Day: August 23, 2022

၀ါရှင်တန်၊ သြဂုတ်-၂၃-၂၀၂၂ မျိုးဆက်(VOM) ယူကရိန်းရဲ့ အရပ်ဘက်အခြေခံအဆောက်အအုံတွေနဲ့ အစိုးရအခြေခံအအောက်အအုံတွေကို ရုရှားက နောက်ထပ်တိုက်ခိုက်မှုတွေလုပ်ဖို့ စီစဉ်နေကြောင်း အမေရိကန်နိုင်ငံခြားရေး၀န်ကြီးဌာနက သတိပေးလိုက်ပါတယ်။ ယူကရိန်းကို ရုရှားကကျူးကျော်တိုက်ခိုက်မှု ခြောက်လပြည့်လည်းဖြစ် ယူကရိန်းလွတ်လပ်ရေးနေ့လည်းဖြစ်တဲ့ သြဂုတ် ၂၄ ရက်မတိုင်မီ အခုလို သတိပေးချက်ထွက်ပေါ်လာတာဖြစ်ပါတယ်။ ဆိုဗီယက်ယူနီယံကနေ ယူကရိန်းလွတ်လပ်ရေးရရှိခဲ့တဲ့ အထိမ်းအမှတ်ပွဲတွေကို လက်ရှိအခြေအနေတွေကြောင့် မပြုလုပ်ဖို့ ယူကရိန်းအာဏာပိုင်တွေက တားမြစ်ထားပြီးဖြစ်ပါတယ်။ ရုရှားတို့သိမ်းပိုက်ထားတဲ့ ကရိုင်းမီးယားဒေသမှာ ပေါက်ကွဲမှုတွေနဲ့ တိုက်ခိုက်မှုတွေ ဆက်တိုက်ဖြစ်ပွားနေပြီး နှစ်ဘက်အကြား တင်းမာမှုတွေလည်း မြင့်တက်နေပါတယ်။ စနေနေ့က မော်စကိုမှာဖြစ်ပွားခဲ့တဲ့ ကားဗုံးပေါက်ကွဲမှုမှာ ပူတင်မဟာမိတ်ရဲ့ သမီးဖြစ်သူ ဒါရီယာသေဆုံးခဲ့ပြီး ဒီတိုက်ခိုက်မှုကို ယူကရိန်းကပြုလုပ်တယ်လို့ ရုရှားကစွပ်စွဲထားပေမယ့် ယူကရိန်းကတော့ ငြင်းဆိုထားပါတယ်။ Ref: BBC Photo:AP #voiceofmyanmar #VOM #၀ါရှင်တန်

ဒါကာ၊ သြဂုတ်-၂၃-၂၀၂၂ မျိုးဆက်(VOM) ဘင်္ဂလားဒေ့ရ်ှနိုင်ငံမှာ လျှပ်စစ်ဓါတ်အားပြတ်တောက်မှုကို လျော့ပါးစေဖို့အတွက် တပတ်ကိုတရက် ကျောင်းပိတ်ရက်ကို ထပ်တိုးပြီး ရုံးချိန်တွေကိုလည်း လျှော့ချသွားမယ်လို့ အစိုးရတာ၀န်ရှိသူတဦးက ပြောပါတယ်။ ဘင်္ဂလားဒေ့ရ်ှနိုင်ငံမှာ ပြီးခဲ့တဲ့လကတည်းက နေ့စဉ်နှစ်နာရီကြာ လျှပ်စစ်ဓါတ်အားပြတ်တောက်မှုတွေ ဖြစ်ပွားနေပါတယ်။ အစိုးရက ဓါတ်ဆီစျေးကို ၅၀ ရာခိုင်နှုန်းကျော် တိုးမြှင့်လိုက်ပြီးနောက်မှာ လမ်းပေါ်ထွက် ဆန္ဒပြမှုတွေလည်း ဖြစ်ပွားနေပါတယ်။ ယူကရိန်းစစ်ပွဲကြောင့် လောင်စာဆီတင်သွင်းမှုစရိတ်တွေ မြင့်တက်လာတာကြောင့် ဘင်္ဂလားဒေ့ရ်ှနိုင်ငံရဲ့ စီးပွားရေးနဲ့ နိုင်ငံခြားအရန်ငွေထားရှိမှုအပေါ် သက်ရောက်မှုတွေရှိနေပါတယ်။ လက်ရှိအခြေအနေအရ သောကြာနေ့မှာသာပိတ်ခဲ့တဲ့ စာသင်ကျောင်းတွေကို ယခုအခါ စနေနေ့မှာလည်း ပိတ်ထားတော့မယ်လို့ အစိုးရအဖွဲ့အတွင်းရေးမှူး Khandker Anwarul Islam ကပြောပါတယ်။ ပုံမှန်အားဖြင့် ဘင်္ဂလားဒေ့ရ်ှမှာရှိတဲ့ စာသင်ကျောင်းတွေဟာ တနင်္လာ၊ အင်္ဂါ၊ ဗုဒ္ဓဟူး၊ ကြာသပတေး၊ စနေနဲ့ တနင်္ဂနွေနေ့ တပတ်ကို ၆ ရက်ဖွင့်ပါတယ်။ အစိုးရရုံးနဲ့ ဘဏ်တွေရဲ့ အလုပ်လုပ်ချိန်ကိုလည်း တရက်ကိုရှစ်နာရီအစား…