Day: June 2, 2025

ဇွန် – ၂ ၊ ၂၀၂၅ GG (VOM) မန္တလေးတိုင်း ၊ မိတ္တီလာ – ကျောင်ပန်းတောင်း ကားလမ်း၊ ဖလန်ကျင်းရွာအနီးမှာ ဒီနေ့မနက်အစောပိုင်းက Elite Express ခရီးသည်တင်ကား တိမ်းမှောက်ပြီး ခြောက်ယောက်သေဆုံးကာ ထိခိုက်ဒဏ်ရာရရှိသူ ၁၄ ယောက်လောက်အထိရှိ ခဲ့တယ်လို့ သိရပါတယ်။ ဇွန် ၂ ရက်နေ့ ၊မနက်အစော ၂ နာရီခွဲလောက်မှာခရီးသည်တင်ကား တိမ်းမှောက်ကြောင်းသတင်းရရှိခဲ့တာဖြစ်ကြောင်း ၊ သေဆုံးသူတွေ ထဲမှာ ကလေးငယ်တယောက်ပါဝင်ပြီး ထိခိုက်ဒဏ်ရာရ ရှိသူတွေထဲမှာလည်း ဒဏ်ရာပြင်းထန်သူ လေးယောက် ပါရှိတယ်လို့ မြေပြင်ကူညီရေးလုပ်ခဲ့သူတွေဆီကသိရပါတယ်။ ” သေတာက အသက် ၄ နှစ်ကလေးပါတယ်။အသက်၃၀ ကျော် မိန်းကလေးနှစ်ယောက်၊အသက် ၆၀ ကျော်နှစ်ယောက်ပါတယ်။နောက်တယောက်ကမသိရသေးဘူး။ ကလေးလေးနဲ့ ကောင်မလေးနှစ်ယောက်ဆိုရင် ကားပိနေတာ မြင်လို့တောင်မကောင်းဘူး။နောက်အသက်ကြီးနှစ်ယောက်ကကြားညပ်ပြီးသေတာ။ကားက ညာအကွေ့ကိုကွေ့တာ အရှိန်များပြီး ပြန်ထိန်းချိန် မထိန်းနိုင်ဘဲ ဘယ်ဘက်ကိုစောင်းပြီးမှောက်ကြတဲ့ပုံပါ။…

ဇွန် – ၂ ၊ ၂၀၂၅ GG (VOM) ရှေးဟောင်းယဥ်ကျေးမှုအနှစ်ဒေသ၊ညောင်ဦးမြို့နယ် ၊ပုဂံမြို့သစ်တောင်ပိုင်းရှိ ဂန့်ဂါရွာမှာ ပဋ္ဌာန်းပွဲအတွက် အစည်းဝေးလုပ်နေတဲ့ အုပ်ချုပ်ရေးမှူးပါတဲ့အဖွဲ့ သေနတ်နဲ့ ပစ်ခတ်ခံရပြီး ခုနှစ်ယောက်သေဆုံးကာ ခြောက်ယောက်ထိခိုက်ဒဏ်ရာရရှိခဲ့တယ်လို့သိရပါတယ်။ ဖြစ်စဥ်က ဇွန် ၁ ရက်နေ့ ၊ နေ့လယ် ၂ နာရီလောက်မှာ ဂန့်ဂါရွာရှိ ဓမ္မာရုံမှာ အုပ်ချုပ်ရေးမှူးအပါ ဒေသခံ ၁၅ ယောက်က (၁၉)ကြိမ်မြောက်အသံမစဲမဟာပဌာန်းပွဲကျင်းပဖို့အတွက် အစည်းအဝေးလုပ်နေချိန်မှာ PDF တွေက သေနတ်နဲ့လာရောက်ပစ်ခတ်ခဲ့တာဖြစ်ကြောင်း ဒေသခံတွေဆီကသိရပါတယ်။ ” သေနတ်ပစ်သံကတော့ စက်သေနတ်နဲ့ပစ်သွားတဲ့အသံမျိုးလို့သိရတယ်။ သေနတ်သံပဲ ကြားရတာ ဘယ်သူမှအပြင်ထွက်မကြည့်ရဲကြဘူးပေါ့။ပြီးမှသာ အခြေအနေကိုသိရတာ။ ပစ်ခတ်မှုတွေပြီးတော့ စစ်သားတွေရောက်ပြီးမကြာဘူး အကုန်သယ်သွားတယ်သိရတယ်။သေတဲ့အထဲမှာ အုပ်ချုပ်ရေးမှူးလည်းပါတယ်။ပထမ ခုနှစ်ယောက် ဆိုတာသိရတယ်။ပြီးတော့ထပ်တိုးသေတာ နှစ်ယောက်ရှိတယ်လို့သိရပေမယ့် ဘယ်သူဘယ်ဝါသေချာမသိရသေးဘူး။ခုနှစ်ယောက်ကတော့သေချာတယ်။ ” လို့ ဂန့်ဂါရွာအနီးနေထိုင်သူကပြောပါတယ်။ လက်ရှိသိရှိရတဲ့ သေဆုံးသူစာရင်းမှာ ဂန့်ဂါကျေးရွာအုပ်ချုပ်ရေးမှူး ဖြစ်သူဦးဇော်ဇော်(ခ)ဦးမြင့်ဇော် ၊…

ဇွန် ၊ ၁ ၊ ၂၀၂၅ SP (VOM) စစ်ကိုင်းတိုင်း မုံရွာမြို့ အောင်မဂ်လာရပ်ကွက်ထဲမှာ နေ့လယ် ၁၁ နာရီ၀န်းကျင်က ပြည်သူ့စစ်တပ်ဖွဲ့၀င် နှစ်ယောက် ပစ်သတ်ခံရတယ်လို့ အောင်မဂ်လာ ရပ်ကွက်နေ ဒေသခံတွေဆီက သိရပါတယ်။ ” အလယ်ရပ် ၊ ရပ်ကွက်ရုံးမှာ အခြေပြုတဲ့ ပြည်သူ့စစ် တပ်ဖွဲ့၀င် နှစ်ယောက်က မိတ်ဆက်စျေးမှာ စျေးသွား၀ယ်ရင်း လမ်းမှာ ပစ်သတ်ခံရတာပါ ၊ အရင်နှစ်တွေက သူတို့ အခြေပြုတဲ့နေရာကို ပစ်ပြေး ပြေးသွားတာ ဖြစ်ခဲ့ဖူးတယ် ” လို့ အလယ်ရပ်ကွက် အုပ်ချုပ်ရေးမှုးရုံးအဖွဲ့နဲ့ နီးစပ်သူတယောက်က ပြောပါတယ်။ မုံရွာမြို့မှာ ပြီးခဲ့တဲ့ လေးနှစ်ကျော်ကစလို့ မုံရွာမြို့ပေါ်က ရပ်ကွက်အုပ်ချုပ်ရေးမှုးရုံးတွေမှာ ပြည်သူ့စစ်အဖွဲ့နဲ့ ရဲတပ်ဖွဲ့၀င်တွေ လုံခြုံရေးတာ၀န်ချထားတယ်လို့ သိရပါတယ် ။ ဒါ့အပြင် ပြီးခဲ့တဲ့ ရက်ပိုင်းကလဲ အလုံတပ်နယ် ကျွဲ…