Day: March 3, 2024

  ဝါရှင်တန်၊ မတ်-၃-၂၀၂၄ မျိုးဆက်(VOM) အမေရိကန်နိုင်ငံ အနောက်ပိုင်း ကယ်လီဖိုးနီးယားနဲ့ နီဗားဒါးတို့မှာ နှင်းမုန်တိုင်း အကြီးအကျယ် တိုက်ခိုက်နေပါတယ်။ နှင်းမုန်တိုင်းကြောင့် လမ်းတွေပိတ်ဆို့နေပြီး နှင်းလျှောစီးအပန်းဖြေစခန်းတွေ ပိတ်ထားရကာ ကယ်လီဖိုးနီးယားမှာ နေအိမ် သုံးသောင်းသုံးထောင်ကျော်နဲ့ နီဗားဒါးမှာ နှစ်သောင်းလေးထောင်ကျော် လျှပ်စစ်ဓါတ်အား ပြတ်တောက်နေပါတယ်။ နှင်းမုန်တိုင်းဟာ အထူးသဖြင့် ဆီရာနီဗားဒါးဒေသမှာ ပြင်းထန်နေပြီး လေပြင်းတိုက်ခတ်မှုဟာ တနာရီကို ကီလိုမီတာ ၃၀၀ ကျော်ထိရှိနေပါတယ်။ နှင်းမုန်တိုင်းကြောင့် ၇၅ မိုင်ရှည်လျားတဲ့ Interstate 80 အဝေးပြေးလမ်းမကြီးကို ပိတ်ထားရပါတယ်။ နီဗားဒါးပြည်နယ် နယ်စပ်အနီး ကယ်လီဖိုးနီးယားရှိ ထရပ်ကီးမှာ အရေးပေါ်ကယ်ဆယ်ရေးဝန်ထမ်းတွေဟာ နှင်းမုန်တိုင်းကြောင့် ပိတ်မိနေတဲ့ ကားတွေဆီကိုရောက်ဖို့ ခက်ခဲစွာ သွားလာနေရပါတယ်။ နှင်းမုန်တိုင်းကြောင့် ဆီးနှင်များ သုံးမီတာ ( ၁၀ ပေ) ထိကျဆင်းနိုင်ကြောင်း အမေရိကန် အမျိုးသားမိုးလေဝသဌာနက သတိပေးထုတ်ပြန်ထားသည်။ ဒေသခံတွေအနေနဲ့ သီတင်းပတ်ကုန်ရက်တွေမှာ…

  ဘန်ကောက်၊ မတ်-၃-၂၀၂၄ မျိုးဆက်(VOM) ထိုင်းပါလီမန်မှာ မြန်မာ့အရေး ဆွေးနွေးမှုကို နစကဘက်က ကန့်ကွက်ထားပေမယ့် မြန်မာ့အရေးဆိုင်ရာ ဆွေးနွေးပွဲကို ထိုင်းပါလီမန်မှာ မနေ့ကမတ် ၂ ရက်က စပြီး နှစ်ရက်ကြာ ပြုလုပ်နေပြီဖြစ်ပါတယ်။ ဒီဆွေးနွေးပွဲဟာ သက်ဆိုင်သူတွေအားလုံး အပြန်အလှန်ဆွေးနွေးနိုင်ဖို့ ပထမဆုံးခြေလှမ်းဖြစ်ပြီး မြန်မာ့ငြိမ်းချမ်းရေးအတွက် ရေရှည်တည်တံ့မယ့် နိုင်ငံရေးအဖြေတခုအတွက် လမ်းခင်းပေးမှာပါလို့ ထိုင်းလွှတ်တော်အမတ်ဖြစ်သူ ရန်ဆီမန်ရိုမီက ပြောပါတယ်။ ဆွေးနွေးပွဲမှာ NUG နဲ့ တိုင်းရင်းသားလက်နက်ကိုင်အဖွဲ့အစည်းအချို့က ထိပ်တန်းတာဝန်ရှိသူတွေ တက်ရောက်ဆွေးနွေးခဲ့ပေမယ့်လည်း နစက ဘက်က ကိုယ်စားလှယ် ပါဝင်ခြင်းမရှိပါဘူး။ ထိုင်းပါလီမန်မှာ ဆွေးနွေးမှုဟာ ထိုင်း-မြန်မာ ဆက်ဆံရေးအပေါ် အပျက်သဘောဆောင်တဲ့ သက်ရောက်မှုတွေ ဖန်တီးတာဖြစ်တဲ့အတွက် ပြင်းပြင်းထန်ထန်ကန့်ကွက်ကြောင်း နစကဘက်က ကန့်ကွက်ထားပြီး ထိုင်းအစိုးရအနေနဲ့ နှစ်နိုင်ငံဆက်ဆံရေးကို ထိခိုက်စေမယ့် ဘယ်လိုလုပ်ရပ်ကိုမဆို မလုပ်ရေးအတွက် ပါလီမန်ကို တားဆီးပေးဖို့ မြန်မာနိုင်ငံခြားရေးဝန်ကြီး ဌာနက စာပေးပို့ ထားပါတယ်။…

  ဂါဇာစီးတီး၊ မတ်-၃-၂၀၂၄ မျိုးဆက်(VOM) အမေရိကန်ဟာ ဂါဇာကမ်းမြှောင်ဒေသအတွက် ပထမဆုံးသော လူသားချင်းစာနာမှုဆိုင်ရာ အကူအညီတွေကို စစ်လေယာဉ်သုံးစင်းပေါ်ကနေ လေထီးနဲ့ ချပေးခဲ့ပါတယ်။ ဂျော်ဒန်လေတပ်နဲ့ ပူးပေါင်းလုပ်ဆောင်တဲ့ အဲဒီကူညီရေးမှာ စားနပ်ရိက္ခာ သုံးသောင်းကျော်ကို ပေးပို့နိုင်ခဲ့ပြီး အမေရိကန်ဟာ လူသားချင်းစာနာမှုအကူအညီတွေ တိုးမြှင့်ပေးသွားမယ်လို့ ကတိပြုထားပါတယ်။ ဂါဇာကမ်းမြှောင်ဒေသမှာ အစ္စရေးနဲ့ ဟားမတ်စ်တို့အကြား ခြောက်ပတ်ကြာ အပစ်အခတ်ရပ်စဲရေး သဘောတူညီချက်မူဘောင်ကို သဘောတူဖို့ အကောင်အထည်ဖော်နေပြီလို့ အမေရိကန်ထိပ်တန်းတာဝန်ရှိသူတယောက်က ထုတ်ဖော်ပြောဆိုထားပါတယ်။ လေကြောင်းကနေ အခုလို ထောက်ပံ့မှုဟာ အကူအညီတွေပိုမိုပေးဖို့ စဉ်ဆက်မပြတ်ကြိုးပမ်းမှုရဲ့ တစိတ်တပိုင်းဖြစ်ပြီး အခြားသော နည်းလမ်းတွေနဲ့လည်း အကူအညီတွေ ပေးပို့ သွားမယ်လို့ ဆိုပါတယ်။ ဗြိတိန်၊ ပြင်သစ်၊ အီဂျစ်နဲ့ ဂျော်ဒန်အပါအဝင် အခြားနိုင်ငံတွေက ဂါဇာဒေသအတွက် အရင်ကတည်းက အကူအညီတွေ ပေးပို့ခဲ့ပေမယ့် အမေရိကန်ရဲ့ ပေးပို့မှုကတော့ ဒါပထမဆုံးအကြိမ်ဖြစ်ပါတယ်။ Ref:BBC Photo: AP