Day: May 29, 2023

အန်ကာရာ၊ မေ-၂၉-၂၀၂၃ မျိုးဆက်(VOM) တူရကီသမ္မတ အာဒိုဂန်ဟာ သမ္မတရွေးကောက်ပွဲမှာ အနိုင်ရရှိသွားကြောင်း ရွေးကောက်ပွဲကော်မရှင်က မတ် ၂၈ ရက်မှာ ထုတ်ပြန်ကြေညာလိုက်ပါတယ်။ နောက်ထပ်ငါးနှစ်ကြာ နိုင်ငံကိုအုပ်ချုပ်ဖို့ တာ၀န်ပေးခဲ့တဲ့ တိုင်းသူပြည်သားတွေကို ကျေးဇူးတင်ကြောင်း အစ္စတန်ဘူလ်မှာ ပြုလုပ်တဲ့ရွေးကောက်ပွဲအောင်ပွဲခံအခမ်းအနားမှာ ထောက်ခံသူတွေကို သမ္မတအာဒိုဂန်က ပြောပါတယ်။ အာဒိုဂန်ဟာ ရွေးကောက်ပွဲမှာ ထောက်ခံမဲ့ ၅၂ ဒသမ ၁၆ ရာခိုင်နှုန်းရရှိခဲ့ပြီး အတိုက်အခံပြိုင်ဘက် ကန်မယ်လ်ကီလစ်ဒါရိုလူက ၄၇ ဒသမ ၈၄ ရာခိုင်နှုန်းရရှိခဲ့ကြောင်း ရွေးကောက်ပွဲကော်မရှင်က ထုတ်ပြန်ပါတယ်။ အာဒိုဂန်ဟာ ၂၀၀၃ ခုနှစ်က တူရကီ၀န်ကြီးချုပ်ဖြစ်လာပြီးနောက် ၂၀၁၄ ခုနှစ်သမ္မတရွေးကောက်ပွဲမှာ အနိုင်ရရှိခဲ့ပြီး သမ္မတအဖြစ် စတင်တာ၀န်ထမ်းဆောင်ခဲ့သူဖြစ်ပါတယ်။ ၂၀၁၆ ခုနှစ်မှာ တူရကီမှာစစ်တပ်က အာဏာသိမ်းရန်ကြိုးပမ်းမှု ဖြစ်ပွားခဲ့ပြီး မအောင်မြင်ခဲ့ပါဘူး။ အဲဒီနောက်မှာ သမ္မတအာဒိုဂန်ဟာ သဘောထားကွဲလွဲတဲ့ အတိုက်အခံတွေကို နှိမ်နှင်းဖို့နဲ့ သူ့ရဲ့ လုပ်ပိုင်ခွင့်အာဏာကို တိုးမြှင်ဖို့…

မော်စကို၊ မေ-၂၉-၂၀၂၃ မျိုးဆက်(VOM) ရုရှားရဲ့ ကန့်သတ်မှုတွေကြောင့် ဂျာမနီအစိုးရ သံတမန်တွေအပါအ၀င် အဖွဲ့အစည်းတွေက ရာနဲ့ချီတဲ့၀န်ထမ်းတွေဟာ ရုရှားကနေ ထွက်ခွာရတော့မှာဖြစ်ပါတယ်။ ဒီထဲမှာ အစိုးရ၀န်ထမ်းတွေ၊ သံတမန်တွေ၊ ယဉ်ကျေးမှုဖလှယ်ရေးအဖွဲ့က တာ၀န်ရှိသူတွေအပါအ၀င် ဂျာမနီနိုင်ငံသားတွေလည်းပါ၀င်တယ်လို့ ဂျာမနီတာ၀န်ရှိသူတွေကပြောပါတယ်။ ရုရှားကနေ ထွက်ခွာရမယ့် ဂျာမနီအစိုးရ၀န်ထမ်းအရေအတွက်ကိုတော့ ဂျာမနီနိုင်ငံခြားရေး၀န်ကြီးဌာနက အသေးစိတ်ထုတ်ပြန်ခြင်းမရှိပါဘူး။ ရုရှားရဲ့အခုဆုံးဖြတ်ချက်ဟာ တရားမျှတမှုမရှိသလို နားမလည်နိုင်ဘူးလို့ ဂျာမနီက ရှုတ်ချထားပါတယ်။ ရုရှားဟာ နိုင်ငံတွင်းမှာရှိနေတဲ့ ဂျာမန်မစ်ရှင်တွေနဲ့ကြားခံအဖွဲ့အစည်းတွေက ၀န်ထမ်းအရေအတွက်ကို ဇွန်လကစပြီး ကန့်သတ်မှုတွေပြုလုပ်တော့မှာဖြစ်ပါတယ်။ ဂျာမနီဟာလည်း နိုင်ငံတွင်းမှာ ထောက်လှမ်းရေးတွေလုပ်နေတာကို လျှော့ချလိုတဲ့ရည်ရွယ်ချက်နဲ့ ရုရှားသံတမန်တွေကို ဧပြီလအတွင်းမှာ နှင်ထုတ်ခဲ့ပါတယ်။ အခုလိုအပြန်အလှန်ကန့်သတ်မှုတွေဟာ နှစ်နိုင်ငံ ဆက်ဆံရေးကို ပိုမိုဆိုးရွားလာစေနိုင်ကြောင်း စောင့်ကြည့်လေ့လာသူတွေက သုံးသပ်ထားပါတယ်။ Ref: NHK #VOM #voiceofmyanmar #မော်စကို

တိုကျို၊ မေ-၂၉-၂၀၂၃ မျိုးဆက်(VOM) မြောက်ကိုရီးယားဟာ မေ ၃၁ ရက်ကနေ ဇွန် ၁၁ ရက်အတွင်း ဂြိုဟ်တုလွှတ်မယ့် အစီအစဉ်ကို အသိပေးခဲ့ကြောင်း ဂျပန်အစိုးရသတင်းရင်းမြစ်တွေက ပြောပါတယ်။ မြောက်ကိုရီးယာဟာ ဂြိုဟ်တုကို ကမ္ဘာပတ်လမ်းကြောင်းအတွင်း လွှတ်တင်ဖို့်အကြောင်းပြပြီး ပဲ့ထိန်းဒုံးကျည် ပစ်ခတ်ဖို့ စီစဉ်နေကြောင်း ဂျပန်အစိုးရက သံသယရှိနေပါတယ်။ တကယ်လို့ ဂျပန်ပိုင်နက်နယ်မြေအတွင်း ဒုံးကျည်တွေ၀င်ရောက်လာမယ်ဆိုရင် ပစ်ချဖို့ ဂျပန်ကာကွယ်ရေး၀န်ကြီး ဟာမာဒါယာဆူကာဇူက အမိန့်ပေးထားပါတယ်။ ဒီလို ပစ်လွှတ်မှုနဲ့ပတ်သက်ပြီး ဂျပန်နိုင်ငံဟာ အမေရိကန်၊ တောင်ကိုရီးယားတို့နဲ့ အနီးကပ်ပူးပေါင်းဆောင်ရွက်သွားမှာဖြစ်ပြီး ထိန်းထိန်းသိမ်းသိမ်းလုပ်ဆောင်ဖို့ မြောက်ကိုရီးယားကို တိုက်တွန်းထားပါတယ်။ မြောက်ကိုရီးယားဟာ စစ်ဘက်ထောက်လှမ်းရေးဂြိုဟ်တုကို တည်ဆောက်ပြီးစီးကြောင်း လွန်ခဲ့တဲ့လက ကြေညာခဲ့ပါတယ်။ ။ဂြိုဟ်တုကို စီစဉ်ထားတဲ့နေ့မှာလွှတ်တင်နိုင်ရေးအတွက် နောက်ဆုံးပြင်မှုတွေကို လုပ်ဆောင်နေကြောင်း ထုတ်ပြန်ထားပါတယ်။ Ref: NHK #VOM #voiceofmyanmar #တိုကျို