Day: March 2, 2020

သိမ်းဆည်းခံ လယ်မြေ ၂၉၆၅ ဧကကို တောင်သူလယ်သမားနေ့မှာ ပြန်လည်ပေးအပ် ပုသိမ်/ မတ်-၂-၂၀၂၀ ကိုအောင် (VOM) ဧရာဝတီတိုင်း ကန်ကြီးထောင့်မြို့နယ်က ဝါးဒူးကျေးရွာမှာ ကျင်းပခဲ့တဲ့ တောင်သူလယ်သမားနေ့အခမ်းအနားမှာ အရင်သိမ်းဆည်းခံထားရတဲ့ မြေယာ ၂၉၆၅ ဧကကို မူလလယ်သမားတွေကိုပြန်လည်ပေးအပ်ခဲ့ပါတယ် ။ ဧရာဝတီတိုင်း လယ်ယာမြေနဲ့အခြားမြေများ သိမ်းဆည်းခံရမူများ ပြန်လည်စိစစ် ရေးကော်မတီ အထူးအဖွဲ့ကနေဥပဒေနဲ့အညီ စစ်ဆေးပီး ဓနုဖြူ၊ မအူပင်၊ ရေကြည်နဲ့ကျောင်းကုန်းမြို့နယ်တွေက တောင်သူလယ်သမား၆၃၉ဦးရဲ့ မြေတွေကိုပြန်လည်ပေးအပ်ခဲ့တာပါ။ အစိုးရအနေနဲ့လယ်ယာမြေ သိမ်းဆည်းခံရမူတွေ အတွက် စစ်ဆေးပေးနေပြီး သိမ်းဆည်းခံရသူတွေကလည်းဥပဒေနဲ့အညီ တောင်းခံကြဖို့ ဝန်ကြီးချုပ်ကတိုက်တွန်းခဲ့ပါတယ် ” လယ်ယာမြေတွေ ကိုအထူးအဖွဲ့နဲ့စစ်ဆေးပီး တောင်သူတွေကို ပေးအပ်အုန်းမှာပါ တောင်သူတွေ ဘက်ကလဲ မြေစစ်အဖွဲ့တွေကြန့်ကြာမူမရှိအောင် သိမ်းခံရတဲ့မြေကိုအစိုးရဆီမှ ဥပဒေနဲ့အညီ သာတောင်းခံသွားကြပါလို့မှာကြားချင်ပါတယ်”လို့ ဝန်ကြီးချုပ်ဦးလှမိုးအောင်ကပြောပါတယ်။ ဧရာဝတီတိုင်းက လယ်သမားအရေးလုပ်ဆောင်သူတွေက အခုလိုပြန်ပေးတာကိုကြိုဆို ပေမယ့် မြေပြင်မှာလယ်ယာမြေအရေးတွေ ဖြစ်ပေါ်လာတဲ့အခါ အစိုးရအနေနဲ့ အရပ်ဖက်အဖွဲ့အစည်းတွေနဲ့ပူးပေါင်းဆောင်ရွက်သင့်တယ်လို့အကြံပြုပါတယ်။…

မန္တလေး မဟာမုနိ ဘုရားကြီးရဲ့ ပလ္လင်တော် အက်ကြောင်းဖြစ်ပေါ် မန္တလေး မတ် ၂-၂၀၂၀ ရှိုင်းအောင် (VOM) မန္တလေးမြို့၊ မဟာမုနိဘုရားကြီးရဲ့ ပလ္လင်တော်ဟာ ၂၀၁၉ ခုနှစ် ဒီဇင်ဘာလလောက်မှာ အက်ကြောင်းတွေဖြစ်ပေါ်ပြီး မှန်စီရွှေချထားတာတချို့ ကွာကျခဲ့ပါတယ်။ ဒီလိုပလ္လင်တော်ကွဲအက်တဲ့ အကြောင်းကို မဟာမုနိဘုရားကြီး ဂေါပကအဖွဲ့ ဥက္ကဋ္ဌ ဦးစိုးလင်း ပြောပြတာက “ အဲ့ဒီ အက်ကြောင်းတွေ စစတွေ့ချင်းပဲ ဆရာတော်တွေရဲ့ သြဝါဒကိုခံယူတော့ ဒီဟာနဲ့ပါတ်သက်ပြီး ကောင်းအောင်ဆောင်ရွက်ဖို့ ဆရာတော်တွေက သြဝါဒ ပေးပါတယ်။ ဒီသြဝါဒကို ရတယ်ဆိုတဲ့ အကြောင်းကို မန္တလေးတိုင်းဒေသကြီး အစိုးရအဖွဲ့ ဝန်ကြီးချုပ်ဆီကို အကြောင်းကြားတော့ ဒါကို ဆက်လက်ဆောင်ရွက်ပါဆိုတဲ့ စာ ရပါတယ်” လို့ ဦးစိုးလင်းက ပြောပါတယ်။ ဒီလိုဖြစ်တာကြောင့် မန္တလေးတိုင်း အင်ဂျင်နီယာအသင်း၊ မြန်မာမှုဗိသုကာပညာရှင် တမ္ပဝတီ ဦးဝင်းမောင်၊သာသနာရေး ဝန်ကြီးဌာန၊ ရှေးဟောင်းသုတေသန၊ မြန်မာနိုင်ငံ…

ဒီရက်ပိုင်း မြောက်ဦးတိုက်ပွဲတွေမှာ အရပ်သား ၉ ဦးထက်မနည်း သေဆုံး မြောက်ဦး၊ မတ် ၂- ၂၀၂၀ ခိုင်လင်းစံ (VOM) ရခိုင်ပြည်နယ် မြောက်ဦးမြို့နယ်မှာ ခုရက်ပိုင်းအတွင်း တပ်မတော်နဲ့ အေအေတို့ တိုက်ပွဲဖြစ်ပွားပြီးနောက် အရပ်သားထိခိုက်သေဆုံး ဒဏ်ရာရရှိမှုတွေ စံချိန်တင်မြင့်တက်နေပါတယ်။ မြောက်ဦးမြို့နယ်၊ ရန်ကုန်- စစ်တွေ ကားလမ်းမဘေး ဆွမ်းတောင်တံတားအောက် မြောင်ဘေးနားမှာ လူသေလောင်း ၃ လောင်းတွေရှိကာ၊ မနေ့ မတ်လ ၁ ရက်နေ့က ရွှေလံကျေးရွာက ၁ လောင်းတွေရှိကြောင်းသိရ ကျေးရွာအုပ်ချုပ်ရေးမှူးတွေကပြောပါတယ်။ ယနေ့တွေရှိတဲ့ လူသေလောင်း ၃ လောင်းမှာ ဘုတလုံးကျေးရွာက ၁ လောင်းနဲ့ လက်သန်းချေ ကျေးရွာက ၁ ဦး၊ ကျွဲတဲရွာက ၁ ဦးတို့ဖြစ်ကြောင်း သိရပါတယ်။ ” တံတားဘယ်ဖက် မြောင်းဘွေဖက်သို့ လမ်းမဘေးက မြောင်မှာမြုပ်ပစ်ခဲ့တယ်။ အဲအလောင်း ၃…

အမည်မသိဒုံးပျံတွေ မြောက်ကိုရီးယားစပ်သပ်ပစ်ခတ်နေ ဆိုးလ်၊ မတ်-၂-၂၀၂၀ မျိုးဆက် (VOM) မြောက်ကိုရီးယားဟာ အရှေ့ကမ်းရိုတန်းကနေ ပင်လယ်အတွင်းသို့ အမည်မသိဒုံးပျံနှစ်စင်းကို မတ် ၂ ရက်နေ့မှာပင်လယ်ပြင်အတွင်း ပစ်ခတ်ခဲ့တယ်လို့ တောင်ကိုရီးယား ကာကွယ်ရေးဝန်ကြီးဌာနက ပြောပါတယ်။ အဲဒီဒုံးပျံတွေကို မြောက်ကိုရီးယားရဲ့ တာတိုပစ်ဒုံးပျုံတွေ ဆက်တိုက်ဆိုသလို စမ်းသပ်ပစ်ခတ်ခဲ့တဲ့ ဝန်ဆန်မြို့ရဲ့အရှေ့ဘက်ကမ်းရိုးတန်းကနေ ပစ်ခတ်ခဲ့တာဖြစ်ပါတယ်။ မြောက်ကိုရီးယားက ပစ်ခတ်ခဲ့တဲ့ ဒုံးပျံတွေနဲ့ပတ်သက်ပြီး တောင်ကိုရီးယား ကာကွယ်ရေးဝန်ကြီးဌာနက အသေးစိတ်ထုတ်ပြန်ခြင်းမရှိပေမယ့် နောက်ထပ်ပစ်ခတ်မှုတွေရှိနိုင်ခြေနဲ့ပတ်သက်ပြီး မျက်ခြေမပြတ်စောင့်ကြည့်နေတယ်လို့ ဆိုပါတယ်။ လက်ရှိအချိန်ထိ အမေရိကန်နဲ့ မြောက်ကိုရီးယားတို့အကြား နျူကလီးယားဆွေးနွေးပွဲတွေဟာ ရှေ့မတိုးနောက်မဆုတ်အခြေအနေရှိနေပြီး မြောက်ကိုရီးယားအပေါ်ချဉ်းကပ်တဲ့ အမေရိကန်ရဲ့ ရန်လိုတဲ့ မူဝါဒကို ပြောင်းလဲဖို့ ကင်ဂျုံအန်က တောင်းဆိုထားပါတယ်။ မြောက်ကိုရီးယားခေါင်းဆောင် ကင်ဂျုံအန်ဟာ စစ်ရေးလေ့ကျင့်မှုတစ်ခုကို ဖေဖော်ဝါရီ ၂၈ ရက်က ကြီးကြပ်ခဲ့ပြီး ဒါဟာ နိုင်ငံအတွင်း ကိုရိုနာဗိုင်းရပ်စ် ကူးစက်မှုကိုတားဆီးဖို့အားထုတ်လုပ်ဆောင်နေချိန်အတွင်း ရှားရှားပါးပါး လူမြင်ကွင်းသို့ ထွက်ပေါ်လာတာဖြစ်ပါတယ်။ Ref…

ကျောက်တန်းရွာမှာ စစ်ဘေးရှောင်တွေရဲ့နေအိမ်တချို့ မီးလောင်မှုဖြစ်ပွား ရသေ့တောင်၊ မတ် ၂- ၂၀၂၀ ခိုင်လင်းစံ(VOM) ရခိုင်ပြည်နယ်၊ ရသေ့တောင်မြို့နယ်၊ ကျောက်တန်းရွာမှာ မနေ့ မတ်လ ၁ ရက်နေ့ ညနေပိုင်းလောက်က ပစ်ခတ်မှုတွေဖြစ်ပွားပြီး တပ်မတော်ဖက်က ရဟတ်ယာဉ်နဲ့ လက်နက်ကြီးပစ်ခတ်မှုတွေကြောင့် ကျေးရွာတွင်း စစ်ဘေးရှောင်တွေရဲ့ နေအိမ်တချို့မီးလောင်ပျက်စီးသွားတယ်လို့ အနီအနားပတ်ဝန်းကျင်ရှိ ဒေသခံတွေကပြောပါတယ်။ ” မနေ့ညနေပိုင်းလောက်က ဖြစ်တာ။ မီးလောင်တာမှာ အိမ် ၁၀ ကျော်လောက်ပါသွားတယ်လို့ ကြားတယ်။ လက်နက်ကြီးရော၊ လေယာဉ်နဲ့ပါ ကျောက်တန်းရွာထဲကို ပစ်တယ်။ တိုက်ပွဲလည်းမဖြစ်ဘူး အဲမှာက ဘာတိုက်ပွဲမှမရှိဘဲ ပစ်ခဲ့တာ။ ညနေပိုင်းလောက်ကပေါ့။” လို့ ရသေ့တောင်မြို့နယ် ရွာသစ်ကေကျေးရွာက အမည်မဖော်လိုတဲ့ ဒေသခံတစ်ဦးက ပြောပါတယ်။ ရခိုင်ပြည်နယ်၊ ရသေ့တောင်မြို့နယ်မှာ တပ်မတော်နဲ့ အေအေတို့ရဲ့တိုက်ပွဲတွေဟာ ယခုရက်ပိုင်းအတွင်း ကြိုကြားကြိုကြား ဖြစ်ပွားနေပြီး ရဟတ်ယာဉ်နဲ့ လက်နက်ကြီးပစ်ခတ်မှုတွေ နေ့စဉ်ရက်ဆက်ဆိုသလို ဖြစ်ပွားနေပါတယ်။ ”…