Day: July 10, 2023

ဆိုးလ်၊ ဇူလိုင်-၈-၂၀၂၃ မျိုးဆက်(VOM) နိုင်ငံတကာအဏုမြူစွမ်းအင်အေဂျင်စီ(အိုင်အေအီးအေ) အကြီးအကဲ ဂရော့ဆီဟာ ဇူလိုင် ၇ ရက်မှာ တောင်ကိုရီးယားနိုင်ငံသို့ ရောက်ရှိနေပါတယ်။ ပျက်စီးသွားတဲ့ ဂျပန်နိုင်ငံဖူကူရှီးမား နျူကလီးယားဓါတ်အားပေးစက်ရုံမှ ရေတွေကို ပင်လယ်ထဲစွန့်ထုတ်မယ့် အစီအစဉ်ကို အိုင်အေအီးအေက အတည်ပြုပေးခဲ့တဲ့ ဆုံးဖြတ်ချက်အပေါ် ကန့်ကွက်နေအနေနဲ့ တောင်ကိုရီးယားပြည်သူတွေက ဂရော့ဆီကို ဆန္ဒပြခဲ့ကြပါတယ်။ သူဟာ ဂျပန်နိုင်ငံမှတဆင့် တောင်ကိုရီးယားကို ရောက်ရှိလာခြင်းဖြစ်ပြီး နျူကလီးယားဓါတ်အားပေး စက်ရုံမှ သန့်စင်ပြီးရေဆိုးများစွန့်ထုတ်မယ့် လုပ်ငန်းစဉ်ဟာ နိုင်ငံတကာစံနှုန်းတွေနဲ့ ကိုက်ညီကြောင်း တောင်ကိုရီးယားတာ၀န်ရှိသူတွေကို အသိပေးမှာဖြစ်ပါတယ်။ ဆန္ဒပြသူတွေဟာ ဂရော့ဆီလေဆိပ်ကနေထွက်ဖို့ စောင့်ဆိုင်းနေစဉ် ဆန္ဒပြကန့်ကွက်မှုတွေပြုလုပ်ခဲ့ပြီး အိုင်အေအီးအေရဲ့ ဆုံးဖြတ်ချက်အစီအရင်ခံစာကို ဖျက်သိမ်းဖို့ တောင်းဆိုခဲ့ကြပါတယ်။ နိုင်ငံတကာအဏုမြူစွမ်းအင်အေဂျင်စီအကြီးအကဲ ဂရော့ဆီဟာ နိုင်ငံခြားရေး၀န်ကြီး ပါ့ခ်ဂျင်အပါအ၀င် အခြားသော တောင်ကိုရီးယားတာ၀န်ရှိသူတွေနဲ့ သုံးရက်ကြာတွေ့ဆုံဖို့ စီစဉ်ထားပါတယ်။ Ref: NHK Photo:Yonhap #voiceofmyanmar #VOM #ဆိုးလ်

၀ါရှင်တန်၊ ဇူလိုင်-၈-၂၀၂၃ မျိုးဆက်(VOM) အရပ်သားတွေ စံချိန်တင်သေဆုံးမှုဖြစ်ပွားခဲ့တဲ့ မှတ်တမ်းတွေရှိခဲ့ဖူးတဲ့ ဖျက်အားပြင်း ကလပ်စတာဗုံးတွေ ထောက်ပံ့ပေးဖို့ ဆုံးဖြတ်ချက်ဟာ အလွန်ခက်ခဲခဲ့ကြောင်း အမေရိကန်သမ္မတဂျိုးဘိုင်ဒင်က ပြောပါတယ်။ အခုလိုက် ထောက်ပံ့ပေးဖို့အတွက် အချိန်ယူဆုံးဖြတ်ခဲ့ရပြီး ယူကရိန်းနိုင်ငံသားတွေ ခဲယမ်းမီးကျောက်ကုန်သွားပြီး တယ်လို့ ဂျိုးဘိုင်ဒင်က ပြောပါတယ်။ အဲဒီကလပ်စတာဗုံးတွေကို နိုင်ငံပေါင်း ၁၂၀ ကျော်က တားမြစ်ပိတ်ပင်ထားပေမယ့် ယူကရိန်းစစ်ပွဲအတွင်း ရုရှားနဲ့ ယူကရိန်း နှစ်နိုင်ငံစလုံးက အသုံးပြုနေကြပါတယ်။ အဲဒီဗုံးတွေဟာ မြေပြင်ပေါ်မှာ မပေါက်ကွဲသေးဘဲ နှစ်ပေါင်းများစွာရှိနေနိုင်ပြီး နောက်ပိုင်းမှာတော့ အရပ်သားတွေကို ထိခိုက်လာနိုင်ပါတယ်။ ယူကရိန်းသမ္မတ ဇီလန်စကီးကတော့ အမေရိကန်ရဲ့ အချိန်မီဆုံးဖြတ်ချက်ကို ချီးကျူးပြောဆိုပေမယ့် လူ့အခွင့်အရေးအဖွဲ့တွေနဲ့ ဒီမိုကရက်တစ်အချို့ကတော့ ဒီဆုံးဖြတ်ချက်အပေါ် ဝေဖန်မှုတွေပြုနေပါတယ်။ ရုရှားကတော့ အမေရိကန်ရဲ့ လုပ်ရပ်အတွက် ပြစ်တင်ရှုတ်ချထားပါတယ်။ အဲဒီဆုံးဖြတ်ချက်နဲ့ပတ်သက်ပြီး နေတိုးမဟာမိတ်တွေနဲ့ ဆွေးနွေးမှုပြုခဲ့ကြောင်း သမ္မတဂျိုးဘိုင်ဒင်ကပြောပါတယ်။ Ref: BBC Photo:Getty Images #voiceofmyanmar…

သည်ဟိတ်၊ ဇူလိုင်-၈-၂၀၂၃ မျိုးဆက်(VOM) နယ်သာလန်နိုင်ငံမှာ ဒုက္ခသည် ခိုလှုံခွင့်ဆိုင်ရာ မူဝါဒတွေနဲ့ပတ်သက်ပြီး ပါတီတွေအကြား သဘောထားကွဲလွဲမှုကြောင့် နယ်သာလန်အစိုးရ ပြိုလဲသွားခဲ့ကြောင်း နယ်သာလန်၀န်ကြီးချုပ် မာ့ခ်ရူတီက ဇူလိုင် ၇ ရက်မှာ ပြောပါတယ်။ ဒီကိစ္စနဲ့ပတ်သက်ပြီး ဇူလိုင် ၇ ရက်မှာ မစ္စတာရူတီဦးဆောင်ပြီး ဆွေးနွေးပွဲတွေ ကျင်းပခဲ့ပေမယ့်လည်း ပါတီလေးခုအကြား သဘောတူညီမှုမရရှိခဲ့ပါဘူး။ လွန်ခဲ့တဲ့ တနှစ်ကျော်ကာလက အစိုးရသစ်ဖွဲ့စည်းခဲ့ပေမယ့်လည်း ရွှေ့ပြောင်းနေထိုင်မှုဆိုင်ရာ မူဝါဒတွေအပေါ် ပါတီတွေရဲ့ဆန့်ကျင်ကန့်ကွက်မှုတွေနဲ့ ရင်ဆိုင်ခဲ့ရပါတယ်။ ၀န်ကြီးချုပ် ရူတီဟာ ဇူလိုင် ၇ ရက်မှာ အရေးပေါ်အစည်းအဝေးကျင်းပပြီးနောက် နယ်သာလန်အစိုးရ ပြိုလဲသွားပြီဖြစ်ကြောင်း သတင်းစာရှင်းလင်းပွဲမှာ အတည်ပြုပြောဆိုပါတယ်။ ဒါပေမယ့် ရွေးကောက်ပွဲသစ်မတိုင်မီ ၀န်ကြီးတွေဟာ အိမ်စောင့်အစိုးရအဖွဲ့အဖြစ် တာ၀န်ယူသွားမှာဖြစ်ပါတယ်။ နို၀င်ဘာလမှာ ရွေးကောက်ပွဲသစ်ကျင်းဖွယ်ရှိကြောင်း နယ်သာလန်အခြေစိုက် ပြည်တွင်းသတင်းဌာနတွေက ဖော်ပြထားပါတယ်။ မစ္စတာရူတီရဲ့ ရှေးရိုးစွဲ ဗီဗီဒီပါတီဟာ နိုင်ငံတွင်းမှာ ခိုလှုံခွင့်ရှာဖွေသူတွေ ၀င်ရောက်လာမှုကို ကန့်သတ်ဖို့ကြိုးစားနေပြီး…