Day: August 20, 2021

ဩဂုတ် ၂၀၊ ၂၀၂၁ Shy V (VOM)   ကြူကုတ် (ပန်ဆိုင်း)မြို့ထဲမှာ ဒီကနေ့နေ့လယ်ပိုင်းက ၁၅မိနစ်ခန့် တိုက်ပွဲဖြစ်ပွားပြီး ဘုရားကျောင်းထဲ လက်နက်ကြီး ကျည်ကျ‌ရောက်ထိမှန်ခဲ့တယ်လို့ ဒေသ ခံတွေက ပြောပါတယ်။   ” ကြူကုတ် (ပန်ဆိုင်း)မြို့ သင်္ချိုင်းကုန်းဘက်နဲ့ ရဲစခန်းတို့မှာဖြစ်တာ၊ ဘုရားကျောင်းက ရဲစခန်းနဲ့ နီးတာကြောင့် လက်နက်ကြီး ကျည်ကျတယ်၊ ဘုရားကျောင်းထဲက သစ်ပင်၊ ရေစင်၊ ရုံးခန်း ပြတင်းပေါက်နဲ့ ဘုရားကျောင်းဆောင် နံရံတွေ ထိမှန် ပျက်စီးခဲ့တယ်”လို့ ဒေသခံတစ်ဦးက ပြောပါတယ်။   ဒါ့အပြင် မြို့ခံတစ်ဦးကလည်း ” လက်ရှိ အခြေအနေတင်းမာနေတာကြောင့် မြို့ထဲက ပြည်သူတွေ စိုးရိမ်နေကြတယ်၊ ရှောင်ရမယ်ပြောနေတယ်။ ရှောင်ရမလား။ မရှောင်ပဲ နေမလား။ မသိဘူး။ ဇဝေဇဝါ ဖြစ်နေတယ်။ လေယလောဆယ်တော့ အရေးကြီးတဲ့ပစ္စည်းတွေ သိမ်းနေတယ်” လို့…

ပြင်ဦးလွင် ၊ဩဂုတ် ၂၀၊၂၀၂၁ နေလင်း(VOM)   မန္တလေးတိုင်း၊ ပြင်ဦးလွင်မြို့ မဟာအံ့ထူးကံသာဘုရားကြီးအနီးက ပရဟိတမျက်မမြင်ပညာသင်ကျောင်းက ကျောင်းတွင်းနေထိုင်သူတွေကို ကိုဗစ်-၁၉ရောဂါပိုးစစ်ဆေးခဲ့ရာ ရောဂါပိုးတွေ့ရှိသူ(၆၂)ဦးရှိကြောင်း စစ်ဆေးတဲ့အဖွဲ့ဆီက သိရပါတယ်။   “ပထမဦးဆုံးသံသယလူနာတစ်ဦးကို စစ်ဆေးတော့ ရောဂါပိုးတွေ့ရှိပါတယ်၊ဘသူ့ကိုတော့မန္တလေးကိုလွဲပြောင်းကုသစေခဲ့တာပါ ။ ကျောင်းအတွင်းနေထိုင်တဲ့ တာဝန်ရှိသူတွေ၊ ကျောင်းသား/သူ စုစုပေါင်း(၁၁၈)ဦးကို စစ်ဆေးတော့ (၆၂)ဦးမှာ ရောဂါပိုးတွေရှိခဲ့တာပါ” လို့ Quarantine Center”တာဝန်ခံ ကိုကျော်ကျော်လင်းကပြောပြပါတယ်။   ရောဂါပိုးတွေရှိသူတွေကို ကျောင်းအတွင်းက ဓမ္မာရုံမှာ (ကျား/မ) သီခြားခွဲထားပြီး ပိုးမရှိသူတွေကို သီးခြားကန့်သတ် နေထိုင်နိုင်ဖို့ စီစဉ်ပေးထားကြောင်း သိရပါတယ်။   ရောဂါပိုးတွေ့ရှိသူတွေက မျက်မမြင်တွေဖြစ်နေတော့ သက်ဆိုင်ရာ”Quarantine Center”ကိုခေါ်မယ်ဆိုရင် သူတို့အတွက်အဆင်မပြေမှုတွေဖြစ်စေနိုင်တာကြောင့် ခုလိုကျောင်းတွင်းမှာပဲ စီစဉ်ထားရှိတာဖြစ်ကြောင်း” စင်တာတာဝန်ခံက ပြောပါတယ်။   လက်ရှိအချိန်မှာ လိုအပ်‌တဲ့ ဆေးဝါး၊ကျမ်းမာရေးသုံးပစ္စည်းတွေကို ပို့ဆောင်လှုဒါန်းလျှက်ရှိပြီး” isolation ward (5 )”က…

ဩဂုတ် ၂၀၊ ၂၀၂၁ Shy V (VOM)   မြန်မာနဲ့ တရုတ် ကုန်သွယ်ရာမှာ အရေးပါတဲ့ တံတားဖြစ်တဲ့ တရုတ်ဘက်က ရွှေလီ-ဝမ်တိန်တံတားကို ဩဂုတ်လ ၁၈ ရက်နေ့က ဖွင့်လိုက်တာဖြစ်ပေမယ့် ဒီကနေ့ မနက်ပိုင်းကစပြီး ပြန်ပိတ်လိုက်တယ်လို့ ဝမ်တိန်ဘက်ရောက် မြန်မာနိုင်ငံသားတွေက ပြောပါတယ်။   လက်ရှိမှာတော့ ဝမ်တိန်ကနေ ရွှေလီဘက် ပေးမသွားသေးသလို ရွှေလီဘက်ကနေ ဝမ်တိန်ဘက်ကို မဝင်ခိုင်းဘဲ ပြန်လှည့်ခိုင်းတဲ့ကားတွေနဲ့ တန်းစီပိတ်နေတဲ့ ကားတွေရော ရှိနေတယ်လို့ သိရပါတယ်။   ” တံတားနားမှာ လာရောက် စောင့်ကြည့်နေဆဲ၊ ဘာမှ ထူးထူးခြားခြား မသိရသေးဘူး၊ ကျွန်တော်တို့လည်း အတိအကျ မေးလို့ မရဘူး။ ဘာမှ မသိရဘူး။ လောလောဆယ် ကျန်းမာရေးကဒ် စစ်တယ်။ တချို့တွေက ပေးသွားတယ်။ တချို့က ပြန်လှည့်ခိုင်းတယ်။ ဒီလောက်ပဲ မြင်ရသေးတာလေ။…

ဩဂုတ် ၂၀၊ ၂၀၂၁ Shy V (VOM)   တရုတ်နိုင်ငံ ရွှေလီမြို့မှာရောက်နေတဲ့ မြန်မာနိုင်ငံသားတွေဟာ မြန်မာဘက်ကိုပြန်လာဖို့ အခက်ကြုံနေရတယ်လို့ မြန်မာရွှေ့ပြောင်းလုပ်သားတွေနဲ့ လူမှုကူညီရေး အသင်းတွေဆီက သိရပါတယ်။   ” ဇူလိုင်လ ၂၀ ရက်နေ့ ကတည်းက စာရင်းသွင်းထားပြီး ဩဂုတ်လ ၁၉ ရက်နေ့အထိတောင် မပြန်ရသေးဘူး။ လာလည်းမခေါ်ဘူး။ အိမ်ရှင်လည်း ဘာမှမပြောဘူး ဒုက္ခပဲ။ ရဲစခန်းကိုသွားပြောပြန်တော့ နေပါဦးတဲ့။ မတတ်နိုင်တော့ဘူးတဲ့။ ဘယ်မှာနေပြီး ဘာကိုစားရမှာလဲ။အလုပ်လည်းမဖြစ်ဘူး”လို့ မြန်မာရွှေ့ပြောင်း အလုပ်သမားတစ်ဦးက ပြောပါတယ်။   မြန်မာဘက်ကိုပြန်လာဖို့ ရဲစခန်းမှာ သွားရောက်စာရင်းသွင်းဖို့ တရုတ်ဘက်က အသိပေးကြေညာထားပေမယ့် အကူအညီတောင်းတဲ့အခါ ရဲစခန်းဘက်က သူတို့နဲ့ မသက်ဆိုင်ကြောင်း၊ လာရောက်တန်းစီနေတဲ့ လုပ်သားတွေကို တရုတ်ရဲတွေအနေနဲ့ လူစုခွဲ မောင်းထုတ်၊ အထုပ်အပိုးတွေ လွှင့်ပစ်၊ ဗီဒီယိုရိုက်ယူနေတဲ့သူကို ရိုက်နှက်ကာ ဖုန်းတွေကိုလည်း ရိုက်ခွဲပစ်တာ‌တွေရှိနေတာပါတယ်။…

သြဂုတ် ၊ ၂၀ ၊ ၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း ၊ စစ်ကိုင်းခရိုင် ၊ မြောင်မြို့နယ်ထဲက ရပ်ကျေး အုပ်ချုပ်ရေးမှူး တာဝန်ထမ်းဆောင်နေတဲ့ အုပ်ချုပ်ရေးမှူးမိသားစုတွေဟာ အသက်ဘေး အန္တရာယ် စိုးရိမ်ရတဲ့အတွက် လက်ငုတ် လက်ရင်း လုပ်ငန်းတွေကို ပစ်ထားခဲ့ပြီး နေရပ်စွန့်ခွာ တိမ်းရှောင်နေရတယ်လို့ ကာယကံရှင်တွေ ကိုယ်တိုင်ပြောပြချက်အရ သိရပါတယ်။   ” ဧပြီလကုန် မေလဆန်းက စလို့ မိသားစု အသက်အန္တရာယ်နဲ့ ပတ်သက်ပြီး ခြိမ်းခြောက်ခံလာရတယ် ၊ အိမ်ရှေ့မှာ စာလာကပ်တာ ၊ ခဲပေါက်တာ ၊ ဆိုင်ကယ်ဘီးပေါက်အောင် အိမ်ရှေ့ခြံပေါက်မှာ ဆူးသံတွေ ထောင်တာ ၊ မစင်ထုပ်ကို အိမ်ဝန်းထဲ လာပစ်တာနဲ့ ယာခင်းတောက စိုက်ပျိုးသီးနှံနဲ့ လယ်ယာသုံး ပစ္စည်းတွေ ဖျက်စီးတာ ၊ ဒုက္ခအမျိုးမျိုးခံရတယ် ၊…