Day: July 24, 2022

ဇူလိုင်၂၄-၂၀၂၂ SP(VOM) ရှမ်းပြည်နယ် မြောက်ပိုင်း ၊ မူဆယ်မြို့ မှာ မနေ့ ဇူလိုင် ၂၃ ရက်ည ၁၁ နာရီဝန်းကျင်က ဓားပြတိုက်လာတဲ့ကားက လမ်းဘေးဓာတ်တိုင်ဝင်တိုက်မိပြီး ကားပေါ်ပါလာတဲ့ ဓားပြဗိုလ်ဖြစ်သူကို ဌာနေပြည်သူ့စစ်အဖွဲ့က ဖမ်းဆီးလိုက်တယ်လို့ မူဆယ်မြို့ခံတွေဆီက သိရပါတယ်။ ” ဓာတ်တိုင်တိုက်မိပြီး တိမ်းမှောက်သွားတဲ့ကားက မူဆယ် မြောက်ရပ်ကွက် ၊ တာမိုးညဲစျေးနားက အိမ်တခုကနေ ဓားပြတိုက်လုယူလာတဲ့ကားဖြစ်တယ် ၊ ကားပေါ်ကနေ ဓားပြဗိုလ်ကို ဖမ်းမိတာ ” လို့ မူဆယ်မြိုခံ တယောက်က ပြောပါတယ်။ အဲ့ဒီ ကိစ္စနဲ့ ပတ်သက်ပြီးမူဆယ်ခရိုင်ရဲရုံးနဲ့ နီးစပ်သူတယောက်က ” လှည့်ကင်းအဖွဲ့က ပိတ်ဆို့စစ်ဆေးရေး လုပ်နေတာ ၊ အဲ့ဒီကားက ဖြတ်မောင်းလာတော့ ရပ်ခိုင်းတာကို မရပ်ဘဲ ကားပေါ်ကနေ သေနတ်နဲ့ ၁၀ ချက်လောက်ပစ်ပြီး မောင်းပြေးတာ ၊ နောက်ကလိုက်တော့ အဲ့ဒီ…

ဇူလိုင် ၂၄-၂၀၂၂ Voice Of Myanmar မန္တလေးမြို့၊ ပြည်ကြီးတံခွန်မြို့နယ်၊ ၁၂၅လမ်း ၅၈၅၉ကြားက မောသစ်ရွှေဆိုင်မှာ ဒီကနေ့ နေ့လယ်ပိုင်းက သေနတ်နဲ့ပစ်ခတ်ပြီး ရွှေသား သိန်း၂ထောင်ခန့်တန်ဖိုးနဲ့ ငွေကျပ် သိန်း ၆၀ခန့် ဓားပြတိုက်ခံခဲ့ရတယ်လို့ သိရပါတယ်။ “ပစ္စတိုကိုင်လာတဲ့ လူ၂ဦးက ဆိုင်ထဲ၀င်လာပြီး သေနတ်၃ချက်လောက်ပစ်တယ်၊ ပြီးတာနဲ့ ရွှေတွေနဲ့ ငွေသားတွေ ယူသွားတာဖြစ်တယ်”လို့ ရဲတပ်ဖွဲ့နဲ့ နီးစပ်သူတဦးက ပြောပါတယ်။ ဆိုင်ထဲ၀င်တဲ့အချိန် သေနတ်နဲ့ပစ်ခတ်မှုကြောင့် ရွှေဆိုင်လုံခြုံရေး၀န်ထမ်း အသက် ၄၀အရွယ် အမျိုးသားတဦး ဒဏ်ရာရခဲ့တယ်လို့ သိရပါတယ်။ ပြီးခဲ့တဲ့ ၂၀၂၁ခုနှစ် အောက်တိုဘာ ၁၇ရက် နေ့ကလည်း ၆၂လမ်းနဲ့ ၁၃၄လမ်းထောင့်က မောသစ်ရွှေဆိုင် ဆိုင်ခွဲ(၁)မှာ ရွှေသား သိန်း ၁၁၈၀ ခန့် ဓားပြတိုက်ခံခဲ့ရပြီး ဆိုင်ပိုင်ရှင်ဖြစ်သူ အမျိုးသမီး သေနတ်နဲ့ပစ်ခံရလို့ ဒဏ်ရာရရရှိခဲ့တဲ့ဖြစ်စဥ်လည်း ဖြစ်ပွားခဲ့ပါသေးတယ်။ အဲ့ဒီဖြစ်စဥ် ဖြစ်ပွားတုန်းက…

ဇူလိုင် ၊ ၂၄ ၊ ၂၀၂၂ SP(VOM) တနင်္သာရီတိုင်း ၊ ထားဝယ်ခရိုင် ၊ ထားဝယ်မြို့ ၊ ထားဝယ်မြို့မရဲစခန်းမှူး ဒုရဲမှူး ၁ ဦးကို လူမှောင်ခိုမှုတွေနဲ့ ဆက်နွယ်နေတယ်ဆိုကာ ဖမ်းဆီးစစ်ဆေးနေတယ်လို့ ရဲအသိုင်းအဝိုင်းဆီက သိရပါတယ်။ “လူမှောင်ခိုမှုနဲ့ ပတ်သက်နေလို့ ဖမ်းခံရတဲ့ သူက ဒုရဲမှူး စိုးနိုင်ဖြစ်တယ် ၊ သူက ထားဝယ် နယ်ထိန်းလုပ်ဖူးတယ် ၊ မောင်းမကန် နယ်မြေစခန်းမှူး လုပ်ဖူးတယ် ၊ အနေကြာနဲ့ တနင်္သာရီတိုင်းက ပြောင်းသွားပြီး ၊ အခု ရာထူးတိုးနဲ့ နောက်တကြိမ် ပြောင်းဝင်လာတာဖြစ်တယ် ၊ လူမှောင်ခိုမှုနဲ့ ဖမ်းဆီး စစ်ဆေးနေတာ”လို့ ထားဝယ်ခရိုင်ရဲရုံးနဲ့ နီးစပ်သူတယောက်က ပြောပါတယ်။ ထားဝယ်မြို့ခံ စီးပွားရေးလုပ်ငန်းရှင်တယောက်က ” ဗိုလ်ကြီး စိုးနိုင် အဖမ်းခံရပြီး စစ်ဆေးနေတာလို့ ကြားရတယ် ၊…

ဇူလိုင် ၂၄ ၊ ၂၀၂၂ SP(VOM) ရခိုင်ပြည်နယ်၊ ကျောက်ဖြူမြို့နယ်၊ စနဲမြို့၊ စနဲနယ်မြေရဲစခန်းမှူးဟာ ဒီကနေ့ မနက်ပိုင်းက စနဲစျေးထဲမှာ လက်နက်ကိုင်အဖွဲ့တခုက ဖမ်းဆီးခေါ်ဆောင်သွားတာကို ခံလိုက်ရတယ်လို့ စနဲစျေးသည်တွေဆီက သိရပါတယ်။ ” ဒီမနက် ၈ နာရီဝန်းကျင်က စျေးဝယ်လာတဲ့ စခန်းမှူး ရဲအုပ်ကျော်ဇင်ဝင်းကို အရပ်ဝတ် လက်နက်ကိုင်ထားတဲ့ အဖွဲ့ ၁ ခုက ဖမ်းဆီးခေါ်ဆောင်သွားတာ ” လို့ စနဲစျေးမှာ စျေးရောင်းနေတဲ့ စျေးသည်တယောက်က ပြောပါတယ်။ အဲ့ဒီနောက် ဒီမနက် ၈ နာရီခွဲ ဝန်းကျင်ကစပြီး စနဲစျေးသည်တွေဟာ ဆိုင်တွေပိတ်ထားကြတယ်လို့ သိရပြီး စနဲမြို့ရဲ့နေရာတချို့နဲ့ ဆေးရုံနားဝန်းကျင်မှာ ပိတ်ဆို့စစ်ဆေးနေတာတွေရှိတာကြောင့် စနဲ ဒေသခံတွေဟာ သွားလာတာတွေမလုပ်ကြတော့ဘူးလို့လည်း ​သိရပါတယ်။ စနဲ နယ်မြေရဲစခန်းမှူး ပျောက်ဆုံနေတာနဲ့ ပတ်သက်ပြီး ကျောက်ဖြူမြို့နယ်ရဲတပ်ဖွဲ့ရုံးကို ဆက်သွယ်မေးမြန်းခဲ့ပေမယ့် အခုထိတော့ ဆက်သွယ်လို့ မရသေးပါဘူး။…