ဇန်နဝါရီ – ၂၈-၂၀၂၄ ရှိုင်းအောင်(VOM) နှင်းတွေဝေနေတဲ့ တရက်သော ဆောင်းမနက်ခင်းမှာ မဟာအောင်မြေမြို့နယ်မှာရှိတဲ့ စာတိုက်ဟောင်းကြီးဘက်ကို ပစ္စည်းတခုသွားပို့ရာကအပြန် ကမ်းနားလမ်းဘက်ကနေ ပတ်ပြီးပြန်ချင်တဲ့ စိတ်ဆန္ဒပေါ်လာတဲ့အတွက် ကမ်းနားလမ်းရှိရာဘက် ဆိုင်ကယ်ကိုဦးတည်ပြီးတော့ မောင်းလာခဲ့ပါတယ်။ ကမ်းနားလမ်း ပလက်ဖောင်းဘေးနားမှာ အစီအရီရှိတဲ့ နှစ်ရှည်သက်တမ်းရင့် အပင်ကြီးတွေကို ငေးမောကာ ဆိုင်ကယ်ကို ဖြေးဖြေးမောင်းရင်း ဂေါဝိန်ဆိပ်ရှေ့က မန္တလေးမြို့ဆိုတဲ့ နန်းမြို့ရိုးပုံသဏ္ဍာန်မုဒ်ဦးရှေ့ အရောက်မှာ မန္တလေးမြို့ရဲ့ အငွေ့အသက်တခုကို ရှူရှိုက်မိတာနဲ့ ဆိုင်ကယ်ကိုရပ်ပြီး ပါလာတဲ့ဖုန်းလေးကိုထုတ် ဓာတ်ပုံရိုက်ရင်း မန္တလေးဆိပ်ကမ်းအလှကို တဝကြီး ခံစားလိုက်ပါတယ်။ မန္တလေးမြို့ ဆိုတဲ့ မုဒ်ဦးရှေ့မှာ အဝါရောင် သုံးဘီးလေးတွေ အစီအရီတန်းပြီး ရပ်ထားတဲ့ အောက်ဖက်မှာတော့ လှေကြီး၊ လှေငယ်၊ မော်တော်၊ သင်္ဘော မျိုးစုံ ဘေးချဥ်ယှဥ်ရပ်ထားတဲ့ အစဥ်အလာကြီးမားတဲ့ သမိုင်းဝင် ဂေါဝိန်ဆိပ်။အရောင်အသွေးစုံတဲ့ ဂေါဝိန်ဆိပ်ကို ဆင်းကြည့်ဖို့ ဆိပ်ကမ်းဆင်းတဲ့လမ်းအတိုင်း မောင်းချလာခဲ့ပါတယ်။ မြန်မာနိုင်ငံရဲ့ နောက်ဆုံးမင်းဆက်၊…
Read Moreမန္တလေးနဲ့ ဧရာဝတီ
