအသိုင်းအဝိုင်းဆီက သိရပါတယ်။   ” သစ်တန်ချိန် ခန့်မှန်း တန် ၃၀ ကျော်မယ် ၊ မြေပြင်တိုင်းတာတော့ မလုပ်ရသေးဘူး ၊ကား ၁၁ စီးနဲ့ လူ ၁၆ က သယ်ဆောင်လာတာဖြစ်တယ် “လို့ တာဝန်ရှိသူတဦးက ပြောပါတယ်။   ပြီးခဲ့တဲ့နှစ် မတ်လစကလို့ ယင်းမာပင်မြို့နယ်နဲ့ ကနီမြို့နယ် အကြားမှာရှိတဲ့…

မတ် ၁၂-၂၀၂၂ KK(VOM)   လူရွှင်တော်သရုပ်ဆောင် ဖိုးဖြူဟာ မနေ့ မတ်လ ၁၁ရက် ည ၇ နာရီဝန်းကျင်က မြောက်ဥက္ကလာပမြို့နယ် OSC ဆေးရုံမှာ အဆုတ်ရောဂါနဲ့ ဆေးကုသမှုခံယူနေစဉ် ကွယ်လွန်သွားတယ် ရုပ်ရှင်အသိုင်းအဝိုင်းကနေ သိရပါတယ်။   ကွယ်လွန်ချိန်မှာ အသက် ၆၃ နှစ်ရှိပြီဖြစ်တဲ့ လူရွှင် တော်ဦးဖိုးဖြူရဲ့ နာမည်အရင်းမှာ ဦးဖြူဝင်းရွှေလို့ သိရပါတယ်။   ရန်ကုန်တက္ကသိုလ်၊ မြန်မာစာကျောင်းသားများစုစည်း၍ ၁၉၈၅ ခုနှစ်မှာ ဇာဂနာ (ကိုသူရ)က မြပုဏ္ဏမာအမည်နဲ့ အငြိမ့်ကဖို့ စီစဉ်ခဲ့ရာ လူရွှင်တော်ဦးဖိုးဖြူလည်းပါဝင်ခဲ့ပါတယ်။   သရုပ်ဆောင်လူရွှင်တော်ဦးဖိုးဖြူ ကွယ်လွန်တာနဲ့ပတ်သက်ပြီး လူရွှင်တော်ဦးဇာဂနာက “ကျွန်တော်တို့အဖွဲ့ထဲမှာ သူကအသက်အကြီးဆုံး၊ အားလဲနာတယ် ခင်လဲခင်တယ်ဆိုတဲ့ ပြက်လုံးကို သူရှာလာခဲ့တာ၊ သူ့ရဲ့ပထမနာမည်က မီးဇာ၊ ဖိုးဖြူ လို့ ကျွန်တော်ပြောင်းပေးခဲ့တာ၊ အခုတော့ မြပုဏ္ဏမာကို ဒုတိယမြောက်ခွဲခွာသူပေါ့”လို့ လူမှုကွန်ရက်စာမျက်နှာမှာ…