Day: April 6, 2022

ဧပြီ ၊ ၆-၂၀၂၂ SP (VOM) ကရင်ပြည်နယ် ၊ ကော့ကရိတ်မြို့နယ်နဲ့ မြဝတီမြို့နယ်အကြား၊ အာရှလမ်းမကြီး၊ ကော့နွဲတံတား အလွန် ကျောက်ခွဲစက်အနီး ချောက်ထဲကို ဒီကနေ့ မနက်၉ နာရီဝန်းကျင်က ကျွဲနွားသယ်ဆောင်လာတဲ့ ကားတစ်စီး ထိုးကျခဲ့ပြီး လူသေဆုံးတာတွေရှိတယ်လို့ ပုလဲဖြူ လူမှုကူညီရေး အသင်းဆီက သိရပါတယ်။ ” အပျက်အစီးများတယ် ၊ ကားထဲမှာ ပိတ်မိ ညှပ်နေတဲ့ လူနာတစ်ဦးကို အခုဆေးရုံပို့နေတာပါ ၊ ညှပ်နေတဲ့ ကျန်ကားသမားကိုတော့ မီးသတ်ကယ်ဆယ်ရေးအဖွဲ့က ကရိန်းတွေနဲ့ လုပ်နေတုန်း ” လို့ ပုလဲဖြူ လူမှုကူညီရေးအသင်း ပရဟိတသမားတစ်ယောက်က ပြောပါတယ်။ ဒါ့အပြင် ချောက်ထဲထိုးကျတဲ့ ကျွဲနွားသယ်ဆောင်လာတဲ့ကားဟာ ၆ ဘီးယာဥ်အမျိုးအစားဖြစ်ပြီး ကားပေါ်ပါ လူ ၂ ဦးအနက် တစ်ဦး ဒဏ်ရာရ ၊ တစ်ဦး သေဆုံးကာ ကျွဲ၊နွား…

ဧပြီ ၊ ၆-၂၀၂၂ SP (VOM) စစ်ကိုင်းတိုင်း ၊ မုံရွာမြို့ ၊ စီပွားရေးတက္ကသိုလ်အနီး မြို့ရှောင်လမ်းမှာ ဒီကနေ့ ညနေ၂ နာရီဝန်းကျင်က ပေါက်ကွဲမှုဖြစ်ပြီး အိမ်စီးကား ၁ စီးထိမှန်ကာ ကားပေါ်ပါ လာသူ လူတချို့ သေဆုံး၊ဒဏ်ရာရတယ်လို့ ရွှေဇလုပ်ရပ်ကွက်ခံတွေဆီက သိရပါတယ်။ ” လမ်းဘေးထောင်မိုင်း ပေါက်ကွဲပြီး သွားလာနေတဲ့ အိမ်စီးကားထိမှန်လို့ လူသေဆုံး ၊ ဒဏ်ရာရတာ ” လို့ မြင်တွေ့ခဲ့ရတဲ့ ဒေသခံတယောက်က ပြောပါတယ်။ အဲ့ဒီ ပေါက်ကွဲမှုဖြစ်တဲ့နေရာကို သွားရောက်ကူညီပေး ခဲ့တဲ့ ပရဟိတသမားတယောက်က ” ကျောက္ကာ မြောက်ရွာက အိမ်စီးကား Mark(2) Crown အဖြူရောင်ကို မိုင်းထိမှန်တာပါ ၊ ကားပေါ်မှာက မူလွန်ကျောင်းအုပ် အငြိမ်းစား ဆရာမကြီး ဒေါ်ခင်မိုးကတော့ မိုင်းစထိမှန်ပြီး နေရာမှာတင် သေဆုံးသွားခဲ့တယ် ၊…

ဧပြီ ၆၊ ၂၀၂၂ Shy V(VOM) မန္တလေး – လားရှိုး အဝေးပြေးလမ်းမပေါ်မှာ ဧပြီလ လဆန်းပိုင်းကစပြီး ခရီးသွားလာသူတွေကို ကိုဗစ်ဆေးထိုးလက်မှတ်နဲ့ မှတ်ပုံတင်တွေ စစ်ဆေးနေတာကြောင့် ကားတွေ ပိတ်မိတာနဲ့ နာရီကြာကြာ စောင့်ဆိုင်း‌နေကြရလို့ အခက်အခဲဖြစ်နေရတယ်လို့ ခရီးသွားပြည်သူတွေနဲ့ ယာဉ်မောင်းတွေဆီက သိရပါတယ်။ မန္တလေး – ပြင်ဦးလွင်ကြား၊ ၂၂ မိုင် ဇီးပင်ကြီးမှာ ကိုဗစ်ဆေးထိုးလက်မှတ်နဲ့ မှတ်ပုံတင်တွေ စစ်ဆေးနေတာကြောင့် ဒီကနေ့ ဧပြီလ ၆ ရက်နေ့ မနက်ပိုင်းက ကားတွေ ရာနဲ့ချီစောင့်ဆိုင်း ပိတ်မိ‌ခဲ့တယ်လို့ ယာဉ်မောင်း တဦးက ပြောပါတယ်။ “ကားတွေ ၁ နာရီကြာ နေပူထဲရပ်စောင့်နေရတယ်။ သက်ကြီးရွယ်အိုတွေ၊ ကလေးတွေလည်းပါလို့ အခက်အခဲဖြစ်ရတယ်။”လို့ သူက ပြောပါတယ်။ မန္တလေးကနေ လားရှိုးအတက် ပြင်ဦးလွင် ၂၂ မိုင်ဇီးပင်ကြီးဂိတ်မှာ စစ်ဆေးတာဖြစ်ပြီး အဆင်းကိုတော့ ပိတ်ချင်းမြောင်ရဲစခန်းရှေ့မှာ…

ဧပြီ ၆-၂၀၂၂ KK(VOM) ရန်ကုန်မြို့၊ တောင်ဥက္ကလာပမြို့နယ်၊ သံသုမာလမ်းမပေါ်ရှိ ကမ္ဘောဇဘဏ်ခွဲကို ဒီကနေ့ နေ့လယ်ပိုင်းက အမည်မသိသူတွေက ဓားပြတိုက်ခဲ့ရာ ငွေသိန်းနှစ်ထောင်ကျော်ပါသွားတယ်လို့ ရဲအသိုင်းအဝိုင်းကနေ သိရပါတယ်။ တောင်ဥက္ကလာပမြို့နယ် KBZ ဘဏ်ကို ဒီကနေ့ နေ့လယ် တစ်နာရီခွဲ အမည်မသိအမျိုးသားလေးဦးက ကားတစ်စီးနဲ့ရောက်လာပြီး ဘဏ်လုံခြုံရေးဝန်ထမ်းနှစ်ဦးကို ကျင်စက်နဲ့တို့၊ သေနတ်ပြကာ ကောင်တာပေါ်မှာ တင်ထားတဲ့ ငွေသိန်းနှစ်ထောင်ကျော်ကို ယူသွားတယ်လို့ အမည်မဖော်လိုသူရဲတဦးက ပြောပါတယ်။ “မီးပြတ်တဲ့အချိန် ကားနဲ့ရောက်လာပြီး ဘဏ်ဝန်ထမ်းနှစ်ဦးကို ကျင်စက်နဲ့တို့ပြီး နှစ်ယောက်က သေနတ်ပြပြီး ကောင်တာပေါ်မှာ တင်ထားတဲ့ ပိုက်ဆံကိုယူသွားတာ၊ သိန်းနှစ်ထောင်လို့ သိရတယ်”လို့ သူကပြောပါတယ်။ အဲ့ဒီဓားပြတိုက်ခံရမှုနဲ့ပတ်သတ်ပြီး VOMက တောင်ဥက္ကလာ KBZ ဘဏ်ကို ဆက်သွယ်ခဲ့ပေမယ့်လည်း ဆက်သွယ်လို့ မရခဲ့ပါဘူး။ လက်တလောမှာ စစ်တပ်နဲ့ရဲတွေက တောင်ဥက္ကလာ KBZ ဘဏ်အတွင်းနဲ့ အနီးတစ်ဝိုက်မှာ ကားတွေကို စစ်ဆေးနေတယ်လို့ ရပ်ကွက်နေသူတွေဆီက…

ဧပြီ ၆-၂၀၂၂ SW(VOM) ရခိုင်ပြည်နယ် ဝန်ကြီးချုပ်ဟောင်း ဦးညီပုနဲ့ ဝန်ကြီးဟောင်း ဦးမင်းအောင်တို့ကို ရွေးကောက်ပွဲဆိုင်ရာ မဲမသမာမှုပြုလုပ်တယ်ဆိုပြီး စွဲဆိုထားတဲ့အမှုအတွက် တစ်ယောက်ကို ငွေဒဏ် ၅ သောင်းစီပြစ်ဒဏ်ချမှတ်လိုက်တယ်လို့ အမှုကိုလိုက်ပါဆောင်ရွက်နေတဲ့ ရှေ့နေဆီက သိရပါတယ်။ သူတို့ကို့ ဒီကနေ့ ဧပြီလ ၆ ရက်နေ့ မနက်ပိုင်းက စစ်တွေ အကျဉ်းထောင်အထူးတရားရုံးမှာ ရုံးထုတ်စစ်ဆေးခဲ့ပြီး အမိန့်ချခဲ့တာဖြစ်ပါတယ်။ အမှုကိုလိုက်ပါဆောင်ရွက်နေတဲ့ သဇင်ဥပဒေဆိုင်ရာအထောက်အကူပြုအဖွဲ့က အထက်တန်းရှေ့နေဦးကျော်စိုးလငါ်က ” သူတို့ကို ဒီနေ့အမိန့်ချလိုက်ပါတယ်။ ထောင်ဒဏ် ၄ လအစား ငွေဒဏ် ၅ သောင်း ဆောင်တယ်”လို့ ပြောပါတယ်။ ဦးညီပုရဲ့သမီးဖြစ်သူ မကြည်ကြည်ဦးက သူ့ရဲ့ဖခင်ဖြစ်သူကို ​ပြန်လွှတ်ပေးဖို့အတွက်လည်း တောင်းဆိုပါတယ်။ ” ကျမတို့က အဖေနဲ့တွေ့ဖို့ စစ်တွေကိုလည်း မလာနိုင်ဘူး။ လမ်းခရီးစရိတ်တွေက အရမ်းများတယ်။ လာရင်လည်း တွေ့ရမှာ မဟုတ်တဲ့အတွက် မလာဖြစ်ဘူး။ ပြစ်ဒဏ်ချတာနဲ့ ပတ်သက်ပြီး…