Day: September 28, 2022

စက်တင်ဘာ၊ ၂၈ -၂၀၂၂ မင်းမြတ် (VOM) ဧရာဝတီတိုင်း၊ ဖျာပုံမြို့နယ်ရဲစခန်းက ရဲတပ်ဖွဲ့ဝင် ၃ ယောက်နဲ့ တပ်ဖွဲ့ဝင် ၁ ယောက်ရဲ့ဇနီးတို့ကို တရားမဝင်အဖွဲ့အစည်းတွေနဲ့ ပက်သက်မှုရှိတယ်လို့ ဆိုပြီး သက်ဆိုင်ရာကဖမ်းဆီးလိုက်တယ်လို့ သိရပါတယ်။ ”မနေ့က အဖမ်းခံရတာ ၊ ရဲတပ်ဖွဲ့ဝင်က ၃ ယောက် ၊ ရဲတပ်ဖွဲ့ဝင် တဦးရဲ့ မိန်းမ ၁ ယောက်လည်း အဖမ်း ခံထားရတယ်လို့ သိရတယ် ၊ ဖျာပုံမြို့နယ်အတွင်းက ဗုံးဖောက်ခွဲခံရတဲ့ ဖြစ်စဉ်နဲ့ ပတ်သက်လို့ သတင်းတွေ ထိန်ချန်လို့ တရားမဝင် အဖွဲ့အစည်းတွေနဲ့ ပတ်သက်တာရှိလို့ ၊ PDF တပ်ဖွဲ့ဝင်တွေရဲ့ သတင်းတွေ ကို အထက်ကို မတင်ပြပဲထားလို့ ဖမ်းတာလို့ သိရတယ်။” လို့ ဖျာပုံမြို့နယ်ရဲတပ်ဖွဲ့နဲ့ နီးစပ်သူတယောက် က ပြောပါတယ် ။ ဖမ်းဆီးခံရတဲ့ ရဲတပ်ဖွဲ့ဝင်…

နေပြည်တော်၊ စက်တင်ဘာ- ၂၈- ၂၀၂၂ KT+ND(VOM) ပြည်ပရောက်သင်္ဘောသားတွေရဲ့ လစာ‌အားလုံးကို မြန်မာနိုင်ငံအတွင်း ပြန်လွှဲရမှာဖြစ်ပြီး လစာအပြည့်ပြန်မလွှဲတဲ့ သင်္ဘောသားတွေကို သင်္ဘောလိုက်ခွင့်အတွက် ကန့်သတ်သွားမှာဖြစ်တယ်လို့ သင်္ဘောသားလောကမှာ ‌ပြောဆိုနေကြတာ တွေ့ရပါတယ်။ သင်္ဘောသားတွေအနေနဲ့ လစာ အပြည့်အဝပြန်မလွှဲရင် သင်္ဘောသားလုပ်သက်မှတ်တမ်း CDC ၊ သင်္ဘောသား နိုင်ငံကူးလက်မှတ် (သင်္ဘော သားပတ်စ်ပို) တွေကို ထိန်းချုပ်ကန့်သတ်မှုတွေ လုပ်ဆောင်ဖို့ရှိနေပြီး လုပ်ခလစာအားလုံးကို ပြည်တွင်းသို့ ပြန်လည်လွှဲပြောင်းပါမည်ဆိုတဲ့ ခံဝန်ချက်လက်မှတ်ရေးထိုးခိုင်းဖို့ရှိနေတယ်လို့ သင်္ဘောသားအသိုင်းအဝိုင်းရဲ့ မှတ်ချက်တွေ ဆိုရှယ်မီဒီယာမှာ ပျံ့နှံ့နေပါတယ်။ ပြည်တွင်းမှာရှိတဲ့ ပုဂ္ဂလိကဘဏ်တွေကလည်း သင်္ဘောသားလစာအတွက် တစ်ဒေါ်လာကို ငွေကျပ် ၃၀၀၀ ပေးမယ်ဆိုတဲ့ ကြော်ငြာ မှုတွေရှိနေပြီး တရားဝင်လုပ်ဆောင်ပြီး ငွေလွှဲကြဖို့ တိုက်တွန်းတာတွေလုပ်ဆောင်နေတာတွေ့ရပါတယ်။ ဒီကိစ္စတွေနဲ့ ပတ်သက်ပြီး နစကရဲ့ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို VOM က ဆက်သွယ်မေးကြည့်တော့ “”အရင်ကန့်သတ်ချက်အတိုင်းပါဘဲ အထူးအထွေမရှိပါဘူး.ပြည်ပအလုပ်သမားတွေဘာလုပ်ရမယ်ဆိုတာ ဗဟိုဘဏ်ကကြေညာထားတာရှိပါတယ်၊ အဲဒီအတိုင်းပြောင်းလဲမှုမရှိပါဘူး”…

စက်တင်ဘာ ၊ ၂၈ ၊ ၂၀၂၂ SP( VOM) စစ်ကိုင်းတိုင်း ၊ ကန့်ဘလူခရိုင် ၊ ကန့်ဘလူမြို့နယ် ၊ ဇင်းကျေးရွာ ၊ ရွှေဘို မြစ်ကြီးနားကားလမ်းမှာ မနေ့ စက်တင်ဘာ ၂၇ ရက် ၊ မွန်းလွဲ ၂ နာရီဝန်းကျင်က ယာခင်းတောသွားတဲ့ မိသားစုဟာ လမ်းမှာ မိုင်းနင်းမိပြီး သေဆုံးဒဏ်ရာရတာတွေဖြစ်ပွားခဲ့တယ်လို့ ဒေသခံ လူမှုကူညီရေး အဖွဲ့တွေဆီက သိရပါတယ်။ ” ဒေါ်ကြည်ကြည်ဝင်းတို့ မိသားစုဟာ ယာခင်းတောကိုသွားရင်း မိုင်းပေါက်ကွဲတာကြောင့် သေဆုံးတာဖြစ်တယ် ၊ အသက် ၁၂ နှစ်အရွယ် မခေတ်သစ်ဦး နဲ့ ဒေါ်ကြည်ကြည်ဝင်းတို့ ၂ ယောက်ကတော့ ကိုယ်ခန္ဓာ အပိုင်းပိုင်းပြတ်တောက်ဒဏ်ရာနဲ့ နေရာမှာတင် သေဆုံးနေတယ် ၊ အဲ့ဒီအပြင် အသက် ၈ နှစ်အရွယ် မောင်ဖြိုးစည်သူအောင်ကတော့ မိုင်းစထိမှန်…

စက်တင်ဘာ ၊ ၂၈ ၊ ၂၀၂၂ SP (VOM) ချင်းပြည်နယ် ၊ ဖလမ်းခရိုင် ၊ ဖလမ်းမြို့ ၊ ပြည်သူ့ဆေးရုံကြီးမှာ ဆေးရုံးအုပ်ကြီး တာဝန်ထမ်းဆောင်နေတဲ့ ဆရာဝန်ကြီးဟာ ဒီကနေ့ မနက်အစောပိုင်းက သူ့ကိုယ်သူ ကြိုးဆွဲချပြီး သတ်သေသွားတယ်လို့ ဖလမ်းမြို့ခံ လူမှုကူညီရေး အဖွဲ့တွေဆီက သိရပါတယ်။ ” ဆရာဝန်ကြီးက အသက် ၄၁ နှစ်အရွယ်ပဲရှိသေးတာပါ ၊ နာမည်က Dr.Tluang Cung Thang လို့ခေါ်တယ် ၊ သူ့အိမ်ထဲမှာပဲ ကြိုးဆွဲချပြီး သေဆုံးနေတာပါ ၊ ဘာကြောင့် အခုလို ကြိုးဆွဲချ သေဆုံးရတယ်ဆိုတာ မသိရဘူး ” လို့ ခရစ်ယာန် အသင်းတော်ပေါင်းစုံ လူမှုကူညီရေး အဖွဲ့ ပရဟိတသမား တယောက်က ပြောပါတယ်။ ဒါ့အပြင် ဖလမ်းမြို့ခံ ဧဝံဂေလိ အသင်းတော်မှာရှိတဲ့…

ရန်ကုန်၊ စက်တင်ဘာ၂၈-၂၀၂၂ KK(VOM) မော်ဒယ် နန်းမွှေ့စံကို မနေ့ စက်တင်ဘာ ၂၇ရက်က အင်းစိန်အကျဥ်းထောင် ရှိ အထူးတရားရုံးကနေ အီလက်ထရောနစ်ဥပဒေနဲ့ ထောင်ဒဏ်ခြောက်နှစ် အမိန့်ချခဲ့တယ်လို့ တရားရုံးနဲ့နီးစပ်သူတွေဆီက သိရပါတယ်။ အင်းစိန်အကျဥ်းထောင်ရှိ အထူးတရားရုံးကနေ မနေ့ မနက် ၁၁ နာရီက အီလက်ထရောနစ်ဥပဒေနဲ့ ထောင်ဒဏ် ခြောက်နှစ်ချမှတ်ခဲ့တာလို့ တရားရုံးနဲ့ နီးစပ်သူတစ်ဦးက ပြောပါတယ်။ ” သူက စစ်အုပ်ချုပ်ရေးရှိတဲ့ မြို့နယ်ထဲကဆိုတော့ အမိန့်ချတာမြန်တယ် သင့်ဇာဝင့်ကျော်ကတော့ အခုမှအမှုစွဲတင်တဲ့ အဆင့်ပဲရှိသေးတယ်”လို့ ရှင်းပြပါတယ်။ သရုပ်ဆောင် သင့်ဇာဝင့်ကျော်နဲ့ နန်းမွှေ့စံကို ပြီးခဲ့တဲ့ စက်တင်ဘာ ၁၄ ရက်က မရမ်းကုန်းမြို့နယ်နဲ့ မြောက်ဒဂုံမြို့နယ်တရားရုံးတွေမှာ ရုံးထုတ်ရမာန်ယူခဲ့တာပဲဖြစ်ပါတယ်။ သူတို့နှစ်ဦးကို လူမှုကွန်ရက်စာမျက်နှာပေါ်မှာအခကြေးငွေရယူပြီး လိင်အသားပေးပုံတွေ ဖြန့်ဝေခဲ့တယ်ဆိုပြီး နစကကောင်စီက သြဂုတ်လ ၅ ရက်က ဖမ်းဆီးခဲ့ပြီး အင်းစိန်အကျဥ်းထောင်ကို ပို့ဆောင်စစ်ဆေးခဲ့တာဖြစ်ပါတယ်။ အီလက်ထရောနစ်ဥပဒေရဲ့ ပုဒ်မ…

စက်တင်ဘာ ၊ ၂၈ ၊ ၂၀၂၂ SP( VOM) မကွေးတိုင်း ၊ ဂန့်ဂေါခရိုင် ၊ ထီးလင်းမြို့နယ် ၊ ပုဏ္ဏားကျေးရွာဘက်ကို မနေ့ စက်တင်ဘာ ၂၇ ရက်က ဝင်ရောက်လာတဲ့ နယ်မြေရှင်းလင်းရေး စစ်ကြောင်းအဖွဲ့ကနေ ဖမ်းဆီး ခေါ်ဆောင်သွားတဲ့ လူ ၇ ဦးထဲမှာ အသက်မပြည့်သေးတဲ့ လူငယ် ၃ ယောက်ပါဝင်နေတယ်လို့ ပုဏ္ဏားရွာခံတွေဆီက သိရပါတယ်။ ” မနေ့က မနက်ပိုင်းမှာ ရွာထဲကနေ ဖမ်းခေါ်သွားတာပါ ၊ ဘာအတွက် ဖမ်းခေါ်သွားတယ်ဆိုတာ မသိရဘူး ၊ အဲ့ဒီအထဲမှာ အသက် ၁၈ နှစ် မပြည့်သေးတဲ့ ၉ တန်းကျောင်းသား ၃ ဦးပါသွားတယ် ၊ မောင်မင်းသက်ပိုင် ၊ မောင်သူရပိုင် နဲ့ မောင်ကျော်နိုင်လင်း တို့ဖြစ်တယ် ” လို့…