Month: March 2023

ဗာတီကန်၊ မတ်-၃၀-၂၀၂၃ မျိုးဆက်(VOM) ပုပ်ရဟန်းမင်းကြီးဖရန့်စစ်ဟာ အသက်ရှူလမ်းကြောင်းဆိုင်ရာ ရောဂါကြောင့် ရောမမြို့ရှိဆေးရုံမှာ ရက်အနည်းငယ်ကြာ ကုသမှုခံယူရမှာဖြစ်ကြောင်း ဗာတီကန်က မတ် ၂၉ ရက်မှာ ထုတ်ပြန်ပါတယ်။ အသက် ၈၆ နှစ်ရှိပြီဖြစ်တဲ့ ပုပ်ရဟန်းမင်းကြီးဖရန့်စစ်ဟာ မကြာသေးမီရက်တွေအတွင်း အသက်ရှူရခက်ခဲမှုတွေရှိခဲ့ပေမယ့် ကိုဗစ်-၁၉ ရောဂါ ကူးစက်ခံထားရခြင်းမရှိကြောင်း ဗာတီကန်ရဲ့ထုတ်ပြန်ချက်မှာ ဖော်ပြထားပါတယ်။ ပုပ်ရဟန်းမင်းကြီးအတွက် ချစ်ခင်ဆုတောင်းပေးကြတဲ့ သတင်းစကားတွေကြောင့် ကျေးဇူးတင်ကြောင်း ဗာတီကန်က ထုတ်ပြန်ထားပါတယ်။ ပုပ်ရဟန်းမင်းကြီးဖရန့်စစ်ဟာ ဧပြီလကုန်မှာ ဟန်ဂေရီနိုင်ငံကို သွားရောက်ဖို့ စီစဉ်ထားပါတယ်။ ပုပ်ရဟန်းမင်းကြီးဟာ မကြာသေးမီလများအတွင်း ဒူးနဲ့ပတ်သက်တဲ့ ဝေဒနာကြောင့် ဘီးတပ်ကုလားထိုင်ကို အသုံးပြုခဲ့ရပြီး ၂၀၂၁ ခုနှစ်ကလည်း အူမကြီးကို ခွဲစိတ်မှုပြုလုပ်ခဲ့ရပါတယ်။ အဲဒီလို ဝေဒနာတေနွခံစားကြုံတွေရပေမယ့် သူဟာ ပြည်ပနိုင်ငံတွေကို သွားရောက်မှုတွေကို တက်ကြွစွာလုပ်ဆောင်ခဲ့ပြီး ဖေဖော်ဝါရီလမှာတော့ ကွန်ဂိုဒီမိုကရက်တစ်သမ္မတနိုင်ငံနဲ့ တောင်ဆူဒန်နိုင်ငံတွေကို သွားရောက်ခဲ့ပါတယ်။ Ref: Reuters Photo:AFP #voiceofmyanmar…

မနီလာ၊ မတ်-၃၀-၂၀၂၃ မျိုးဆက်(VOM) ဖိလစ်ပိုင်နိုင်ငံမှာ ခရီးသည်နဲ့အမှုထမ်း ၂၅၀ လိုက်ပါလာတဲ့ ကူးတို့သင်္ဘောတစင်း ဖိလစ်ပိုင်ကျွန်းစုတွေအကြားမှာ မီးလောင်မှုကြောင့် ၁၂ ဦးသေဆုံးပြီး ခုနှစ်ဦးပျောက်ဆုံးနေပါတယ်။ သင်္ဘောမီးလောင်မှုကြောင့် ရေထဲကိုခုန်ချခဲ့သူတွေကို ဖိလစ်ပိုင်ရေတပ်၊ ကမ်းခြေစောင့်တပ်နဲ့ အခြားသင်္ဘောတွေ ငါးဖမ်းလှေတွေက ကယ်ဆယ်နိုင်ခဲ့ကြပါတယ်။ ကူးတို့သင်္ဘောဟာ တောင်ပိုင်ဆိပ်ကမ်းမြို့ ဇမ်ဘိုအန်ဂါကနေ ဆူလူပြည်နယ် ဂျိုလိုမြို့ကိုသွားရောက်စဉ် မတ် ၂၉ ရက်ညသန်းခေါင်းမှာ ဘာဆီလန်ပြည်နယ်အတွင်း မီးလောင်ကျွမ်းမှုဖြစ်ပွားခဲ့တာဖြစ်ပါတယ်။ သေဆုံးသူတွေထဲမှာ မိဘတွေနဲ့ကွဲသွားတဲ့ ကလေးသုံးဦးထက်မနည်းပါ၀င်ပြီး ဒဏ်ရာရတဲ့ခရီးသည်အများအပြားကို ဆေးရုံတင်ထားတယ်လို့ တာ၀န်ရှိသူတွေက ပြောပါတယ်။ မီးလောင်ချိန်မှာ ခရီးသည်တွေအိပ်ပျော်နေကြပြီး အများစုဟာ သင်္ဘောပေါ်ကနေခုန်ချပြီးနောက် ရေနစ်သေဆုံးခဲ့ကြတာဖြစ်ကြောင်း ဖိလစ်ပိုင်တာ၀န်ရှိသူတွေက ပြောပါတယ်။ Ref:CNA Photo:AP #voiceofmyanmar #VOM #မနီလာ

မက္ကဆီကိုစီးတီး၊ မတ်-၂၉-၂၀၂၃ မျိုးဆက်(VOM) အမေရိကန်ကို ၀င်ရောက်ဖို့ကြိုးပမ်းနေတဲ့ ရွှေ့ပြောင်းဒုက္ခသည်တွေနေထိုင်ရာ ထိန်းသိမ်းရေးစခန်းတခုမှာ မီးလောင်မှုကြောင့် လူ ၄၀ ထက်မနည်းသေဆုံးသွားကြောင်း တာ၀န်ရှိသူတွေက မတ် ၂၈ ရက်မှာ ပြောပါတယ်။ အမေရိကန်နပ်စပ်အနီးရှိ မက္ကဆီကိုမြောက်ပိုင်း ချီဟွာဟွာပြည်နယ် ဆူဒက်ဂျာရက်ဇ်မြို့ရှိ ဒုက္ခသည်ထိန်းသိမ်းရေးစခန်းမှာ မတ် ၂၇ ရက်ညပိုင်းက မီးလောင်ကျွမ်းခဲ့တာဖြစ်ပါတယ်။ မီးလောင်မှုဟာ ဒုက္ခသည်များရဲ့ ဆန္ဒပြမှုတခုနှဲ့ဆက်နွယ်နေပြီး ဒုက္ခသည်တွေဟာ သူတို့ကိုပြန်ပို့မယ့်အစီစဉ်ကို သိရှိချိန်မှာ မွေ့ယာတွေကို မီးရှို့ခဲ့ကြပြီး အခုလိုအဖြစ်ဆိုးကြုံမှာကို တွေးထင်မထားခဲ့ကြကြောင်း မက္ကဆီကိုသမ္မတ လိုပက်ဇ်အိုဘရာဒေါကပြောပါတယ်။ သေဆုံးသူတွေဟာ ဂွါတီမာလာ၊ ဟွန်ဒူးရပ်စ်၊ အယ်လ်ဆာဗေးဒိုး၊ ဗင်နီဇွဲလားနဲ့ အခြားသော ဗဟိုနဲ့ တောင်အမေရိကနိုင်ငံတွေကဖြစ်ကြောင်း တာ၀န်ရှိသူတွေကပြောပါတယ်။ အဲဒီထိန်းသိမ်းရေးစခန်းမှာ အမေရိကန်ကို၀င်ရောက်ဖို့ စောင့်ဆိုင်းနေတဲ့ ရွှေ့ပြောင်းဒုက္ခသည် တသောင်းထက်မနည်းရှိကြောင်း အကူအညီပေးရေးအဖွဲ့တွေကပြောပါတယ်။ Ref: BBC #voiceofmyanmar #VOM #မက္ကဆီကိုစီးတီး

ဆိုးလ်၊ မတ်-၂၉-၂၀၂၃ မျိုးဆက်(VOM) အမေရိကန်နဲ့တောင်ကိုရီးယားတို့ရဲ့ ကုန်းရေနှစ်သွယ် အကြီးစားစစ်ရေးလေ့ကျင့်မှုကို မတ် ၂၉ ရက်မှာ စတင်လိုက်ပြီဖြစ်ပြီး ဒါဟာငါးနှစ်အတွင်း ပထမဆုံးအကြိမ်အကြီးစား စစ်ရေးလေ့ကျင့်မှုလည်းဖြစ်ပါတယ်။ နျူကလီးယားလက်နက်တွေ ဒုံးကျည်ပစ်ခတ်မှုတွေနဲ့အတူ ခြိမ်းခြောက်နေတဲ့ မြောက်ကိုရီးယားအရေးကို ကိုင်တွယ်ဖြေရှင်းဖို့ နှစ်နိုင်ငံခိုင်မာစွာပူးပေါင်းသွားမယ်လို့ အမေရိကန်နဲ့ တောင်ကိုရီးယားတာ၀န်ရှိသူတွေက ပြောပါတယ်။ နှစ်နိုင်ငံအကြီးစား ပူးတွဲစစ်ရေးလေ့ကျင့်မှုဟာ နှစ်ဂါးနှစ်ကောင်ဆိုတဲ့ အဓိပ္ပါယ်ရပြီး တောင်ကိုရီးယားအရှေ့တောင်ပိုင်းမှာ လာမယ့်အပတ် တနင်္လာနေ့ထိ ကျင်ပသွားမှာဖြစ်တယ်လို့ သိရပါတယ်။ ဒီနေ့မှာတော့ နှစ်နိုင်ငံတပ်ဖွဲ့၀င်တွေဟာ ကုန်းရေနှစ်သွယ် ဆင်းသက်မှုလေ့ကျင့်ခန်းတွေပြုလုပ်ခဲ့ပြီး သံချပ်ကာယာဉ်၊ စစ်သင်္ဘောတွေနဲ့ ရဟတ်ယာဉ်တွေပါ၀င်လေ့ကျင့်ခဲ့ပါတယ်။ အဲဒီစစ်ရေးလေ့ကျင့်မှုမှာ စစ်ရေယာဉ်အစင်း ၃၀ နဲ့ လေယာဉ် ၇၀ ပါ၀င်တယ်လို့ တောင်ကိုရီးယားစစ်တပ်က ပြောပါတယ်။ လာမယ့်ရက်တွေမှာတော့ အမေရိကန်ရဲ့ နျူကလီးယားစွမ်းအင်သုံး လေယာဉ်တင်သင်္ဘောပါ၀င်မယ့် စစ်ရေးလေ့ကျင့်မှုတွေကို လုပ်ဆောင်သွားမှာဖြစ်ပါတယ်။ အမေရိကန်နဲ့ တောင်ကိုရီးယားတို့ရဲ့ ပူးတွဲစစ်ရေးလေ့ကျင့်မှုနဲ့ပတ်သက်ပြီး မြောက်ကိုရီးယားက ကြိမ်ဖန်များစွာ ရှုတ်ချပြောဆိုထားပြီး ဒါဟာကျူးကျော်ရန်စဖို့…