Day: August 12, 2023

ဝါရှင်တန်၊ သြဂုတ်-၁၂-၂၀၂၃ မျိုးဆက်(VOM) အမေရိကန်နိုင်ငံ ဟာဝိုင်အီပြည်နယ်မှာ အကြီးအကျယ်လောင်ကျွမ်းနေတဲ့တောမီးကြောင့် သေဆုံးသူ ၈၀ ကျော်ထိ ရှိလာပြီး ၁၀၀၀ ကျော်ပျောက်ဆုံးနေပါတယ်။ ဒါဟာ ပြည်နယ်သမိုင်းမှာ အဆိုးရွားဆုံးသော သဘာဝဘေးအန္တရာယ်တခုဖြစ်ပြီး ၂၀၁၈ ခုနှစ် ကယ်လီဖိုးနီးယားတောမီးပြီးရင် အဆိုးဆုံးဖြစ်ကာ သေဆုံးသူအရေအတွက် တိုးလာနိုင်ကြောင်း တာဝန်ရှိသူတွေက ပြောပါတယ်။ တောမီးဟာ ကာနာပါလီမြို့နဲ့ နီးကပ်လာတာနဲ့အမျှ မာအီကျွန်းမှာ နောက်ထပ် ဘေးလွတ်ရာရွှေ့ပြောင်းပေးမှုတွေ လုပ်ဆောင်နေရပါတယ်။ မာအီအနောက်ဘက်ရှိ လဟိုင်းနားမြို့ကို ဝင်ရောက်ခွင့်ကန့်သတ်ထားပေမယ့် ဒေသခံတွေကို ခေတ္တလာရောက်ခွင့်ပြုပြီးနောက် အခုလိုက် ရွှေ့ပြောင်းဖို့ အမိန့်ထုတ်လိုက်တာဖြစ်ပါတယ်။ လဟိုင်းနားနဲ့ကာနာပါလီတည်ရှိတဲ့ မာအီအနောက်ပိုင်းမှာ လျှပ်စစ်ဓါတ်အားနဲ့ ရေပြတ်တောက်နေပြီး ပျောက်ဆုံးနေသူတွေကို ကယ်ဆယ်ရေးသမားတွေက ရှာဖွေမှုတွေ ဆက်လက်လုပ်ဆောင်နေပါတယ်။ မာအီကျွန်းရှိ တောမီးကြောင့် ပျက်စီးဆုံးရှုံးမှုတွေကို ပြန်လည်ပြုပြင်တည်ဆောက်ဖို့ နှစ်ပေါင်းများစွာ အချိန်ယူရမှာဖြစ်ကြောင်း အာဏာပိုင်တွေက သတိပေးထားပြီး လဟိုင်းနားမြို့တမြို့မှာပင် အဆောက်အအုံ ၁၀၀၀ ကျော်ပျက်စီးခဲ့ကြောင်း သိရသည်။…

မော်စကို၊ သြဂုတ်-၁၂-၂၀၂၃ မျိုးဆက်(VOM) အနောက်အာဖရိကဒေသတွင်း အီကိုဝပ်စ်အဖွဲ့က နိုင်ဂျာမှာ စစ်ရေးအရ ကြားဝင်စွက်ဖက်ဖို့ စီစဉ်နေတာဟာ အချိန်ကာလကြာမြင့်တဲ့ထိ ထိပ်တိုက်ပဋိပက္ခတွေဖြစ်ပွားနိုင်ကြောင်း ရုရှားက သတိပေးပြောဆိုလိုက်ပါတယ်။ အဲဒီလိုစစ်ရေးအရ ဝင်ရောက်စွက်ဖက်မယ်ဆိုရင ဆာဟဲလ်ဒေသတခုလုံး မတည်မငြိမ်ဖြစ်ပေါ်လိမ့်မယ်လို့ ရှရှားနိုင်ငံခြားရေးဝန်ကြီးဌာနက ပြောပါတယ်။ နိုင်ဂျာအာဏာသိမ်းမှုကို ရုရှားက တရားဝင်ထောက်ခံမှုပြု ထုတ်ပြန်တာမရှိပါဘူး။ အီကိုဝပ်စ်နိုင်ငံတွေက စစ်ဘက်အရာရှိတွေဟာ ဒီနေ့တွေ့ဆုံဆွေးနွေးဖို့ရှိနေပြီး နိုင်ဂျာမှာ စစ်ရေးအရ စွက်ဖက်မှုဆိုင်ရာ အစီအစဉ်တွေကို ရေးဆွဲဖို့စီစဉ်ထားပါတယ်။ ဒါပေမယ့် ဖြုတ်ချခံရတဲ့ သမ္မတမိုဟာမက်ဘာဇိုရမ်ကို ရာထူးအာဏာပြန်လည်အပ်နှင်းရေး ထောက်ခံတဲ့ အမေရိကန်ကတော့ ရုရှားရဲ့ ဝဂ္ဂနာကြေးစားအဖွဲ့ဟာ နိုင်ဂျာမှ မတည်ငြိမ်မှုကို အခွင့်ကောင်းယူနေတယ်လို့ ပြောဆိုထားပါတယ်။ ပြင်သစ်နဲ့ အမေရိကန်တို့ဟာ နိုင်ဂျာမှာ စစ်အခြေစိုက်စခန်းတွေရှိနေပြီး ကျယ်ပြန့်တဲ့ဆာဟဲလ်ဒေသမှာ ဂျီဟတ်အုပ်စုတွေကို စစ်ဆင်ရေးပြုလုပ်ရာမှာ အသုံးပြုနေတာဖြစ်ပါတယ်။ အာဏာသိမ်းမှုအကျပ်အတည်းအတွက် သံတမန်ရေးအရ ဖြေရှင်းနည်းရှာဖို့ လမ်းစရှိနေဆဲဖြစ်ကြောင်း အီကိုဝပ်စ်အဖွဲ့က ပြောကြားထားပေမယ့် နောက်ဆုံးနည်းလမ်းကတော့ စစ်ရေးအရ ကြားဝင်တာဖြစ်ကြောင်း…

This Day in History : August-12 Voice of Myanmar အရှေ့ဂျာမနီသည် စစ်အေးတိုက်ပွဲ၏ သင်္ကေတတစ်ခုအဖြစ် အရှေ့ဘာလင်နှင့် အနောက်ဘာလင်ကို ၁၉၈၉ ခုနှစ်ထိ ပိုင်းခြားထားသည့် ဘာလင်တံတိုင်းကြီးကို ၁၉၆၁ ခုနှစ် သြဂုတ် ၁၂ ရက်တွင် စတင်တည်ဆောက်ခဲ့သည်။ #voiceofmyanmar # VOM # thisdayin #history # သမိုင်းထဲကဒီနေ့