Day: April 2, 2024

ဆိုးလ်၊ ဧပြီ-၂-၂၀၂၄ မျိုးဆက်(VOM) မြောက်ကိုရီးယားဟာ တာလတ်ပစ်ပဲ့ထိန်းဒုံးကျည် တစင်းကို ဧပြီ ၂ ရက်မှာ စမ်းသပ် ပစ်ခတ်ခဲ့ပြီး ဒုံးကျည်ဟာ ဂျပန်အထူးစီးပွားရေးဇုန်အနီး ရေပြင်ကိုကျရောက်ခဲ့တယ်လို့ ဂျပန်ကမ်းခြေစောင့်တပ်က ပြောပါတယ်။ ဇန်နဝါရီလနှင့်မတ်လတို့အတွင်း ဒုံးကျည်ဆိုင်ရာ စမ်းသပ်မှုနှစ်ကြိမ် မြောက်ကိုရီးယားက ပြုလုပ်ပြီးနောက် ၂၀၂၄ ခုနှစ်အတွင်း တတိယမြောက် ပဲ့ထိန်းဒုံးကျည် စမ်းသပ်မှုကို ပြုလုပ်ခဲ့တာလည်းဖြစ်ပါတယ်။ မြောက်ကိုရီးယားနိုင်ငံ ပြုံးယမ်းအနီးဝန်းကျင်ကနေ အရှေ့ဘက်ပင်လယ် သို့မဟုတ် ဂျပန်ပယ်လယ်ထဲကို တာလတ်ပစ်ပဲ့ထိန်းဒုံးကျည်ကို ပစ်လွှတ်ခဲ့ကြောင်း တောင်ကိုရီးယားပူးတွဲစစ်ဦးစီးချုပ်များအဖွဲ့က ထုတ်ပြန်ထားပါတယ်။ ဒုံးကျည်ဟာ ကီလိုမီတာ ၆၀၀ ထိ ပျံသန်းခဲ့ပြီး ပစ်လွှတ်မှုနဲ့ ပတ်သက်တဲ့ အချက်အလက်တွေကို အမေရိကန် ၊ ဂျပန်တာဝန်ရှိသူတွေနဲ့အတူ ပူးပေါင်းဖလှယ်နေကြောင်း တောင်ကိုရီးယား စစ်တပ်က ပြောပါတယ်။ ကိုရီးယားကျွန်းဆွယ် ငြိမ်းချမ်းရေးနဲ့တည်ငြိမ်ရေးကို ခြိမ်းခြောက်နေတဲ့ မြောက်ကိုရီးယားရဲ့ ပြောင်ပြောင်တင်းတင်း ရန်စမှုတွေကို ပြင်းပြင်းထန်ထန်ရှုတ်ချကြောင်း တောင်ကိုရီးယာစစ်တပ်က ထုတ်ပြန်ထားပါတယ်။…

မနီလာ၊ ဧပြီ-၂-၂၀၂၄ မျိုးဆက်(VOM) တောင်တရုတ်ပင်လယ်မှာ နယ်မြေပိုင်ဆိုင်မှုနဲ့ပတ်သက်ပြီး တရုတ်နိုင်ငံရဲ့ အတင်းအကျပ်၊ ရန်လိုပြီး လှည့်ဖြားတဲ့ လုပ်ရပ်တွေနဲ့ပတ်သက်ပြီး ဖိလစ်ပိုင်အမျိုးသားလုံခြုံရေးအကြံပေးနဲ့ အမေရိကန် အမျိုးသားလုံခြုံရေး အကြံပေးတို့ ဆွေးနွေးခဲ့ကြတယ်လို့ ဖိလစ်ပိုင်က ပြောပါတယ်။ ဒီလို အငြင်းပွားမှုတွေနဲ့ သံတန်ရေးရာ တင်းမာနေချိန်မှာ ဖိလစ်ပိုင်ကို အမေရိကန်က ဆက်လက်ထောက်ခံ အာမခံချက် ကတိကဝတ်များကို ထပ်လောင်းအတည်ပြုတဲ့အတွက် ကျေးဇူတင်ကြောင်း ဖိလစ်ပိုင်အမျိုးသားလုံခြုံရေးအကြံပေး အယ်ဒူရာဒိုအာနိုက ပြောပါတယ်။ မကြာသေးမီရက်ပိုင်းအတွင်း အငြင်းပွားဖွယ်ရေပြင်မှာ တရုကမ်းခြေစောင့်တပ်ဖွဲ့က ရေအမြှောက်တွေနဲ့ ပစ်ခတ်မှုကြောင့် ဖိလစ်ပိုင် စစ်တပ်ထောက်ပို့သင်္ဘောက အမှုထမ်းတွေ ဒဏ်ရာရခဲ့ပါတယ်။ ဖိလစ်ပိုင်သမ္မတ မားကို့စ်ဂျူနီယာကတော့ တရုတ်နိုင်ငံရဲ့ ရန်လိုမှုတွေကို တန်ပြန်အရေးယူတာတွေ လုပ်ဆောင်သွားမယ်လို့ ပြောပါတယ်။ တရုတ်နိုင်ငံဘက်ကတော့ ဖိလစ်ပိုင်ကို သစ္စာဖောက်အဖြစ် စွပ်စွဲထားပြီး အငြင်းပွားဖွယ် ကမ်းရိုးတန်းတခုမှာ ရည်ရွယ်ချက်ရှိရှိ ထားတဲ့ ရေတပ်သင်္ဘောဟောင်းကို ဖယ်ရှားမယ့် အစီအစဉ်ကို လုပ်ဆောင်ခဲ့ခြင်းမရှိဘူးလို့ ဆိုပါတယ်။…

ဆိုးလ်၊ ဧပြီ-၂-၂၀၂၄ မျိုးဆက်(VOM) တောင်ကိုရီးယား မဲရုံတွေမှာ ဒါဇင်နဲ့ချီတဲ့ လျှို့ဝှက်ကင်မရာတွေ တင်ဆင်ပြီး ယူကျုသမားတယောက်ကို ကူညီနေကြောင်း စွပ်စွဲခံရသူတွေကို ရဲတပ်ဖွဲ့က အပူတပြင်းရှာဖွေနေပါတယ်။ သူတို့နှစ်ဦးဟာ ရွေးကောက်ပွဲ လိမ်လည်မှုတွေနဲ့ ပတ်သက်ပြီး အတည်ပြုဖို့ သက်သေရှာကြိုးပမ်း တင်ပြလိုတဲ့ နာမည်ကျော် ယူကျုသမားတယောက်နဲ့ ကြံရာပါဖြစ်ကြောင်း အာဏာပိုင်တွေက ယုံကြည်ထားပါတယ်။ အသက် ၄၀ ဝန်းကျင်ရှိ ယူကျုသမားကိုတော့ ပြီးခဲ့တဲ့ သီတင်းပတ်နှောင်းပိုင်းက ဖမ်းဆီးနိုင်ခဲ့ပါတယ်။ တောင်ကိုရီးယား ပါလီမန်ရွေးကောက်ပွဲတွေကို လာမယ့် ဧပြီ ၆ ရက်နဲ့ ၇ ရက်တို့မှာ ကျင်းပသွားမှာဖြစ်ပါတယ်။ အင်ခွျှန်းရဲတပ်ဖွဲ့ရဲ့ အဆိုအရ မဲရုံတွေနဲ့ မဲရေတွက်တဲ့ နေရာတွေ အပါအဝင် နိုင်ငံတဝန်းရှိ နေရာ ၄၀ မှာ တရားမဝင် တပ်ဆင်ထားတဲ့ လျှို့ဝှက်ကင်မရာတွေကို တွေ့ရှိခဲ့ရကြောင်း သိရပါတယ်။ ကင်မရာတွေကို ဆက်သွယ်ရေးပစ္စည်းကိရိယာများအသွင်နဲ့ တပ်ဆင်ထားတယ်လို့ ရဲတပ်ဖွဲ့ကပြောပါတယ်။…