ပါတီမိတ်ဆက်(မြိုတိုင်းရင်းသားပါတီ-M.N.P.) မန္တလေး၊စက်တင်ဘာ၁၉-၂၀၂၀ လဲ့လဲ့ဝင်း(VOM) လာမယ့်၂၀၂၀နိုဝင်ဘာလ၈ရက်နေ့ရွေးကောက်ပွဲမှာဝင်ပြိုင်မယ့် မြိုတိုင်းရင်းသားပါတီအတွင်းရေးမှူးဦးမင်းအောင်ကိုVOMသတင်းထောက်လဲ့လဲ့ဝင်းကမေးမြန်းထားတာဖြစ်ပါတယ်။ VOM – ပါတီအနေနဲ့ဝင်ပြိုင်မယ့်လွှတ်တော်ကိုယ်စားလှယ်ဘယ်လောက်အရေအတွက်ရွေးကောက်ပွဲကော်မရှင်ကိုတင်ထားလဲ။ ဦးမင်းအောင်-ကျနော်တို့ပါတီကရခိုင်ပြည်နယ်မှာစည်းလုံးတဲ့ပါတီဆိုပြီး မူဝါဒမှာထုတ်ပြန်ထားတဲ့အတွက်ကျနော်တို့ပါတီကတော့၃ယောက်တည်းပဲ ပြိုင်တဲ့ကိုယ်စားလှယ်ကိုတင်ထားပါတယ်။ VOM – ပါတီရဲ့ကတိကဝတ်ကဘာတွေဖြစ်မလဲ။ ဦးမင်းအောင်-မောင်တောမှာတော့ကျွန်တော်နိုင်ချေရှိတဲ့အတွက်နိုင်အောင်ကျိုးစားသွားမယ်ဖြစ်တဲ့အတွက်လုပ်ဆောင်သွားပါမယ်။ VOM- အာဏာရပါတီ၊ပြည်ခိုင်ဖြိုးစတဲ့ပါတီကြီးတွေကိုဘယ်လိုအင်အားတွေနဲ့ယှဉ်ပြိုင်သွားမလဲ။ ဦးမင်းအောင်-ဒီပါတီအရနဲ့ဆိုတော့ကျနော်တို့ဒီမောင်တောမြောက်ပိုင်းမှာကျနော်တို့ရဲ့လူမျိုးတွေကအများစုဖြစ်တယ်။ဒါကြောင့် ကျနော်တို့ကကိုယ့်လူမျိုးကိုကိုယ်ကအကုန်လုံးပိုင်နိုင်မယ်ဆိုတဲ့သဘောထားနဲ့ ကျနော်တို့ကရနိုင်ချေရှိတဲ့အတွက်ကျနော်တို့ကအဲ့လိုသဘောထားနဲ့ကျနော်တို့ပြိုင်တော့မှာဖြစ်တယ်။ VOM-၂၀၁၅မှာဘယ်နှနေရာနိုင်ခဲ့လဲ။ ဦးမင်းအောင်-အဲ့ဒီတုန်းကကျနော်တို့လူနည်းစုတွေကထိတွေ့မှုနည်းတယ်၊အတွေ့ကြုံနည်းတယ်ဆိုတော့အတွေ့ကြုံမရှိတဲ့အတွက်အဲ့ဒီတုန်းကကျနော်တို့ဆုံးရှုံးခဲ့ရတယ်။တောင်ပေါ်ဒေသကဆိုတဲ့အတွက်မဲပေးပုံစနစ် နားမလည်တာတစ်ပိုင်း၊ အဲ့ဒီမှာဝေးလံခေါင်ခိုက်တဲ့နေရာမှာမဲရုံအလှမ်းဝေးတဲ့နေရာမှာဆိုတဲ့အခါမှာမလာနိုင်တဲ့လူကတစ်ပိုင်း၊ ကြိုတင်မဲနဲ့အဆင်မပြေလို့ တမျိုး၊ ပြီးတော့အင်အားကြီးပါတီကျနော်တို့ကိုအကြောင်းအမျိုးမျိုးနဲ့နိပ်ကွပ်လုပ်ဆောင်သွားတာကြောင့် ကျနော်တို့နစ်နာသွားတယ်။ VOM- ပါတီကိုယ်စားလှယ်လောင်းကိုဘယ်လိုရွေးတာလဲ။ ဦးမင်းအောင်-အမျိုးသားကိုယ်စားပြုဆိုတော့ကိုယ့်မြို့နယ်(ရခိုင်ပြည်နယ်)၄မြို့နယ်မှာကျနော်တို့ကဗမာအစည်းအဝေးလုပ်ပြုကဗဟိုရုံးကိုဘယ်သူကသင့်တော်၊ဘယ်သူကမသင့်တော်၊ဘယ်သူကအရည်ချင်းရှိမရှိ။ ကိုယ့်လူမျိုးအတွက် အမှန်တယ်ကယ် စေတနာရှိတဲ့လူကိုကျနော်တို့ကအဓိကဦးစားပေးတာ။သည်လိုဘဲရွေးချယ်သွားပါတယ်။ VOM- ပါတီဝင်အင်အားဘယ်လောက်ရှိပါသလဲ။ ဦးမင်းအောင်-ရခိုင်ပြည်နယ်မှာကျနော်တို့က၂သောင်းကျော်ရှိပါတယ်။ VOM -ပါတီရဲ့ဆောင်ပုဒ်တွေကဘာတွေလဲ။ ဦးမင်းအောင်-ရခိုင်ပြည်နယ်မှာလူနည်းဆုံးအနေနဲ့တစ်ဖက်တစ်လမ်းကနေ ကိုယ့်ညီအကိုအချင်းချင်းရန်ဖြစ်တဲ့ ရခိုင်မျိုးလူစုနဲ့ပူးပေါင်းပြီးတော့ကိုယ့်အားနည်းချက်၊အားသာချက်တို့ကိုကျနော်တို့ကပူးပေါင်းဆောင်ရွက်သွားမယ်။ #voiceofmyanmar #VOM #ပါတီမိတ်ဆက် #မြိုတိုင်းရင်းသားပါတီ zawgyi ပါတီမိတ္ဆက္ (ၿမိဳတိုင္းရင္းသားပါတီ-M.N.P.)…
Read More
