Month: August 2022

သြဂုတ် ၃-၂၀၂၂ GG(VOM) နယ်စပ်ဂိတ်နဲ့ လေဆိပ်ကနေ ဝင်ရောက်လာမယ့် မြန်မာနိုင်ငံသားအပါအဝင် ပြည်ပခရီးသွားဧည့်သည်အားလုံး ကိုဗစ်ကာကွယ်ဆေးလက်မှတ်အပြင် တဖက်နိုင်ငံမှာ ကိုဗစ်ပိုးမရှိကြောင်း RDT စစ်​​ဆေးထားတဲ့ ဆေးစစ်လက်မှတ် ပြသနိုင်ဖို့လိုအပ်တယ်လို့ ကျန်းမာရေးဝန်ကြီးဌာနက စည်းကမ်းချက်အသစ် ထပ်မံထုတ်ပြန်လိုက်ပါတယ်။ တဖက်နိုင်ငံမှာ ၄၈ နာရီအတွင်း RDT စစ်ဆေးထားတဲ့ ကိုဗစ်မရှိကြောင်း ဆေးစစ်ချက်ပြသနိုင်သူတွေကို မြန်မာနိုင်ငံထဲဝင်ရောက်ချိန်မှာလည်း ကိုဗစ်ပိုး ရှိ၊မရှိ ထပ်မံစစ်ဆေးမှာဖြစ်ကြောင်း ၊စစ်ဆေးချိန် ရောဂါပိုးမရှိမှသာ ခရီးဆက်နိုင်မှာဖြစ်တယ်လို့ သိရပါတယ်။ မြန်မာနိုင်ငံနဲ့အိမ်နီးချင်းနိုင်ငံတွေမှာ ကိုဗစ် ၁၉ မျိုးရိုးဗီဇပြောင်း BA4 ၊ BA5 တွေ ဖြစ်ပွားမှု မြင့်တက်နေတာကြောင့် မြန်မာနိုင်ငံတွင်းကို ကူးစက်ဝင်ရောက်လာမှုမရှိအောင် ကြိုတင်ကာကွယ်ခြင်း ဖြစ်တယ်လို့ သိရပါတယ်။ “အရင်က ကာကွယ်ဆေးထိုးပြီးသူတွေဆို ဟိုဘက်ကနေ စစ်လာစရာမလိုဘူး၊ဒီဘက်ရောက်မှ စစ်တာပေါ့။ဟိုဘက်မှာ စစ်လာမယ် Negative ဖြစ်လာမယ်၊ကျနော်တို့ဆီမှာထပ်စစ်မယ် negative ဖြစ်ရင်သွားလိုရာ သွားလို့ရပြီပေါ့။ပိုးတွေ့ခဲ့ရင်တော့ ပိုးတွေ့တဲ့နည်းလမ်းနဲ့ဆောင်ရွက်ရမှာပေါ့။ဟိုဘက်မှာစစ်ပြီးမှဝင်လာတော့…

သြဂုတ် ၂-၂၀၂၂ VOM (GG) ဆေးဝါးပစ္စည်းတွေထဲမှာ အရင်က ၂၀၀၀ ကျပ်သာရှိတဲ့ ဆေးကဒ်တကဒ်ကို အခု ၂၈၀၀ ကျပ် အထိ စျေးနူန်းမြင့်တက်သွားတယ်လို့ သုံးစွဲသူတွေဆီကသိရပါတယ်။ ဒေါ်လာစျေး စံချိန်တင်မြင့်တက်မှုတွေဖြစ်ပြီး ဒေါ်လာစျေးကွက်ပျက်ကာ ရောင်းဝယ်ရခက်တာတွေ၊ ဗဟိုဘဏ်ရဲ့ ဒေါ်လာစျေးကန့်သတ်ထိန်းချုပ်မှုတွေကြောင့် ဆေးဝါးတင်သွင်းရာမှာခက်ခဲလာလို့ ဆေးဝါးစျေးတွေ မြင့်တက်လာရခြင်းဖြစ်သလို တချို့ဆေးဝါးပစ္စည်းတွေဆိုရင် ပြတ်လတ်မှုရှိနေတယ်လို့ ဆေးဝါးပစ္စည်း တင်သွင်းဖြန့်ဖြူးရောင်းချသူတွေကနေ သိရပါတယ်။ ” ဒေါ်လာကို ကိုယ့်အစီအစဥ်နဲ့ ကိုယ့်ဘာသာရှာပြီး ငွေချေရင် တင်သွင်းခွင့်လိုင်စင်ထုတ်ပေးမယ် စီးပွားကူးသန်းကကြေညာတယ်။နောက်တော့ နစက ဘက်ကပြောပြန်တယ် လွယ်လွယ်ထုတ်မပေးဘူးဆိုပြီး။ အခု ဒေါ်လာက အပြင်ပေါက်စျေးနဲ့ဝယ်ပြီး ငွေချေရမယ်ဆိုရင် စျေးကတက်မှာပဲလေ။ ဝယ်စျေးကမြင့်တော့ လျှော့ရောင်းဖို့က မဖြစ်နိုင်ဘူး။ ဒီတော့ မလိုအပ်ဘဲ မဝယ်ကြပါနဲ့။စုဆောင်းတာတွေ၊အတင်းလုဝယ်တာတွေမလုပ်ကြပါနဲ့ “လို့ ဆေးဝါးတင်သွင်းဖြန့်ဖြူးတဲ့လုပ်ငန်းရှင်တဦးက ပြောပါတယ်။ လက်ရှိ ဆေးလက်လီလက်ကားအရောင်းဆိုင်ကြီး တွေမှာတော့ ဆေးဝယ်သူတွေက အလုအယက်ဝယ်ယူနေတာမျိုးတွေ့နေရပြီး ဆေးပစ္စည်းတွေကလည်း ၂၀၀၀…

သြဂုတ် ၂-၂၀၂၂ VOM (GG) ရန်ကုန်မြို့ ၊လမ်းမတော်မြို့နယ် ၊ ဆန်စပါးကုန်စည်ဒိုင် (ဝါးတန်း)တည်ရှိရာ ၊ ဝါးတန်းဆိပ်ကမ်းနယ်မြေမှာ ဆန် အမျိုးအစား ၄ မျိုးကို တစ်အိတ် အနည်းဆုံး ၃၅၀၀၀ ကနေ အမြင့်ဆုံး ပေါ်ဆန်းမွှေးကို ၇၇၀၀၀ ကျပ် နဲ့ သြဂုတ် ၃ ရက်နေ့ကစပြီး ရောင်းချပေးသွားမယ်လို့ မြန်မာနိုင်ငံ ဆန်စပါးအသင်းချုပ်ကနေ သိရပါတယ်။ ရောင်းချပေးမယ့် ဆန်တွေကတော့ ရွှေဘိုပေါ်ဆန်း ၇၅၀၀၀ ကနေ ၇၇၀၀၀ ၊ ကျားပျံက ၅၅၀၀၀ ကနေ ၆၀၀၀၀ ၊ဧရာဝတီပေါ်ဆန်းက ၅၂၀၀၀ ကနေ ၅၅၀၀၀ ၊ ရက် ၉၀ ဆန်က ၃၅၀၀၀ ကနေ ၃၇၀၀၀ ကျပ်နဲ့ရောင်းချပေးမှာဖြစ်တယ်လို့ သိရပါတယ်။ ” ဆန်စျေးတွေတက်နေတော့ အဆင်ပြေအောင် ရောင်းပေးတဲ့သဘောပါ။ ၃…

သြဂုတ် ၂-၂၀၂၂ VOM (GG) ဗဟိုဘဏ်က ဒေါ်လာအသုံးပြုမှုတွေနဲ့ပတ်သက်ပြီး ကန့်သတ်ချက်တွေ ဆက်တိုက်ဆိုသလို ထုတ်ပြန်အပြီး ပြည်တွင်းမှာ ဒေါ်လာစျေးကွက် ပျက်ကာ အရောင်းအဝယ်ကလည်း ကြိုက်ရောင်းကြိုက်ဝယ်စနစ်ဖြစ်နေပြီး လက်ရှိမှာ ရောင်းသူမရှိဖြစ်နေတယ်လို့ သိရပါတယ်။ ဒေါ်လာစျေးကွက်ပျက်တဲ့နောက်ဆက်တွဲ အကျိုးဆက်အနေနဲ့ အခြေခံစားသောက်ကုန်စျေးနူန်းကို တိုက်ရိုက်အချိုးကျ ရိုက်ခတ်ပြီး အခုဆိုရင် ပစ္စည်းအားလုံး စျေးတက်ရောင်းချလာတာကိုတွေ့ရ ပါတယ်။ ဒီအခြေအနေတွေနဲ့ ပတ်သက်ပြီး စီးပွားရေးပညာရှင် ဘောဂဗေဒသန်းစိုးက ” ဒေါ်လာစျေးတွေဂယောက်ဂယက်ဖြစ်နေလည်း ကျွန်တော်တို့စျေးကွက်ထဲကိို လိုက်ကြည့်တဲ့အခါ ပို့ကုန်သွင်းကုန်ကလည်း ဥပမာဆို​ပါဆို့ သွင်းကုန်ကန့်သတ်ချက်တွေလိုက်ကြည့်တဲ့အခါ သွင်းကုန်တွေနဲ့ပတ်သက်ပြီးတော့ အမျိုးအမည်တွေလည်း ခွဲခြားထားတော့ အဲဒါက တပိုင်းပေါ့ ၊ ဗဟိုဘဏ်က ၁၈၅၀နဲ့ကန့်သတ်ထားတာက တပိုင်း ၊ အဲ့ဒီမှာ၂ပိုင်းရှိတယ်၊ ကုန်သွယ်မှုမှာလည်း အကန့်အသတ်တွေနဲ့ထိန်းချုပ်ထားတာရှိတယ်ပေါ့နော်၊ နောက် ကုန်သွယ်မှုကရလာတဲ့ဒေါ်လာတွေကိုလည်း ထိန်းချုပ်တဲ့နည်းတွေရှိတယ်၊ အဲဒီနှစ်ခုထဲကမှ ဒေါ်လာစျေးက တအားတက်နေတယ်ဆိုတဲ့အခါ စျေးကွက်ထဲမှာတက်နေတယ်ဆိုတာက ကျွန်တော်ထင်သလောက်တော့ စျေးကစားနေကြတာလို့ထင်တယ်၊ စျေးကွက်ထဲမှာ…

သြဂုတ် ၁-၂၀၂၂ မင်းမြတ် ဧရာ၀တီတိုင်း၊မြန်အောင်မြို့နယ်ထဲက ငှက်ကြီးကွင်းကျေးရွာမှာ တနေ့ကို ငွေကျပ် ၂ သိန်းလိုင်း ကြေးပေးပြီး တရားမဝင်လောင်းကစားဝိုင်းတွေကို လောင်းကစားရုံဆောက်ပြီးတော့ ကျေးရွာတာဝန်ရှိသူတွေက ဦးဆောင်လုပ်နေကြတယ်လို့အမည်မဖော်လိုတဲ့ ဒေသခံတွေဆီကနေ သိရပါတယ်။ ”ကိုယ်သိရလောက်တော့ မြို့နယ်ရဲစခန်းမှူးကို လောင်းကစားဝိုင်းတွေလုပ်ဖို့ခွင့်ပြုထားပေးဖို့ တနေ့ ငွေကျပ် ၂သိန်းပေးလုပ်ရတယ်၊ကျေးရွာရာအိမ်မှူးဆိုသူက အပိုင်နယ်မြေ နယ်ထိန်းကနေတဆင့်ပိုက်ဆံပေးပြီး လိုင်းကြေးပေးတော့ ဦးဆောင်လုပ်နေတာပါ၊ လောင်းကစားဝိုင်းတွေက ရွာမှာဇာတ်ရုံသဖွယ် လောင်းကစားရုံဆောက်ပြီးလုပ်နေတာတွေ့ရပါတယ်၊ဒီလို လောင်းကစားတွေပေါလာတော့ နဂိုက အလုပ်မရှိတဲ့သူတွေကလည်း လောင်းကစားဖက်ပါလာတယ်၊အလုပ်ရှိတဲ့ဒေသခံတွေကလည်း ရိုးရိုးသားသားလုပ်ကိုင်စားသောက်တာတွေကို စိတ်မပါတော့ဘဲ လွယ်လွယ်နဲ့ပိုက်ဆံရလွယ်လွယ်နဲ့ပြန်ကုန်တဲ့လောင်းကစားတွေကို စိတ်ပါလာပါတယ်။ကျောင်းသားလူငယ်တွေကအစ ကျောင်းဆင်းရင် လောင်းကစားဝိုင်းရောက်နေပါတယ်၊နောက်ပိုင်းကျ ရင် ကျောင်းမတက်ဘဲ လောင်းကစားတွေပဲ လုပ် တတ်လာတော့မယ်၊ဒေသမှာလည်း ခိုးဆိုးလုနှိုက်တွေ များလာပါတယ်၊ဒါတွေရဲ့ဇာတ်မြစ်ကဒီလောင်းကစားကြောင့်လို့ယူဆပါတယ်။”လို့ အဲ့ဒီကျေးရွာဒေသခံတဦးကပြောပါတယ်။ အဲ့ဒီဒေသမှာ ရာအိမ်မှူးက ဦးဆောင်ပြီး အပိုင်နယ်မြေရဲစခန်းက နယ်ထိန်းဖြစ်သူနဲ့ ပေါင်းပြီး နယ်ထိန်းကနေတဆင့် မြို့နယ်စခန်းမှူးကို တနေ့၂ သိန်းပေးပြီး ရွာရဲ့တောစပ်တစ်နေရာမှာ လောင်းကစားရုံဆောက်လုပ်ပြီးတော့ ဖဲဝိုင်း၊ဂျင်ဝိုင်း၊…