Day: July 12, 2022

ကိုလံဘို၊ ဇူလိုင်-၁၂-၂၀၂၂ မျိုးဆက်(VOM) သီရိလင်္ကာသမ္မတ ဂိုတာဘာယာရာဂျာပက်ဆာဟာ နိုင်ငံတွင်းကထွက်ပြေးဖို့ ကြိုးပမ်းရာမှာ လေဆိပ်၀န်ထမ်းတွေက ဖိအားပေးတာကြောင့် မအောင်မြင်ခဲ့ဘူးလို့ သိရပါတယ်။ သူ့ကို ရာထူးကနေဆင်းပေးဖို့ လပေါင်းများစွာဆန္ဒပြမှုတွေဖြစ်ပွားပြီးနောက်ပိုင်းမှာတော့ သမ္မတဟာ ဇူလိုင် ၁၁ ရက်မှာ ဒူဘိုင်းကို ထွက်ပြေးဖို့ ကြိုးစားလာတာဖြစ်ပါတယ်။ ဒါပေမယ့်လည်း လေဆိပ်လူ၀င်မှုကြီးကြပ်ရေး၀န်ထမ်းတွေက သူ့ရဲ့ပတ်စ်ပို့ကို တံဆိပ်တုံးထုဖို့အတွက် VIP နေရာကိုလာခွင့်မပြုခဲ့ကြောင်း၊ သမ္မတဟာ လူထုအုံကြွမှုကို ကြောက်တာကြောင့် သာမန်တန်းစီရတဲ့နေရာကိုလည်း ဖြတ်သန်းမှာမဟုတ်ဘူးလို့ လူ၀င်မှုကြီးကြပ်ရေး တာ၀န်ရှိသူတွေက ပြောပါတယ်။ ဒီအတွက်ကြောင့် သမ္မတရာဂျာပက်ဆာဟာ ဒူဘိုင်းကိုသွားမယ့် လေယာဉ်ကို လွဲချော်ခဲ့ပြီး ဇနီးဖြစ်သူနဲ့အတူ အနီးနားရှိ စစ်အခြေစိုက်စခန်းကိုပြန်သွားခဲ့ရတယ်လို့ သိရပါတယ်။ ဒီအတောအတွင်း သမ္မတရဲ့ညီဖြစ်သူ ဘဏ္ဍာရေး၀န်ကြီးဟောင်း ဘာဆေးရာဂျာပက်ဆာကိုလည်း ပြည်ပနိုင်ငံတွေကို ထွက်ခွာခွင့်တားမြစ်ထားကြောင်း လူ၀င်ကြီးကြီးကြပ်ရေးတာ၀န်ရှိသူတွေက ပြောပါတယ်။ လက်ရှိနိုင်ငံရေးအခြေအနေအရ နိုင်ငံရဲထိပ်တန်းတာ၀န်ရှိသူတွေကို ပြည်ပနိုင်ငံတွေကို ထွက်ခွာခွင့်မပေးရေးအတွက် လူ၀င်မှုကြီးကြပ်ရေးတာ၀န်ရှိသူတွေအပေါ် ဖိအားကျရောက်နေကြောင်း လူ၀င်မှုကြီးကြပ်ရေး၀န်ထမ်းများအသင်းတာ၀န်ရှိသူတွေက ပြောပါတယ်။…

ကိုလံဘို၊ ဇူလိုင်-၁၂-၂၀၂၂ မျိုးဆက်(VOM) သီရိလင်္ကာသမ္မတ ဂိုတာဘာယာရာဂျာပက်ဆာ ရာထူးကနေဆင်းတာနဲ့ သမ္မတနေရာအတွက် ရွေးချယ်ခံဖို့ ရည်မှန်းထားကြောင်း အဓိကအတိုက်အခံခေါင်းဆောင် ဆာဂျစ်ပရီမာဒါဆာက ဇူလိုင် ၁၁ ရက်မှာ ထုတ်ဖော်ပြောဆိုလိုက်ပါတယ်။ သူ့ရဲ့ အက်စ်ဂျေဘီပါတီဟာ ဒီကိစ္စအတွက် ထောက်ခံမှုရရှိဖို့ မဟာမိတ်တွေနဲ့ ဆွေးနွေးပြီးနောက် ဆာဂျစ်ပရီမာဒါဆာက အခုလိုထုတ်ဖော်ပြောဆိုလိုက်တာဖြစ်ပါတယ်။ သီရိလင်္ကာနိုင်ငံဟာ မကြုံစဖူး စီးပွားရေးအကျပ်အတည်းနဲ့ ရင်ဆိုင်နေရပြီး မတ်လမှစတင်ကာ ပြည်သူထောင်ပေါင်းများစွာ လမ်းပေါ်ထွက်ဆန္ဒပြမှုတွေ ပြုလုပ်ခဲ့ကြပါတယ်။ သမ္မတရာဂျာပက်ဆာဟာ ယခုသီတင်းပတ်အတွင်း ရာထူးကနေနှုတ်ထွက်ဖို့ စီစဉ်ထားကြောင်း ကြေညာထားပြီး ဇူလိုင် ၂၀ ရက်မှာ သမ္မတသစ်ကို လွှတ်တော်အမတ်တွေက ရွေးချယ်မှာဖြစ်တယ်လို့ လွှတ်တော်ဥက္ကဌက ထုတ်ဖော်ပြောဆိုထားပါတယ်။ လစ်လပ်နေရာတစ်ခုဖြစ်လာပါက မိမိကိုသမ္မတရာထူးအတွက် အမည်စာရင်းတင်သွင်းခြင်းအတွက် မိခင်ပါတီနဲ့မဟာမိတ်တွေက သဘောတူထားကြောင်း မစ္စတာပရီမာဒါဆာက ပြောဆိုပါတယ်။ ၂၀၁၉ ခုနှစ် သမ္မတရွေးကောက်ပွဲမှာ ရှုံးနိမ့်ခဲ့တဲ့ မစ္စတာပရီမာဒါဆာအနေနဲ့ သမ္မတရာထူးအတွက် အစိုးရ မဟာမိတ်အမတ်တွေရဲ့ ထောက်ခံမှုရရှိဖို့…

ကုလသမဂ္ဂ၊ ဇူလိုင်-၁၂ မျိုးဆက်(VOM) အိန္ဒိယနိုင်ငံဟာ လာမယ့်နှစ်မှာ ကမ္ဘာ့လူဦးရေအများဆုံးနိုင်ငံဖြစ်လာမှာဖြစ်ပြီး နိုင်ငံ့လူဦးရေဟာ ၁ ဒသမ ၄ ဘီလီယံကျော်နဲ့ တရုတ်နိုင်ငံကိုကျော်တက်သွားမှာဖြစ်ကြောင်း ကုလသမဂ္ဂက ထုတ်ပြန်တဲ့ ကိန်းဂဏန်းတွေမှာ ဖော်ပြထားပါတယ်။ ယခုနှစ် နို၀င်ဘာလမှာ ကမ္ဘာ့လူဦးရေဟာ ရှစ်ဘီလီယံထိ ရှိလာမှာဖြစ်ပေမယ့် လူဦးရေတိုးပွားမှုနှုန်းဟာ ယခင်ကလောက် မြန်ဆန်မှုမရှိကြောင်း ကုလသမဂ္ဂကဆိုပါတယ်။ ဒါဟာ ၁၉၅၀ ပြည့်နှစ်နောက်ပိုင်း အနှေးကွေးဆုံးဖြစ်ပြီး ၂၀၈၀ ပြည့်နှစ်တွေမှာတော့ ကမ္ဘာ့လူဦးရေဟာ ၁၀ ဒသမ ၄ ဘီလီယံခန့်ရှိလာမယ်လို့ လူဦးရေဆိုင်ရာ ပညာရှင်တွေက ယုံကြည်နေပါတယ်။ ဒါပေမယ့် ကမ္ဘာ့လူဦးရေဟာ မညီမညာတိုးပွားနေပြီး လာမယ့်နှစ် ၃၀ အတွင်းတွေ့ရှိရမယ့် လူဦးရေတိုးပွားမှုရဲ့ ထက်၀က်ကျော်ဟာ ကွန်ဂို၊ အီဂျစ်၊ အီသီယိုးပီးယား၊ အိန္ဒိယ၊ နိုင်ဂျီးရီးယား၊ ပါကစ္စတန်၊ ဖိလစ်ပိုင်နဲ့ တန်ဇန်းနီးယားနိုင်ငံတို့့ဖြစ်ကြောင်း ကုလသမဂ္ဂရဲ့ အချက်အလက်တွေမှာ ဖော်ပြထားပါတယ်။ တချိန်တည်းမှာ ကမ္ဘာ့ဖွံ့ဖြိုးတိုးတက်မှုအရှိဆုံးနိုင်ငံအချို့မှာ…