May 24, 2022 – Voice of Myanmar

စဥ့်ကူးမြို့နယ်မှာ မိုးကြိုးပစ်ခံရလို့ အမျိုးသမီး ၂ ဦး သေဆုံး၊ ၂ ဦး ဒဏ်ရာရ

မေ ၂၄-၂၀၂၂ KK(VOM) စဥ့်ကူးမြို့နယ်၊ ရှောက်ပင်ရိုးအုပ်စု ၊ နွယ်ရုံကျေးရွှာ မှာ မနေ့ မေလ ၂၃ရက် ညပိုင်းက မိုးကြိုးပစ်ရာကနေ စက်ကွင်းမလွတ်တဲ့အတွက် အမျိုးသမီး ၂ ဦး သေဆုံးကာ၊ ၂ ဦး ဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။ မနေ့ ညခြောက်နာရီကျော်က စိုက်ခင်းမှာ ပျိုးကျဲရာကနေပြန်လာချိန် နွယ်ရုံကျေးရွာအရောက်မှာ မိုးကြိုးပစ်ခံရလို့ ၂ဦးသေဆုံးပြီး ၂ဦးဒဏ်ရာရရှိခဲ့တာဖြစ်တယ်လို့ ဒေသခံတဦးက ပြောပါတယ်။ “ကျနော်က ရွာမှာမရှိတော့ သိပ်မသိဘူး၊ အချို့က ပျိုးကျဲပြီး ပြန်လာတာလည်းပြောတယ်၊ အချို့က မွေးနေ့မှာ သွားဝိုင်းကူရင်းပြန်လာတာ ရွာအနီးမှာ မိုးကြိုးပစ်ခံရတယ်ပြောတယ်၊ နှစ်ဦးသေတယ် နှစ်ဦးက ဒဏ်ရာရတယ်”လို့ သူကပြောပါတယ်။ သေဆုံးသူတွေဟာ ဒေါ်မြင့်ဌေးနဲ့ မသဲသဲနွယ် ဆိုသူတို့ဖြစ်ပြီး ဒဏ်ရာရရှိသူနှစ်ဦးကတော့ မစန်းယုကြည်နဲ့မသူဇာခိုင် တို့ဖြစ်တယ်လို့ ဒေသခံတဦးကပြောပါတယ်။ သေဆုံးသူနှစ်ဦးကို စဥ့်ကူးမြို့နယ်ပြည်သူဆေးရုံရှိ ရင်ခွဲရုံပို့ဆောင်ထားပြီး ဒဏ်ရာရရှိသူနှစ်ဦးကိုတော့…

NLD လက်ထက်က သမ္မတရုံးညွန်ချုပ် ဦးဇော်ဌေး ရဲ့ စျာပနအခမ်းအနား.

3 years ago Editor

မေ ၂၄ -၂၀၂၂ KT(VOM) NLD လက်ထက်က သမ္မတရုံးညွန်ချုပ် ဦးဇော်ဌေး ရဲ့စျာပနအခမ်းအနားကို နေပြည်တော်ကုတင် ၁၀၀၀ ဆေးရုံမှာ ဒီကနေ့ နေ့လယ် ၂ နာရီက ပြုလုပ်ခဲ့ပါတယ်။ အဲ့ဒီအခမ်းအနားကို ဦးဇော်ဌေး နဲ့ စစ်တက္ကသိုလ်အပတ်စဥ်တူ သူငယ်ချင်းလည်းဖြစ် လက်ရှိ နစက ရဲ့ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်း လာရောက်ဂါရဝပြုတာကိုလည်း တွေ့ရပါတယ်။ ဦးဇော်ဌေးနဲ့ပတ်သက်ပြီးဗိုလ်ချူပ်ဇော်မင်းက.”ဦး ဇော်ဌေးဟာ အခုချိန်ထိ ဗိုလ်ချုပ်ကြီးရာပြည့်တို့ဦးဆောင်တဲ့ အမျိုးသားစည်းလုံးညီညွတ်ရေးနဲ့ငြိမ်းချမ်းရေးဖော်ဆောင်မှုညှိနှိုင်းရေးကော်မတီရဲ့ငြိမ်းချမ်းဆိုင်ရာလုပ်ငန်းစဥ်တွေမှာအထောက်အကူပြုလုပ်ပေးနေပါတယ်၊သူ့အနေနဲ့ငြိမ်းချမ်းရေးဆိုင်ရာလုပ်ငန်းစဥ်တွေမှာ သူ့ရဲ့အတွေ့အကြုံတွေကို ဗိုလ်ချုပ်ကြီးရာပြည့်အဖွဲ့နဲ့ ညှိနှိုင်းမှုတွေ၊စာတမ်းတင်တာတွေလုပ်နေပါတယ်၊ နောက်ဆုံးအချိန်ထိ ငြိမ်းချမ်းရေးလုပ်ငန်းစဥ်တွေမှာ ကျရာကဏ္ဍကနေပြီး တာဝန်ထမ်းဆောင်ပေးခဲ့ပါတယ်၊ သူရဲ့ငြိမ်းချမ်းရေးခရီးဖြတ်သန်းမှုက အတွေ့အကြုံတွေကို လက်ဆင့်ကမ်းတဲ့သဘောလုပ်ဆောင်ခဲ့ပါတယ်”လို့ ပြောပါတယ်။ ဦးဇော်ဌေးရဲ့ ဈာပနအခမ်းအနားကို အပတ်စဉ်တူ ကျောင်းဆင်းဘက်သူငယ်ချင်းတွေ လာရောက်ပြီး ကွေ့ကြီးသုဿန်မှာ နောက်ဆုံးဂါရဝပြုတာတွေကိုလည်း ပြုလုပ်ခဲ့ကြပါတယ်။ ဦးဇော်ဌေးဟာ၂၀၂၁ခုနှစ် ဖေဖော်ဝါရီလ ၁ရက်နေ့မှာ ဖမ်းဆီးခံခဲ့ရပြီး၂၀၂၁ခုနှစ် ဇွန်လမှာ ပြန်လည်လွတ်မြောက်လာခဲ့တာဖြစ်သလို လက်ရှိ…

ပြည်တွင်း စားနပ်ရိက္ခာဖူလုံရေးအတွက် မလေးရှားက ပြည်ပသို့ ကြက်တင်ပို့မှုရပ်ဆိုင်း

3 years ago Editor

ကွာလာလမ်ပူ၊ မေ-၂၄-၂၀၂၂ မျိုးဆက်(VOM) မလေးရှားနိုင်ငံတွင်းမှာ ကြက်သားဖူလုံရေးအတွက် ပြည်ပသို့ကြက်တင်ပို့မှုကို ဇွန်လကစပြီး ပိတ်ပင်သွားမယ်လို့ မလေးရှား၀န်ကြီးချုပ်ကပြောပါတယ်။ အာရှဒေသမှာ အိန္ဒိယနိုင်ငံကလည်း ပြည်ပသို့ဂျုံတင်ပို့မှုတွေကို ပိတ်ပင်ထားပြီး အင်ဒိုနီးရှားနိုင်ငံကလည်း စားအုန်းဆီတင်ပို့မှုတွေကို ပိတ်ပင်ထားခဲ့ပါတယ်။ ယူကရိန်းကို ရုရှားက ကျူးကျော်ပြီးနောက် ဆယ်စုနှစ်တွေအတွင်း ကမ္ဘာပေါ်မှာ အဆိုးရွားဆုံး စားနပ်ရိက္ခာ အကြပ်အတည်းနဲ့ ကြုံတွေ့နေရပါတယ်။ ဒေသတွင်းအစိုးရဟာတွေဟာ စားနပ်ရိက္ခာအကြပ်အတည်းနဲ့ပတ်သက်ပြီး ပြည်တွင်းဖူလုံရေးမူဝါဒကို ကိုင်စွဲလာတာနဲ့ပတ်သက်ပြီး စိုက်ပျိုးရေးပညာရှင်တဦးက သတိပေးပြောဆိုထားပါတယ်။ မလေးရှာနိုင်ငံမှာ မကြာသေးမီအတွင်း ကြက်သားစျေးနှုန်းကြီးမြင့်လာတဲ့အပေါ် ပြည်သူတွေအကြား မကျေမနပ်ဖြစ်နေကြပြီး လက်လီရောင်းချသူတွေဟာလည်း ရောင်းချဖို့အတွက်ကို ခွဲတမ်းစနစ်နဲ့သာ ရရှိနေပါတယ်။ ပြည်တွင်းမှာ စျေးနှုန်းနဲ့ ထုတ်လုပ်မှုတည်ငြိမ်တဲ့အထိ ပြည်ပနိုင်ငံတွေကို လစဉ်ကြက်ကောင်ရေ ၃ ဒသမ ၆ သန်း တင်ပို့နေတာကို ရပ်ဆိုင်းသွားမယ်လို့ မလေးရှား၀န်ကြီးချုပ် အစ္စမေးလ်ဆာဘရီယာကော့က ထုတ်ဖော်ပြောဆိုပါတယ်။ Ref: BBC Photo:Getty Images #voiceofmyanmar #VOM…

ဒီနှစ်မှာ သွေးလွန်တုပ်ကွေးရောဂါဖြစ်ပွားမှု ထူးကဲများပြားနိုင်တယ်လို့ ကျန်းမာရေးဝန်ကြီးဌာနကနေ သိရ

3 years ago Editor

မေ ၂၄-၂၀၂၂ VOM (GG) မြန်မာနိုင်ငံမှာ သွေးလွန်တုပ်ကွေးရောဂါ နှစ်စဉ်ဖြစ်ပွားမှု သုံးသပ်ချက်တွေအရ ဒီနှစ်(၂၀၂၂)ဟာ ရောဂါဖြစ်ပွားမှုထူးကဲများပြားလို့ Outbreak အသွင် ဖြစ်ပွားနိုင်ခြေများတယ်လို့ ကျန်းမာရေးဝန်ကြီးဌာနက ပါမောက္ခေ ဒေါက်တာသက်ခိုင်ဝင်းက ပြောဆိုလိုက်ပါတယ်။ လက်ရှိ တနိုင်ငံလုံးမှာ သွေးလွန်တုပ်ကွေးဖြစ်ပွားမှုအနေနဲ့ ဒီနှစ် ၂၀၂၂ ခုနှစ် ဇန်နဝါရီလ ၁ ရက်ကနေ့ မေလ၂၀ ရက်နေ့အထိကို သွေးလွန်တုပ်ကွေးဖြစ်ပွားသူ ၁၅၁၆ ဦးရှိပြီး သေဆုံးသူ ၂ ဦးရှိထားတယ်လို့ သိရပါတယ်။ ရန်ကုန်တိုင်း၊ ဧရာဝတီတိုင်းနဲ့ မွန်ပြည်နယ်တို့မှာ ဖြစ်ပွားမှုအများဆုံးဖြစ်နေတယ်လို့ သိရပါတယ်။ ” အခုနှစ် အစထဲက သွေးလွန်တုပ်ကွေးရောဂါနဲ့ဆေးရုံ တက်ရတဲ့ကလေးတွေ အမြဲရှိတယ် ၊ ရန်ကင်း နဲ့ ရန်ကုန် ကလေးဆေးရုံကြီးတွေမှာလည်းရှိတယ်လို့ သိရပါတယ် ၊သွေးလန့်တဲ့ကလေးတွေ သွေးရည်ကြည်အထိ သွင်းရတဲ့ ကလေးတွေလည်း ရှိပါတယ် ၊ အရေးအကြီးဆုံးကတော့ သွေးလွန်တုပ်ကွေးကို…

ရုရှားတပ်ဖွဲ့၀င်တဦးကို စစ်ရာဇ၀တ်မှုနဲ့ ယူကရိန်းတရားရုံးက တစ်သက်တစ်ကျွန်း ပြစ်ဒဏ်ချ

3 years ago Editor

ကိယက်ဗ်၊ မေ-၂၄-၂၀၂၂ မျိုးဆက်(VOM) ယူကရိန်းကို ရုရှားကကျူးကျော်မှုပြုပြီးနောက် ပထမဆုံးစစ်ရာဇ၀တ်မှုအဖြစ် ယူကရိန်းအရပ်သားတဦးကို သတ်ဖြတ်မှုနဲ့ ရုရှားတင့်ကားတပ်မှူးတဦးကို ယူကရိန်းတရားရုံးက တစ်သက်တစ်ကျွန်း ပြစ်ဒဏ်ချမှတ်လိုက်ပါတယ်။ ဖမ်းဆီးခံရတဲ့ ရုရှားတင့်ကားတပ်မှူး Vadim Shishimarin ဟာ ယူကရိန်းနိုင်ငံ အရှေ့မြောက်ပိုင်း Chupakhivka ရွာမှာ အသက် ၆၂ နှစ်အရွယ် Oleksandr Shelipov ဆိုသူကို ဖေဖော်ဝါရီ ၂၈ ရက်က သတ်ဖြတ်ခဲ့တာကြောင့် အခုလို စီရင်ချက် ချလိုက်တာဖြစ်ပါတယ်။ သူဟာ Oleksandr Shelipov ကိုပစ်သတ်ခဲ့ကြောင်း ၀န်ခံထွက်ဆိုခဲ့ပေမယ့် ဒါဟာအမိန့်အတိုင်း ဆောင်ရွက်ခဲ့ကြောင်းနဲ့ သူ့ကိုခွင့်လွှတ်ဖို့ သေဆုံးသူရဲ့မိန်းမကို တောင်းဆိုခဲ့ကြောင်း သိရပါတယ်။ ယူကရိန်းမှာ ရုရှားတပ်တွေရဲ့ အခြားသော စစ်ရာဇ၀တ်မှုကျူးလွန်တာတွေကို ယူကရိန်းက စုံစမ်းစစ်ဆေးမှုတွေ ပြုလုပ်နေပါတယ်။ ပဋိပက္ခတွေအတွင်း အရပ်သားတွေကို တမင်ပစ်မှတ်ထားတာဟာ စစ်ရာဇ၀တ်မှုကျူးလွန်တဲ့ အချက်တွေထဲမှာ ပါ၀င်နေပြီး မေ ၂၃…

မျောက်ကျောက်ရောဂါက မြန်မာနိုင်ငံမှာ ဖြစ်ပွားနိုင်ခြေနည်းပါးတယ်လို့ ကျန်းမာရေးဝန်ကြီးပြော

3 years ago Editor

မေ ၂၃-၂၀၂၂ VOM (GG) ကမ္ဘာ့နိုင်ငံအချို့မှာဖြစ်ပွားနေတဲ့ မျောက်ကျောက် Monkeypoxရောဂါဟာ သဘောသဘာဝအရ မြန်မာနိုင်ငံမှာ ဖြစ်ပွားနိုင်ခြေ နည်းပါးတယ်လို့ ကျန်းမာရေးဝန်ကြီး ပါမောက္ခဒေါက်တာသက်ခိုင်ဝင်းက ပြောဆိုလိုက်ပါတယ်။ အကယ်၍ မျောက်ကျောက်ရောဂါသံသယရှိပါက နီးစပ်ရာကျန်းမာရေးဌာနတွေမှာ လာရောက်ပြသနိုင်ရေး၊ ဓာတ်ခွဲစမ်းသပ်စစ်ဆေးနိုင်ရေးနဲ့ ဆေးကုသရေးလုပ်ငန်းကိုတော့ ကြိုတင်ပြင်ဆင် ဆောင်ရွက်ထားရမှာဖြစ်တယ်လို့ လည်း ပြောပါတယ်။ ” မျောက်ကျောက်ရောဂါက မြန်မာနိုင်ငံမှာဖြစ်ပွားနိုင်ခြေနည်းတယ်ဆိုပေမယ့် ကျောက်ရောဂါတွေနဲ့ပတ်သက်ပြီးဖြစ်စေ ရှိရင်းစွဲကူးစက်ရောဂါတွေနဲ့ ပတ်သက်ပြီးဖြစ်စေ ရောဂါစောင့်ကြပ်ကြည့်ရှုခြင်းလုပ်ငန်းတွေကတော့အရှိန်အဟုန်မြှင့်တင်‌ပြီး ဆောင် ရွက်ဖို့ လိုအပ်ပါတယ်၊ ပြည်သူတွေ စိုးရိမ်ထိတ်လန့်မှု မဖြစ်အောင်လည်း ကလေးတွေမှာဖြစ်တတ်တဲ့ရေကျောက်ရောဂါနဲ့ monkeypox ရောဂါဖြစ်ပွားတဲ့အခါ တွေ့ရတဲ့ ရောဂါလက္ခဏာတွေ ကွာခြားမှု၊ဖြစ်နိုင်ခြေ ကို ပြည်သူတွေ ကျယ်ကျယ်ပြန့်ပြန့်သိအောင် ကျန်းမာရေးအသိပညာပေးရမယ်၊” လို့ ကျန်းမာရေးဝန်ကြီးက မေလ၂၃ ရက်နေ့ အစည်းအဝေးမှာပြောခဲ့တာဖြစ်ပါတယ်။ ဒါကြောင့်မြန်မာနိုင်ငံက ကလေးငယ်တွေမှာ ဖြစ်ပွားတတ်တဲ့ ရေကျောက်ရောဂါ ကူးစက်ဖြစ်ပွားမှုတွေအတွက် ရောဂါစောင့်ကြပ်ကြည့်ရှုခြင်း၊ ထိန်းချုပ်ခြင်းနဲ့ ကျန်းမာရေးအသိပညာမြှင့်တင်ခြင်းလုပ်ငန်းတွေကို…

ငရုတ်စိုက်ဖို့သွားတဲ့ အမျိုးသမီး ၅ ဦး မိုးကြိုးပစ်ခံရပြီး သေဆုံး

3 years ago Editor

မေ ၂၄-၂၀၂၂ GG(VOM) ပျော်ဘွယ်မြို့၊ ကျောက်ချပ်ရွာမှာ ငရုတ်စိုက်ဖို့သွားတဲ့ အမျိုးသမီး ၅ ဦး မိုးကြိုးပစ်ခံရပြီး သေဆုံးမှု ဒီကနေ့ညနေပိုင်းကဖြစ်ပွားခဲ့တယ်လို့သိရပါတယ်။ ငရုတ်စိုက်ဖို့ ယာထဲရောက်ချိန် လျှပ်စီးလက်ပြီးမိုးကြိုးပစ်နေတာကြောင့် ယာကန်သင်းပေါ် ထိုင်နေချိန် မိုးကြိုးစက်ကွင်းမိကာ အမျိုးသမီး ၅ ဦး သေဆုံးခဲ့တာဖြစ်တယ်လို့ သိရပါတယ်။ ” ဟုတ်တယ် ၃ နာရီလောက်မှာဖြစ်တာ၊ ၅ယောက်ဆုံးသွားတယ်၊ ငရုတ်က မစိုက်ရသေးဘူး။ကန်သင်းပေါ်မှာထိုင်နေတာ၊ထိုင်နေတာတော့ အများကြီးပဲ ၈ ယောက်လောက် စက်ကွင်းမိတာ ၊ အခု၅ယောက်သေတာ၊ကျန်တဲ့ ၃ ယောက်ကတော့ ဖြစ်ပြီးသတိတန်းရလာပြီး ရှင်တယ်ပေါ့၊သူတို့ဖြစ်တဲ့နေရာနဲ့ ဆေးရုံကဝေးတယ်လေ၊ ဆေးရုံရောက်တဲ့အထိ သူတို့အသက်တွေပါသေးတယ်”လို့ ကျောက်ချပ်ရွာဒေသခံတဦးကပြောပါတယ်။ မိုးကြိုးပစ်ခံရပြီးသေဆုံးသူ ၅ ဦးဟာ အသက် ၅၀ ကျော် ၂ယောက်ပါဝင်ပြီး အသက် ၃၀ ဝန်းကျင် တယောက်၊အသက် ၄၀ တယောက်၊အသက် ၁၇နှစ်အရွယ်ကောင်မလေးတယောက်တို့ဖြစ်တယ်လို့ သိရပါတယ်။ သေဆုံးသူတွေကို…

ပေါင်မြို့နယ် အလှပ်ကျေးရွာမှာ လေဆင်နှာမောင်းတိုက်လို့ အိမ်ခြေ ၁၀၀ခန့်ပျက်စီး၊ လူ ၃ဦး ဒဏ်ရာရရှိ

3 years ago Editor

မေ ၂၄-၂၀၂၂ KK(VOM) ပေါင်မြို့နယ် အလှပ်ကျေးရွာမှာ ဒီကနေ့ နေ့လယ်ပိုင်းက လေဆင်နှာမောင်းတိုက်ခတ်သွားလို့ နေအိမ် တစ်ရာခန့် ပျက်စီးသွားပြီး ကလေးငယ်တဦးနဲ့အဘွားအိုနှစ်ဦးထိခိုက်ဒဏ်ရာရရှိခဲ့တယ်လို့ ဒေသခံတွေဆီက သိရပါတယ်။ လေဆင်နှာမောင်းတိုက်ခတ်ခဲ့လို့ နေအိမ်အလုံးတစ်ရာပျက်စီခဲ့ပြီး နေအိမ်သုံးလုံးမှာ လုံးဝပြိုကျပျက်စီးခဲ့တာဖြစ်တယ်လို့ ဒေသခံတဦးက ပြောပါတယ်။ “လေဆင်နှာမောင်းတိုက်တဲ့အချိန်က လေးဆယ်ငါးမိနစ်လောက်ကြာတယ်၊ တစ်ရွာလုံးနီးပါး အိမ်တွေ ပျက်စီးကုန်တာ၊ နေအိမ်သုံးလုံးကတော့ပြိုကျသွားတယ်”လို့ သူကပြောပါတယ်။ လေပြင်းတိုက်ခတ်မှုကြောင့် နေအိမ်တွေ အမိုးလန်ပြီးအကာတွေပျက်စီးခဲ့သလို ယိုင်နဲ့သွားတာအပြင် ဘုန်းတော်ကြီးကျောင်းအဝင်မုဒ်ဦးတွေလည်း ယိုင်နဲ့သွားတာရှိတယ်လို့ ဒေသခံတွေဆီက သိရပါတယ်။ လေနှာမောင်းတိုက်လို့ နေအိမ်ပျက်စီးမှုအများဆုံးဟာ ကံသာယာလမ်းဖြစ်ပြီး ထိခိုက်ဒဏ်ရာရရှိသူ ၃ဦးရှိတယ်လို့ အဲ့ဒီလမ်းမှာနေထိုင်သူတဦးက ပြောပါတယ်။ “အဘွားတစ်ယောက်ဆို ၁၄ ချက်ချုပ်ရတယ်၊ နော က်ထပ် အသက်၆၇ လောက်ရှိတဲ့အဘွားက သွပ်ပြားထိတာ ရှစ်ချက်ချုပ်ရတယ်၊ ကလေးတဦးက ခြေထောက်ထိတယ်”လို့ ပြောပါတယ်။ လက်တလော ထိခိုက်ဒဏ်ရာရရှိသူ ၃ဦးထဲက အဘွားအိုနှစ်ဦးဟာ အလှပ်ကျေးရွာတိုင်နယ်ဆေးရုံမှာ ဆေးကုသမှုခံယူနေတယ်လို့…