Day: January 3, 2023

မက္ကဆီကိုစီတီး၊ ဇန်နဝါရီ-၃-၂၀၂၂ မျိုးဆက်(VOM) မက္ကဆီကိုနိုင်ငံမြောက်ပိုင်းရှိ အကျည်ထောင်တစ်ခုကို မူးယစ်ဆေးဝါးဂိုဏ်းတခုမှ ဂိုဏ်းသားတွေ တိုက်ခိုက်မှုဖြစ်ပွားပြီးနောက် ဒါဇင်နဲ့ချီတဲ့အကျဉ်းသားတွေ လွတ်မြောက်သွားကြောင်း တာ၀န်ရှိသူတွေက ပြောပါတယ်။ ချီဟွာဟွာပြည်နယ် အကျဉ်းထောင်အပြင်ဘက်ကို လက်နက်ကိုင်သေနတ်သမားတွေဟာ သံချပ်ကာကားတွေနဲ့ရောက်ရှိလာပြီးနောက် အကျဉ်းထောင်၀န်ထမ်းတွေကို စတင်ပစ်ခတ်ခဲ့ကြောင်း အာဏာပိုင်တွေကပြောပါတယ်။ နယ်စပ်မြို့ဖြစ်သော ချီဒက်ဂွာရက်ဇ်မှာ ဖြစ်ပွားခဲ့တဲ့ အဆိုပါတိုက်ခိုက်မှုအတွင်း အကျဉ်းသားလေးဦး အပါအ၀င် လူ ၁၀ ဦးသေဆုံးသွားပြီး အကျဉ်းသား ၂၄ ဦးထွက်ပြေးလွတ်မြောက်သွားကြောင်း ရဲတပ်ဖွဲ့ကပြောပါတယ်။ သေနတ်သမားအများစုဟာ အနက်ရောက်၀တ်ဆင်ထားပြီး လုံခြုံရေးတပ်ဖွဲ့၀င်တွေထက် လက်နက်အင်အား သာလွန်ကောင်းမွန်ကာ ဖြတ်သွားတဲ့ ယာဉ်မှန်သမျှကို ပစ်ခတ်ခဲ့ကြောင်း မျက်မြင်သက်သေတဦးက ပြောပါတယ်။ အဲဒီနယ်စပ်မြို့မှာ ဆီနာလိုအာနဲ့ဂွါရက်ဇ် မူးယစ်ဂိုဏ်းတို့အကြား နှစ်ပေါင်းများစွာ ဆိုးရွားတဲ့ ထိပ်တိုက်ပဋိပက္ခများဖြစ်ပွားခဲ့ပြီး လွန်ခဲ့တဲ့ ဆယ်စုနှစ်အတွင်း လူထောင်ပေါင်းများစွာ သေဆုံးခဲ့ပါတယ်။ Ref: BBC Photo:Reuters #voiceofmyanmar #VOM #မက္ကဆီကိုစီးတီး

ပြုံးယမ်း၊ ဇန်နဝါရီ-၃-၂၀၂၃ မျိုးဆက်(VOM) မြောက်ကိုရီးယားစစ်တပ်ရဲ့ ဒုတိယထိပ်တန်းခေါင်ဆောင်ဖြစ်သူကို ကင်ဂျုံအန်က ရာထူးကနေ ထုတ်ပယ်လိုက်ကြောင်း နိုင်ငံပိုင်သတင်းဌာနက ဖော်ပြထားပါတယ်။ အာဏာရအလုပ်သမားပါတီရဲ့ ဗဟိုစစ်ကော်မရှင် ဒုတိယဥက္ကဌနဲ့ ပါတီဗဟိုကော်မတီအတွင်းရေးမှူးတဦးဖြစ်သူ ပါ့ခ်ကို ပြီးခဲ့တဲ့သီတင်းပတ်အတွင်းက ပြုလုပ်တဲ့ နှစ်ပတ်လည်ကော်မတီအစည်းအဝေးမှာ ရီယောင်ဂီနဲ့ အစားထိုးခဲ့တယ်လို့ ကေစီအင်န်အေ သတင်းဌာနက ဖော်ပြထားပါတယ်။ အခုလို အစားထိုးခန့်အပ်လိုက်တာနဲ့ပတ်သက်ပြီး အကြောင်းပြချက်တစုံတရာ ဖော်ပြခြင်းမရှိပါဘူး။ မြောက်ကိုရီးယားဟာ ခေါင်းဆောင်မှုပိုင်းနဲ့ပတ်သက်ပြီး အပြောင်းအလဲတွေပြုလုပ်လေ့ရှိပြီး နှစ်ကုန်မှာ လုပ်လေ့ရှိတဲ့ အစည်းအဝေးတွေမှာ အဓိကမူဝါဒတွေနဲ့ ဆုံးဖြတ်ချက်တွေကို ကြေညာလေ့ရှိပါတယ်။ ကင်ဂျုံအန်ဦးဆောင်တဲ့ ပါတီရဲ့ဗဟိုစစ်ကော်မရှင်ဟာ ကာကွယ်ရေး၀န်ကြီးဌာနရဲ့ အထက်မှာရှိပြီး မြောက်ကိုရီးယားရဲ့ သြဇာအာဏာအရှိဆုံး စစ်ဘက်ဆိုင်ရာဆုံးဖြတ်ချက်ချတဲ့အဖွဲ့ဖြစ်ပါတယ်။ ၂၀၂၃ ခုနှစ်ကာကွယ်ရေးမဟာဗျူဟာအတွက် အဓိကသော့ချက်အဖြစ် တိုက်ချင်းပစ်ဒုံးကျည်တွေနဲ့ စွမ်းအားကြီး နျူကလီးယားလက်နက်တွေ ထုတ်လုပ်ဖို့ ကင်ဂျုံအန်က ညွှန်ကြားပြီးနောက်မှာ စစ်တပ်ထိပ်တန်းခေါင်းဆောင်တဦးကို ရာထူးကနေ ထုတ်ပယ်လိုက်တာဖြစ်ပါတယ်။ Ref:Reuters Photo:Reuters #voiceofmyanmar #VOM #ပြုံးယမ်း

ကိဗ်ယက်၊ ဇန်နဝါရီ-၃-၂၀၂၃ မျိုးဆက်(VOM) ရုရှားသိမ်းပိုက်ထားတဲ့ ယူကရိန်းနိုင်ငံ ဒွန်နက်ဒေသမှာ ဒုံးကျည်နဲ့တိုက်ခိုက်မှုကြောင့် ရုရှားတပ်ဖွဲ့၀င် ၄၀၀ သေဆုံးခဲ့တယ်လို့ ယူကရိန်းစစ်တပ်က ပြောပါတယ်။ ဒါပေမယ့် ရုရှားဘက်ကတော့ တပ်ဖွဲ့၀င် ၆၃ ဦးသာသေဆုံးခဲ့တယ်လို့ ထုတ်ပြန်ထားပြီး အဲဒီနေရာကို သွားလာခွင့် ကန့်သတ်ထားပြီး သူ့ရဲ့တပ်ဖွဲ့၀င်တွေ သေဆုံးမှုကို ရုရှားဘက်က ရှားရှားပါးပါး ထုတ်ဖော်ပြောဆိုတာဖြစ်ပါတယ်။ နှစ်သစ်ကူးနေ့မှာ ရုရှားတပ်တွေ တပ်စွဲထားတဲ့ ဒွန်နက်ဒေသ မာခိဗ်ကာမြို့က အဆောက်အအုံကို ယူကရိန်းက တိုက်ခိုက်ခဲ့တာဖြစ်ပြီး ရုရှားတွေ အသေအပျောက်အများဆုံး တိုက်ခိုကမှုလည်းဖြစ်ပါတယ်။ ယူကရိန်းဟာ အမေရိကန်လုပ် ဟားမာစ်ဒုံးကျည်စနစ်ကိုအသုံးပြုပြီး ဒုံးကျည်ခြောက်စင်းနဲ့ ရုရှားတပ်တွေရှိရာကို ပစ်ခတ်ခဲ့တာဖြစ်ပြီး ဒုံးကျည်နှစ်စင်းကိုတော့ ကြားဖြတ်ပစ်ချနိုင်ခဲ့တယ်လို့ ရုရှားကာကွယ်ရေး၀န်ကြီးဌာနက ထုတ်ပြန်ပါတယ်။ မာခိဗ်ကာမြို့ကို ယူကရိန်းကတိုက်ခိုက်ပြီး နာရီပိုင်းအကြာမှာတော့ ရုရှားကလည်း ယူကရိန်းမြို့တော် ကိဗ်ယက်ရှိ အရေးပါတဲ့ အခြေခံအဆောက်အအုံတွေကို မောင်းသူမဲ့လေယာဉ်၊ ဒုံးကျည်တွေနဲ့ တိုက်ခိုက်ခဲ့တယ်လို့ ယူကရိန်းတာ၀န်ရှိသူတွေက ပြောပါတယ်။…