Day: January 12, 2023

မော်စကို၊ ဇန်နဝါရီ-၁၂-၂၀၂၃ မျိုးဆက်(VOM) ရုရှားသမ္မတပူတင်ဟာ ယူကရိန်းစစ်ပွဲကိုဦးဆောင်နေတဲ့ ရုရှားတပ်မှူးကို ရာထူးခန့်အပ်ပြီးနောက် သုံးလအကြာမှာ ရာထူးကနေ ဖယ်ရှားလိုက်ပါတယ်။ သူ့နေရာမှာ စစ်ဦးစီးချုပ် ဗယ်လာရီဂီရာဆီမော့ဗ်က ယူကရိန်းစစ်ပွဲကို ဦးဆောင်သွားမှာဖြစ်ပါတယ်။ ဗိုလ်ချုပ်ကြီး ဂီရာဆီမော့ဗ်ဟာ ယူကရိန်းရဲ့စွမ်းအင်အခြေခံ အဆောက်အအုံတွေအပေါ် မကြာသေးမီက အပြင်းအထန်တိုက်ခိုက်ခဲ့တဲ့ ဆာဂေးဆူရိုဗီကင်နေရာမှာ အစားထိုးတာ၀န်ယူမှာဖြစ်ပါတယ်။ မကြာသေးမီလတွေအတွင်း ရုရှားတပ်တွေဟာ ယူကရိန်းစစ်မြေပြင်မှာ ရှုံးနိမ့်မှုတွေ ဆက်တိုက်ကြုံခဲ့ပြီးနောက် အခုလို အစားထိုးခန့်အပ်မှု ဖြစ်ပေါ်လာတာဖြစ်ပါတယ်။ ရုရှားဟာ ပြီးခဲ့တဲ့နှစ် ဖေဖော်ဝါရီ ၂၄ ရက်ကတည်းက ယူကရိန်းကို ကျူးကျော်တိုက်ခိုက်နေတာဖြစ်ပါတယ်။ ၂၀၁၂ ခုနှစ်ကတည်းက ရာထူးတက်ခဲ့တဲ့ ဗိုလ်ချုပ်ကြီး ဗယ်လာရီဂီရာဆီမော့ဗ်ဟာ ဆိုဗီယက်ခေတ်နောက်ပိုင်း သက်တမ်းအရှည်ဆုံး ရုရှားစစ်ဗိုလ်ချုပ်တဦးလည်း ဖြစ်ပါတယ်။ ဗိုလ်ချုပ်ကြီး ဗယ်လာရီဂီရာဆီမော့ဗ်ကို ခန့်အပ်လိုက်တာဟာ ကွဲပြားခြားနားတဲ့ လက်နက်ကိုင်တပ်ဖွဲ့တွေအကြား ပိုမိုနီးကပ်စွာ ထိတွေ့ဆက်ဆံဖို့နဲ့ ရုရှားတပ်ဖွဲ့တွေရဲ့ အရည်အသွေးနဲ့ စွမ်းဆောင်ရည်ကို မြှင့်တင်ဖို့ ရည်ရွယ်တယ်လို့ ရုရှားကာကွယ်ရေး၀န်ကြီးဌာနက…

Read More

ပေကျင်း၊ ဇန်နဝါရီ-၁၂-၂၀၂၃ မျိုးဆက်(VOM) တရုတ်နိုင်ငံ ကွမ်ကျိုးမြို့မှာ လူအုပ်ထဲသို့ ကားတစီး၀င်တိုက်မိမှုကြောင့် လူငါးဦးသေဆုံးပြီး ၁၃ ဦးဒဏ်ရာရရှိသွားကြောင်း တာ၀န်ရှိသူတွေကပြောပါတယ်။ အဲဒီဖြစ်စဉ်နဲ့ပတ်သက်ပြီး ဒေသခံတွေအကြား ကျယ်ကျယ်ပြန့်ပြန့် အမျက်ဒေါသထွက်နေကြပြီး ကားမောင်းလာတဲ့အမျိုးသားဟာ လူအုပ်ထဲကိုတမင်တကာ ကားနဲ့၀င်တိုက်ခြင်းဖြစ်ကြောင်း စွပ်စွဲမှုတွေရှိနေပါတယ်။ ယာဉ်တိုက်မှုဖြစ်ပွားပြီးနောက် အဲဒီအမျိုးသားဟာ ကားပေါ်ကနေဆင်းပြီးငွေစက္ကူတွေကို လေထဲကြဲချနေတာကို အွန်လိုင်းမှာ ပျံ့နှံ့နေတဲ့ ရုပ်သံမှတ်တမ်းတွေမှာ ဖော်ပြထားပါတယ်။ ယာဉ်တိုက်မှုဟာ လူဦးရေ ၁၉ သန်းနေထိုင်တဲ့ ကွမ်ကျိုးမြို့မှာ ဇန်နဝါရီ ၁၁ ရက်ညနေပိုင်းက ဖြစ်ပွားခဲ့ခြင်းဖြစ်ပြီး လက်ရှိမှာတော့ အသက် ၂၂ နှစ်အရွယ် အဲဒီအမျိုးသားကို ဖမ်းဆီးထိန်းသိမ်းထားပြီး စုံစမ်းစစ်ဆေးမှုတွေကို ရဲတပ်ဖွဲ့က လုပ်ဆောင်နေပါတယ်။ ၂၀၂၂ ခုနှစ်ဖေဖော်ဝါရီလအတွင်းကလည်း ဖူကျန်ပြည်နယ်မှာ လူအုပ်ထဲကို ထရပ်ကားတစ်စီး၀င်တိုက်မှုဖြစ်ပွားခဲ့ရာ လူသုံးဦးသေဆုံးပြီး ကိုးဦးဒဏ်ရာရရှိခဲ့ပါတယ်။ Ref: BBC #voiceofmyanmar #VOM #ပေကျင်း

Read More

ကိုလံဘို၊ ဇန်နဝါရီ-၁၂-၂၀၂၃ မျိုးဆက်(VOM) သီရိလင်္ကာနိုင်ငံရဲ့ ကြွေးမြီတွေကို လျှော့ချပေးရေးနဲ့ပတ်သက်ပြီး တတ်နိုင်သမျှအမြန်ဆုံး သဘောတူဖို့ တရုတ်နဲ့အိန္ဒိယနိုင်ငံတို့ကို သီရိလင်္ကာဗဟိုဘဏ်က ဇန်နဝါရီ ၁၁ ရက်မှာ တိုက်တွန်းလိုက်ပါတယ်။ စီးပွားရေးကျဆင်းမှုနဲ့ဆိုးရွာစွာရင်ဆိုင်နေရတဲ့ သီရိလင်္ကာနိုင်ငံမှာ ပြည်ပကြွေးမြီတွေကို ပြန်ဆပ်ဖို့ပျက်ကွက်ခဲ့ပြီး နိုင်ငံတကာငွေကြေးရန်ပုံငွေအဖွဲ့က ဒေါ်လာ ၂ ဒသမ ၉ ဘီလီယံထောက်ပံ့ပေးဖို့ ညှိနှိုင်းမှုများ လုပ်ဆောင်နေပါတယ်။ ဒါပေမယ့် သီရီလင်္ကာရဲ့ ဒေါ်လာဘီလီယံများစွာရှိသော ကြွေးမြီတွေကို လျှော့ချဖို့ တရုတ်၊ အိန္ဒိယတနဲ့ ဦးစွာသဘောတူညီချက်မရမချင်း အဆိုပါထောက်ပံ့ငွေတွေကို နိုင်ငံတကာငွေကြေးရန်ပုံငွေအဖွဲ့က ပေးအပ်မှာမဟုတ်ပါဘူး။ ကြွေးမြီလျှော့ချရေးနဲ့ပတ်သက်ပြီး တရုတ်၊ အိန္ဒိယနိုင်ငံတို့အနေနဲ့ အမြန်ဆုံးဆောင်ရွက်ကြရန်ဖို့၊ ဒါဟာ သက်ဆိုင်ရာနိုင်ငံတွေရဲ့ အကျိုးစီးပွားအတွက်ဖြစ်ကြောင်း သီရိလင်္ကာဗဟိုဘဏ်အကြီးအကဲက ပြောပါတယ်။ ကမ္ဘာ့စားနပ်ရိက္ခာအစီအစဉ်ရဲ့ ခန့်မှန်းချက်အရ သီရိလင်္ကာလူဦးရေရဲ့ သုံးပုံတပုံကျော်ဟာ အစာရေစာမလုံလောက်ခြင်းနဲ့ရင်ဆိုင်နေရပြီး အထူးသဖြင့် ကျေးလက်ဒေသတွေမှာ ငတ်မွတ်ခေါင်းပါးမှု များပြားနေကြောင်း သိရပါတယ်။ Ref:BBC #voiceofmyanmar #VOM #ကိုလံဘို

Read More