Month: May 2023

ကိယက်ဗ်၊ မေ-၂၇-၂၀၂၃ မျိုးဆက်(VOM) ယူကရိန်းဟာ ကာလရှည်ကာမျှော်လင့်ထားတဲ့ ရုရှားတပ်တွေအပေါ် တန်ပြန်ထိုးစစ်ဆင်နွှဲဖို့ အသင့်ဖြစ်နေကြောင်း ယူကရိန်ထိပ်တန်းလုံခြုံရေးတာ၀န်ရှိသူ အိုလက်ဆီဒန်နီလော့ဗ်က မေ ၂၆ ရက်မှာ ထုတ်ဖော်ပြောဆိုလိုက်ပါတယ်။ ယူကရိန်းရဲ့ ထိုးစစ်ဆင်မယ့် နေ့ရက်အချိန်အတိအကျကို ထုတ်ဖော်ပြောဆိုခြင်းမရှိပေမယ့် ရက်ပိုင်းအတွင်း သို့မဟုတ် တပတ်အတွင် းစတင်နိုင်ကြောင်း သူကပြောပါတယ်။ ၀ဂ္ဂနာကြေးစားတပ်ဖွဲ့၀င်အချို့ဟာ စစ်ပွဲအပြင်းထန်ဆုံးဒေသဖြစ်တဲ့ ဘက်မွတ်ခ်မြို့ကနေ ဆုတ်ခွာသွားကြောင်း ဒါပေမယ့် အခြားနေရာသုံးခုမှာ ပြန်လည်စုဖွဲ့နေတယ်လို့ ယူကရိန်း အမျိုးသားလုံခြုံရေးနဲ့ ကာကွယ်ရေးကောင်စီအတွင်းရေးမှူး ဒန်နီလော့ဗ်က အတည်ပြုပြောဆိုပါတယ်။ ယူကရိန်းဟာ ရုရှားတပ်တွေကို ပြန်လည်ထိုးစစ်ဆင်ဖို့အတွက် လပေါင်းများစွာစီစဉ်နေခဲ့ပါတယ်။ ဒါပေမယ့် တပ်ဖွဲ့၀င်တွေကိုလေ့ကျင့်ပေးဖို့နဲ့ အနောက်နိုင်ငံမဟာမိတ်တွေ စစ်လက်နက်ပစ္စည်းအထောက်အပံ့တွေရယူဖို့ အချိန်ယူခဲ့ရပါတယ်။ လက်ရှိမှာ ယူကရိန်းအတွက် အက်ဖ်-၁၆ တိုက်လေယာဉ်တွေထောက်ပံ့ရေးကို အမေရိကန်က ခွင့်ပြုခဲ့ပြီး ယူကရိန်းလေယာဉ်မှူးတွေကို မဟာမိတ်နိုင်ငံတွေက လေ့ကျင့်မှုများ ပေးလျှက်ရှိပါတယ်။ Ref: BBC Photo:AFP #VOM #voiceofmyanmar #ကိယက်ဗ်

မျိုးဆက်(VOM) ၂၇-၅-၂၀၂၃ ဆူဒန်နိုင်ငံ မြို့တော်ခါတွမ်နဲ့ အခြားမြို့ကြီးတွေမှာ ပစ်ခတ်တိုက်ခိုက်သံ၊ ဒုံးကျည်နဲ့ လက်နက်ကြီးပေါက်ကွဲသံတွေနဲ့အတူ ကောင်းကင်ယံက မီးခိုးတလူလူတွေက ဆူဒန်ပြည်သူတွေရဲ့ ကြောက်ရွံ့ထိတ်လန့်မှုတွေနဲ့ မသေချာမရေရာတဲ့ အနာဂါတ်ကို တစိတ်တပိုင်း လှစ်ဟပြသနေပါတယ်။ ပဋိပက္ခတွေအတွင်း လုယက်မှု၊ တိုက်ခိုက်မှု၊ အကြမ်းဖက်မှုနဲ့ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်ကျူးလွန်မှုတွေနဲ့ ကြုံတွေနေရသလို ဆူဒန်ပြည်သူတွေရဲ့ ယခင်ကနေ့စဉ်လူနေမှုဘ၀မှာ အလွန်ဆိုးရွားတဲ့ အလှည့်အပြောင်းတခုက မေ ၁၅ ရက်စပြီး ရုတ်တရက်ဆိုသလို ကြုံတွေခဲ့ရပါတယ်။ လက်နက်ကိုင်ပဋိပက္ခကို အစပြုခဲ့သူတွေကတော့ စစ်ဗိုလ်ချုပ်နှစ်ဦးဖြစ်တဲ့ ဆူဒန်စစ်တပ်ခေါင်းဆောင် ဗိုလ်ချုပ်ကြီး အယ်လ်ဘာဟန်နဲ့ အာအက်စ်အက်ဖ် ပြည်သူ့စစ်ခေါင်းဆောင် ဗိုလ်ချုပ်ကြီး ဟမ်မက်ဒီတို့ဖြစ်ပြီး နှစ်ဦးအကြား အာဏာလွန်ဆွဲမှုက ဆူဒန်ပြည်သူတွေရဲ့ အနာဂါတ်အတွက် ကံဆိုးမှောင်ကျမှုလည်းဖြစ်ပါတယ်။ အာဏာသိမ်းခံထားရဲ့ဆူဒန်မှာ အာဏာရှင်ခေါင်းဆောင် ဘာရှာကို ၂၀၁၉ ခုနှစ်မှာ ဖြုတ်ချရေးမှာ အတူတကွပူးပေါင်းဆောင်ရွက်ခဲ့ပေမယ့် အာဏာပိုမိုချုပ်ကိုင်ရေး ရမ္မက်ဆန္ဒက သူတို့နှစ်ဦးရဲ့ အကွဲအပြဲဇာတ်လမ်း အစပြုခဲ့ပါတယ်။…

ဖနွမ်းပင်၊ မေ-၂၇-၂၀၂၃ မျိုးဆက်(VOM) ကမ္ဘောဒီးယားနိုင်ငံမြောက်ပိုင်းက မိချောင်းမွေးမြူသူတစ်ဦးဟာ မိချောင်းကောင် ၄၀ မွေးထားတဲ့ လှောင်အိမ်အတွင်း ပြုတ်ကျပြီးနောက် အပိုင်းပိုင်းအကိုက်ခံသေဆုံးသွားကြောင်း သိရပါတယ်။ အသက် ၇၂ နှစ်အရွယ် လူအန်နမ်ဆိုသူဟာ ဥဥထားတဲ့ မိချောင်းတွေကို သူတို့ရဲ့ပါးစပ်ထဲတုတ်ကိုက်စေကာ လှောင်အိမ်အပြင်ထုတ်ဖို့ ကြိုးစားရင်း ပြုတ်ကျခဲ့ခြင်းဖြစ်ကြောင်း တာ၀န်ရှိသူတွေက မေ ၂၆ ရက်မှာ ပြောပါတယ်။ အဲဒီနောက်မှာ လှောင်အိမ်ထဲပြုတ်ကျသွားတဲ့ လူအန်နမ်ကို အခြားမိကျောင်းတွေက ခန္ဓာကိုယ်တခုလုံး ဒဏ်ရာများဖုံးလွှမ်း သေဆုံးတဲ့အထိ တိုက်ခိုက်ခဲ့ပြီး လက်တဖက်လည်း ပျောက်ဆုံးနေကြောင်း ရဲတပ်ဖွဲ့ကပြောပါတယ်။ အဲဒီမတော်တဆမှုဟာ ဆန်ရစ်ပ်မြို့မှာ မေ ၂၆ ရက်ကဖြစ်ပွားခဲ့ခြင်းဖြစ်ပြီး သေဆုံးသူဟာ ဒေသခံမိကျောင်းမွေးမြူရေးအသင်း ဥက္ကဋ္ဌဖြစ်ကြောင်း တာ၀န်ရှိသူတွေက ပြောပါတယ်။ ၂၀၁၉ ခုနှစ်ကလည်း ကမ္ဘာကျော် အန်းကော၀ပ်ဘုရားကျောင်းအနီးရှိ မိကျောင်းမွေးမြူရေးခြံမှာ အသက်နှစ်နှစ်အရွယ်မိန်းကလေးတဦးကို မိကျောင်းတွေက သတ်ဖြတ်စားသောက်မှု ဖြစ်ပွားခဲ့ပါတယ်။ Ref: BBC Photo:AFP…

မင့်စ်၊ မေ-၂၇-၂၀၂၃ မျိုးဆက်(VOM) ရုရှားရဲ့ နည်းဗျူဟာမြောက် နျူကလီးယားလက်နက်တွေကို ဘီလာရုစ်မှာဖြန့်ကြက်ဖို့ ပို့ဆောင်နေပြီဖြစ်ကြောင်း ဘီလာရုစ်သမ္မတ လူကာရှန်ကိုက မေ ၂၆ ရက်မှာ ထုတ်ဖော်ပြောဆိုလိုက်ပါတယ်။ အခုလိုဖြန့်ကြက်မှုနဲ့ပတ်သက်ပြီး ယခုသီတင်းပတ်အစောပိုင်းမှာ နှစ်နိုင်ငံသဘောတညီချက် လက်မှတ်ရေးထိုးပြီးနောက် လက်နက်တွေပို့ဆောင်မှု စတင်နေခြင်းဖြစ်ပါတယ်။ မိမိတို့အနေနဲ့ ဒီကိစ္စအပေါ်အဆင့်သင်ြ့့ဖစ်စေဖို့ ပြင်ဆင်ထားပြီး သိုလှောင်ဖြန့်ကြက်မှုဧရိယာတွေ ပြင်ဆင်ထားပြီးနောက် နျူကလီးယားလက်နက်များလွှဲပြောင်းမှု စတင်နေပြီဖြစ်ကြောင်း ဘီလာရုစ်သမ္မတ လူကာရှန်ကိုကပြောပါတယ်။ ဘီလာရုစ်မှာ နည်းဗျူဟာမြောက် နျူကလီးယားလက်နက်တွေ ဖြန့်ကြက်မယ့် အစီအစဉ်ကို ရုရှားသမ္မတပူတင်က မတ်လအတွင်းက ကြေညာခဲ့တာဖြစ်ပါတယ်။ ဒီလိုဖြန့်ကြက်မယ့် အစီအစဉ်ကို အမေရိကန်က ပြင်းပြင်းထန်ထန်ရှုတ်ချခဲ့ပြီး ဒါဟာ ယူကရိန်းအတွက် စစ်ရေးအထောက်အပံ့တွေ တိုးမြှင့်လုပ်ဆောင်နေတဲ့ အနောက်နိုင်ငံတွေကို သတိပေးချက်အဖြစ် အကဲခတ်တွေက သုံးသပ်ပြောဆိုထားပါတယ်။ Ref: Ref: #VOM #voiceofmyanmar #မင့်စ်