Day: March 3, 2023

မတ် ၃ – ၂၀၂၃ GG(VOM) ထိုင်းနိုင်ငံ၊ ကန်ချနဘူရီခရိုင်၊ ဘန့်ကောင်ရွာကကြံစိုက်ခင်းမှာ လုပ်ခလစာမရဘဲ အဓမ္မခိုင်းစေခံရတဲ့အပြင် ညှင်းပန်းနှိပ်စက်ခံနေရတဲ့ မြန်မာအလုပ်သမား ၁၄ ယောက်ကို ကယ်ထုတ်နိုင်ခဲ့တယ်လို့ လူအခွင့်အရေးနှင့်ဖွံ့ဖြိုးတိုးတက် ရေးဖောင်ဒေရှင်း HRDFကနေ သိရပါတယ်။ သေနတ် သုံးပြီးလည်း ရုပ်ပိုင်းဆိုင်ရာ နဲ့ စိတ်ပိုင်းဆိုင်ရာ ထိခိုက်နစ်နာ‌အောင်ခြိမ်းခြောက်တာတွေလည်းရှိတဲ့အပြင် တခြားလူ့အခွင့်အရေးချိုးဖောက်မှုကျူးလွန်မှုတွေပါရှိတယ်ဆိုပြီး တိုင်ကြားလာလို့ အခုလိုကယ်ထုတ်နိုင်ခဲ့တာလို့သိရပါတယ်။ ” အလုပ်ရှင်ကလိမ်လည် လှည့်ဖြားပြီး လစာမပေးဘဲ အလုပ်ခိုင်းတဲ့အပြင် အထောက်အထားစာရွက်စာတမ်းတွေကိုလည်း သိမ်းဆည်းတယ်၊အလုပ်ချိန်ကို ဥပဒေသတ်မှတ်ထားတဲ့ အချိန်ထက် ကျော်ပြီး အလုပ်‌ခိုင်းတယ်၊ကိုယ်ထိလက်ရောက် ညှင်းပန်းနှိပ်စက်တာတွေရှိတယ်လို့သိရလို့ တာဝန်ရှိသူတွေနဲ့ ပူးပေါင်းကယ်ထုတ်ခဲ့တာပါ “လို့ လူအခွင့်အရေးနှင့်ဖွံ့ဖြိုးတိုးတက်ရေးဖောင်ဒေရှင်း HRDF ရဲ့ တာဝန်ရှိသူကပြောပါတယ်။ မြန်မာအလုပ်သမားတွေကို သွားရောက်ကယ်ဆယ်ချိန်မှာ ကြံခင်းပိုင်ရှင်ထိုင်းနိုင်ငံသားကထွက်ပြေးသွားတာကြောင့် ဥပဒေအရအရေးယူနိုင်ဖို့ သက်ဆိုင်ရာတာဝန်ရှိသူတွေလုပ်ဆောင်နေတယ်လို့သိရပါတယ်။ မတရားခိုင်စေခံခဲ့ရတဲ့အထဲမှာ မြန်မာအလုပ်သမား အမျိုးသာ ၁၀ ဦး၊ အမျိုးသမီး ၄ ဦးပါဝင်တယ်လို့သိရပါတယ်။…

မတ် ၃ – ၂၀၂၃ GG (VOM) NLD ပါတီဝင်တွေဖြစ်တဲ့ ဦးဖြိုးမင်းသိန်း၊ ဒေါ်စန္ဒာမင်း၊ ဦးတိုးလွင်နဲ့ ဦးဝင်းမြင့်အောင် တို့ကို ပါတီဝင်အဖြစ်ကနေ အပြီးအပိုင်ထုတ်ပယ်လိုက်တယ်လို့ NLD အမျိုးသားဒီမိုကရေစီအဖွဲ့ချုပ်ဗဟိုအလုပ်ကော်မတီက ဒီနေ့ မတ်လ ၃ ရက်နေ့မှာ ထုတ်ပြန်လိုက်ပါတယ်။ NLD အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် အပေါ် မမှန်မကန်သက်သေထွက်ဆိုသူတွေနဲ့ ပြည်သူ့ဆန္ဒကိုကျောခိုင်းပြီး ပါတီရဲ့မူဝါဒကို ဆန့်ကျင် လုပ်ဆောင်နေသူတွေကို အရေးယူပေးဖို့ ပါတီ အပတ်စဉ်ပုံမှန်အစည်းအဝေးတွေမှာ တက်ရောက်တဲ့ ဗဟိုကော်မတီဝင်၊ တိုင်းနဲ့ ပြည်နယ်အလုပ်အမှုဆောင်တွေ၊ ဗဟိုရေးရာကော်မတီက တင်ပြချက်တွေအရ ပေးအပ်ထားတဲ့တာဝန်တွေကိုရပ်ဆိုင်းပြီး ပါတီကနေ အပြီးပိုင်ထုတ်ပယ်လိုက်တာဖြစ်တယ်လို့ထုတ်ပြန်ချက်မှာရေးသားထားပါတယ်။ ဒီကိစ္စနဲ့ပတ်သက်ပြီး NLD ပါတီဝင်တဦးက ” ကျနော်တို့လည်းသိပါတယ်။ ဦးဖြိုးမင်းသိန်းက ဒေါ်အောင်ဆန်းစုကြည်ကို ရွှေနဲ့ဒေါ်လာတွေ ပေးခဲ့တယ်ဆိုတဲ့ အဂတိအမှုမှာ စစ်တပ်ဘက်ကနေ သက်သေထွက်ဆိုခဲ့တာရှိတယ်၊သူ ထွက်ဆိုချက်တွေကိုလည်း ဗီဒီယိုဖိုင်​တွေနဲ့ စစ်တပ် သတင်းစာရှင်းလင်းပွဲမှာတွေ့ရတယ်လေ၊ ဒါတွေက…

မတ်၊၃-၂၀၂၃ MM (VOM ) ရန်ကုန်နဲ့ ဧရာဝတီတိုင်း ကုန်တင်ကား ငှားရမ်းခတွေ အရင်ထက်(၂)ဆကျော်မြင့်တက်လာလို့ ကုန်သည်တွေ အခက်အခဲ ဖြစ်နေတယ်လို့ ကုန်သည်တွေဆီကနေ သိရပါတယ်။ အရင်က ရန်ကုန်-ဧရာဝတီတိုင်း လမ်းကြောင်းမှာ တန် (၃၀)ဆံ့ ကုန်တင်ကား(၁)စီးကို ငှားရမ်းခငွေကျပ်(၄)သိန်း ဝန်းကျင်သာရှိခဲ့ပြီး လက်ရှိမှာတော့ ငွေကျပ်(၁၃)သိန်း ကျော်အထိ ဈေးနှုန်းမြင့်တက်လာတယ်လို့ သိရပါတယ်။ ”အခုက ကုန်ပစ္စည်း ဝယ်ဖို့ထက် ကုန်တင်ကားငှားရမ်းခဖိုးက အရင်ရှာနေရတယ်၊ အရင်က ဒါမျိုးတခါမှမကြုံဖူးပါဘူး ၊ ကုန်ဈေးနှုန်းတွေ ထိုးတက်နေလို့ အရောင်းအဝယ် လုပ်ရတာ အဆင်မပြေဘူး ၊ အခုကားခပါတက်လာတော့ ဒုက္ခအပိုရသလိုဖြစ်သွားတယ် ၊ဒီတခေါက်တော့ ကိုယ့်ရှိတဲ့ပိုက်ဆံ ရှိသလောက်နဲ့ဝယ်မယ်ဆိုပြီး ဝယ်လာရင် နောက်တခေါက် ကုန်ပြတ်လို့ သွားဝယ်ရင် ကားခက သိန်း(၂၀)ကျော်သွားပြီး ၊ အရင်က ၄ သိန်းကျော် ကျော်လောက်ပဲဈေးကရှိတာ၊ ပြီးခဲ့တဲ့ ဖေဖော်ဝါရီလ ဒုတိယအပတ်လောက်က…

မတ် ၃ – ၂၀၂၃ GG(VOM) ဒါရိုက်တာ၊ရုပ်ရှင်သရုပ်ဆောင် အကယ်ဒမီကျော်သူရဲ့ဖခင် အမျိုးသားရုပ်ရှင်ထုတ်လုပ်ရေးပိုင်ရှင် ဦးစိန်တင်(အမျိုးသားရုပ်ရှင်)ဟာ ဒီနေ့ မတ်လ ၃ ရက်နေ့ မနက် ၄ နာရီ ၁၀ မိနစ်မှာ လူကြီးရောဂါနဲ့ ကွယ်လွန်သွားတယ်လို့ နာရေးကူညီမှုအသင်းရန်ကုန်က သိရပါတယ်။ ဘဘဦးစိန်တင်ဟာ မြန်မာနိုင်ငံရုပ်ရှင်အစည်းအရုံး နာယနဲ့ နာရေးကူညီမှုအသင်းရန်ကုန်ရဲ့ နာယက တဦးလည်းဖြစ်ပါတယ်။ ” မနက် အစောက ဘဘဆုံးတာတော့ဟုတ်ပါတယ်။ ကျန်တာတော့ လူကြီးတွေက စီစဥ်နေပါတယ် ” လို့ နာရေးကူညီမှုအသင်းရန်ကုန် ရဲ့ဝန်ထမ်းတဦးကပြောပါတယ်။ ဘဘ ဦးစိန်တင်ဟာ ရန်ကုန်မြို့ မရမ်းကုန်းမြို့နယ် ၇ မိုင်ခွဲရှိ နေအိမ်မှာ ကွယ်လွန်ခဲ့တာဖြစ်ပြီး ကွယ်လွန်ချိန်မှာ အသက် ၈၉ နှစ်ရှိပြီဖြစ်တယ်လို့သိရပါတယ်။ ဘဘဦးစိန်တင် ရုပ်အလောင်းကိုတော့ လာမယ့် မတ်လ ၅ ရက်နေ့ မနက် ၉ နာရီ…