Month: July 2022

ဇူလိုင် ၁၂-၂၀၂၂ KK(VOM) မွန်ပြည်နယ်ဝန်ကြီးချုပ်ဟောင်း ဒေါက်တာအေးဇံကို မနေ့ ဇူလိုင် ၁၁ရက်က မော်လမြိင်မြို့နယ်တရားရုံးကနေ ထောင်ဒဏ် ၂ နှစ် ထပ်မံအမိန့်ချမှတ်တယ်လို့ NLDပါတီဝင်တွေဆီက သိရပါတယ်။ “မော်လမြိုင်မြို့နယ်တရားရုံးမှာ မနေ့ မနက်ပိုင်းက ဒေါက်တာအေးဇံကို ပုဒ်မ ၁၃၀ -က နဲ့ ​ထောင်ဒဏ် ၂ နှစ်ချမှတ်ခဲ့တာဖြစ်တယ်၊ သူတို့ကတော့ ချနိူင်သလောက် အမိန့်တွေချနေမှာပဲ၊ အခုချတဲ့ပုဒ်မက ရွေးကောက်ပွဲမှာ မလျော်သြဇာသုံးတယ်ဆိုပြီး စွဲထားအမှုကို အမိန့်ချတာ”လို့ NLD ပါတီဝင်တဦးက ပြောပါတယ်။ ဝန်ကြီးချုပ်ဟောင်းဒေါက်တာအေးဇံကို ပြီးခဲ့တဲ့ မေလ ၁၆ ရက်က ကျိုက်မရော ဗဟိုအကျဉ်းထောင်အတွင်း အထူးတရားရုံးမှာ ပုဒ်မ ၅၅ နဲ့စွဲထားတဲ့ အဂတိမှု ၉ မှုအတွက် ထောင်ဒဏ် ၂၁ နှစ် ချမှတ်ခဲ့တာလည်းရှိပါတယ်။ အလားတူ ပြီးခဲ့တဲ့ ၂၀၂၁ ခုနှစ် ဒီဇင်ဘာလကုန်ပိုင်း…

ဇူလိူင် ၁၂-၂၀၂၂ VOM(GG) မြန်မာနိုင်ငံမှာ Omicron အိုမီခရွန်မျိုးရိုဗီဇပြောင်းရောဂါပိုး BA.4 (၁)ဦး နဲ့ BA.5 (၅)ဦး စစ်ဆေးတွေ့ရှိရတယ်လို့် ကျန်းမာရေးဝန်ကြီးဌာနကနေ ထုတ်ပြန်ထားပါတယ်။ အဲ့ဒီOmicron (အိုမီခရွန်)မျိုးရိုးဗီဇပြောင်းရောဂါပိုး BA.4 နဲ့ BA.5 တွေ့ရှိသူ ၆ ဦးဟာ ပြည်ပနိုင်ငံကနေ မြန်မာနိုင်ငံကို ပြန်လည်ရောက်ရှိလာတဲ့ မြန်မာနိုင်ငံသားတွေဖြစ်ပါတယ်။ ” ၁၆ ခုစစ်တာမှာ ၆ ယောက်မှာတွေ့ရတာပေါ့ ။အကုန်လုံးကျန်းမာရေးကောင်းပါတယ်။သတ်မှတ်ရက်အတိုင်း သီးခြားထား​ပြီးကုသထားပါတယ်။ “လို့ ကျန်းမာရေးဝန်ကြီးဌာနမှ တာဝန်ရှိသူတဦးကပြောပါတယ်။ ပြည်ပကနေ ပြန်လည်ဝင်ရောက်လာသူတွေထဲက ကိုဗစ်-၁၉ ရောဂါပိုးတွေ့ရှိသူတွေရဲ့ဓာတ်ခွဲနမူနာ​တွေအနက် ကိုဗစ်-၁၉ မျိုးရိုးဗီဇပြောင်းရောဂါပိုး တွေ့ရှိနိုင်တဲ့ သံသယဖြစ်ဖွယ် ဓာတ်ခွဲနမူနာ ၁၆ ခုကို ကိုဗစ်-၁၉ ရောဂါ မျိုးရိုးဗီဇစစ်ဆေးခြင်းကို ဆေးသုတေသနဦးစီးဌာန (Department of Medical Research)မှာ ဇွန်လ ၃၀ ရက်နေ့က စစ်ဆေးမှုအရ မျိုးရိုးဗီဇပြောင်း…

ဇူလိူင် ၁၂-၂၀၂၂ VOM (GG) အကြမ်းဖက်တိုက်ဖျက်​ရေးဥပဒေနဲ့ အမှုဖွင့် ဖမ်းဆီး ခံထားရတဲ့ မော်လမြိုင်မြို့နယ် NLDပါတီ လွှတ်တော်ကိုယ်စားလှယ် ဒေါ်နွယ်နွယ်အောင်ကို တရားရုံးကနေ မနေ့ ဇူလိုင် ၁၁ရက်က အပြစ်မရှိကြောင်း အမိန့်ချလိုက်တယ်လို့ သိရပါတယ်။ ” ကျနော်တို့သိရတာကတော့ ဒေါ်နွယ်နွယ်အောင်ကို စွဲဆိုထားတဲ့အမှုမှာ သက်သေအထောက်အထား မပြည့်စုံလို့ စွဲချက်မခိုင်လို့ အပြစ်မရှိကြောင်း တရားသူကြီးက အမိန့်ချလိုက်တာပေါ့။ မော်လမြိုင်မြို့နယ် တရားရုံးကနေ အမိန့်ချလိုက်တာပါ။လောလောဆယ် ဒီလောက်ပဲသိရသေးတယ် “လို့ ရှေ့နေတဦးကပြောပါတယ်။ ဒေါ်နွယ်နွယ်အောင်ကို NUG ၊ CRPH ၊ PDF တွေနဲ့ပူးပေါင်းမှု၊ ငွေကြေးထောက်ပံ့​တယ်ဆိုပြီး ၂၀၂၁ခုနှစ် နိုဝင်ဘာ၂၇ ရက်နေ့မှာ ဖမ်းဆီးကာ အကြမ်းဖက်မှုတိုက်ဖျက်ရေး ဥပဒေပုဒ်မ-၅၂(က)နဲ့ အမှုဖွင့်တရားစွဲခဲ့တာဖြစ်ပါတယ်။ ဒေါ်နွယ်နွယ်အောင်ဟာ အဖမ်းမခံရခင်အချိန်က နစကဆီမှာ CRPH NUG PDF တွေနဲ့ ထိတွေ့ဆက်ဆံခြင်းမရှိကြောင်း ခံဝန်ရေးထိုးခဲ့ကြောင်း၊ ရေးထိုးပြီးနောက်မှာမှ…

ဇူလိုင် ၁၂-၂၀၂၂ မင်းမြတ် ဧရာဝတီတိုင်း၊ဘိုကလေးမြို့မှာ ရပ်ကွက် ၁ ခုကို လူအယောက် ၆၀ နှုန်းနဲ့ဇူလိုင် ၈ရက်ကနေ မနေ့ဇူလိုင် ၁၁ ရက်အထိ စာရင်းကောက်ယူနေတယ်လို့ ဒေသခံတွေဆီက သိရပါတယ်။ ”ပြည်သူ့စစ်ဖွဲ့ဖို့ဆိုပြီး စာရင်းလိုက်ကောက်နေတာ၊ ရပ်ကွက်အုပ်ကြီးတွေက စာရင်းတွေလိုက်ကောက်နေတာပါ၊ဒေသလုံခြုံရေးအတွက်ဆိုပြီးတော့ပြောပြီးကောက်တာ၊ စာရင်းပေးတဲ့သူတွေလည်းရှိတာတွေ့ရတယ်၊လူငယ်တွေကို အဓိကထားကောက်နေတာ။”လို့ ဘိုကလေးမြို့ခံတဦးကပြောပါတယ်။ ဘိုကလေးမြို့နယ်မှာ ရပ်ကွက်တခုကို လူအယောက် ၆၀ အထိ စာရင်းကောက်တာဟာ ဒေသခံတွေရဲ့လုံခြုံရေးအတွက် လုပ်ပေးတာဖြစ်တယ်လို့ဦးဆောင်စာရင်းကောက်ယူနေတဲ့ ရပ်ကွက်အုပ်ချုပ်ရေးမှူးတွေကပြောဆိုတယ်လို့သိရပြီး အမျိုးသားလူငယ်တွေကိုအဓိကထားစာရင်းကောက်နေတာလို့ သိရပါတယ်။ အဲ့ဒီကိစ္စနဲ့ ပတ်သက်လို့ အုပ်ချုပ်ရေးတာဝန်ရှိသူတဦးက”ဒေသလုံခြုံရေးအတွက် လုပ်တာဖြစ်လိမ့်မယ်၊ပြည်သူတွေ ပါဝင်တဲ့ အုပ်ချုပ်ရေးစနစ်သဘောပါ၊ပြည်သူတွေပါရင် ဘာမဆိုဖြစ်ပါတယ်၊အခုလည်း ပြည်သူတွေ လုပ်ချင်မှ လုပ်ရမှာပေါ့၊ ကိုယ့်ဒေသလုံခြုံရေးအတွက်ဖြစ်လိမ့်မယ်လို့ပဲ ပြောတတ်မယ်။”လို့ပြောပါတယ်။ ဘိုကလေးမြို့နယ်မှာ ၂၀၂၁ ဖေဖော်ဝါရီလနောက်ပိုင်း ရဲတပ်ဖွဲ့ဝင် ၁ ယောက် နဲ့ သတင်းပေးလ်ို့နာမညါထွက်နေသူ ၃ဦး သေနတ်နဲ့ပစ်သတ်ခံခဲ့ရပြီး ကျောင်းဆရာ၊ဆရာမတွေအပါအဝင် ဒေသခံ ၁၀၀…